| |
| |||||||
| قصص الاعضاء منتدى مخصص للقصص التي يقوم بتأليفها الاعضاء |
    |
 |
| | LinkBack | أدوات الموضوع | انواع عرض الموضوع |
13 - 12 - 2007, 08:36 PM
| #22 (permalink) |
| غلاتي الذهبي   |  بنت الاخضر .. القصه صراحه مشوقه وترابط جميل ومتسلسل دون تعقيد .. وماظنيت ابراهيم يقدر يسوي شي لنهله ويكلم خالد وبس يهدد وماهقيت يسويها .. وسعد ذا الولد والله ذكائه له دور بالقصه وراح يسوي شي فيها .. وتعدلت احوال ابراهيم وتحسنت ولكن احس فيه انتكاسه .. وكل هذي توقعات وماراح اعرف وش يصير الا بعد ماتنزلين الجزء الجاي .. مع خالص ودي الهاوي |
|  |
|
22 - 12 - 2007, 04:09 PM
| #27 (permalink) |
| غلاتي ماسي  | --- شوي وطلع ابراهيم من الملحق لقاه بوجهه وحده حلووووووووووه صك الباب بسرعه والبنت راحت تركض لجوه سليمان : داااااااااااااااااااااانه داااااااااااااااااانه -------------------------------------------- بوقف لين هنا والباقي بعدين اليوم توها انوار البيوت ما انطفت وببيت سليمان الانوار شاعله وشابه ضوء ( الم الغربه في ارجاء الوطن للكاتبه بنت الاخضر) سليمان اتجه بسرعه للملحق ابراهيم: ورب النعمه انا طالع لقتها بوجهي والله ما سويت شيء سليمان: طيب ليه ركضت بهالشكل ابراهيم: والله ما ادري يالله عن اذنك انا اسف سليمان: مع السلامه ركب ابراهيم بالسياره وافكااااااااره رايحه بعيد ابراهيم-هذي دانه اللي كانت بزره كبرت وصارت حلوه الناس وش يبون وين عيونهم كل هالجمال وتاركينه وربي احلى من اللي يطلعون بالتلفزيون – ---بيت سليمان سليمان: دانه افتحي الباب احسنلك والا ورب النعمه ما يصيرلك خير افتحي داااااانه دانه: ابي انام سليمان: اقسم بالله لو ما فتحتي لاكسر الباب دانه: نعم هذاني فتحت الباب وش تبي سليمان: وش صار تحت دانه : ما صار شيء والله انا كنت جايتلك وهو طلع بوجهي وركضت بس سليمان: طيب ليه اكلمك واناديك ما تدرين ؟ دانه: ما ادري خفت منك سليمان: وش دعوه انا واثق فيك وابر اهيم سليمان: الا صح وش كنتي تبين ؟ دانه: بس كنت ابيك توافق لنوره انها تسافر جده تحضر زواج صديقتها ريم سليمان: طيب تصبحين على خير ---- دانه تكلم وفا دانه: وفا شفت ابراهيم اليوم وجهي بوجهه وفا : اماااااااانه دانه: والله اه اه يجنن والله محلو اكثر من اول وفا: الله وشلون صاير ؟ دانه: ما ادري مشيب ونحفان مره لابس ثوب ابيض بدون شماغ ولا طاقيه وفا: وشلون جزمته دانه: والله فاضيه ما ادري ما شفت وفا: يلبس نظاره دانه: لا وفا: ياليت عندي احد احبه على الاقل الهى فيه شكل اخرتي على زيد دانه: ههههه عاد زيد وش ملحه وفا: تكفين اسكتي طبعا مؤمنه نفسك مع ابراهيم وانا بترميني على هالمليح دانه: اه على ابراهيم يارب ما يضيع حبي عالفاضي وفا: ان شا الله الله يرزقك --- بيت ابراهيم الكل نا يم ابراهيم في غرفته غير ملابسه وانسدح ويفكر ويفكر -- صدق على اسمها دانه حلوه من يصدق ان دانه البنوته الصغيره الكيوته تصير هذي المراءه اللي كلها انثوه اه اه ما تخيلت انها حلوه لهدرجه ابراهيم يتخيل او بالاصح يتمنى ( اه لو تصير زوجتي ههههههههههههههههههه مصدق نفسي اني شيء وحده بهالشكل وبهالمكانه لا وبخطبها اخمد بس ونم احسنلك) --- دانه الله ياحلوه للحين برجولته ياحلو الثوب اللي لابسه اه ابراهيم احبك احبك احبك ---- نجود وسلطان سلطان : نجود حبيبتي وين الريموت ؟ نجود: فوق الكنب سلطان : اوكي نجود: لقيته ؟ سلطان: ايه نجود: وش عندك متحمس مررررره وش تدور ؟ سلطان: فيه مسلسل يقول فيه ممثله حلوه نجود: لا والله احلف ما فيه اغار سلطان: ههههههههه من ممثله اعقلي نجووووووود تسوى عندي الدنيا وما فيها نجوووووود احبها احبها احبك والله احبك نجود: خلاص فضحتنا --- نوره: سليمان وش فيك ؟ سليمان: ما فيني شيء نوره: متاكد؟ سليمان: ايه خلاص بنام نوره: طيب تصبح على خير سليمان: نوره نوره: سم سليمان : ليش ما قلتيلي على زواج صديقتك اللي بجده نوره: الا كنت بقولك بس سليمان: بس ايش نوره الى متى بتظلين كذا انا منب زوجك ليه دايم تخلقين بينا مسافه نوره: انا لا والله بس انا سليمان: انت وشو انت معتبرتني واحد غريب نوره: اذا ودك تتطاق قلي ونتهاوش وبس بلا كل ذا الخرط سليمان: تدرين نامي احسن ------- عذوب عذوب : ماجد قم معي للغرفه قم لا تنام بالصاله قم ماجد: لااااااااااااااااااااااااااااااااااااااااااااااااا اا عذوب:طيب خلاص على راحتك فهده: ماما خليه لا يقوم بعدين يعصب عذوب: طيب ماما يالله روحي نامي عذوب: يارب يارب تعدل حاله وتهديه ---- انتهى اليوم وانتهى كل شيء فيه (الم الغربه في ارجاء الوطن للكاتبه بنت الاخضر) |
|
| |
|
22 - 12 - 2007, 04:46 PM
| #28 (permalink) |
| غلاتي الذهبي | بنت الاخضر .. حرام عليك ليش الجزء صغير ما امداني اتحمس الا وهو مخلص  بس ماعليه شفنا الاحلام الورديه لكل من ابراهيم ودانه وتفكير كل واحد بالثاني وانه تجمعهم الاقدار زوج وزوجها .. وشفنا الحاجز الكبير بين سليمان وزوجته نوره .. ونجود وسلطان للان وعايشين ايامهم الحلوه .. بس ما ادري عندي احساس مو تامين على هالحال << اذكر ربك ماتشوف احد مستانس الا ودك يصير حزين اعوذ بالله منك هههه ومشكوره اختي عالجزء وبأنتظار الاجزاء القادمه .. مع خالص ودي الهاوي |
|
| |
|
26 - 12 - 2007, 05:02 PM
| #33 (permalink) |
| غلاتي ماسي | بعد مرور شهر تقريبا بدت اجازة الصيف سليمان : يالله توصلون بالسلامه اذا احتجتوا شيء كلموني نوره: ان شا الله انتبه على نفسك يالله دانه وين خالتي دانه : تكلم شوفي هذي هي جت سليمان: يالله مع السلامه يمه الام: انتبه على ابوك لا تخليه واختك لا تخليها تراها حول ولاده سليمان: يمه بالسادس وحول ولاده الام: ايه ياوليدي تراها مسكينه و..... دانه: يمه بتطير الطياره عنا يالله ---- سليمان راجع بالطريق يحاكي نفسه ( ياحلو العزوبيه ياناس فكه ليت كل يوم صديقات نوره يتزوجون يارب ) مسك الجوال بيكلم سليمان : هلااا والله وين الناس ابراهيم: اهلين هلا وشلونك سليمان : انا الحمدلله انت وينك عقب ذاك اليوم غطيت غطه بنت كلب ابراهيم:ههه لا ابد سليمان : اسمع فاضي اليوم تراني مستانس اهلي سافروا جده اليوم والبيت فاضي ابراهيم :ان شا الله بس ما اقدر بدري تعرف علشان المكتب سليمان : اوكي بالليل نتفق م السللامه ابراهيم: مع السلامه --- الليل على الساعه 9ونص تقريبا نوره تكلم سليمان تعلمه انهم وصلوا لجده سليمان: جاكم السواق والا لسه نوره: الا جاء وركبنا السياره لحظه سليمان خالتي تبي تكلمك سليمان: هلا يمه الحمدلله على السلامه نوره: الله يسلمك سليمان ابوك متى بيجي ؟ سليمان: لا اله الا الله على الحب توك رايحه ما امداك تشتاقين الام: عاااد كيفي قله لا يتاخر لا ني دقيت عليه لقيته مقفل جواله سليمان: طيب ان شا الله بقوله --- بيت ابراهيم الحوش وسعد ماسك القياده على بقية المبزره وطبعا بنات خالد ونهله لهم كل شيء صعب وشين دخل ابراهيم سعد: خاااااااااااااااااااااااااااااااااال لا تدخل فيه ناس ابراهيم : هووووو مين فيه ؟ سعد: فيه نجود اخت نهله جايه ابراهيم:اها طيب ابي ادخل بطلع غرفتي بغير وبطلع سعد: ما ادري بروح اسال امي ابراهيم: لا الله يعافيك اسال خالتك عذوب اصرف من امك سعد: طيب دخل جوه سعد: خاله عذوب تعالي بره شوي عذوب : طيب ابراهيم: هلا والله كيف الحال عذوب: اهلين الحمدلله تمام تبي تدخل ابراهيم: ايه بس بغير وبطلع عذوب: ادخل عادي بفتحلك باب الرجال وادخل من المجلس على فوق سعد: ايه بس قولي لنهله ان خالي ابراهيم فوق مب تقول ما دريت ما شفت ابراهيم: ياملحك عذوب: وش السالفه ؟ سعد: ذاك اليوم كانت فوق وتسوي نفسها ما تدري ان خالي ابراهيم فوق عذوب: ابراهيم صدق ؟ ابراهيم : ايه سلكي ادخلي يالله تراني تاخرت على موعدي --- وفا تكلم دانه وفا: ياحلو جده الله ليتني رايحه معك دانه: ياربيه انت وجده ما ادري وش شايفه فيها وفا: تذكريني بصديقتي غسق ما تحب جده ابد دانه: لا انا ما اكرها ولا احبها الا صح غسق شخبارها من زمان عنها وفا: موجوده بهالدنيا دانه: للحين ماصار شيء بموضوعها وفا: أي موضوع قصدك ولد خالتها دانه: ايه وفا: لا للحين ما حنت خالتها واخطبتها انا هذي خالتها ما ادري وش تبي من حياتها اذا ولده ما خطبتله البنت اللي يبيها من بتخطبله دانه: تدرين كنت اتمنى ان ابراهيم يكون يقربلي بس لا شفت غسق حمدت ربي انه ما يقربلي وفا: عاد انتي لا تصدقين ما صرت ليلى بحبها ولاهو قيس دانه: مب شرط قيس وليلى بس عالاقل مايل قلبها له وهو نفس الشيء وفا: تدرين وش الغثاء انه ما يدري وهي مب قادره تقوله دانه: ليه ما تقوله وفا: صعب عقب ما قالتله انت زي اخوي بتروح تقوله احبك دانه: هي الله يصلحها وشلون تقوله انت زي اخوي وهي تحبه يلعن ام الذكاء اللي هي فيه وفا: من الروعه قالتها تتذكرين السالفه اللي خلتها تقوله انت زي اخوي دانه: ياعمي طيييير بالطقاق تقوله واللي يصير يصير وفا : ما ادري عنها اسمعي امي خلاص عيونها طلعت يالله بسكر دانه : يالله مع السلامه وفا: يالله مع السلامه --- بيت سليمان سليمان : ودك نطلع والا نقعد بالبيت ابراهيم: والله ما تفرق بس خلنا قاعدين اصرف ياخي لا طلعنا الاشكال عجب سليمان: الله يرحم ايامنا البنات على نياتهم مب مثل اللحين ابراهيم: ايه والله وربي الاشكال عجيبه الا انت وش عندك مستانس وعزوبيه ودنيا سليمان: اهلي راحوا جده وزوجتي راحت معهم ابراهيم: اسالك سؤال وتجاوبني بصراحه سليمان: اسال ابراهيم: انت مبسوط بزواجك ؟ سليمان : احرجتني مافي سعاده كامله بس الحمدلله لا الزواج عن حب يفيد ولا التقليدي كله بالنهايه زواج يخلو من الكمال ابراهيم: تصدق اني اتحطم من الزواج كل العالم مو مرتاحين سليمان: اوف ليه كذا انت من شايف لهدرجه انا جايبلك الاكتئاب ابراهيم: لا يكفي عذوب البنت التى لا تنام من النشاط والحيويه لو تشوفها اللحين وشلون صايره مجرب انسان سليمان : عذوب اختك ؟ ابراهيم: ايه سليمان: هي من تزوجت اصلا ؟ ابراهيم: ماجد ال........ وابدا مب مرتاحيه مبين عليها وذاك اليوم سعد يقولي انها تطلقت منه مره وعقبها رجعتله وما ادري وش فيها حالتها غريبه سليمان: طيب تكلم معها حاول تخليها تفضفض والا سعد سعد هذا عنده اخبار الدنيا اساله وهو اكيد يدري ممكن انا اسالك سؤال وتجاوبني بصراحه ابراهيم ك اسال انا ما عندي الا الصراحه سليمان: انت ليه ما تتزوج ؟ ابراهيم: هههههههههههههههههههه بصراحه ضحكتني من جدك وشلون اتزوج ووضعي كذا خريج سجون وش بقول لاهل البنت سليمان : بس انت مظلوم وعندك كل الاثباتات ابراهيم: ايه ممكن يرضون اذا رحت لوحده مب كفوو لكن بنت متربيه وشلون بترضه سليمان: الناس يشترون رجال ابراهيم: امااا تستهبل ما كانك ولد هالمجتمع كنك تحكي عن مجتمع ثاني سليمان: تصدق اللحين صار اصعب شيء بالدنيا الزواج واكثر هم عند الناس هو هم الزواج امي ميت قلبها ودها تزوج دانه اختي على انه الحمدلله حنا بنعمه بس هوجاسها الدائم متى تعرس هالبنت يارب تتزوج ابراهيم: هي ما يجيلها خطاب سليمان: الا مب درازن لكن لاباس فيهم بس هي هي ماتبي معنده ابراهيم: ليه معنده ؟ سليمان: وش دراني اظنها ذا الخبله للحين تحب هذاك ابراهيم: مين هذاك ؟ سليمان : تتذكر يوم حنا بالثانوي قد قلتلك انها تحب واحد بس عيت تقولي مين ابراهيم ( تصفق وجهه اشكال الوان): اهاا سليمان: تتوقع من صدق للحين تحب هذاك عمى اموت وادري منهو ان كانها صدق للحين تحبه ابراهيم: انت باصم انها للحين تحبه يمكن مراهقه سليمان: لا ليش ماتبي تتزوج واللي خطبوها ناس والنعم فيهم ابراهيم: ما ادري سليمان : هي لهينا بالكلام وتركنا العشاء وش تبي نتعشى علشان ارسلالسواق والا قم خلنا نروح نجيب اظن بدون ما اسالك تبي شاورما ادري ابراهيم: ههههه والله شاطر حافظ الدرس سليمان : بنروح للصاج شاورمتهم مره تجنن ---- نهله ونجود نجود: وش صار عليك تبين حنا نروح لامي والا هي تجي لنا نهله: ما ادري خلينا نروحلها احسن مالي خلق تجي هنا اكره نظرات الناس لاشافوها معي وهي مب سعوديه نجود: انت للحين متعقده من هالموضوع الى متى خلاص صرتي م عيال نهله: لو اصير جده بظل بنت مختلفه عنهم نجود: طيب سالتي خالد نهله: بدون ما اساله انا اللي اتاخذ القرار انا بسافرلها نجود: اوكي خلاص انا بردلك بكرا نهله: اكرهم نجود: مين ؟ نهاه عذرا وولدها اكره نظراتهم لي انا هذا سعد خاف منه ومن ذكائه نجود: لحظه يالله بطلع سلطان جاء نهله : مع السلامه ---- ابراهيم ببيته |
|
| |
|
26 - 12 - 2007, 05:03 PM
| #34 (permalink) |
| غلاتي ماسي | ---- ابراهيم ببيته يفكر ( معقوله دانه للحين تحب نفس المكان اللي قالتلي احبك وكسرت بخاطرها هو نفس المكان اللي شفتها فيه عقب 11 سنه ** يتذكر** دانه : ابراهيم ابراهيم: نعم دانه: ابراهيم انا احبك انت تسوي نفسك مب فاهم ابراهيم: دانه عيب هالكلام خلاص روحي والا والله بعلم سليمان دانه: بكرا تشوف وبتدري انا الوحيده اللي احبك ( وصاحت وراحت) رجع للواقع والحاضر ونظر نظرة اسى وحط راسه على المخده ونااام --- نجود وسلطان نجود: حبيبي ابغى اسافر لامي هالصيف سلطان : نهله بتسافر ؟ نجود: ايه سلطان: اوكي عادي بس وشلون بستحمل فراقك ما اقدر على فراقك نجود: يا حبيلك --- عذرا عذرا: سعد انت متى بتبطل لقافه خلاص انا وابوك نتكلم انت ظف وجهك فهد: اقول انت وولدك انا ماني فاضي لكم بروح انام وراي دوام بكرا تصبحون على خير وانطفت انوار الشوارع وانطفت عيون البشر ( الم الغربه في ارجا الوطن للكاتبه بنت الاخضر) من بكرا بدا يوم جديد عذرا: فهد وش رايك نسافر ترى والله الرياض طفش فهد: عمتي ومن وين لي فلوس قالولك قاعد على بنك عذرا: وانا وين قلت جزر هاواي بعدين انت عندك فلوس وانا عندي خلنا نجمعهم ونروح باريس والا جنيف والا النمسا فهد: ياسلام والبيت اللي ببنيه عذرا: انت عندك الارض اجل العمار وقت هاه وش رايك ؟ فهد: بس انا عذرا: فهد خلاص انتهى الموضوع انا بسافر لو اسافر انا وولدي بس كل صديقاتي بيسافرون وانا ماني اقل منهم فهد: ليش انت اذا تتاخذتي قرار اقدر اقولك لا خلاص مالي الا السمع والطاعه عذرا: انت بتسافر معنا ؟ فهد: ما ادري اشوف انت وين تبي وكم المده ؟ عذرا: انا ودي باريس وجنيف اسبوعين باريس وجنيف اسبوع فهد: خلاص اشوف ---- جده نوره: دانه دانه يالله خلصت شعري جاء دورك دانه : ياااااااااي شكلك مره نوره: يالله بس حقت المكياج تستناني دانه: اوكي الكوافيره: شو بدك تعملي ؟ دانه: بس استشوار الكوافيره: ما بدك تعملي تسريحه متل نوره دانه: لاا الكوافيره: شخصيتك كتير بتختلف عن نوره دانه: ايه مررره انت تعرفين نوره من زمان ؟ الكوافيره: ايه من ابل ما تتجوز دانه: اهاا طيب نوره : خاله انا هنا بالغرفه الام: مدهره شكلك مره مبسوطه انك بتشوفين صديقاتك نوره: مررره مشتاقتلهم الام: امك متى بتجي طولت نوره: امي دايم كذا تتاخر بس بتجي علشان الكوافيره بتسويلها شعرها الام: اهاا --- الرياض خالد: نهله ترى خلاص حجزتلك يوم السبت الجاي انت والبنات نهله: الساعه كم ؟ خالد: العصر بس ما ادري بالضبط نهله: طيب والعوده متى ؟ خالد: ما حددت حجزت حجزين واحد بعد شهر وواحد عقبه باسبوعين يناسب والا اغير نهله: لا خلهم اللحين واذا بنغير اقولك خالد: اوكي --- ابو سليمان :سليمان بتسافر معنا انت وزوجتك والا لا ؟ سليمان: انا لا بس زوجتي يا بتسافر معكم والا بقعدها عند اهلها بجده بوسليمان : سؤال الى متى انت وزوجتك على هالحال السنه اللي هي تسافر انت ما تسافر والعكس وبعدين على بالكم ما احد داري عنكم سليمان: يبه انا مالي ذنب هي اللي ضعيفه شخصيتها وللحين مب قادره تتاقلم انها متزوجه ابو سليمان : لا تخليها حجه تفرق بينك وبين زوجتك سايرها سليمان: والله قاعد اسويلها كل شيء تبيه يبه هي للحين عايشه بحياة بنات الجامعه الصديقات والطلعات واهلها وجده وايام جده ما حبتني يبه نوووره ما تحبني ما تحبني بو سليمان: خلاص خلاص هد اعصابك بس سليمان: مب ذنبي انها بنت اختك وما ادري ليش زوجتني ايها اخليها زوجه لي طيب لكن لا تجبرني احبها ما اقدر انا ولد الرياض الرياض ربتني والقصيم ولدتني تزوجني وحده عاشت طوول عمرها بجده بو سليمان : انت ما كنت معارض واذا بجده وش فيها ؟ سليمان: ما فيها شيء بس هي اخذت طبايعهم ونست طبايعنا يبه لا تتعب نفسك معي انا اسف نوره خلقت بينا جدار كبير ما اقدر اكسره بو سليمان : خلاص ياوليدي الله يفرجها عليكم كمل اكلك يا بوي ابراهيم : يمه وينك حطينا الغداء الام : هنا هنا اكلم اختك تقول تبي تسافر بدون رجله هالخبله ابراهيم : مين عذرا الام : ايه ابراهيم : سكرتي والا تكلمينها الام: منتب صاحي بقول هالخبله وانا اكلمها والله اخاف ابراهيم : هههههههههههههه حلوه من الام انت والا هي الام: لا والله هي والشكوى لله --- نجود وسلطان نجود: حبيبي ترى نهله حجزت السبت الجاي سلطان: تبين تروحين معها ؟ نجود: ايه والله ياليت سلطان: تامرين امر يا بعد الدنيا ----الليل ومع انوار الشوارع سليمان يدور بذا الشوارع ومو عارف وين يروح الساعه 1 ونص بالليل يدور ويدور وفاتح شريط لعبادي الجوهر وحايمه كبده وقف عند ( كوفي تايم التحليه) الويتر : يس سير ود يو ونت ؟ سليمان : 1 موكا كراش سمول سايز الويتر : اوكي اني ثنج الس سليمان: نو ثانكس قاعد يناظر وقفت بجنبه سياره بيضاء وكانه يعرف اللي فيها ناظر وناظر سليمان: كنه ممدوح والله شكله هو نزل من السياره وراح للسياره اللي فيها الرجال وطق الشباك ناظر الرجال وعقبها نزل من سيارته سليمان : السلام عليكم ممدوح : وعليكم السلام هلااا ممدوح: هلا والله كيفك شخبارك سليمان: وينك وين الدنيا فيك عقب زواجي ما عاد شفتك ممدوح : والله لا هين بهالدنيا سليمان :وش لا هي فيه الله يعافيك ممدوح : ولا شيء الويتر قاطعم : اسكيوزمي ذا يور اوردر سير موكا كراش اند ذس يور اوردر كابتشينو ممدوح : ثانك يو تعال خلنا نجلس والا بتتوكل سليمان: لا عادي بيسكرون بعد شوي ممدوح : اجل خلنا نشوفك سليمان : انت غيرت رقمك صح ؟ ممدوح : لا بس حط الخمسه بدال الصفر سليمان : نشوفك على خير وبينا اتصال ممدوح : ان شا الله انطفت انوار الشوارع (الم الغربه في ارجا الوطن للكاتبه بنت الاخضر) |
|
| |
|
26 - 12 - 2007, 05:16 PM
| #35 (permalink) |
| غلاتي ماسي | من بكرا جده دانه : يمه متى بنرجع الرياض ؟ الام: ان شا الله بعد بكرا لان ابوك مهب جاي لجده دانه : احسن لاني مليت لو بكرا او اليوم احسن الام: لهدرجه حايمه كبدك من من عمتك دانه : مررررررره انا ما احبهم حتى نوره اذا جت عندهم صارت مثلهم الام: خلاص عيب اليوم ترى بنطلع معهم دانه : افففففففففففف وين بعد ترى مره طفشت ما ابغى اطلع يمه قوليلهم دانه تعبانه عقب الزواج امس الام: دانه لا تحرجيني مع عمتك لو سمحتي دانه : يمه يكفى عرس امس قعدوا على قلبي تكفين ما ابي اروح الام: طيب خلاص بقولهم انك تعبانه ولا تتطلعين نفسك بطرف خشمك دانه :شكراااااااا يا احلى ام بهالدنيا --- نوره : اهلين سليمان كيفك ؟ سليمان : الحمدلله وانت شخبارك ظ نوره : الحمدلله انا مررررررره مبسوطه ياليتني دايم هنا والزواج امس مره كان يجنن كل صديقاتي جو وقعدنا نصور واتفقنا بنطلع نفطر وبنروح اسواق وقهاوي و... سليمان : اهم شيء حلقه في اذنك خرابيط شيشه ما شيشه اقسم بالله ما عاد تشوفين النور عقبها فاهمه نوره انت ببيتنا والا ببيت اهلك نوره: فاهمه لا بيتي سليمان : ههههه يعني ببيت اهلك اجل لان عمرك ما اعتبرتينا اهلك نوره: سليمان وش هالحكي عاد لا تنكد علي انا مره مبسوطه خلني مستانسه سليمان : طيب طيب يالله مع السلامه --- عذوب : يالله فهده فهد بنطلع ماجد : ما خلصتوا يالله عذوب : يالله خالصين ماجد: ترى ما راح اجي الا متاخر ارجعوامع عذرا عذوب : ماجد الى متى ماجد: اقووول مالي خلق مواويلك سيده عذوب اسكتي والا والله ما تشوفين بيت اهلك عذوب: خلااااااااص اسفه بنكتم وصلوا لبيت الاهل سعد: اهلين وسهلين خالتي عذوبه عذوب: اهلين كيفك سعد: الحمدلله عذوب: السلام عليكم الكل : وعليكم السلام سعد طل فوق عند عند ابراهيم ومعه فهد وفهده سعد: خال ابراهيم خاله عذوب جت ابراهيم :اهلا فهوده وفهودي كيفكم ان شا الله بخير فهد: الحمدلله ابراهيم : طيب يالله وش رايكم تتطلعون علشان اغير ملابسي سعد( شدهم من يدينهم بيطلعهم ) فهده ( صرخت بقوه ): سعد لا تسوي زي بابا اه عورتني ابراهيم: سعد خلهم يطلعون بلحالهم وانت تعال ابيك سعد: طيب وش تبي ابراهيم: تكلم زين انا خالك سعد: سم طال عمرك ابراهيم: فهده وفهد ليش يخافون من ابوهم ؟ هو يضربهم ؟ سعد: ايه احيانا يضربهم اذا صار مريض فهده دايم تقولي ان ابوها مريض ويعصب مره بس اذا راح للغرفه وقعد شوي يطلع مبسوط ابراهيم:اهااا سعد: وش فيك ؟ ابراهيم: لا ما فيه شيء انزل بغير سعد: طيب --- نزل تحت ابراهيم ابراهيم : السلام عليكم الكل : وعليكم السلام عذوب : كيف الحال شخبارك ابراهيم : الحمدلله عذرا: جونييييييييييييييييييييييت وين القهوه ؟ الام: اصبري خلينا نستنى نهله جايه بالطريق عذرا: لا يا يمه كلنا موجودين نستناها عمتي متى ما جت اسفه الام: خلاص خلاص وراك شابه نار اعوذ بالله ابراهيم : اجل انا استاذنكم بطلع نشوفكم على خير مع السلامه --- عند الباب ابراهيم طالع وخالد داخل سلموا على بعض وعقبها طلع دانه تكلم سليمان اخوها سليمان: اجل وين امي لك ساعه تخرطي وما حولك احد دانه: امي طالعه مع عمتي وبناتها سليمان:هههههه وانت وراء ما طلعتي معهم ؟ دانه: مالي خلق يكفي امس بالزواج حامت كبدي تصدق ما ادري ليش رحت سليمان: غلطه انا متاكد سليمان: دانه معي خط بسكر يالله مع السلامه دانه: مع السلامه سليمان : هلا والله ابراهيمو ابراهيم: اهلا مكالمات ودنيا والا المره راحت خلاص دجينا من تكلم يالصايع سليمان: حيلك علي ياويلك من ربي والله اكلم اختي ابراهيم : ايه طيب عندك شيء والا لا سليمان : والله ما ادري اختي مرستلي رساله انها تبي تجينا اليوم بتاكد منها واقولك ابراهيم : مب كنت تو تكلمها ليش ما سالتها سليمان : لا كنت اكلم دانه واللي بتجينا جوزاء ابراهيم : اوكي ردلي (دانه ياحلوها بعد) سليمان يكلم جوج سليمان : اهلااااااا مدام جوزاء جوج : ياربيه منكم وينك ان شا الله ياعم انت وابوك ترى انا جايه لكم مو لجدران البيت سليمان : اهااا جيتي البيت جوج: ايه يالله تعال والله مليت دقيت على ابوي قالي شوي ويجي سليمان : خلاص ان شا الله بس الطريق وانا عندك ارسل رساله لابراهيم ( اسف ما اقدر اطلع ) --- بيت ابراهيم نهله : ان شا الله السبت بنسافر انا ونجود عذراا بخبث : ويــــــن ؟ نهله : عند امي عذرا : اهاا لا انا بسافر اوروبا هالسنه فهد يا بعدقلبي اصر اننا نسافر سعد قاعد يسمع هالحكي ويرفع حواجبه لفوق ويطلع لسانه ويقول : يابعد قلبي فهد هههههههه الام: الدنيا كلها تسافر وانا هالمسكينه حدي مكه عذوب : ابوي وراء ما ياخذك لا راح لذا الاراضي بالشرقيه والقصيم الام: ما يرضى والا انا ودي اغير جو شوفيه له اسبوع رايح للشرقيه ولا اخذني عذراا: عساها الشرقيه مب ... سعد: هههههههههههههههههههههههههههه بيدج باالبحرين ههههههههههه عذرا: ســــــــــــــــــــــــــــــــــــــــــــــعــ ــــــــــــــــــــــــــــــــــــــــــــد انطم سعد: ان شا الله دخل ابراهيم : ياولد نهله سحبت نفسها للمقلط طلع فوق وركض وراه سعد وقام يخرطله كل شيء صار بالجلسه من ( طق طق لسلام عليكم ) ابراهيم : سعد ودي انااام اطلع سعد:ما تبي عشاء بيحطون العشاء اللحين ابراهيم: لالا ما ابغى طلع سعد من الغرفه ابراهيم اتجه للمسجل ويدووور بذا الاشرطه يبي اغنيه توصف حالته طفش بالاخير وفتح الاف ام قعد يهوجس بذيك البنت اللي شافها وسرحان وافكاره تودي وتجيب الين وصل الى انه ما يقدر يوصل لبنت زيها وشلون وانا على هالحال حتى لو اني اشتغل وين سنيني وتاريخي ههههههههه انا وش الله بلاني هالبلوه ليه شفتها ليه دانه --- جده داااانه : يارب يارب ابراهيم يفكر فيني يارب دانه : الو هلا يمه بغيتي شيء الام: تعشيتي ؟ دانه : ايه جبتلي برجر الام: طيب انا وعمتك نبي نجي للبيت تجهزي دانه: لاااااااااااااااااا عاد حرام عليك الام: يالله مع السلامه دانه تكلم نفسها : اففففففففف ياليتني متزوجه ياليتك يا ابراهيم معي كنت والله ما اترك ولا دقيقه --- السياره مروى اخت نوره : ماما ما نبغى نروح لبيتهم العنه: ياماما هدا بيت خالك مروى: ما نطول اوكي العمه: اوكي نزلوا من السياره و دخلوا البيت ومروى ومدى نفسهم في طرف خشمهم من دانه ونوره تحاول تكون العنصر المحايد مروىك ليش ما طلتعني معنا نبصطنا بالمره دانه: تعبانه مالي خلق اطلع نوره: سلامتك ما تشوفين شر نوره تهمس باذن مدى : تكفين قولي لمروى تسكت الله يخليك الرياض جوج: لا بالله جيه حلوه انت وابوي خلاص حياتكم تدهور اذا ماصار فيه حرمه بالبيت سليمان: اقول هي انتي من جيتي وانت تهزئين وساكتلك لان ابوي قاعد ترى عاد زويتها ترى طالع لسانك عقب ما تزوجتي وصرتي دلوعه ومغروره وكن ما احد اعرس غيرك جوج: انـــــــــــــــــــــــــــــــــــــــــــــا ؟ سليمان: لا انا جوجك انا حامل علشان كذا سليمان: ايه طيب اقول وراي دوام وبروح انام مع السلامه جوج: اهل قليلين ادب بنتهم جايه عندهم ويروحون ويخلونها سليمان: قلتي بنتهم يعني مب ضيفه وزين ذاكره اننا اهلك --- جده الساععه 4 فجرا دانه : افففففففففففففففففففففففففففففففففففف ما بغوا يطلعون اخيرا الام: واللي يرحم والديك ابي انام لا تغثين بهرجك دانه: اصلا بروح اكلم وفا اصرف |
|
| |
|
26 - 12 - 2007, 05:19 PM
| #36 (permalink) |
| غلاتي ماسي | وفا: اهلييين وين الناس ؟ دانه: اسكتي الله يعافيك كانوا عندنا بنات عمتي وعععععععع يازين نوره عندهم نوره على بزارتها هم اردى بالذات مروى ياثقل دمها علبالها تغايرني طلعنا وما ادري مين ولد الفلاني رقمها من زينها لو مدى اصدق وفا: ليه مدى حلوه ؟ دانه: لا بس بيضاااااااااااااااا ونعومه ونحيفه عارفتي الكيوت كذا وفا :اها تشبه نوره دانه : لا نوره احلاهم نوره طالعه على عمتي حتى بطبايعها اما مروى تبكل ابوها الخالق الناطق قلبا وقالبا وفا: شكلك ما طيقنهم واللي مكرهك بجده هم \ دانه : شيء زي كذا الا صح تعرفين مسلسل دمعة عمر ؟ وفا: وش فيه ؟ دانه : شفتي اللي تحب طلال الممثله ممممممممم اميره محمد وفا: وش فيها ؟؟ دانه صح تشبه غسق وفا: ههههههههههههههههه قديمه ادري دانه: ياسخفك جامليني طيب وفا: ماراح اجمالك صديقتي هوووو الصديق من صدقك دانه: طيب يا بعد حي وفا: هي كلمتنا ليش تقولينها دانه: اقووول حتى الكلام احتكرتوه لكم بس لا تحاولين محيطه بالقصمان من كل مكان مني لغسق موووووووتي وفا: هذا بلاي دانه: يالله بس روحي نامي مع السلامه وفا: الا لحظه اختك جوج وش بتسمي بنتها دانه: اخس وش دراك انها بنت وفا: انت قلتيلي دانه: هههه بتسميها فتون لان ام زوجها تحب هالاسم وفا: هههههههههههههه تتوقعين حنا بنسوي اشياء علشان رضا امهات رجالنا دانه: طبعا مو بكيفك من وراء خشمك اصلا --- خالد: نهله خلاص جهزتي كل اغراضك ؟ نهله: ايه خلاص ذكرني اليوم بعد صلاة الجمعه اكلم عمي اودعه خالد: ان شا الله ان ذكرت نهله: يووووووه ما كلمت نجود اسالها وش صار على عماد وعبدالله بيسافرون معنا والا لا خالد : وانت ليش ما تسالينهم ؟ نهله: انا متهاوشه معهم خالد: سؤال انت ليش مع كل الناس متزاعله ليه انت كذا نهله : خالد ارجوك خل اليوم يعدي على خير انا بكرا بسافر خلاص --- نجود: هلا حبيبي سلطان : خلاص شنطة ملابسك جهزتها لك نجود : من جد يا قلبي ليش تتعب نفسك والله حرام عليك سلطان : انا كذا مستانس المهم نامي اللحين لاني بكرا بسهر الين الظهر ما راح اخليك ولا دقيقه نجود: الله لا يحرمني منك سلطان: اخوانك بسافرون معكم نجود: عبدالله ايه لكن عماد لا لان نهله معنا سلطان: لا تقولين متزاعله هي واياه نجود: الا لا ومع عبدالله بعد سلطان: الحمدلله والشكر على نعمة العقل ---- صلاة الجمعه خالد : نهله كلمتي ابوي نهله: ايه كلمته اسمع خلنا نطلع مع البنات نتغدى ونمر سوبر ماركت خالد: اللحين ؟ نهله: ايه اجل متى خالد: طيب لبسي البنات نهله: اصلا ملبستهم خالد: يالله نروح غرناطه فيه سوبرماركت وكل شيء المغرب جده دانه: يمه متى طيارتنا بكرا الام : الفجر نوصل على 6ونص الصبح دانه: ياااااااااااي وناسه نوره بترجع معنا ؟ الام : لا ويمكن ما تسافر معنا دانه: بكيفها الام: والله انتي بايعه الدنيا متى متى يارب اشوفك مسافره مع اهل رجلك دانه: ما طفشتي من هالموال الام: انا بس لو ادري وش اللي براسك داااااانه لا تكونين تحبين واحد وانا ما ادري دانه:ل الا لا ما نتب صاحيه الام: المهم علما يوصلك ويتعداك لاتفكرين بواحد من عيال خالاتك والله ماتحصلينه لو تحبين سابع سماء والا عيال عمانك ما جبتي خبرهم ادري دانه: هونك ما فكرت يهم وش جابلك هالتفكير الام: ما ادري صاجتنا بغسق وغسق صديقة وفا اخافنها انت والا هاه عندك نيتها هذاها ما حصلت ولد خالتها الين اللحين وهي ظروفها اقوى من ظروفك دانه بقلبها( مالت عليهم من بشر وش هالقلوب اللي لهم ): لا لا تخافين علي انا ما ارضى باي احد --- دانه: وفااااااااان بغت امي تفضحني تو حست ان براسي شيء وفا:لا تصيرين قلتيلها دانه: لا منتب صاحيه بس تحسبني احب واحد من عيال خالاتي وفا: هههههههههههههههههههههههههههههههههههههههههههه ياليت اردى ابراهيم صديق اخوك اللي مستواه اقل من مستواكم عاد امك تدقق على هالاشياء دانه: والله لو يجي ما علي منهم انا اللي بتزوجه والاهم الليل خالد: نهله كلمتي نجود ؟ نهله: ايه تقول عبدالله بس اللي بيسافر معنا خالد تكفى ابي انام والوقت مره تاخر نجود وسلطان سلطان:حلمي تنامين بتسافرين عني اسبوعين وبعد بتنامين نجود: بس اسبوعين ؟ سلطان: لا بس الثالث بجيلك نجود: هههههههههههههههههه حياك الله ---- ابراهيم يكلم عذوب عذوب : هلا ابراهيم ابراهيم:وينك؟ عذوب انا بالبيت ابراهيم : طيب انا بجيلك اللحين عذوب: أيــــــــــــــــــــــــــــــــــــــــــــــــ ـــــــــــــــــــــــــــــــــــــــــــش اللحين ؟ ابراهيم : ايه اللحين ليه فيه شيء ؟ عذوب: لا لالال البيت بيتك ابراهيم: مسافة الطريق وانا عندك عذوب تصبخ بوجهها ياويلي وش بيجيبه اللحين ولو جا هالتحفه رجلي عذرااااااااااا عذرا : الوو عذوب : عذرا الحقيني ابراهيم بيجيني البيت عذرا: نعم وش بيجيبه ؟ عذوب : ما ادري وش اقوله ما ابيه يجي عذرا: قوليله لاتجي رجلي يضايق من الجيه متاخر عادي عذوب : اوكي عذوب: الو هلا ابراهيم معليش اسفه بس لو تاجل جيتك لوقت ثاني رجلي يضايق من الوقت المتاخر معليش والله اسفه ابراهيم:لا عادي اوكي اخليها وقت ثاني عذرا: هاه وش قلتيله عذوب: زي ما قلتي عذرا: زين يالله مع السلامه فهد : من كنتي تكلمين ؟ عذرا: عذوب فهد: اها ترى خلاص حجزتلك بعد اسبوعين باريس وجنيف عذرا: وانت بتروح ؟ فهد: ايه ان شا الله انتهى يوم الجمعه بكل ما يحتوي من احداث ( الم الغربه في ارجا الوطن للكاتبه بنت الاخضر) |
|
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| انت بقلبي الوطن | حلاوة لبان | همس الوجدان وفيض القلم | 5 | 14 - 02 - 2007 12:46 AM |
| حب الوطن بين الحقيقة والادعاء | شريان الخير | أرشيف | 3 | 16 - 01 - 2007 08:10 AM |
| حب الوطن بين الحقيقة والادعاء | شريان الخير | أرشيف | 1 | 11 - 01 - 2007 03:33 AM |
| عودة الصويلح لارض الوطن . | تكفيني الذكــرى | صدى الملاعب | 6 | 18 - 08 - 2006 04:27 PM |
روعــــــــــــــــــــــــــــــــــــــــ ــــــــــه تسلمين عليه ومتحمسين للباقي ولا تطولين علينا يا بعد حيي >>ولا بس وفا اللي تقولها 
>>متأثره بالقصه بقوه
العرض العادي
