| |
| |||||||
| قضايا وأراء النقاشات تتسع’,,ووحده المنطق يكسب |
 |
| | LinkBack | أدوات الموضوع | انواع عرض الموضوع |
04 - 05 - 2008, 01:10 AM
| #1 (permalink) |
| مشرفة القسم العام   مزاجي:  |  البرمودا تحت العبايه والسيقان طالعه خير ا في السابق كنا نشوف ظواهر تنتشر في المجتمع ونستنكرها او ماتدخل عقولنا لتعارضها سواء للدين الأسلامي او لعادات اجدادنا وتقاليدهم .. كانت البنت إذا البست عبايه مطرزه مزخرفه ملونه قلنا عنها صايعه ومو متربيه .. او ماوراها اهل ورجال .. لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه .. اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي .. لكن الظاهره الي انتشرت في الفتره الاخيره تتطلب منا التكلم عنها ومناقشتها .. وهي ظاهره البرمودا القصير تحت العبايه .. وياريت تكون العبايه مسكره .. الا مفتوحه وتظهر السيقان والي مايشوف الا غصب يشوف .. يعني ودي اعرف وشو هدف الفتاه لما تلبس برمودا والسيقان طالعه ووتمشى في المجمع وبكل ثقه ؟؟ واللي يرفع الضغط لو طالعتها بنظره استغراب قامت تطالعك بنظره احتقار وكأنك غلطت عليها بالنظره ونست ان اهي صاحبت هالتصرف وهي الي حطت روحها في هالموقف .. والمشكله بعد لين تعرض لها احد الشباب قامت تسبه انت قليل ادب ومو متربي وووو .... الخ .. طيب اذا اهو قليل ادب انتي وشو ؟؟ انتي ماحترمتي نفسك ولا احترمتي الموجودين في هالمكان ليش تتوقعين من الشباب يحترمونك ولا يسون لك حساب؟؟ والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟ الاهل وينهم ؟؟ مايشوفون بناتهم ؟ مايشوفون وش لابسين ؟؟ اوكي خل الاهل على جنب ؟؟ البنات شلون يرضون على نفسهم ؟؟ نسوا العادات والتقاليد ؟ نسوا انه عيب ؟؟ وين الوازع الديني ؟ وين الخوف من الله ؟ كل هالأشياء صارت عاديه بالنسبه لهم ؟؟؟ عموما ماراح اطول عليكم .. بس بغيت نتناقش في هالمووضع واعرف رايكم فيه .. وياريت اتجاوبوني على هالاسئله .. وكله في النهايه لتعم الفائده على الجميع .. 1_ هل صادف وان شفت هالظاهره امامك ؟ و أين ؟؟ 2_ شرايكم بهالنوع من الفتيات ؟ 3_ برأيكم مالهدف الذي يجعل الفتيات يطلعون بهالشكل ؟؟ واخيرا .. هل في كلمه تحب توجها لهالفتيات ؟ نصيحه او حتى نقد ؟؟ واسمحولي اذا طولت عليكم ..بانتظار مشاركاتكم وارائكم بالموضوع تحيااااااااتي |
|
|
04 - 05 - 2008, 07:05 AM
| #2 (permalink) |
| غلاتي الذهبي  مزاجي:  |  يسعدني اكون اول مشاركه على الموضوع الجمبل والمفيد 1_ هل صادف وان شفت هالظاهره امامك ؟ و أين ؟؟وااااااااااااا كثير في الملاهي في السواق تشوفي البنت ماشي وشاده العباية وتتمخطر بالكعب لانه لابسه برمودة تبغى تتطول شوي عشان السيقان تبان تمام 2_ شرايكم بهالنوع من الفتيات نقدر نقول اولا راح خوف اللة من قلوبهم وكمان انعدم عندهم الخجل تماما 3_ برأيكم مالهدف الذي يجعل الفتيات يطلعون بهالشكل ؟؟ مادري يمكن يبغوا يقول للشباب احنا حلوين او يحسوا بمتعه لما الشباب يعاكسوهم [IMG]واخيرا .. هل في كلمه تحب توجها لهالفتيات ؟ نصيحه او حتى نقد[/IMG] احب اقولهم لاتنسي ربك واجعلي خوفه في قلبك ولاتكوني سلعه رخيصه للشباب ولاتكوني لهم مثل الفريسة السهله لانك انتي من عرضتي نفسك لاتنسي افتخار بنفسك وعزتك وشموخك بااخلاقك ولاتجعلي من يكون ان ينظر لك نظرة احتقار كوني ملكة نفسك فانتي جوهرة لايحصل علية الا من يستاهلها وان شاء الله اكون قلت كلام مفيد تقبلي مروري أحساس عاشق |
|
|
04 - 05 - 2008, 01:00 PM
| #3 (permalink) | ||||
| موقوف مزاجي:  |  اقتباس:
اقتباس:
اقتباس:
والبنت تسمع هالكلام وتصدق اقتباس:
أنسوا انه عيب وحرام يعني هي من نفسها ما تستحي يعني نحنا حتى ع محارمنا ما نطلع بهالطريقهـ واللهـ ما بعرف بشو اوصفها غبيهـ ولا هبلهـ او تستهبل بس اللي متأكدهـ منه انها مسكينهـ ومنخدعهـ وعايشهـ بوهم يسلمووو حبيبيتي دبدوبه حلووه ع الطرح المشكله في انتظار جديدكِ بكل شووق دمتي بوود دلع الرووح | ||||
|
|
|
05 - 05 - 2008, 11:31 AM
| #5 (permalink) |
| غلاتي ماسي  | 1_ هل صادف وان شفت هالظاهره امامك ؟ لا 2_ شرايكم بهالنوع من الفتيات ؟ هذا يرجع لأهلها والتربية والانفتاحية 3_ برأيكم مالهدف الذي يجعل الفتيات يطلعون بهالشكل ؟؟ اتوقع يا أختي متابعة الموضة والغرب الله يهديهم ولا تنسا انو 1 ) في رب يشوف هذه التصرفات 2 ) لو جاها واحد يبى يتقدملها وشافها بها المنظر هل حيخطبها ياريت ينتبهوا لنفسهم ويفكروا صح اشكرك اختي على هذا الموضوع |
|
|
|
05 - 05 - 2008, 02:43 PM
| #6 (permalink) |
| المراقب العام بالاقسام الترفيهية  | _ هل صادف وان شفت هالظاهره امامك ؟ و أين ؟؟ نعم , في كثير من الاماكن وعلى سبيل المثال في الكورنيش الدمام والخبر وااجد انا شفتهم 2_ شرايكم بهالنوع من الفتيات ؟ والله ماتستحي على وجهها هي تستعرض ولا كيف .. 3_ برأيكم مالهدف الذي يجعل الفتيات يطلعون بهالشكل ؟؟ والله مادري شنو اقول يمكن تستهدف الشباب يطالعونها . واخيرا .. هل في كلمه تحب توجها لهالفتيات ؟ نصيحه او حتى نقد ؟؟ اقوول استحوا على وجيهكم واتقوا الله والله مايطرب بعصا |
|
|
|
06 - 05 - 2008, 09:10 PM
| #8 (permalink) |
| غلاتي الذهبي  | موضوع جيد ومهما كثرت الكلمات حول هذا الموضوع فلم توفي خطورته وبإختصار 1_ هل صادف وان شفت هالظاهره امامك ؟ و أين ؟؟ نعم بكثرة والله المستعـــان ... في الجامعة .. اسواق 2_ شرايكم بهالنوع من الفتيات ؟إذا لم تستح فاصنع ماشئت 3_ برأيكم مالهدف الذي يجعل الفتيات يطلعون بهالشكل ؟؟هداهن الله , قد يكون نقصاً في التوجيه التربوي وقد يكون اهمال الفتاة , والأدهى قد يكون ضعف ايمان عندها واعتبار الحجاب عادة لا عبادة وارجح اخر قول واخيرا .. هل في كلمه تحب توجها لهالفتيات ؟ نصيحه او حتى نقد ؟؟ لا اوجه نقد لها .. لأنها تعلم ان ماتفعله لايرضي الشرع ولا القيم ولا الاخلاق إنما نصيحة لها , فكم من الفتيات سرن في هذا الركب وضاعوا وانجرفوا فيه ولنفيق ونعيد الحسابات ولو لمرة واحدة لماذا خُلقت ؟ وماسبب وجودي في هذه الدنيا ؟ ولماذا تفعلين كذا ؟ وبأجوبتها تقرر مصيرها الله يهدينا ويهدي جميع المسلمات مشكورة يالغلا |
|
|
|
08 - 05 - 2008, 01:26 AM
| #9 (permalink) |
| مشرفة السياحة والسفر  مزاجي:  | الف شكر لك على هذا الموضوع 1_ هل صادف وان شفت هالظاهره امامك ؟ و أين ؟؟ اناا صراحه شفت بس شفت بنات صغار في الاسواق ما الومهم ما يقدرون اهلهم يغصبونهم على لبس العبايه من بدري اما بنات كبار صراحه ما شفت . 2_ شرايكم بهالنوع من الفتيات ؟ اول شي : هباله .. هذي الصراحه .. يعني ياناس شوفوا لبسي ؟؟ طيب العبايه مالهاا داعي اذا كان بتفتحينهاا . ثاني شي : العبايه ستر مو زينه للبنت . 3_ برأيكم مالهدف الذي يجعل الفتيات يطلعون بهالشكل ؟ الهدف واضح واهوو لفت الانتباه هذا الواضح واكيد عندهاا هدف غير هذا واخيرا .. هل في كلمه تحب توجها لهالفتيات ؟ نصيحه او حتى نقد ؟؟ ايه اتقوا الله فيما تفعلون الله سبحانه وتعالى ما جعل العبائه للزينه انماا للستر واتمنى الهدايه لهن . اشكرك على الموضوع وهذا اهو حديث هذا الايام او موضته يسلموو |
|
|
|
08 - 05 - 2008, 07:07 PM
| #10 (permalink) |
| مشرفة قسم القصص و الروايات | دبدوبه حلوه في البداية اسمحيلي ان اشكرك على طرحك لهذا الموضوع الحساس والمنتشر والواضح والي الاسف ما صار ظاهره بل مشكله وتفشت وتعدت كونها ظاهره أما بالنسبة لأسألتك:- 1_ هل صادف وان شفت هالظاهره امامك ؟ و أين ؟؟ طبعا منتشرة وبشكل كبير في جميع الاماكن التي أزورها دون استثناء. 2_ شرايكم بهالنوع من الفتيات ؟ هذه النوعيه لو نظرنا اليها لوجدنا انها من شريحة المراهقات بشكل كبير وورأي انها فتاة غير واعية وغير ناضجه وانها لا تعرف عواقب ما تفعل وهي بعيده عن دينها وغير واعيه للباس المرأة المحتشم... 3_ برأيكم مالهدف الذي يجعل الفتيات يطلعون بهالشكل ؟؟ اتباع الموضى واخر الصيحات وتقليد الممثلات ولفت الانتباه كلمه تحب توجها لهالفتيات ؟ نصيحه او حتى نقد ؟؟ اتقي الله واستري على نفسك كي يستر الله عليك .. وتخيلي لو حدث لك حادث وتمزقت عباءتك فكيف تسترين على نفسك واتقي الله في اهلك ولا تجعليهم في هذا الموقف بنت الجواسم |
|
|
|
09 - 05 - 2008, 03:08 AM
| #12 (permalink) |
| غلاتي الذهبي مزاجي:   | اول شي اقدم شكري لك خيتو عالموضوع الحلو 1_ هل صادف وان شفت هالظاهره امامك ؟ و أين ؟؟ والله اني ه الظاهره شفتها كثير واخر مره البارح شفتها وانا بالاستراحه حرمه ومعها عيالها ولابسه كذا تبون الصدق لفتت نظري 2_ شرايكم بهالنوع من الفتيات ؟ صعبه تحكم على اي وحده انها تكون ضايعه او ما شابه ذالك يمكن يكون الوضع عادي بالبيت والتنشأه لها اكبر دور بالشي ذا 3_ برأيكم مالهدف الذي يجعل الفتيات يطلعون بهالشكل ؟؟ يمكن اثارة فتنة ويمكن تكون وضع عادي متعوده عليه الاسرة ويمكن جهل بعضهن بعواقب الشي ذا ويمكن ويمكن ما في سبب محدد واخيرا .. هل في كلمه تحب توجها لهالفتيات ؟ نصيحه او حتى نقد ؟؟ اخر شي اتمنى من كل فتاة تحفظ نفسها لان الاسلام امر بذالك ولا ليه تلبس من الاساس عبايه لا بالعباية اغراء اكثر وتحياتي وشكري للجميع |
|
|
|
13 - 05 - 2008, 12:31 AM
| #14 (permalink) |
| متميزة جدا جدا جدا  مزاجي:   | \\ اذا لم تستحي فأفعل ما شئت انتزع الحياااء من بين ايديهم شلت وانزعت غيرتهم على انفسهم وعلى محارمهم "بداء الاسلام غريبآ وسيعود غريبآ فطوبى للغرباااء" بدات بالتطور والموضه والتقليد الاعمى واتهت بالتحرر والحريه ربي يحفظنا والمسلمين والمسلمااات |
|
|
|
16 - 08 - 2008, 06:05 PM
| #16 (permalink) |
| غلاتي جديد  | وحده من قريباتي سافرت للشرقيه ودخلو مجمع وكان في المجمع صالة تزلج للنساء وفيها مجموعة بنات حوالي 5 يتزلجون لما طلعن لبسن العبايه واتلثمن وطرف الشعر طالع والجبهه طالعه تسولف لي وكانها تسولف عن دوله اوربيه ..سؤالي وين الهيئه عنهم ليش ميكون فيه عقوبه شديده للاشكال هاذي |
|
|
|
16 - 08 - 2008, 07:20 PM
| #17 (permalink) |
| عضوة مميزة  مزاجي:  | 1_ هل صادف وان شفت هالظاهره امامك ؟ و أين ؟؟ يووووووووووه عدي وأغلطي .. 2_ شرايكم بهالنوع من الفتيات ؟ سلوكهم خاطئ >>>>الله يهدي ما خلق .. 3_ برأيكم مالهدف الذي يجعل الفتيات يطلعون بهالشكل ؟؟ واحد من اثنين ... اما تصرفهم هذا صادر ... عن جهل وعدم وعي ..  أو ضعف الوازع الديني لديهم وخلل نفسي ...  واخيرا .. هل في كلمه تحب توجها لهالفتيات ؟ نصيحه او حتى نقد ؟؟ اتقو الله ... ولا تجعلو الله أهون الناظرين اليكم .. طرح قيم .. أششششكرك عليه ...  دمتي بسعاده .. |
|
|
|
16 - 08 - 2008, 08:00 PM
| #18 (permalink) | ||||
| عضوة مميزة  مزاجي:  | اقتباس:
اقتباس:
اقتباس:
واخيرا .. هل في كلمه تحب توجها لهالفتيات ؟ نصيحه او حتى نقد ؟؟ واسمحولي اذا طولت عليكم ..بانتظار مشاركاتكم وارائكم بالموضوع اقتباس:
مشكوره يالغلا ننتظر جديدك وتميزك اختك | ||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الجزيره الاماراتي ×الاتفاق السعو دي إياب | إحساس | صدى الملاعب | 9 | 19 - 01 - 2008 07:54 PM |
| الموقع الشهير Sky Sports .. يأكد إرتباط ياسر القحطان | هلاليهـ ذوووق | صدى الملاعب | 3 | 21 - 11 - 2007 10:21 PM |
| عبدة الشيطان في صحراء الكويت مع الصور لهم | ¸¸خــويــلـــد¸¸ | منتدى القصص الواقعية | 11 | 27 - 10 - 2007 02:34 AM |
| الحظ عاند ياسر و التايب .. و خلصها سامي الحاض& | الفتى السعودي | صدى الملاعب | 6 | 04 - 03 - 2007 04:49 PM |
| نقل مباراة الإتحاد والهلال الى الرياض ..... وق | الفتى السعودي | صدى الملاعب | 6 | 16 - 02 - 2007 11:23 PM |
العرض العادي
