| |
26 - 03 - 2007, 12:27 PM
| #1 (permalink) |
| غلاتي الذهبي   |  طفل يخرج من القبر ليعاتب أمة (قصة حقيقية واقعة في الإمارات السلام عليكم ورحمة الله وبركاته هذي القصه فعلا حصلت في رأس الخيمه السالفه من البدايه فيه إمراه عاشت قصة حب مع شاب تقريبا سنتين وتحدوا حارتهم عشان يتزوجوا المهم تم الزواج بعد عذاب وتعب وكان أحسن عرس حسب ما تقول مرت السنوات جابت الأم الولد الأول وبعده الثاني وبعده الثالث حتى الخامس ولما حملت سادس مره قالها زوجها أنا أريد بنت ولو جبتي ولد بطلقج الام إنصدمت من كلمة بطلقج وقالت أسوي المستحيل ولا يطلقني يريد بنت أجيبله بنت بس كيف؟! ما لقت طريقه إلا ربيعتها ام نوف خبرتها بالسالفه وقالتلها ساعديني المهم فكرت ام نوف وقالت ولا يهمج خلي بس موعد الولاده يجي عقب يصير خير ام نوف عندها معارف في إحدى المستشفيات في رأس الخيمه قسم الولاده المهم إتفقت مع الدكتور أحمد علاء خواجه على أنه إذا الأم جابت ولد يبدل الولد مع أي بنت مولوده في المستشفى وقالت الأم بدفعلك إللي تباه بس سوي هالطلب المهم غرته الفلوس على قولة المثل الفلوس تعمي النفوس وافق الدكتور أحمد عطلبهم يوم جا وقت العمليه ولدت الأم بس شو جابت جابت ولد ولد مثل القمر بس للأسف بتستغنى عنه جا الدكتور عند الام عشان يفحص حالتها قالتله يالله روح بدل الولد قبل لا يجي زوجي ويطلقني شوفوا كيف تستغنى عن ولدها بكل سهوله وبرود رد عليها الدكتور لا إسمحولي ما أقدر أشارك في هالجريمه ردت الأم قالت كيف بعد ما خذيت الفلوس تقول جي المهم الأم وربيعتها مب فاضين حق الدكتور راحت أم نوف(ربيعتها) تفكر بعدين قالت شو رايج نذبحه ونقول لزوجك أنج جبتي بنت عقب ماتت قالت لا كيف اقدر أذبح قطعه من لحمي وروحي قالت أم نوف كيفج خلي زوجك يطلقج خافت الأم من هالكلمه قالت ربيعتها(أم نوف)شو رايج ندفنه في صحراء ونخليه يموت بروحه و بيكون جي مات بروحه... المهم الأم بعد ما إقتنعت راحت هي وأم نوف وسوا فعلتهم بس قبل ما تدفنه رضعته من حليبها ودفنته ردت الأم بيت زوجها قالتله جبت بنت بس ماتت قال كذابه لازم أروح أتاكد بنفسي ربيعتها أم نوف راحت المستشفى وإتفقت مع بعض الدكاتره والممرضين على أنه إذا جا الزوج يقولوا له أن زوجته جابت بنت بس ماتت وغرتهم بالفلوس راح الزوج و تأكد وطلع أنه فعلا زوجته جابت بنت بس ماتت المهم إستوى عزا على أنه البنت فعلا ماتت والأم قلبها متقطع على ولدها إللي دفنته بعد مرور شهر هنا تبدا السالفه بعد شهر او أكثر بشوي راحت الأم عند ربيعتها وقالت لها أريد اشوف ولدي بروح عند ولدي قالت أم نوف يا هبله ولدج مات صار له أكثر من شهر إنسيه يا مجنونه قالت الأم قالت أنا بسير عنج يعني بروح واخليك (11) وإذا بتيين انا هناك المهم سارت يعني مشت (11) الأم لين ما وصلت المنطقه إللي دفنت فيها ولدها تمت الام تدور عن المكان إللي دفنته فيه لأن صحراء وصارلها أكثر من شهر من دفنته جات ربيعتها وقالت لها : الصراحه ما قدرت اخليج بروحج قالت الام للحين ما لقيته تمت الام والربيعه يدورن عالولد فجأه فجأه بدون إنذار فجأه سمعت الام وربيعتها صوت طفل يصيح صرخت أم نوف وقالت اعوذ بالله هذى صوت جني المنطقه ما فيها أحد قالت الأم لا هذا صوت ولدي قالت ام نوف يا هبله ولدج مات تعرفين شو يعني مات يعني خلاص إنسي انج تسمعي صوته المهم الأم أصرت وقالت أنا قلبي يقولي أن هذا صوت ولدي ولازم اروح أشوفه سارت الام وربيعتها لين ما وصلوا مكان الصوت وشو تتوقعوا شافوا هناك شافوا شي غريب شي ما يخطر على البال شافوا والله شي غريب إللي شافوه هو أن الولد هو إللي كان يصيح ولقوه حافر مطلع نفسه من تحت سبحان الله شهر كامل تحت الرمال الحاره وعلى ضوء الشمس الحارق بدون اكل ولا شراب وعمره ما كمل شهرين سبحان الله خلوني اكمل المهم خافت ام نوف وقالت حق الام هذا مب ولدج الأم فرحانه لأنها شافت ولدها ومطقعه لأم نوف المهم وش تتوقعواسوى الولد شي أغرب من إللي فات شي غريب وغريب وغريب لو عرفته أكيد بتستغرب وبتقول سبحان الله إللي سواه الولد الله يسلمك تكلم أيوه تكلم ليش مستغرب وقال ماما ماما وفوق ماما زاد كلمه وقال ماما ماما ماما انا جائع بالعربيه الفصحه قالها جائع ما قال جوعان هذا حسب ما تقوله الأم سبحان الله المهم بكمل السالفه جت الام تريد تحضن ولدها عشان ترضعه من حليبها صرخت ربيعتها أم نوف وقالت لا لا خليه هذا مب ولدج هذا مب إنس هذا جني خلينا نروح قالت لا هذا ولدي وهو من شدة الجوع تكلم برضعه ويستوي إللي يستوي المهم حضنت الام الولد وجت تريد تخلي فم ولدها في صدرها صرخ الولد صرخه قويه وقال ماما ماما ماما أنا جائع بس بس ما أريد أشرب من حليبج شوفوا تخيلوا وقولوا سبحان الله من كثر الولد كاره أمه قالها ما اريد اشرب من حليبج سبحان الله بكمل شو قال الولد قال ماما ماما أنا جائع بس ما اريد أشرب من حليبج وكمل وقال ماما أنا أريد أريد أشرب حليب حليب نيدو صـ.ـ.ـ.ـ.ـ.ـ.ـ.ـ.ـ.ـ.ـادوووووووووووووووووووووووه |
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصة حقيقية عن السحر والسحره | بـــ e ـنـa ـــ u ــت | قصص متنوعة | 11 | 29 - 01 - 2008 10:26 PM |
| ميلان الايطالي يهزم منتخب الإمارات بثنائية جيلاردينيو ويحرز لقب كأس تحدي | خذاني الشوق | صدى الملاعب | 2 | 18 - 01 - 2008 04:54 AM |
| قصة حقيقية في كلية البنات | عذوبه بس حبوبه | قصص متنوعة | 9 | 30 - 09 - 2007 11:15 AM |
| قصة أبيات شعرية حقيقية | دمــعــة حــزن | قصائد و أشعار | 8 | 06 - 05 - 2007 07:54 PM |
| الإمارات العربية المتحدة | kazanofa | السياحة والسفر | 17 | 09 - 10 - 2006 08:50 AM |
العرض العادي
