| |
| |||||||
| قصص الاعضاء منتدى مخصص للقصص التي يقوم بتأليفها الاعضاء |
    |
 |
| | LinkBack | أدوات الموضوع | انواع عرض الموضوع |
29 - 12 - 2007, 01:47 AM
| #42 (permalink) |
| غلاتي ماسي   |  الفجر يوم السبت ابراهيم يفكر شكل رجل عذوب راعي شرب شكله يشرب كلام سعد يقول كذا انا ليش اسمع كلام بزر يمكن حرام الرجال عصبي بس ليه راح فكري بعيد --- المطار مطار الملك خالد بالرياض سليمان يستقبل امهواخته سليمان: الحمدلله على السلامه الام: الله يسلمك كيف الحال وش اخباركم سليمان: الحمدلله دانه: سليمان متى سفرتنا ؟ سليمان: وراك من دون نفس تقولينها دانه: ابدا فيني النووووووووووووووووووووووم بس سليمان: كانت المفروض بعد 3 اسابيع بس ابوي قدمها لانه عنده ما ادري ايش خرابيط صارت عقب اسبوعين دانه: اوكي الام:جوج وش اخبارها عساها بخير سليمان: لا بخير دانه: للحين بتسمي بنتها فتون الام: الحمدلله والشكر اصلا هي مقرره اذا بنت فتون واذا ولد محمد على ابو رجلها دانه: الله يالدنيا جوج اللي ابن ابوه ما يوقف بوجهها تركض مراكض ورا رضا اهل رجلها دنيا سليمان:ههههههههههههههههههههههههههه دنيا الام: اقول انت وياها اسكتوا سليمان: اوووه اسفين يا ام سليمان حكينا عن الغاليه دانه: سليمان خلك باحترامك بلاش تجيب الكلام لنفسك --- وصلوا البيت وناااااااموا ---- العصر المطار خالد: باي حبيباتي انتبهوا على نفسكم ولا تزعلون ماما اوكي البنات : اوكي بابا نهله : يالله مع السلامه خالد: ما راح تستنين نجود ؟ نهله : لا انا ماني مرافقها الشخصي خالد: خلاص براحتك يالله مع السلامه عبدالله: هلا والله خالد: اهلين توها داخله نهله والبنات عبدالله: نجود معها \ خالد: لا ما جت عبدالله اها اجل انا بستناها خالد: استنى معك عبدالله : براحتك نجود وسلطان سلطان: والله لولا العيب والحياء لكنت دخلتك لين باب الطياره وسافرت معك وعقبها ارجع نجود: ياحبيلك ياقلبي والله حاسه فيك سلطان: شوفي هذاك عبدالله وخالد نجود:مساء الخير يابو حصه خالد: هلاوالله مسا الخير عبدالله: هلا سلطان كيف الحال سلطان: الحمدلله عبدالله : يالله ندخل نجود: وين نهله ؟ عبدالله : دخلت ذي تستنى احد اسف يا خالد خالد: هه لا عادي اختكم قبل لا تصير زوجتي عبدالله ونجود: يالله مع السلامه عبدالله: تصدقين اختك ذي ما تستاهل خالد والله انه رجال طيب نجود: ههههه لا والخافي اعظم عبدالله: وش قصدك؟ نجود:هاه لا اقصد حركاتها القرعى ما اهل رجلها ---وفا تكلم صديقتها غسق وفا: من زمان عنك يا اختي ليه ما دقين وتسالين والله انت قاطعه بشكل غسق: والله مشغوله وتدرين ما يحتاج اوصفلك لا وراحت شغالاتنا بس اشوه جبنا وحده جديده وفا: لا عاد لاتصدقين الصديقات ما بينهم هالكلام بس اسوي اكشن غسق: ههههه ياحليلك وفا: وش فيك شكلك متضايقه ؟ غسق: لا ما فيني شيء بس تعبانه وفا: غسق كل شيء بيد ربك لو مكتوبلك بيصير غسق: انا ما صرت ليلى ولاهو قيس بس وفا: بس انت تبينه وهو يبيك خلاص لو يحبك من صدق بيجيلك غسق: ما وصلنا لدرجة الحب العظيم علشان يتحدى اهله لعيوني ولا حتى درى اني ابيه وميت قلبي عليه وفا: خليها على ربك غسق: (تصيح) ملييييت وفا: توك باول عمرك وتصيحين علشانه غسق: بس ياوفا ما ابغى اكون معلقه بين يجي او ما يجي وفا: لا تفكرين بشيء عندك رب مايخليك انا حاسه بمشاعرك والله حاسه غسق: تسلمين حبيتي وفا ابوي جاء ادق عليك بعدين وفا: اوكي يالله مع السلامه غسق: مع السلامه --- نوره: ماما انا اشعر براحه لما اكون هنا اكثر من لما اكون بالرياض ام نوره: ياحبيبتي والله سليمان مافي منه نوره: ادري بس مو زي ما افكر انا ابغى هذاك الانسان المتفتح مو سليمان مره مخه مقفل بزياده ام نوره : فاهمتك والله فاهمه بس ياحبيبتي هذا نصيبك ولو مو على افكارك مو كل الناس تفكر زي ابوك انت مرتاحه لسليمان والا لا يعني بالعربي قادره تكملين معه وعاجبك يكون ابو عيالك والا من اللحين خلينا نتخذ قرار نوره: ما ادري لازم اتصارح انا وسليمان وانا ما ابغى اسمع منه انه مايبيني ام نوره: معناه انت حبيتيه نوره: الا حبيته بس ام نوره: نوره ما فيه حياه زوجيه كامله والله الحياه تنازلات نوره: اه ام نوره: قومي قومي يالله كلمي زوجك والله سليمان ما فيه زيه ويكفي انه حلو و وسيم مو انت كنتي تتمنين وسيم نوره:ههه اوكي --- سليمان : اهلين وسهلين اكيد جينا ببالك مدام نوره نوره: وش هالحكي حرام عليك والله دايم ببالي سليمان: الحمدلله كيفك نوره: تمام لحظه سليمان ماما تبغى تكلمك الام:اهلا ياسليمان كيفك سليمان:هلا ياعمه هلا والله الحمدلله بخير ياعساك بخير انت شخبارك وعمي كيف حاله العمه: الحمدلله كلنا بخير عاد لاتتاخر علينا تعالنا جده مو علشانا علشان ناس عندنا يشتاقونلك والا احنا عادي سليمان: ههه كلكم فيكم الخير ياعمه العمه:الله يخليك ويسلمك يالله يابوي مع السلامه خذ نوره سليمان: هلا نوره: سليمان بسكر اللحين لاني بلبس بنطلع سليمان: وين بتروحين؟ نوره: بطلع مع ماما السوق سليمان: اها طيب يالله مع السلامه --- دانه تكلم وفا دانه: وش فيه صوتك وفا:مافيني شيء دانه: الا اقول وش اخبار زيد وفا: اففف يرحم والديك بلا غثاء الله يعافيك دانه: ههه دامه حلو وجسمه حلو وراء ما تاخذينه لا ويبيك بعد وفا:اقول الزمي حدك واسكتي احسنلك دانه:خلاص خلاص بنثبر --- ابراهيم بالمكتب ابراهيم: ان شا الله نحدد يوم يناسبك نروح نشوف الارض سليمان: السلام عليكم ابراهيم:ماتشوفني اكلم استح على وجهك سليمان : وش سويت قلت السلام عليكم هذا فوق ما انا جايلك بمشوره وناخيك ابراهيم:افا على هالخشم وش تامر سليمان: ابغى اطلع من بيت ابوي واسكن ببيت بلحالي ابغى اجبر زوجتي تتاقلم على المسؤليه ابراهيم: انت ماتبي مشوره تبي احد يشجعك سليمان: وش رايك ؟ ابراهيم: ما ادري براحتك سليمان: اسمع اجل يا بو راحتي ابغى اشتري بيت بس بشرط ابيه بالريان يعني قريب من بيت اهلي اوكي وما يكون كبير ابراهيم:دبلكس قصدك سليمان: ايوه عليك نور ابراهيم: ان شا الله بدورلك وبردلك خبر تامر بشيء بعد سليمان: لا سلامتك عندك شيء اللحين والا عادي تجيني البيت ابراهيم: لا عادي اجيك بس بصور هالاوراق والحقك عالبيت سليمان : اوكي انتظرك --- عذوب : فهد وين بابا ؟ فهد: راح عذوب :احسن اجل اكلم ابراهيم واقوله يجيني كلمت ابراهيم عذب:هلا والله كيفك ابراهيم: الحمدلله انت احوالك عذوب: انا تمام عندك شيء اللحين ابراهيم:ايه رايح اصور اوراق وعقبها بروح لبيت سليمان عذوب: اها اجل حسافتك كنت بقولك تجيني البيت يالله الجايات اكثر ابراهيم: ان شا الله --- سليمان بالسياره متجه لبيته ودق تلفونه (الجوال) سليمان :الو ممدوح: الو هلا سليمان: اهلين هلا ممدوح وينك يارجال ادق عليك ما ترد ممدوح: لا كنت مشغول مع الاهل سليمان:لا عادي عذرك معك ممدوح: كنت تبي شيء؟ سليمان : ابد بس كنت ابيك تجيلي للبيت نتسامر مع بعض ممدوح:متى ؟ سليمان: اليوم ممدوح: عادي ما عندي مانع سليمان: يالله اجل استناك بس اسمع في واحد من اصدقاي موجود عادي ممدوح: عادي عادي --- سليمان يكلم ابراهيم ويقوله ان صديقه ممدوح بيجي بيت سليمان الملحق سليمان: هذا ابراهيم صديق واخ وكل اللي تبي ممدوح: هذا ابراهيم ؟ الحمدلله على سلامتك ابراهيم:الله يسلمك سليمان : هاه يا اخ وينك وين هالغيبات من زواجي يالظالم ما اشوفك ولا اسمع صوتك ممدوح: والله بهالدنيا اسف بس العيله مرة بازمه وانت عارف سليمان: ادري ما في داعي تحكيلي المهم اخبارك للحين على شغلك ممدوح: ايه للحين انا من السنه اللي فاتت وانا مكانك قف سليمان : انت ليه ما تزوجت ؟ ابراهيم: ارحم حالنا انت تزوجت وصجيت كل الناس كل من شفت قلتله ليه ما تزوجت والله طالع كنت عجوز على هالسؤال ممدوح:هههههه ليه انت ما تزوجت ؟ ابراهيم: لا وغاثني وراء ما تتزوج ممدوح: هذا مشكله الزواج مسيطر على حياته سليمان: اقول انت وياه اعقلوا وانت لا تهرب من سؤالي ليه ما تزوجت ممدوح: ما عندي سبب سليمان: لحظه لحظه لا يكون اللي ببالي صح ؟ ممدوح: وشو ؟ سليمان : حسب ذاكرتي قد قلتلي ان في وحده براسك تزوجت البنت والا لا؟ ممدوح: لا وبرافو عليك البنت للحين ببالي ابراهيم: طيب اتزوجها ممدوح: الوالده طال عمرها رافضه ومو بس الوالده والاخوات ابراهيم: ليه اذا انت تبيها ؟ ممدوح: انا ودي فيها بس ما وصلت لمرحلة اني اتحداهم علشانها اصلا ما ادري اذا هي تبيني او لا ؟ ابراهيم: خل وحده من خواتك تسالها والا انت اسالها ممدوح: ما عندي الجراءه صعبه سليمان: وليه صعبه يافلانه انا كذا كذا انت تبيني والا لا ممدوح: لا ما يصلح ترى مو بنت والسلام بنت خالتي سليمان: اها اقول بس قلها وريح نفسك بلا هالزحمه قلها ابيك تبيني والا لا ابراهيم: حرام يعلق البنت على امل لا حرام بعدين تعال اللحين البنت تصير بنت خالتك اخت امك ليش رافضه بنت اختها ممدوح: العلاقات متوتره سليمان: هذولا القرايب ما يجي منهم الا البلاوي والمصايب ابراهيم: الله الله واللي يسمعك انت ما خذ قريبتك سليمان: وشايفني سعيد هذني ما كل تبن حق القرابه ممدوح: ولا احد مرتاح بحياته كلن متدهور ومو قادر يسيطر على حياته ابراهيم: والله حزنت عليك ودي اروح لامك واترجاها تزوجك سليمان: عاد ابراهيم مررره رومنسي ممدوح: مبين من تفاعله معي مب انت اللي لك عيونك على الساعه ابراهيم: لا تخاف بنتعشى يالله اطلب العشاء سليمان: هين وش قصدك همي ببطني ممدوح: بذي ما كذبت لا والمشكله لا اله الا الله مو مبين عليك سليمان : اقول انت وياه اسكتوا وخلوني اعرف اكلم المطعم ابراهيم : طيب خلاص سكتنا ---- عذرا تكلم عذوب عذرا: معليش عذوب انا مشغوله عذوب: وينك شكلك برى البيت عذرا: ايه طالعه بالسوق اتقضى لي ملابس للسفر عذوب: اها خلاص قررتوا تسافرون عذرا: ايه ان شا الله بعد اسبوعين عذوب: خلاص اجل اكلمك بعدين ---- نهله ونجود نجود: وش فيك مره متغيره انت نهله: ليه وش فيني بسم الله علي نجود: صايره بزياده قليلة ادب مع امي تراها امك والا ناسيه نهله: تكفين روحي بس لا تصجين راسي نهله: تدرين ابراهيم مره متغير مو زي اول نجود: نهله اعقلي لا تنسين انك انسانه متزوجه نهله: اف اسكتي ليت من يطلق ويتزوج ابراهيم نجود: والله انت وحده وقحه ماخذه اخوه وخاينته وتبينه انقلعي بس نهله: افففففففففففففففف منك ومن اللي يحكيلك بعد سعد: تعالوا يالله خالي عبدالله يبيكم ----- جوج: الحمدلله على سلامتك يالغاليه كيفك الام: الحمدلله بخير الله يسلمك والله ياقلبي اشتقتلك جوج: وانا بعد مررررررره اشتقتلك كنت بجي من العصر بس كان عندي موعد مستشفى الام: عسى ما فيك شيء جوج: لا ما فيني شيء الام: اشوه بسم الله عليك يا ام فتون دانه: السلااام عليكم الكل :" وعليكم السلام جوج: كيفك دانه: الحمدلله وانت كيفك وكيف البيبي جوج: الحمدلله تمام وين سليمان ؟ دانه: احد يجي وقت اخر الليل ويبي يسلم الام: دانه دانه: احسنلي اسكت ولا اجيب الكلام لنفسي الام: احسن دانه: عن اذنكم بروح غرفتي الام: هذا اللي عندك بالغرفه قاعده اموت وادري وش تسوين بهالغرفه |
|  |
|
29 - 12 - 2007, 01:50 AM
| #43 (permalink) |
| غلاتي ماسي | ---- بيت ابراهيم الام تكلم عذوب الام: ليه ما جيتي اليوم عندي بدال ما انت ببيتك وانا ببيتي عذوب : ما ادري طلع ماجد وما لحقت عليه وما عندي احد يجيبني الام: لا اجل عذرك معك عذوب: ابراهيم صاير ما يتعشى بالبيت ؟ الام: يعني احيانا واحيانا حسب ظروفه عذوب: اقول يمه وراء ما نزوجه الام: لا ياحبيبتي توه ما تاقلم على دنيا اليوم وبعدين وش تبين نقول للناس توه طالع من السجن لا ياحبيبتي والله ما لي وجهه اخطبله عذوب: والله ما ادري معك حق ---- دانه تكلم وفا دانه :تصدقين ابراهيم عندنا تحت وفا: عادي صاير دايم لازق عندكم دانه:ههههههههه ياحبيله وفا: الا اقول متى بتسافرين ؟ دانه: بعد اسبوعين او اقل ليه؟ وفا: ابيك تجيني البيت انت وغسق وبعزم اللي فاضين وبيجون دانه:حلوه متى طيب علشان اشوف ظروفي وفا: بسال غسق وبردلك اوكي دانه: اوكي لا تطولين رديلي اللحين --- وفا تكلم غسق غسق: هلا والله وفا: وش عندك مبسوطه والصوت متغير غسق: هوووو حاسدتني الوناسه ياربي وفا: لا بسم الله عليك وين داجه ؟ غسق: طالعه السوق وفا: اها طيب بسالك يناسبك هالاسبوع تجين بيتي ابيك انت ودانه وبعزم بنات بعد غسق:ممممممم الاربعاء ممكن يناسبني وفا: اوكي بشوف عن البنات وبردلك غسق: وانا بتاكد من اهلي وفا: اوكي في احد حلووو بالسوق غسق: والله ما ادري بعيني ما فيه الا واحد واشوف كل الرجال شيون وفا: الله يخليه لك المماليح وش كثرهم بس انت منعميه عنهم غسق:ههههههههه كيفي يالله باي وفا: مع السلامه --- سليمان:هههههههههههههههههههههه ابراهيم حالتك صعبه لازم تتعلم من اول وجديد عالعب ممدوح: لا من جد بلي ستيشن ميح عنده كم لك ما لعبت ابراهيم: من الثانوي اظن ممدوح: الله يالهي لا وجاي تلعب معي هههههههههههههه سليمان: صراحه خطير يا ابراهيم بالله خل سعد يلعب معك مره خلني اشوف كم بيفوز عليك ابراهيم: يعني مره مصدق يمكن انا افوز عليه سليمان: ما اظن هالجني سعد سعلووو كل شيء يعرفه مب عاد بلي ستيشن ممدوح: بس سؤال منهو سعد ابراهيم: ولد اختي بزر بس ذكي لا اله الا الله انا اخاف منه ممدوح: الله ليت من يتعرف عليه سليمان: ايه والله من جد جبه يوم خله يقعد معنا ابراهيم: وامه بترضى مستحيل سليمان: افااا عاد من هونها ذا الام ابراهيم: ممكن تجون بيتناا ويكون هو موجود ويمكن ترضى انه يجلس معنا سليمان: الا تكفى ميت ودي اجلس مع هالولد شفلك يوم متاكد انه موجود وقلنا نجيلك خالد يكلم امه خالد: هلا والله كيف الحال يمه الام: هلا ياوليدي وش اخبارك عساك بخير وينك توقعتك تجينا يوم سافرت مرتك خالد: الا ان شا الله نيتي اجيكم بس عندي كم شغله وان شا الله من بكرا مداوم عندكم بالبيت الام: حياك الله البيت بيتك خالد: الله يسلمك ابراهيم فيه والا لا ؟ الام: لا والله للحين ما جاء خالد: ايه اجل نشوفك على خير الام: في امان الله مع السلامه --- بيت عذرا عذرا: اه اه اه تكسرت رجولي من الدوران بذا السوق فهد: الله الله بعذرك من هالقش اللي شاريته اللحين هذا ما قبل السفر عقبه وش بتجيبين عذرا: طبعا انا عذرا مو أي احد لازم اكون على سنجت 10 ومو أي شيء فهد: حيلك بكيفك سوي اللي تبينه وين سعد اجل ؟ عذرا: راح مع السواق يجيبلنا عشاء لاننا ما اكلنا شيء فهد: اووف ليه عذرا: قعدت ادور بالمحلات وهو راح للالعاب وعقبها رحت لغرف القياس اقيس الملابس وهو شغلته مرسال للمحلات اللي يبدله واللي يرجعه وخلص الوقت والدنيا زحمه مالي خلق قلتله لا رجعنا البيت رح جب عشاء مع السواق فهد: ياعمري ياولدي تكسرت رجوله اكيد عذرا: انا اولى انا تعبت اكثر منه فهد: بسم الله عليك انت سعد: السلاااااااااااااااااااااااااااااام عليكم عذرا: وعليكم السلام وين الاكل ؟ سعد: يقولون المطاعم سكرت كلها لاننا بالاجازه الصيفيه الناس تسوي رجيم لانهم بيسافرون وبيحضرون عروس هذا بالنسبه للحريم اما الرجال فياكلون تبن وينحفون فهد:هههههههههههههههههههههههههههههههههههههههههههههه ههههه عذرا: خير ان شا الله تضحك على قلة ادب ولدك اقول سعد وين الاكل لا اتوطى ببطنك هذا اللي نا قصني ولدي يقل ادبه علي سعد: امزح امزح هذا الاكل هنا بس استهبل عذرا: بطل خفة دم الله يعافيك انت وابوك من زينكم على ايش اشره على اعمامك طالع مالت عليهم فهد:هذا وانا جالس اجل من وراي وش تقولين عذرا: انا انسانه ما احب النفاق انا وحده صريحه فهد: لا تصبحين على خير يا صريحه سعد: -وهو ياكل البطاطس وفمه كل كتشب وما سك البرجر بيده واليد الثانيه بطاطس مسكين الجو كافر- تصدقين شكل ابوي زعل عذرا: الله يحوم كبدك اسكت لا تتكلم وبفمك اكل حاول مره وحده في الحياة لا تتكلم نفسي اشوفك ساكت لا وبسفرك باريس ياويلي بتفشلني والله ---- بيت ابراهيم الام: ما شا الله وش هالسهره ابراهيم: كنت ببيت سليمان وطولنا شوي الام: لا عاد تعودها الناس يقولون ولدهم راعي سهر ابراهيم: ان شا الله الام: ياالله تصبح على خير ابراهيم: وانت من اهله ابراهيم في غرفته يفكر - يالله على الدنيا واحد مب ناقصه شيء ومو قادر يحقق شيء يبيه يعني مثلا هذا ممدوح ما في سبب يخليه ما ياخذ البنت اللي يتمناها وانا مره عندي طموح اني باخذ دانه معقوله هي للحين تحبني لا ما اتوقع شكل سليمان ما عنده سالفه ليش لا طيب وشلون ادري هي تحبني والا لا يارب يارب ساعدني مالي غيرك يا كريم انطفت انوار الشوارع والرياض بالليل اجمل (الم الغربه في ارجاء الوطن للكاتبه بنت الاخضر) - |
|
| |
|
29 - 12 - 2007, 02:10 AM
| #44 (permalink) |
| غلاتي الذهبي  | بنت الاخضر .. جزء هالمره روووعه وجميله مثل اللي قبله وصراحه تعرفين تخلين الواحد يدخل جو بالقصه ويعيش احداثها .. وماعليه تأخرت بالرد بس ماحبيت اقراها وانا منشغل وقلت اقراها وانا فاضي حتى اركز ... ومشكوره الف شكر على هالجهد اللي تسوينه والله يوفقك بكتاباتك القادمه ... مع خالص ودي الهاوي |
|
| |
|
05 - 01 - 2008, 02:33 PM
| #50 (permalink) |
| غلاتي ماسي | عدت الاسبوعين مثل لمح البصر ومرت الايام وجاء وقت السفر اليوم الاربعاء وبكرا الخميس يوم السفر المنتظر بيت ابراهيم خالد: يالله راسي مصدع يالله ياناس وين القهوه الام : اصبر ياوليدي خواتك جايين بالطريق خلنا نتقهوى مع بعض خالد: طيب اجل باخذلي غفوه ولاجوا قوميني الام: ان شا الله ابراهيم: السلام عليكم الام: وعليكم السلام وش عندك غريبه ما طلعت ؟ ابراهيم: ابي اودع سعد الام: اما انت هالسعد صايرين صداقه ما ادري وش قصتكم ؟. ابراهيم: هو ولد وش حليله ما طلع على امه --- دخلوا عذرا وعذوب : السلام عليكم الكل: وعليكم السلام ابراهيم: وين عيالكم عذرا: راحوا للبقاله يشترون حلويات وخرابيط الام: خالد خالد ياربي وش هالنوم قم يالله خواتك جو خالد: هلا هلا وعليكم السلام عذرا: وش فيك تعبان؟ خالد: لا بس فيني النوم دخل سعد وفهد وفهده سعد: السلام عليكم الكل : وعليكم السلام عذرا: وش ذا الكيس اللي معك ؟ سعد: كيس البقاله عذرا: لا الكيس الثاني سعد: ايه هذا لبسي حق المطار بوريكم اياه عذرا: نععععععععم ومن قالك تجيبه انت ما استئذنت سعد: ادري انك بتعيين علشان كذا ما استئذنت عذا: انت مره وقح وقليل ادب انت ليش كذا انا ما عرفت اربيك والا وش السالفه الام: يا بيتي وشوله تكبرين الموضوع عالفاضي ياويلي فرحان بملابسه الجديده خليها يلبسها عذوب : والله امي صادقه رح سعد البس خلنا نشوفك يالله سعد: طيب خالد: ليت من يخاويكم ياعذرا ويطلع على الدنيا اه بس عذوب: لا انا اللي من جد ودي اروحلها لندن والا باريس شفتها بشهر العسل خالد: لا والله الا باريس غير سعد: وش رااااااااااااااااااااااااااااااااااااااااااااااااا اااااااااااااايكم فيني ؟ عذوب: تجنن مره حلو سعد: ترى كلي ماركات من راسي لرجولي بلوزتي بربري عذوب: ههه بس البلوزه وين الماركات سعد: ممم البنطلون شاريه من رباعيات هو والجزمه والجكيت والله عذوب: وش فيك والله مصدقتك سعد: وش رايكم ياشباب انفع اغازل بنات الشانز خالد: نعم ههههههههههههههههههههههه الاخ ناوي يغازل بعد سعد( قعد وحط رجل على رجل ) :والله اني حلو استاهل ابراهيم: لا تستاهل وبيموتون عليك بعد هم اللي بيغازلونك سعد: ايه طبعا اكيد عذرا: اقول عاد صدقت نفسك مرره اطلع غير سعد(يغمز لخواله) :مب انت امي لازم اكون حلو عذرا: اذا كذا معليش سعد: لعبت عليها هههههه عذرا: عمى انقلع يالله وجع طلع فوق ورجع تحت عقب ما غير ملابسه الام: وش اخبار نهله من زمان عنها ؟ خالد: ابد بخير مستانسه عند امها سعد: احسن لا تجي علشان ما تسوي استهبالات خالد: وش قلت ؟ سعد: ولاشيء امزح اذن العشا طلع خالد وابراهيم للصلاة وسعد راح معهم بعد الصلاة خالد: سعد تعال ابيك شوي سعد: نعم خالد: وشي استهبالات نهله لاتصير تقول لامي والا خواتي شيء يزعجهم سعد: لا بس خالد: بس ايش سعد تكلم سعد: لاتقولها اني قلتلك ولا تقول لامي خالد: سر بينا وشو سعد: مره كانت فوق وتطق على خالي ابراهيم باب غرفته وما ادري وش كانت تبي بعدين يوم شافتني خافت وتقول كانت تبي تساله عن شيء خالد(انصدم ):ابراهيم ونهله سعد: لالا خالي ابراهيم ماله دخل هي اللي كانت جايه عنده خالد: - ضاقت الدنيا فيه وحس ان الارض مب سايعته من الضيق ركب سيارته وراح – سعد: - حس ان السالفه مو زي ما هو متخيلها وان السالفه ما هي استهبالات وبس – دخل البيت ابراهيم: سعد سعد وش فيك ؟ سعد: ما فيني شيء ابراهيم: عذرا متى بتطلعون اليوم ؟. عذرا: بعد ما نتعشى ابراهيم: اها سعد سعد سعد سعد: هاه ابراهيم:وش فيك كنت عادي وش صارلك ؟ سعد: ولاشيء ابراهيم: طيب ودك تروح لبيت صديقي سليمان او تروح معي للمكتب سعد: ايه الله بس اخاف امي تقول لا ابراهيم: انا اقولها – راح ابراهيم وترجاها علشان ترضى واخيرا بعد الجهد رضت – وطلع هو وسعد للمكتب وجاهم سليمان هناك المكتب سليمان : السلام عليكم سعد: وعليكم السلام سليمان: وين ابراهيم ؟ سعد: والله الاخ ابراهيم راح مشوار قريب وبيجي مين حضرتك ؟ سليمان: انا زبون سعد: ادري ادري لكن وش اسمك ؟ ابراهيم : هلا سليمان سليمان: الله يهديك كنت بستهبل عليه هههه ابراهيم: افااا خربت عليك اجل سعد: -معصب- ترى اللي يكذب ربي يحطه بالنار سليمان: اسف يا اخ سعد سعد: الله وشلون عرفت اسمي ؟ سليمان: انت اصلا انسان مشهور انت شخص غير عادي هوو مستقل بنفسك سعد: لا عارف ابراهيم: الله من الغرور سليمان : بهذي المناسبه اسمحلي اعزمك عالعشاء يا اخ سعد سعد: طبعا طبعا اسمحلك ابراهيم: ذا اذا فيها اكل يسمحلك ونص سليمان: وين تبي تتعشى يا سعد؟ سعد:- يده على خده وعيونه طايره فوق – مممممممم لاتناظرني ما ابي شاورما اف سليمان:ههههههههههههههه بعدي والله عارفلوه سعد:مممممممممممممممممممممممممممم ابي فدركرز سليمان: ان شا الله من هالعين قبل هالعين --- بيت ابراهيم عذوب : اقول يمه رجلك استانس عالشرقيه بيكمل شهر ما جاء عذرا: والله شكل ابوي اتزوج هناك وقاعد يقضي شهر العسل الام: والله بيكفيه اصلا انا مستانسه بهالاجازه طلعات وجيات سوق وجيران ما احد ينكد علي وين طالعه ووين رايحه --- نجود تكلم سلطان سلطان: مليت مليت عمى ما رضوا يعطوني اجازه نجود: حبيبي لا تتعب نفسك لو تبي احجز اليوم واجي بس لا يضيق صدرك سلطان: لا يا حياتي ما ابغى اخرب سفرتك بحاول اتصبر الين يعطوني اجازه نجود: ان شا الله يارب لحظه لحظه سلطان ارجع اكلمك بعدين سلطان : ليه وش فيك ؟ نجود: نهله تبغاني |
|
| |
|
05 - 01 - 2008, 02:36 PM
| #51 (permalink) |
| غلاتي ماسي | نجود: وش فيك نهله نهله- ترتجف – اقري المسج -المسج من خالد- ( حسافتك ام عيالي ما توقعتها يا نهله وحسافته انه اخوي للاسف اخر ما كنت اتوقعه من اقرب اثنين لي للاسف خلك عند امك وانا بجي اخذ بناتي واعطيك حريتك ما اقول الا حسبي الله ونعم الوكيل فيكم) نجود: اييش انهبل يامى حذرتك من هبالك ما سمعتي كلامي نهله-تصيح- والله العظيم مره مره وقلتلك عليها وربي ما سويت شيء فهميه يانجود الله يخليك فهميه نجود: وش تبيني اقوله كانت تحب ابراهيم وتزوجتك نهله انت ضيعتي نفسك نهله: نجوووووود تكفين سوي شيء خلي سلطان يحاكيه تكفين تكفين نجود: ما اقدر نهله : لا لا حرام عليك انت ما تبين تساعديني نجود: خلاص بدق عليه ------ مقفل نهله: ياويلي لايصير بياخذ البنات لا لا لا – وانهارت اعصابها نجود: نهله نهله عبدالله عبـ،ــــــــــــــــــــــــــــــــــــدالله بسرعه تعال نهله داخت الرياض سعد: انا بكرا بسافر باريس سليمان : امااانه انا بعد ابوي واختي وامي بيسافرون بكرا سعد: وين بيروحون ؟ سليمان: باريس سعد: تكذب سليمان: والله العظيم لا جا بكرا بالمطار تشوف سعد:- يغمز- اختك حلووه ؟ سليمان : والله ما ادري شفها واحكم ابراهيم – بقلبه – حلوه وبس تمووت ليتني انا اللي بسافر مب انت سعد: وانت ليه ماتسافر معهم ؟ سليمان: عندي شغل بس ان شا الله بلحقهم الاسبوع الجاي سعد: اجل اسمع بعطيك رقم ابوي علشان نتواعد بالشانز ونغازل سليمان:/هههههههههه لا يا بو الشباب انا متزوج لاتوهقن سعد: بكيفك سليمان:هي يابو الشباب وين مفووووووووووت ولامع الناس ابراهيم: لامعكم بس سهيت شوي سليمان: أي شوي الا شويات ---- نجود: نهله خلاص هدي اعصابك ما راح يصير الا الخير وانا ارسلت لخالد مسج يكلمني ضروري نهله- كلها صمت ما فيها شيء يتحرك الا عيونها ترمش وتدمع – عبدالله : نجود تعالي ابيك نهله- مسك يد نجود وهزت راسها بلا تقوليله نجود: ما راح اقوله سرك ببير نجود: نعم عبدالله : وش السالفه ؟ نجود: ما في شيء متخانقه هي وزوجها وشكل المساله موصله للطلاق عبدالله: اوف وعلى ايش ؟ نجود: الله اعلم عبدالله: نجود نجود علي هالكلام قولي تدرين وماتبين تقولين نجود: خلاص دام انك عارف ارجوك لا تحرجني ما راح اقولك انا اسفه الرياض بيت ابراهيم خالد: السلام عليكم الام: وينك يمه تاخرت اختك كانت بتسلم عليك قبل ما تروح بيتها خالد: كنت مشغول يمه انا دايخ وتعبان تصبحين على خير الام: وش فيه؟ ابراهيم: ما ادري انتهى اليوم ونهله لا حيه ولا هي ميته ونجودطول الليل عندها ولا نطقت بكلمه الخميس الصباح الساعه 10 نهله : نجود نجود نجود: نعم نهله: خالد جاء ؟ نجود: لا ليه ؟ نهله: اشوه حلمت انه جاء وفضحني عند عبدالله لا وحلمت انه جايب عماد معه نجود: لا لا تخافين وبعدين خالد ولد اصل ما يسويها بيت عذرا عذرا: شوفي نظفي كل المجالس وجهزي اغراضك اوكي لانك بتروحين بيت ماما اوكي الخدامه : يس مدام عذرا: استني سوي فطور والا لا خلاص بخلي السواق يجيب فلافل من المطعم عذرا: ياربي وش ذا الحوسه اف هالولد وحوسته عمى عمى زريبه مو صالة جلوس اففف --- بيت عذوب ماجد: السلام اوف للحين نايمه قومي قومي وش هالنوم عذوب: الحمدلله عالسلامه سيد ماجد وين الناس تونا بدري ماجد: والله السهره احلوت ووناسه وش وله اجي البيت اقابلك انت وعيالك تجيبون الهم عذوب: او اسفه نسيت اننا نا مملين ماجد: تصدقين انت انسانه فارغه ما عندك شيء بحياتك تسوينه لا شغل ولا فلوس انت ليه ماتشتغلين عالاقل تجيبين فلوس عذوب:انا اشتغل اربي عيالي ماجد: ايه صحه ربة منزل انت خطيره اسمعي نصيحه عيالك ابعديهم عن الحرام والله احسنلهم عذوب:هههههههههههههههههههههههههه لا والله فيك الخير للامانه صدمتني انت تقول هالحكي ما اصدق ماجد: وليه ان شا الله وش شايفتني سكييير والا راعي حريم عذوب: لا هذي ولا ذيك بس مدمن مخدرات ماجد: ما اسمحلك انا مريض والادمان مرض عذوب: المريض يتعالج مو يعقد على هالحال فهده قاطعتهم : ماما فهد تعبان تعالي عذوب: يالله ماما اللحين بجي ماجد: روحي لولدك انا بنام ولا تقوميني ابدا لو يصير انفجار بالكون ---- الظهر وقت الغداء بيت ابراهيم الام: ياربي خالد للحين ماقام معقوله هو مو من الناس اللي يطول بالنوم ابراهيم: بطلعله فوق بشوف اذا قام او لا خالد: لا تعب نفسك انا جيت الام: انت وش فيك وش صايرلك ؟ خالد: ما فيني شيء باخذ اغراض وبسافر لنهله الام: ليه وش فيهم عسى ما في بناتك شيء خالد: لا ما فيهم شيء بس فيه هواشه بيني وبين نهله ولازم احل الموضوع الام: انت ومرتك طول حياتكم هواش وش الجديد خالد: - وهو يناظر ابراهيم بحقد – لا هالمره الوضع مختلف تماما الام: بكيفيك ابراهيم:خ – وسكت لان امه جالسه وهو ما يدري وش السالفه --- العصر بيت عذرا عذرا: يالله فهد وين لبسك بخلي الخدامه تكويه فهد: خذيه عذا: ميغسي فهد: احلى من قبل لا تسافرين بديتي تحكين فرنسي عذرا: وي مس يو بيت سليمان الام: ياويلي ياقلبي يا يمه انتبهي على نفسك وعلى حملك الله يخليك يابنيتي جوج: مامي لا تخافين علي بعدين فتون من قبل لا تجي ياقلبي هي معليه مرتبتي عند خالتي الام: زين انا مستغربه تحب هالاسم بزود جوج: ايه لان امها كانت بتسميها فتون وخالتي تحب نفسها مررره دانه: يمه وين دامي ؟ الام: فوق تنظف غرفتي دانه: طيب ترى بخليها تكوي ملابسي الام: ولازم دامي قولي للثانيه دانه: ما يعجبني الا كوي دامي الام: طيب بكيفك الاب: على وين ليدي دانه دانه: بروح اخلي الشغاله تكوي ملابسي وبكلم صديقاتي الاب: ايه روحي ودعيهم علشان ما تصجينا ما كلمتهم ما حاكيتهم --- دانه تكلم وفا دانه: وش فيك ؟ وفا: افففف شوفي انت بتسافرين ما شفتك قهر كله بتسبت امي غصبتني على عزيمة عمتي ذا اللي طلعتلي فجاءه وهاه هذا اللي صار انت بتسافرين ما شفتك وغسق ما ادري عنها بعد اذا بشوفها والا لا دانه: يا بنت الناس وسعي صدرك عادي ما بينا هالحكي وفا: ادري بس انا متضايقه دانه : لحظه .. نعم وش تبي قل عادي سليمان: اليوم بعرفك على ولد تحفه فريد من نوعه على الاطلاق دانه: نعم !! سليمان: لايروح فكرك بعيد بزر بس مخ لا اله الا الله دانه: ومن وين عرفته ؟ سليمان: يصير ولد اخت ابراهيم دانه: هاه وش لون بشوفه ؟ سليمان: بيسافر معكم لا وعلى نفس الطياره واظن نفس الدرجه بعد دانه: اماااااااااااااااااااااااااااااااانه ياحليله سليمان: اسمعي اكمل بعدين لا خلصتي مكالمه دانه : اوكي سكر الباب دانه: الووووو وفا: الو دانه: وفا وفا وفا وفا: نعم نعم نعم خير عسى ما شر دانه: تخيلي اخت ابراهيم بتسافر معنا اليوم وعلى نفس الطياره قلبي وفا: اماانه اكشخي البسي زين حطي مكياج دانه: لا والله انا اصلا كشخى من ايومي وبعدين مكياج لا اخاف تقول عني صايعه وفا: اقلها كحله وروج خفيف والا قلوس يعني تصيرين طبيعي دانه: ماني مصدقه ابدااا وفا: مبين اصلا اسلجيتي --- بعد المغرب بيت عذوب: فهده: هههههههههه ما تقدر تلحقني فهد: الا والله اقدر الحقك فهده: نينينينيي شفني تعال امسكني عذوب: اسكتوا اسكتوا ابغى اسمع يمه لحظه بروح الغرفه الثانيه علشان اسمع زين عذوب: هلا اسلمي الام: وبس يابنيتي مضيق صدري اكيد شيء كبير والا ما كان سافر لها عذوب: الله يستر ---- الباب : طق طق عبدالله: طيب عبدالله: خـــــــــــــــــــــــــــــــــالــــــــــــــ ــــــــــــــد؟! خالد: السلام عليكم عبدالله: وعليكم السلام تفضل خالد: لا ما يحتاج كذا مرتاح عبدالله: يارجال ما يصير خالد: لو سمحت قل لبناتي يجون ابيهم عبدالله: طيب عبدالله دخل جوى الشقه: نجود خالد برى ويقول قل لبناتي يجون نجود: والله من صدقه عبدالله: وش السالفه ؟ نجود: بعدين عبدالله: وش تسوين؟ نجود: بلبس عبايتي وبطلع اتفاهم معه هو فاهم الموضوع غلط نجود: السلام عليكم كيف الحال خالد خالد: الحمدلله نجود ارجوك لا تحاولين تبررين لها أي شيء كل شيء بان خلاص نجود: ورب النعمه فاهم غلط قسم بالله انت فكرك راح بعيد مرره خالد:نج نجود: اصبر خلني اشرحلك الموضوع انت مو فاهم حرام تظلم زوجتك وواخوك على شيء ماصار خالد: نعم واصله لين باب غرفة نومه ودخلتها الا شوي هذا وش اسمه وضع شريف نجود:لا هو غلط لكن مو بالشكل اللي انت متخيله خالد: هي من رجع ابراهيم تغيرت معي صارت اسؤ من ما كانت عليه فيها اتجاه ابراهيم شيء نجود: ماضي و خالد: اسف انا ما اقدر اعيش مع وحده قبلت ان عينها تناظر غيري لا ومين اخوي وعلى فكره حتى هو لكن انا مجبور لانه اخوي ما اقدر انفصل عنه نجود: خالد ابراهيم ما غلط بالعكس كان الجدار اللي تصدى لها خالد: ههه الغريب انك تدافعين عن ولد الناس واختك ... ههههههههه والا نفس الطاقم نجود: لا عاد حدك ولا تقل ادبك تراني محترمتك خالد: اقول بس نادي بناتي بخذهم وبرجع لديرتي مو ديرتكم يا بنات ال.. نجود: وال... مو بشر زي بقية الناس حسافه انصدمت في شخصيتك من اول موقف لي معك في حياتي خالد: لا يكثر عبدالله: وش صار نجود: خلاص بياخذ بناته عبدالله: ونهله نجود: اصلا بيطلقون وهي نا يمه اللحين يعني ماراح تدري انه بياخذهم |
|
| |
|
05 - 01 - 2008, 02:44 PM
| #52 (permalink) |
| غلاتي ماسي | بيت عذرا عذرا: يالله يا سعد ما صارت ملابس فهد: حيلك ان شا الله الطياره ما راح تفوتنا عذرا: المهم تاكد الجوازات معك والتذاكر وحجز الفنادق وجوالك والفلوس فهد: لحظه ااااااا اوكي كلها معي سعد: يالله انا جيت عذا : عمى انت حاط عطر والا متسبح بعطر خيير سعد: احلى علشان يقولون نظييف جدا هذا الولد عذرا: جدا جدا فهد: يالله علشان اقفل الباب بيت سليمان جوج: اففف ياليت اسافر معكم يا الله واذا حامل لازم انحبس الام: والله ودي ميته تجين بس وش نسوي برجلك وامه جوج: اففف على هالام كن ما لها الا هالولد هذا وهي عندها درزن غيره اجل لو كان وحديها وش تسوي الام: هه بس هو الغالي عندها لا تنسين جوج: لاا ما نسيت دانه: وش رايكم حلو لبسي ؟ سليمان: احللللى وش هاللبس شكلك بتدجين هناك جوج: هههههههههههههههه هذا لبس دجه سليمان حرام عليك اللبس مره محترم بس كلاس مررره دانه: ادري وحتى بقية الاطقم شبيه فيه بس الالوان والخامات تتغير اريح علشان لا حطي تنوره تغطي ولا بلوزه طويله ولا قرنبع جوج: طيب واذا احتر الجو وش بتسوين مع هالجكيتات دانه: ههههههه اموت حر لا اصلا للصباح فيه دقلات خفيفه الام: اقول ضاقت السوالف اللحين يالله ابوكم انهبل تحت من العصبيه جوج: يالله اجل مع السلامه انا بطلع ---- بالسياره سعد : بابا جوعان فهد: داري شفت ماكدونالدز والا هرفي هالمره علشان تجوع سعد: ماك عذرا: ما فيه نتاخر بعدين سعد: جووووووووووووووووعاااااااااااااااااان اه بمووووووووت والله افشلكم هناك بالمطار اكل بسرررررررررعه واصرخ و عذرا: بس لا الله يعافيك مالي خلق احد يشوفك تاكل هناك فهد مر ماك خلنا نسكته --- بالسياره دانه: من اللحين اقولكم الله يعافيكم فطور لا تقوموني بوسليمان: لا ما فيه بتقومين دانه: يبببه سليمان: انتم اوصلوا بعدين تتطاقوا الام: والله صادق --- بيت ابراهيم ابراهيم: الو هلا سعد وصلتوا المطار سعد: لا ليه ابراهيم : بس بطمئن عليكم – معقوله انا كذا لا يا ابراهيم استغفر الله- --- مطار الملك خالد الدولي الرحلات الخارجيه سليمان: دانه الله يعافيك انتبهي لسعد ولد اخت ابراهيم تراه طوله وسط ونحيف وما عليه مملوح وكل تعابير وجه بعيونه وحواجبوه دانه: طيب ان شاالله طيب هو كم له اخت سليمان: ولا احد وحيد امه وابوه دانه: ياااحياتي ليه سليمان: كان له اخت بس توفت وامه بالنفاس وعقبها اظن الام تعقدت او ما كتب ربي دانه: اهااا طيب اوكي يالله مع السلامه سليمان: طمنونا عليكم تروحون وترجعون بالسلامه ------- وفا تكلم غسق وفا: وينك وين الناس غسق: والله بهالدنيا لا هيه بهالسفره وفا: متى بتسافرين غسق : هالاسبوع وفا: اهاا غسق : اسمعي معليش انا بسكر اللحين ارجع ادق عليك بعدين ---بصالة الانتظار دانه عيونها على كل الناس تدور شيء من ريحة الغالي تدوووور بعيونها وتدوووووووور الين حطت عينها على ولد لابس بلوزة بربري وبنطلون جينز وجكت جينز وهذا الولد بس يناظر الناس دانه تفكر – شكل هذا سعد نفس المواصفات بروح بجلس بجنبهم والا لا نقوم كلنا احسن دانه: يمه وش رايك نقوم هناك احسن من هالمكان الام: اصلا انا بقوم اتمشى طفشت من الجلسه دانه: خلاص اجل انا وابوي بنروح نجلس هناك جلست دانه بجنب هالولد الصغير واللي جالس بجنب امه سعد: اففففففف طفشت بقوم عذرا: لا وين تقوم سعد: كيفي بالطياره بنحبس خليني اتمشى عذرا: بالطقاق روح وين ماتبي بس اذا فاتتك الطياره انا مالي دخل سعد: طيب بروح بس مو بعيد ---- وقام فهد: سعد وين رايح سعد: بتمشى شوي وبجي دانه: لو سمحت سعد: نعم دانه: انت اسمك سعد سعد: ايه خيير دانه: تعرف واحد اسمه سليمان قالك ان اهله بسافرون اليوم سعد: ايه انت مين دانه: انا اخت سليمان سعد اهااااااا اهلين دانه: كيفك ؟ سعد: الحمدلله دانه : اسمع –رفعت طرحتها او غطوتها – شفتني اللحين صرت تعرفيني اوكي اسمي دانه سعد: طيب دانه عذرا: سعد تعال سعد : نعم عذرا: مين هذي ؟ سعد : هذي دانه اخت سليمان صديق خالي ابراهيم عذرا: اهاااااا طيب اسمع لا وصلنا باريس بالمطار ابيك توريني اياها سعد: طيب فهد: يالله ترى فتحوا البوابه --- ودخلوا الطياره وطارت الطياره ------ خالد بالفندق حصه : بابا ابي ماما خالد: نامي بس حصه: بابا خالد: بسسسسسس اسكتي خالد--- يالله وشلون بربي هالبنات افففففففف وش ذا النشبه بيت ابراهيم ابراهيم : يمه يمه غريبه وينها العاده دايم بالصاله يالله براحتها يمكن نامت انا بعد احسنلي اطلع انا ابراهيم ---- الله يا حظهم مسافرين باريس ليتني هناك مسافر واشوف دانه واتاملها يالله يارب ودي اروح باريس علشان اشوفها يعني اللي هناك احسن مني طبعا احسن مني هالاقل تاريخهم نظيف لادخلوا سجون ولا شيء – ( الم الغربه في ارجاء الوطن للكاتبه بنت الاخضر ) |
|
| |
|
05 - 01 - 2008, 03:33 PM
| #53 (permalink) |
| غلاتي الذهبي | بنت الاخضر .. القصه مايحتاج اقول عنها الا انها رووعه وانتي تعرفيني رايي فيها من قبل .. وصار اللي كنت متوقعه بين خالد ونهله من عقب ذا الموقف اللي صار بين نهله وابراهيم .. وعالعكس دانه عايشه باحلامها ومنبسطه وطاحت بالملقوف سعد اللي بيعطيها كل السوالف مو مخلي على قلبه هههههه واحس بيقول لها على سالفة ابراهيم مع نهله وتحز في خاطر دانه .. واللي ماهضمتها صراحه عذرا والثانيه جوج .. سامجين ههههههه والضعيفه عذوب ويا زوجها ماجد .. احس وراهم سوالف بس ما ادري وش هي بالضبط والاجزاء الجايه تتوضح اكثر .. ومشكوره اختي بنت الاخضر على هالجزء الرائع وهالابداع .. مع خالص ودي الهاوي |
|
| |
|
11 - 01 - 2008, 06:12 AM
| #58 (permalink) |
| غلاتي ماسي | في مطار باريس الكل عند الشنط ياخذ شنطه والكل كاشخ ومتلبس ومتزين عذرا : سعد وين اخت سليمان بروح اسلم عليها سعد:مممممممممممم شوفيها اللي لابسه جكيت ابيض وبجنبها حرمه لابسه عبايه عذرا: طيب اسمع تعال نروح بجنبهم كاننا ندور شنطنا وانت سلم عليها اوكي سعد: طيب اعرف هالحركات عذرا: ايه انطم راحوا هناك سعد : اهلين دانه: اهلين صباح الخير سعد: صباح النور انت دانه هذي ماما دانه-ارتبكت لانها ما انتبهتلها – دانه: اهلين هلا والله الحمدلله عالسلامه عذرا: اهلين فيك حبيبتي كيفك دانه: الحمدلله هذي الوالده يمه هذي اخت ابراهيم صديق سليمان الام: هلاوالله حبيبتي كيف الحال وش اخبارك الوالده والوالد طيبن والاخوان والاخوات عذرا: كلهم بخير الله يسلمك ويخليك والله فرصه سعيده اللي شفناكم الام: وحنا اسعد والله الساعه المباركه اللي شفناكم فيها عذرا: الله يسلمك بالاذن احنا طالعين وصلت اغراضك الام: بالسلامه نراكم عذرا: ان شا الله -- فهد: مين هذولا مسرع لقيتي احد تعرفينه عذرا: هذولا اهل سليمان ال... صديق ابراهيم اخوي فهد: شكلهم كـــــــــــــــــــــــــشـــــــــــــــــــــــ ــــــــــــــخــــــــــى طبعا راعي امريكا لازم يطيح على نا س زي كذا عذرا: عمى وانت قاعد تقزهم وتناظرهم فهد: لا يا ويلك من ربي بس انت ما شفتي الرجال اللي معهم شنطه سمسونايت وجايب واحد يشيلهم الاغراض واصلا شنط سفرهم لويس فيتون عذرا: ايه والله لو شفت الساعه اللي على الام تجنن والا جكيت البنت باين من فخم فخم سعد: وحححححححلوووووووووووووووه بنتهم عذرا ضربت سعد على راسه : انطم فهد:هههههههههههههههههههههه لا تخافين انا تايب عن كل الحريم عذرا: اصلا عقبي ما عاد تملى عينك أي حرمه فهد: الثقه يالله الصباح بيت ابراهيم ابراهيم: هلا يبه الحمدلله عالسلامه الاب: الله يسلمك ابراهيم : من طول الغيبات جاب الغنايم متى وصلت الاب: امس بالليل ابراهيم: ايه علشان كذا امس رجعت مالقيت امي بالصاله ----- عذوب : ماجد ماجد قم يالله بياذن الظهر يالله صلاة جمعه ماجد: يوووووووه انت ماتخلين احد يرتاح عذوب: تكفى بس صلاة الجمعه يالله قم انت ولامره خليتها يالله ماجد: خلاص جاء على مره بنام عذوب: لااا وعقبها تهزئني ليش ما قومتيني لصلاة الجمعه ماجد: خلاص يالله افتحي الدش وحطيه عالمويه الدافيه وطلعيلي ثوب وشماغ عذوب: مجهزه كل شيء حتى الحمام فاتحه سخانته بس انت قم ناظرها ماجد: يعطيك العافيه – وراح للحمام عذوب تحاكي نفسها : هوو عسى ما شر وش فيه شكله مريض ههههه والله اني خبله واحد مدمن يعني ممكن ما يصير بوعيه ههههههههه اقول بس خليني اكلم عذرا اشوف هم وصلوا والا لا احسنلي قبل لا انهبل عذوب: الو الحمدلله عالسلامه عذرا: الله يسلمك تخيلي مين شفنا عذوب: مين ؟ عذرا: اهل سليمان ال.. صديق ابراهيم ياويلي على كشختهم ناس تفهم عذب: الحمدلله انك كاشخه وانت كشخى اصلا خلقه عذرا: ايه والله انك صادقه تصدقين شكل ابوهم كاااااش عذوب: ترى من زمان وابراهيم يحكي عنهم مبين انهم ما عليهم عذرا: ايه صح شوفي عذوب انا بكلم امي ما كلمتها يالله مع السلامه عذوب: مع السلامه --- تفكر- الله لو اني انا مرت ولدهم كان انا بهالنعمه ولد اخلاق واهله كشخى واسافر بالصيف واستانس لو مو كل صيف اسم انهم ناس يفهمون وطالعين على دنيا مب ذا اللي زوجوني اياه اهلي ماكان هذا طموحي هه ياحظها عذرا ماشا الله اخذت واحد اهله كشخى مو انا هالناس القراوى والقعاطى وبخلهم افففف ياربي استغفرالله الحمدلله على كل حال لكن قهر انا كنت بنت ناس حمايل وطبقه وسطى وعندنا كم قرش واخرتها انزل لهالمستوى اه يارب ماجد: هي هي وين الناس عذوب باسى واحباط : نعم ماجد: وين الثوب عذوب: شفه قدامك الله لا يعمينا ماجد: امييين اصلا لو ما كنت اعمى ما استحملتك عذوب: ههههههههههههههههه والله صادق ماجد: بعد مجنونه كملت ---- نهله ونجود نهله: لاااااااااااااااااااااااامجنون وشلون ياخذ بناتي انهبل هذا نجود: خلاص الله يخلي لاتسوين بنفسك كذا عبدالله:نهله والله بخليه يجيب البنات والله صدقيني قد وعدتك بشيء وما نفذته نهله:لا عبدالله:خلاص اطمني --- باريس في وسط الشانزليزيه فندق ماريوت دانه: يبه لا الله يعافيك ابي انام مافيني اطلع اللحين بوسليمان: كيفك ما احد قالك ما تنامين بالطياره دانه: وش اسوي ما اعرف الام: خلها طيب وش بيضرك بوسليمان : وبالليل تقعد تسهر لي لا دانه: لاوالله 4 تعالوا قوموني نروح نتغدى الام: يالله عاد لاطولها بوسليمان : طيب اجل انا وامك بنروح برج ايفل دانه:هههه اونت كل سنه لازم تزوره ترى هو نفسه ما يتغير بوسليمان : ان ما سكتي اقشك معنا دانه: لا بيكفك ان بغيت انسخه وخذه معك للرياض ---- فندق الشاتو عذرا: سعد عمى لا تخرب السرير سعد: كيفي بنطط عذرا: وش شايفه نطيطه ؟ سعد: ابي اروح ديزني يورب فاهمين عذرا: طيب طيب فهد: اللحين ليه ماتسكتون ابي انام حرام عليكم عذرا: تصدق حتى انا ودي انام سعد: ياسلام انا ما ابي انام وش اسوي هاه؟ عذرا:تفرج عالتلفزيون سعد: ما ابي ابي انزل اتمشى واكل عذرا: يارب صبرني انت ما تشبع اففف منك سعد: الله يخليك بس اروح محل ديزني اللي بالشانز بس واكل واجي عذرا: فهد فهد فهد: خليه يطس بقريح عذرا:طيب خذ المفتاح وخذ جوالي وهذي فلوس وهذا كرت الاوتيل وتلف من الخطوط الايرانيه اوكي انتبه على نفسك فاهم سعد: طيب مدام ---- سعد يتسكع يالشانز دخل محل الديزني له حوالي ساعه يتمشى وعقبها راح لماكدونالدز سعد: اسكيوزمي --: يس سعد:ون بيج والا ون هابي ميل علشان اكل معهم لاطلعوا يتغدون --:؟؟؟ سعد:هابي ميل تشيزبرجر --: اوكي الاوتيل عذرا: ياربي انا استاهل ليش خليته يروح اففف سعد: مانمتي عذرا: لاااااوينك تاخرت سعد: هاه جيت عذرا: خلاص اقعد سعد: لا انا جيت بس ابي حمام وبنزل تحت عذرا: لو تموت ماتطلع اقعد بالسيب والا باللوبي سعد:طيب ---- نوره تكلم سليمان نوره: سليمان ما ابغى اسافر اهلي بيسافرون مصر ابغى اروح معهم سليمان: اللحين احد يحصله باريس يقول لا بروح مصر نوره: ايه انا خلني على راحتي سليمان:طيب خلاص بكيفك برسلك التصريح بالفاكس نوره: ثانكس يا احلى زوج بهالدنيا ----- غسق تكلم وفا وفا: هاه متى نطلع غسق : بكرا ان شا الله وفا: طيب اوكي انت بتروحين باريس هالسنه ؟ غسق: لا بنروح النمسا والمانيا وفا: اها احسبك بتروحين باري بقولك شوفي دانه هناك غسق: لا وفا: اوكي المهم سولفي ----- باريس دانه:افففف ما لي خلق اقوم الام: علشان ابوك يكملها بنفجر علينا عاد هو خلقه معصب دانه: توبه بس اول يوم وبعدين طول الوقت مع بعض الام: المهم يالله البسي ترانا جوعانين دانه: طيب وين بتروحون تتغدون الام: ابوك يبي بيتزا بينو دانه: طيب --- فهد: عذرا عذرا قومي سعد للحين ماجاء عذرا: وشووووووووو ؟ فهد: سعد ماجاء عذرا: اشوه الا الا جاء ونزل تحت للوبي فهد: يالله طيب قومي البسي وانا بلبس وبنزل انا ديه علشان نطلع نتغدى عذرا: اللحين تونا 5 اصبر الى 6 او 7 فهد:طيب مو مشكله المهم اتجهزي عذرا: اوكي --- دانه : يارب يارب سعد كلم ابراهيم وقاله انه شافني يارب يارب --- ابراهيم – ياحظك ياسعد ليتني مرسل عيوني معك اه دانه انا وش صارلي هالبنت بدت تسيطر علي عدى الاسبوع مثل لمح البصر وجاء الجمعه اللي بعده --- غسق تكلم وفا غسق : ترى وصلنا وفا: الحمدلله على سلامتكم سلميلي على اهلك عاد كلمي لا تقطعين غسق: اسمعي بطلع شريحه من النمسا اذا رحنا هناك وبرسلك الرقم اوكي وفا: اوكي اللحين انت بوين ؟ غسق: المانيا وفا: ادري أي مدينه غسق: بموينخ وعقبها بنروح فينا وبعدين زلمسي القريه هذيك وفا: اموت واشوفها غسق: ان شا الله لسنه الجايه صيفي فيها مع رجلك وفا: وينه بس مو راضي يجي غسق:ههههه لا بيجي بس مضيع طريق بيتكم لا لقاه بيجي وفا: يارب يالله ما اطول عليك باي -------- دانه: يمه قولي لابوي حامت كبدي من هالمتاحف والمناظر الطبيعيه اللي هو يودينا لها ابي اروح سوق طفشت الام: عند الشانز وشارع الماركات دانه: ابي سووووووووووووووووووق بوسليمان: عندك الفتحات اللي بالشانز لفي يمين ويسار وكلها محلات دانه: يبه بس ابي برانتال والقالري لافيت بس لا لا وكونكورد لافيت بوسليمان: لا وش بعد دانه: يبه خذلك كوب قهوه واقعد وانا اتسوق وامي تسوي اللي تبيه بوسليمان: بعدين يصير تشتت اسري دانه: يبه بالرياض نقعد بالايام ما نشوف بعض سليمان: اهلا دانه: بسم الله متى جيت سليمان: اليوم الصباح دانه: الحمدلله على سلامتك |
|
| |
|
11 - 01 - 2008, 06:14 AM
| #59 (permalink) |
| غلاتي ماسي | ---- غسق في ماريا بلاتز تتسوق والجو مطر كانت بالمحل تتقوس ملابس لما طلعت من المحل – الله ياليت ممدوح معي اهلي يازينهم بالرياض بس مو بهالجو ههه فعلا لكل مقام مقال – باريس سعد: وين بتغدى اليوم فهد: والله يا اخ سعد طالما ام طالعمرها بالسوق لا بالقالري لافيت فاعتقد ما فيه غداء اليوم بعدين كل هواء توك ماكل ماك عمى انت ما تشبع سعد: انا وش ذنبي عندي دود بطني علشان كذا فهد: ايه طيب الحمدلله هذا امك تتصل هلا طيب وين ؟ سعد: وش تبي فهد: تبيك لقتلك ملابس تعال انطق قدامي -- سليمان : وش شاريك حلوه البلوزه لنوره ؟ دانه: ايه سليمان: اصلا ماشفتي دانه: ادري ذوقك حلو وبعدين يكفي انها ماركه سليمان: بنت ترى ابوي يدق علي يالله اخلصي سليمان: هلا يالله اللحين بنجي بتسبقنا وين العجمي دانه:لا الا سليمان : يبه لا خلنا نروح مطعم نوره اليوم ههههه لاوالله ما اشتقتلها بس طيب دانه: قبل امس رايحينله سليمان: يقول نوره بعد بكرا ---- عذرا: اه تعبت اخيرا خلصنا فهد: اللحين وين نروح عذرا: الاوتيل نتحط الاغراض واغير ونطلع نتغدى وين تبون فهد: انا مييت جوع ابغى العجمي سعد:احل عذرا: اسكت لاتتكلم انت كل وانت ساكت --- بيت ابراهيم الام: اوه عذرا بباريس نستنا ابراهيم:هههه طبعا سليمان وصل هناك الام: صدق ما شاالله الاب: ماشا الله عليهم هالناس ماادري وش لون يسافرون برى السعوديه انا رجال ما اقدر ان رحت دول خليجيه والاعربيه الام: عادي الاب: لا واللغه وشلون اتكلم معهم ابراهيم: ههه ما ضرالناس اللي تسافر يعني كلهم لغتهم حلوه الاب: هذا راي ---- عبدالله يكلم خالد عبدالله: رجعت الرياض خالد: ايه عبدالله: والبنات وينهم خالد: عند امي عبدالله : طيب انا راجع الرياض بكرا ممكن لارجعت نتفاهم اذا سمحت خالد: نشوف --- بيت ابراهيم عذوب: يمه وش سالفة خالد ونهله الام: علمي علمك جاء وحط البنات وقالي خليهم عندك وتخيلي ما يرد علي وهالبنيات قطعوا قلبي من الصياح يبون امهم والله انا اخليهم يكلمونها كل يوم ماعلي منه هو وهباله عذوب: والله شيء غريب طيب وابوي الام: ليش ابوك سال عن شيء همه هالفلوس وبس ويكنزها على ايش ما ادري عذوب:ههه --- باريس دانه: سليمان شف مب هذا سعد سليمان : الا والله سعد سعد: اهلين كيفك سليمان: الحمدلله شفت اهلي هذا ابوي وامي واختي سعد: ايه اختك اعرفها من زمان سليمان: احلى لاتصير رقمتها بس سعد: ذاك اليوم بالفوكيه ناديتها دانه دانه وسفهتني سليمان: دانه صدق دانه: والله ما سمعت سعد: تنصبين تدرين انك حلوه وتسوين فيها ما اسمع سليمان:خير استح على وجهك سعد: والله صدق اختك حلوه مررره سليمان: ادري طالعه علي سعد:عندك اخت ثانيه اتزوجها سليمان: ايه عندي بس متزوجه هي حامل بتجيب بنت تزوج بنتها سعد:ههههه يالله بروح اكل باي سليمان: باي مهستر هالولد دانه:مره ينحب ---- غسق تكلم وفا غسق :وش بحسدك عليه تاكلين الحمدلله توني ما كله بمطعم ايراني وشبعانه وفا: متى بتسافرون فينا غسق: الاربعا وفا: اها دانه الثلاثاء بيروحون جنيف --- بوسليمان : انت اللحين كل يوم بتسهر بهالشانز سليمان: يبه انا ما اسوي شيء غلط بعدين دانه اصلا معي وامي احيانا تطلع معنا يعني وش الغلط بوسليمان: وانت بعد تستعرضلي باختك ترانا عيال ناس سليمان:يبه هاللحين نقعد على قهوه صرت استعرض فيها بعدين كل الناس كذا شفت البزر اللي شفناه ذاك اليوم سعد تراه كل يوم هو وامه وابوه عالقهاوي وهم عيالناس ---- غسق بفينا : ترا انا بنزل تحت بروح ستاربكس اللي باخر الشارع وبتمشى فيه احد بجي معي يالله البسي غسق تكلم وفا : غسق: اه متى نطلع من فينا وفا: ليه غسق: فلست خلصت فلوسي خلاص قشقت لين قلت بس بعلن افلاسي شكلي وفا:هههه والله لو انك تجهزين غسق: لاتكفين انا كذا وفلست لو اجهز وش يصير وفا: طيب اسمعي بسكر اللحين وبعدين بدق عليك غسق: اوكي باي ----- نهله ونجود نجود: ان شا الله موضوعك بينحل بس انت لا تضيقين صدرك نهله: على فكره سلطان دق عليك لما كنتوا تتغدون نجود: اوكي بكلمه نجود: هلا حبيبي سلطان: هلا والله نجود: كيفك سلطان: طالما اني ببلد الحبايب مرتاح نجود: ايش سلطان: البسي وتجهزي 10 دقايق ونا عندكم نجود: اماااااااااااانه ياحليلك ليه ماقلتلي من قبل سلطان: بخليها مفاجئه نجود: طيب اوكي نجود: نهله سلطان بيجي وبخليه يكلم خالد يمكن يقتنع نهله : لا لايكلمه اخاف خالد يقوله كلام وتوتر علاقاتك بزوجك خالد لافقد اعصابه تهور ----- بيت ابراهيم الام : يالله والله اني حست مه هالبنات انا من زمان عن تربية هالاطفال ابراهيم: طيب دقي على خالد قوليله يشوف حل يمكن ربي يهديه ويرجع لزوجته الام: خالد ذا ما ادري وش يبي من حياته بس جاب بناته ورماهم عندي وما عاد شفته وجهه ابراهيم: هدي اعصابك الا ما يهديه ربي عذوب: السلام عليكم الكل: وعليكم السلام عذوب: وش فيكم ؟ الام: غريبه جايه اليوم مواللي اجتماع اهل رجلك عذوب: لا ما اجتمعوا اليوم عندهم زواج قريبتهم وجيت اغير جو الام: اجل خلينا نطلع ترها طاقه كبدي من هالبنات عذوب: وين تبين نروح ؟ الام : أي مكان المهم اطلع عذوب: طيب بس بشرط تكلمين خالد مو على كيفه مايسال عن بناته هذا مو اسلوب الام: ان شا الله ابراهيم: انا عن اذنكم بطلع جنيف عالبحيره سليمان ودانه والتقوا بسعد سعد : اهلا اففف وش جابكم هنا ليش تقلدونا سليمان: انا احب اقلد يوم دريت انكم بتجون هنا جيت سعد: ترى اللي يقلد مب زين سليمان: رح بس انت وش عندك تحوس هنا بالله انت وين اهلك عنك سعد: امي وابوي قاعدين على قهوه وانا كنت العب واللحين بروحلهم دانه: اهلا سعد كيفك ؟ سعد: الحمدلله دانه: تعال معنا نروح ناكل ايس كريم سعد: اروح اقول لاهلي اول بعدين اجي استنوني لاتروحون سليمان: وشوله قلتيله هالولد نشبه دانه: حرام بالعكس سليمان: مالي خلقه يقرق على راسي دانه: لاتقعد معه قله ابوي يبيني والا أي شيء سليمان: تدرين قوليله سليمان راح عند ابوي وامي يقولهم اننا بعد شوي بنجيكم دانه: خلاص اوكي --- احسن بعد علشان اقعد مع الولد بلحالنا يس- --- غسق تحاكي اهلها متى بنسافر بكرا طيب اوكي انا جهزت شنطتي وبحط الساعه على 3 الفجر يالله تصبحون على خير --- سعد : وين سليمان دانه: راح لاهلي وبيجي بعد شوي سعد: يالله وين الايس كريم دانه: تعال وش تحب أي نوع سعد: ممممم فراوله بسكوت دانه:طيب اجلس بجيبه وبجي دانه: يالله اللحين خلنا نسولف مع بعض انت مع عندك اخوان سعد: لا انا ب |
>>ان شاء الله تحصله وقيس وليلى نفسهم ماتوا ولا عاشوا مع بعض 
>>الله يجمع كل حبيب لحبيبه. تسلمين بنت الاخضر ولك خالص شكري.
