ام نوره المنصوري

مجبوس لحم لذيييييييييذ وإن شاء الله يعجبكم .... طريقتي هاي : بيكون اللحم واااايد طري ولين ولذيذ والعيش شبه لين ...
بسم الله نبتدي ..
اول شي تاخذين
(1) اللحم مقطع بعظامه أنا أستخدمت حوالي 10 قطع وتفورينه مضاف إليه : بصلة مفرومة وحب الهيل وعود جرفة وحب فلفل أسود وفصين ثوم والسنوت مكعبين دجاج ...[u]هاي طريقتي في تبهير الدجاج أو اللحم عند الغلي

(1)تغسلين وتودنين عيش حوالي 4 أكواب ..
بعد حوالي ساعة يكون جاهز ..
نحتفظ بالماي ..
(2) نقلي حوالي 3 بصلة مفروم مع 4 فص ثوم مهروس حتى يحمر ...إنضيف قطع اللحم ويقلب

(3) في الخلاط الكهربائي :
كمية من الكزبرة حوالي قبضة يد .. حبتين طماط .. 1 فلفل بارد وسط ..ويضرب
(4) نضيف خلطة الطماط على اللحم ويقلب جيدا ..نضيف ملعقة شاي كل من : ملح.. فلفل أسود.. بزار كمون ..جرفة .. حبة ليمون أسود يابس وقرن فلفل أخضر حار ..ويقلب ..
(5) نضيف العيش ...

(6) نصب الماي ( ماي اللحم ) فوق العيش ب3 إنشات . ويترك حتى يبدأ بالغليان ..

(7) يغطى بالقصدير ويغطى بغطاء القدر ويترك حوالي 45 دقيقة ويخفف على الحرارة إلى الخفيفة ..
(8) بعد حوااالي 45 دقيقة

(9) الشكل النهائي : يقدم مع البصل الأبيض والليمون والآجار أو سلطة روب ...

منقووول

الفتى السعودي

أم نوره المنصوري الطريقه حلوه و الحين وقت غداء يعني جوعان ودي آكل بس الحمد لله انا الصور ما تطلع كاان تشهيت الغداء مره .

الخطوات واضحه لكن عدم طلوع الصور خرب الموضوع راجعي التحميل أم نوره المنصوري وودنا نشوف الصور لأنها تزيد من جمال الموضوع .

أم نوره المنصوري كعادتك مبدعه حتى مع نقلك للموضوع و ربي يعطيك العافيه و ننتظر جديدك

و للجميع خالص تحياتي

الفتى السعودي

همسة انوثه

ام نوره المنصوري

اشكركم على المرور الحلووووو