طالق **طالق**طالق

--------------------------------------------------------------------------------


الزوجه : هذا براد الشاي
الزوج : صبي لي فنجال
الزوجه : " صبت الفنجال "
الزوج وهو يصارخ : وش هالشاي بدون سكر ...
الزوجه :اقول لاتصارخ علي .. ماني عبده عندك .. انا بنت فلان والظاهر انك تعرف من هو فلان
الزوج : وش يعني بنت فلان .. (..... )فيكي وفي فلان...
الزوجه : اقول الزم حدودك عاد
الزوج : واذا مالزمتها وش بتسوين
الزوجه : اروح عند ابوي واهلي ولا اقابل هالوجه
الزوج : في ستين داهيه
الزوجه : طلقني
الزوج : طالق طالق طالق ...
== == == == ==

وفي بيت اخر

الزوجه : اقول يا ابو فلان
الزوج : نعم
الزوجه : بعد العصر ابيك توديني عن صاحبتي...
الزوج : ماظنيت والله .. تعبان توني جاي من الدوام ومانمت ... وش فيك !!
الزوجه : اقول انت وعدتني .. والله لتوديني
الزوج : وتحلفين علي بعد .. هيا والله ما اوديك
الزوجه : الله لايشكر فضلك " راحت تكلم اهلها يرسلون لها السواق "
وصل السواق وجت نازله
الزوج : وين .. وين وين رايحه بدون احم ولا دستور...
الزوجه : ماجلست في حراك السواق تحت ينتظرني بيوديني عند صاحبتي .. الله لايشتكر لك
الزوج : اقول والله ماتروحين
الزوجه : انا قلت بروح يعني بروح ... باي...
الزوج : اذا طلعتي اعتبري نفسك مالك رجعه لهالبيت
الزوجه : احسن بعد
الزوج : هيا تدرين ... روحي وانتي

طالق طالق طالق ...== == == == ==

وفي البيت الثاني والثالث و ..و...و

قصص تتكرر وتكون نهايتها

طالق طالق طالق
فهل صارت الحياه الزوجيه وهي ايه من ايات الله رخيصه لهذه الدرجه

هل صار الطلاق حلا لخلاف نقص سكر الشاي او زياره الصديقه ...

زوجان ارعنان لايعرفون معنى طيب المعاشره .. ماللذي جعلهم لايفكرون الا في الطلاق .. اهو شباب اليوم اللذي يتهم باللامبالاه .. ام هو الدلال الزائد في بيت الاهل قبل الزواج ..
تذهب البنت من بيت اهلها وتعود له بعد ايام او شهور لاسباب تافهه يحتقرها عقل الصغير
ظاهره الطلاق الهمجي
بدأت تكثر في الاونه الاخيره في مجتمعاتنا واغلبهم من الشباب حديثي الزواج .. ونحن اباء وامهات الغد فهل منا من ينظر لعش الزوجيه بهذه البساطه .. ام لانستطيع تحمل المسؤوليه ...
نقاش يطول واختمه بقول الله تعالى:
" و من‏ اياته ان خلق لكم من انفسكم ازواجا لتسكنوا اليها و جعل بينكم موده ورحمه "

تحياااااااااتي

م ن ق و ل
للنقاش__________________

سبحان الله الذي خلق الذكر والأنثى وجعل بينهم المودة والرحمة

وجعل الزوجه سكن لزوجها والزوج سكن لزوجته .

وانتشار ظاهرة الطلاق لأتفه الأسباب هو ناتج لعدم الوعي الكامل

لحقوق الآخر وللجهل بطريقة التفاهم بين الزوجين

يسلمووو دبدوبه حلوه على الطرح .

كلمة شكر اتوجه لك بها من أعماق قلبي

ويسلمووو التواجد .

إنتشار الطلاق بهالفتره وبالشكل الكبير مثل ماتفضلتي وقلتي لأسباب جداً تافهه أما (لعدم الشعور والإحساس بالمسوؤليه وقلة الصبر) أو كل من الزوجين بيفرض رأيه وكلمته ع الآخر يعني سالفت (عناااد) بدون مايفكرون بحياتهم الزوجيه أوبنتائج الخلاف اللي بينهم واللي بيأثر وبدرجه كبيره ع الأطفال وعلى نفسياتهم وع المستوى الدراسي إذا كانوا يدرسون ونقطه مهمه جداً هي إن كلا الزوجين إما مايفهمون بعض أو بالأصح الزوج مايعرف كيف يتعامل مع زوجته حتى في حال الخلاف ولايعرف كيف يعاملها على أساس طبيعتها كمرأه قبل أن تكون زوجه ونفس الشيء للزوجه
والحلو أن المقبلين ع الزواج يثقفون أنفسهم بالشيء ذا عن طريق التسجيل بالدورات في كيفية التعامل مع الزوج أو الزوجه أو قراءة الكتب اللي ممكن تفيدهم على فهم نفسيات الطرف الاخر وقبل كل شيء تكون علاقتهم بالله قويه ويلتزمون بهدي الرسول صلى الله عليه وسلم ويحتسبون الأجر عند الله عز وجل في صبرهم.
وآسفه ع الإطاله
وجهة نظر بسيطه لا أقل ولا أكثر
والله يعطيك العافيه ع الطرح

كلمة شكر اتوجه لك بها من أعماق قلبي

ويسلمووو التواجد .

بالعكس كلامك وتعليقك عين العقل

لا تحرمينا تواجدك ...