| |
| |||||||
| قصص الاعضاء منتدى مخصص للقصص التي يقوم بتأليفها الاعضاء |
    |
 |
| | LinkBack | أدوات الموضوع | انواع عرض الموضوع |
24 - 03 - 2007, 11:21 AM
| #1 (permalink) |
| غلاتي فعال  |  للحب معنى أولى محاولاتي القصصية [align=center] الســـلام عليكم ورحمة الله وبركاته تحيه طيبة أبعثها للجميع ..علها توصلكم وانتوا مرتاحين وكوووول قصة حب اماراتية من تأليفي بعنوان ( للحب معنى ) أتمنى التثبيت و اذا عيبتكم باذن الله بنزل كل ويك اند بارت .. وع فكرة القصة باللهجة العامية المقـــدمـــة قصة قد تحمل من الواقع ما هو كثير و من الخيال أيضا ما هو من الكثير و لكن ليس بقدر واقع حياتنا اليومية .. أحزاننا ..وأفراحنا.. كيف سنواجهها؟!1 بقوة الايمان ام بضعف الايمان .. بالصبر ؟؟ أنستمر في أحزاننا و لا ننسى همومنا ؟؟ ام ننظر للحياة من منظور الأمل .. التفاؤل الحيوية و النشاط .. تمنيات فهل ستتحقق أم ستخيب ظنوننا وامالنا التي نعقدها عليها .. شخصيات مختلفة تغوص بين أسطري و تخط حياتها اليومية و مواقفها .. منها الفئة الحسنة الصالحة و منها تلك الأخرى التي تفهم ما تريده من النظر اليها .. قصة و لاادري ماالذي قد أخذني اليها عشت مع شخصياتها و تعمقت في أفكارها .. قصة قد تحمل الكثير من المشاعر المتضاربة ؟؟ فهل سينجو أبطال قصتنا !؟ أم سيسحقون بمرارة الحياة و مواجعها ..و مصائبها سأترك لكم الحكم و الحق في الجواب على كل هذه الأسئلة و سأطلق العنان لقلمي لأبدا لكم أيها الغوالي بالقصة .. تعريف بشخصيات القصة عايلة ابو سالم (منصور) رجل أعمال عنده عدة شركات بشراكة أخوه بو ناصر متزوج من ام سالم (وردة ) طيوبة بطبعها و حنونه وااايد عندهم سالم أكبر واحد عمره 26 سنه انسان محترم جدا و جدي ملتزم بدينه وايد حنون بشكل كبيرومتحمل مسؤوليه اخوانه كلهم و بعده اختها مريم حبوبه وايد ادش الخاطر محمد 23 سنه انسان راقي في التعامل ووايد نكيت و ضحاك و تعليقاته تموت ضحك بس الكل يحبه و يعزه و دلوعة البيت أصغر العيال سارة 20 سنه رقيقة واااايد و حساسة الكل يحبها و بالرغم انها في الجامعة الا أن الكل مدلعها .. عايلة بو ناصر (خليفة) اخو بو سالم انسان عنيد شوي و صعب طبعة بس وايد طييييييب متزوج من ام ناصر (شمسة) و هي بعد حنونة بس شويه عصبية و خصوصا في أي شي يخص الدراسة عندهم ناصر 24 سنه جدي وايد و رسمي أكثر من اللزوم يعني يكلم الواحد السلام و عليك و بالرغم من هذا الا انه وايد حنون و طيوب يحب أهله و خصوصا خواته بعده حمد 23 سنه اللي يشوفة يقول مصرقع من كثر ما يضحك و يطنز بس ريال والنعم فيه خصوصا وقت الشده و ربيع محمد الروح بالروح يدرسوا في الجامعة تخصص هندسة نظم حاسب آلي و بعده هند 22 سنه ماخذه من ابوها العناد و من امها الحنان حبوبه مووووووت و أخيرا شما 18 سنه دلوعة الكل بس شوه عصبية لا تقول لها شي بس وايد وايد مخلصة في صداقتها و ان حبت تحب من الخاطر يعني صدق و شطورة في دراستها ... عايلة بوراشد (سلطان) رجل يشتغل معلم في الجامعةيدرس الطلاب هندسة معمارية متفهم و منطقي و رزين جدا متزوج من ام راشد (سهيلة) اخت ام سالم ما راح أقولكم عنها ما تتختلف عن ريلها بشي واعية و تحل المشاكل بطريقة حلوة و راقية عندهم راشد 22 سنه يدرس في الجامعة وبعدة اخوانه التوأم حميد و العنود 21 سنه حميد عرس بعمر 20 بصبحة و سافر استراليا يدرس و عنده بنت حبوبة حلوة اسمها لطيفة عمرها 8 شهور و آخر العنقود نوف 5سنيين .. عايلة لها علاقة بالقصة عايلة ابوحمدان (عبدالله ) انسان كرس كل حياته لعياله خصوصا بعد ما توفت حرمته أكبر واحد حمدان 26 سنه ربيع سالم الروح بالروح رجل بار جدا بابوه و يحترمه و متزن جدا عكس أخوه مطر 23 سنه مسافر يدرس طب في الخارج بي يميل لانانية و الغرور شوي حتى انه ما بتصل يطمن على أهله و مهرة آية من الجمال تشبه أمها وايد بشكل فظيع بل نسخة منها عمرها 25 بس للحين ما حصلت شغل واختها شيخة 15 سنه حبوبه و تحب أختها وايد خصوصا بعد وافاة امها تعلقت بها زيادة .. إن شالله تعيبكم القصة وإن شالله إذا شفت تفاعل بنزل لكم أول بارت باذن الله أختكم عذبة السجايا [/align] |
|
|
25 - 03 - 2007, 07:55 PM
| #4 (permalink) |
| غلاتي فعال |  [align=center]في دار الزين قعد ابو سالم ويا عياله يسولفوويا بعض سالم :- ابويه شوف ولدك محمد ها خله يصطلب  محمد :- ابويه لا تصدقة شو أصطلب صالب عمري أنا  سالم :- احلف انت بس !! أقول فارج يالله بو سالم :- بسكم عنبوكم ما تحشموا حد أكبر عنكم شقاصر بعد تقابضوا بالحلوج  محمد يخبي ضحكته:) و يقول فخاطره و الله حلوه كلمة الوالد سالم يقرب من ابوه و يحبه من راسه :- السموحة ابويه بس لا تعصب محمد يقرب و يحب راس ابوه :- اسمحلي ابوية بس ما يصير نراضي الشيبة و نودر العيوز  ام سالم تفر محمد بقوطي الكلينكس :- عيوز فعينك ياللي ما تستحي ع ويهك الكل يضحك مريم :- كله الا الغالية امي سارة بدلع   :- علي فدا ام سارة الغالية و تبوس امها محمد :- انزين خلنا من الضحك ابويه انا اباك في موضوع الكل سكت يبا يسمع محمد شبيقول محمد :-  خخخخخ حوووو يالفضول كل هذا عسب يسمعوا السالفة ابو سالم :- بسك هذربه و قول لي شعندك ؟؟ محمد :- ما عليه ابويه أحسن أكلمك داخل ابو سالم :- ما عليه سير داخل وانا بلحقك محمد :- ان شالله داخل في الميلس محمد :- انزين ابويه بغيت أكمل نص ديني ابو سالم :- هاي ساعتن مباركة بس انت بعدك صغير أخوك سالم اكبر منك ما عرس و بعدك انت حتى دراسة ما خلصت يبالك تشتغل عسب تصرف ع الحرمة محمد فخاطره :- عيل عز الله ان تريينا سالم عزبنا  ابو سالم :- ها شبلاك .. محمد :- ها .. لا ماشي بس يا بويه لين امتى بانتظر سالم ابو سالم :- يا ولدي الزواج قسمة و نصيب و بعدين منقود الصغير يعرس قبل الكبير محمد :- بس يا ابويه ما يستوي سالم شكله مطول ابو سالم يتعمق في التفكير :- انزين نش ازقر سالم أشاوره محمد :- ان شالله ظهر محمد يزقر سالم و بصوت عالي :- ســـــــــــــــالم .. ســـــالم و ينك سالم :- هنيه .. حو صوتك أكبر عن جسمك كل الييران سمعوك محمد :- يا خي بعدين هالكلام ابويه يباك تعال سالم :- يالله ياي ام سالم :- شعندهم العيال مريم :- ما ادريبهم و الله سارة :- تبوني أسير أتسمع و ارد أخبركم شالسالفة مريم تضرب سارة ع راسها :- خل عنج حركات اليهال و اعقلي  سارة تمسح ع مكان الضربة :- اووه عورتيني غرب الله بليسج خلاص انزين بنودر هالحركات بس السنه اليايه خخخخ شرايج مريم :- الله يهدينا و يعقل عليج يا ربي في الميلس ابو سالم :- ها سالم شرايك سالم :- والله يا ابويه محمد ما ينقصة شي ريال و النعم فيه دين و خلق و أصل و خبال هههههه محمد يطالعه بنص عين :- انت ما تعرف تمدح و بس لازم تذم سالم :- اسمحلي المهم ابويه لا تربطوه فيني هو ريال و انا بعدني ما أفكر أعرس من اللحين و ان يغيت تراه بخبركم و ما يحتاي نضيع على محمد ابو سالم :- والله انا رايي ما يعرس قبل لا ينهي دراسته و يشتغل و بعدين خير ها محمد شقلت محمد :- شورك يا ابويه ما ينرد وانا أعرف فيك ما تبا لي الا كل خير ابو سالم :- يبتسم :- بارك الله فيكم يا عيالي هذا شيمتي فيكم و ظني ابكم تربيتي تبادلو سالم و محمد الابتسامة[/align] [align=center]************************************************** *** في بيت بو راشد ام راشد ترمس فالتلفون وابو راشد يقرى الجريدة على عوايده و العنود و نوف يلعبن بلاي ستيشن  راشد نازل من الدري :- السلام عليكم الكل :- وعليكم السلام راشد يسلم على ابوه :- هلا ابويه اشحالك ابو راشد :- هلا و غلا انا بخير الله يسلمك .. أحوالك انت عساك بخير راشد :- يسرك الحال و يصد صوب نوف راشد :- نوفه الحبوبة .. دلوعتي شحالها نوف تركض فحضن اخوها راشد :- اشحالج نوف بصوت الطفل البري :- الحمدلله .. راشد :- كليت ..و له لاء نوف :- امبلى أكلت راشد :- بالعافيه عليج يالغالية و تم يلاعبها و يضاحكها راشد :- العنود ودري عنج هاللعبة و تعالي رمسيني شرا الأوادم العنود اطب اللعبة :- هلا و الله بأخويه راشد :- اقول العنود أباج فموضوع العنود :- تامر جم راشد عندنا ... راشد يبتسم العنود تكمل :- تبا الصدق وايد عندنا راشد بس يالله ما عليه ههههه راشد :- هههه الله يهدينا اقولج اباج فموضوع العنود بجدية :- ها كلي آذان صاغية راشد :- شي دورة بيطرحونها فالكمبيوتر تبن أسجل اسمج فيها تبين وله لاء العنود :- هههههههههه  راشد:- بلاج اضحكي قلت نكته و له شوه العنود :- اونه اباج فموضوع ع بالي تبا تعرس راشد اضايق :- اوهو يالعنود عن البياخة .. تبين وله لاء العنود :- قولي من متى راشد :- لمدة اسبوعين من تاريخ باجر من خمس العصر لتسع المسا العنود :- لالاء ما أقدر دوامي فالجامعة لين المغرب ما أقدر مشكور راشد :- أها ام راشد تسكر التلفون و تيلس عدال راشد راشد :- ها امي منهوه ترمسي ام راشد :- أرمسك خالتك وردة تسلم عليكم الكل :- الله يسلمها ام راشد :- انزين أقول راشد راشد :- ها امي طلبي وما لج الا الرضى ام راشد :- بغيتك تفكر فموضوع الزواج راشد :- امي بعده توه الناس .. بعدني ما خلصت دراسة و ذيج الساعة من أخلص و أشتغل قولي لي هالكلام ام راشد :- يا راشد لا اتعذر بالدراسة تراك ماخذ صيفي كل سنه و ما باقي لك الا هالسنه و تخلص راشد :- يا امي الزواج مسؤوليه.. خليني نأسس عمارنا و نبني عمارنا عسب أكون قادر أفتح بيت و أصرف على الحرمة و له بس همكم العرس و بس الواحد لازم يفكر و يراجع و يخطط هاي حياتي بكملها و ياها طول العمر هب لعبة دخيلج امي سكروا هالسالفة و يوم أبا بدق باب غرفتج بايدي العنود :- امايه صدقه راشد خله ع راحته و بعدين لازم بفكر و يخطط ام راشد :- بكيفكم بس أخاف البنية تروح امنا راشد اضايق :- و ان راحت ترى شي شي غيرها .. يالله من رخصتكم انا ظاهر و رايه شغل و نش من مكانه و طلع العنود :- امايه شله تكلمونه فهالموضوع و انتوا تعرفوا عناده و موقفه ام راشد اضايقت :- و انا مالي ذنب أبا أشوف عياله و قامت العنود :- لا اله الاا لله ابويه قول شي ابو راشد :- امج عنيدة واخوج ماخذ عنادها شتبيني أسوي العنود :- ابويه انت لك كلمه عليهم يحترموك و يقدروك و لا بيردوك ابو راشد :- خلاص يا بنتي بحاول و تصد تكلم نوف يالله نوف نكمل لعب و كملن العنود و نوف لعب ها ؟؟ شرايكم ؟؟ يالله فانتظار ردودكم و تشجيعاتكم [/align] |
|
|
|
29 - 03 - 2007, 02:08 PM
| #11 (permalink) |
| غلاتي فعال | [align=center]السلام عليكم ورحمة الله أخواني حاولت و الحين نزلت لكم البارت الثاني ان شالله يعيبكم __________________________________________________ __ في بيت ابو ناصر الساعة تسع و نص الصبح ناصر نازل من الدري:- السلام عليكم ويسلم على امه وابوه الكل :- وعليكم السلام ناصر ييلس :- شخبارها دلوعتي اليوم ؟؟ شما :- والله بخير بس زعلانه منك ناصر يصب الجاهي :- أفا و الله !! شله ؟؟ شما :- و الله اليوم وعيتك حق صلاة الفيرما نشيت ان شالله اللحين مصليها ناصر :- أووه استغفر الله والله راحت عليه نومه خلاص باذن الله ما بفوت وله صلاة شما تبتسم :- و يماعة في المسيد ناصر :- ان شالله شما تصد لحمد :- وانت بعد حمد حمد ياكل التوست و يبلعها :- ان شالله عمتي  .. جم عمة غالية عندنا ؟؟شما تعرف طبع اخوها :- تسلم الغالي تربيت ابويه السبع ابتسم بو ناصر و كملو ريقوهم و في نص سوالفهم قطع عليهم صوت التلفون هند :- أنا برد ع التلفون .. نشت من مكانها هند بصوتها الرقيق :- السلام عليكم و الرحمة الطرف الثاني :- و عليج السلام هنيه بيت حمد خليفة ...... هند و الخوف مبين في صوتها :- هيه نعم شله ؟؟ الطرف الثاني :- ها هند :- لا آسفة أقصد من يباه الطرف الثاني :- الرايد سلطان راشد النعيمي هند :- او... اوكي بس عطني دقيقة راحت هند و الخوف مبين في وييها ام ناصر :- ها هند حبيبتي مننوه هند تبلع ريجها :- الرايد سلطان يبا حمد ع التلفون الكل مستغرب حمد :- منوه هذا ما أعرفه قولي له أتريق هب فاضي  الكل كتم ضحكته ابوناصر :- هب وقت المزح قم شوفه حمد :- ان شالله نش حمد من الكرسي و شل سماعة التلفون حمد :- مرحبا الطرف الثاني :- مرحبتين بتوأم الروح و القلب حمد بانفعال مستغرب :- انــــــــــــت !!!!!!!!!!!!!!!!!!!!!! الكل زاغ يعني يعرفه محمد :- ههههههه بس لا تخرب المقلب سو روحك ترمس رايد بصدق حمد :- شقولك و الله اللحين لساني انربط خخخخخ محمد :- خخخخخ بسك عاد لا تخرب تعبيه حمد يمثل :- ها .... السجن ؟؟ شله .. حياك الله ..البيت بيتك فانتظارك سكر حمد السماعة و كتم ضحكته ام ناصر :- ها بلاك تجنك تعرفه حمد :- ها .. هيه كان وياية فالجامعة بس أكبر عني و ما شالله علية رتبه رايد ابو ناصر :- تجنك يبت طاري السجن حمد :- ها ..لاء اللحين بيطب بيتنا و عاد فهموا السالفة ما فيني أخبركم حمد يتأمل ويوهم و كان في خاطره يضحك بس كتم ضحكته بعد فترة صوت جرس الباب حمد :- اكييييد وصل فتح حمد باب الصالة ودخل محمد :- السلام عليكم حمد + محمد :- هههههههههههههههه محمد :- حلو المقلب صح كفك ..كفك يا بو شهاب و يتلاقن كف حمد بكف محمد الكل معصب ابو ناصر :- استحوا ع ويوهكم طيحتوا قلوبنا محمد يسلم على عمه و حرمة عمه محمد :- اسمحلي عمي و الله هب قصدنا بس نضحك ام ناصر :- زين ما روحتوا حد فيها محمد :- والله آسف سامحوني صد محمد و سلم على ناصر بعد فترة بسيطة محمد :- اشحالج شما شما :- يسرك الحال اخبارك انت ؟؟ محمد :- تمام .. يسرج الحال بنت العم . أقول . وين الكل راح ؟ شما :- ابويه ظهر الشركة و امايه اتلبس تبا تسير السوق و ناصر و حمد فوق محمد :- أها ما شالله كل حد فصوب.. جنه حمد تأخر ؟ ! شما :- أكيد يتروش بماي بارد ع الصبح محمد :- والله سامحوني ما توقعت كل هذا يصير بسبتي محمد يصد ويشوف هند و يهها متغير هب ع العادة محمد :- شفيج هنوده ؟؟ شكلج تعبانه هند و بانفعال :- لا والله ؟؟الحين تسأل شفيني ..؟ بس هذا اللي انت شاطر فيه اطيح قلوب الناس و تخرعهم و همك الوحيد عسب تضحك و تونس عمرك و نحن و لا على بالك .. متى بتاخذ هالأشياء ع محمل الجد .. بسك تلعيب و تضحوك بعد ما تسوي كل شي تضحك و تعتذر .. تقتل الميت و تمشي فجنازته بس هذا حياتك (هند حدها معصبة وتصارخ وتزاعق ولا حاسه بعمرها)محمد كان هب مصدق عمره هند تكلمه بهالطريقة وقف محمد و مبين عليه الصدمة و كلمها بشوية انفعال :- مشكوره.. يا هند ايي منج أكثر.. بس أنا الساذج اللي معتبرج غير عن الكل.. مشكورة هند و ع فكرة كل كلمة قلتيها صح ما قاصر الا تقولي لي أرمس بنات و له قولي صايع و مايع مره و حدة. وضايع وهليه ما عروفواا يربوني.. و اذا أنا ما أهتم حق الغير و ماهمي الا نفسي تراني شراتج يا هند تجرحي الغير بكلام أقسى من البرد و لا كأنج مسوبه شي ...مشكورة شما تسمع كلامهم وهب عارفه كيف توقفهم او تخفف من حدة الموقف محمد يكلم شما :- شما قولي لحمد انا هب رايح المحاضرة اليوم خله يكلم الدكتور أني مريض يالله مع السلامة وظهر محمد من الباب مكسور معقوله هاي شخصيته يعني الكل مستخف فيه و بس يعني هو تافه يلست هند ع الكرسي و مسكت راسها بايدينها :- يا ربي شقلت انا ؟؟ شسويت ياربي ؟؟ ليش قلت له هالكلام شما :- هند ليش قلت لمحمد هالكلام تعرفي لو انه حمد عرف شبيسوي هند و الدموع فعيونها :- ما أعرف يا شما لا تسأليني كل اللي أعرفه انه قلبي طاح .. تخيلي حد ايب طاري سجن لأخوج عضيدج وسنيدج وانت تعرفين اني أحب حمد وايد وأعزه وأقوله كل سوالفي وخاطري مجرد الفكرة تخبلني .. لا تسأليني شما :- دامج تعزينه كل هالكثر تجريح فأخوه وولد عمه وربيعه الروح بالروح وتمسين كرامة رايل وتقولين له لعاب .. ما فكرتي أنه هالشي يأذي حمد ولا يرضيه ؟؟ ما فكرتي هند والدموع فعيونها :- ما أعرف دخيلج يا شموه ما أعرف .. وطلعت غرفتها نزل حمد حمد :- شموه وين محمد شما :- هاه .. ظهر و قال لي أخبرك أنه تعبان صدع راسه و ما بيحضر المحاضرة وعاد خبر الدكتور حمد :- جيف ؟؟ بهالبساطة بس صدع و راح شما :- ما أدري به شوفه ع التلفون حمد يظهر :- خلاص أوكي في السيارة عيز حمد من كثر ما يدق حق محمد و فالطريق شاف حادث كبير شاحنة و سيارتين وقف بسيارته و قرب يشوف .. شهق شهقه لما شاف محمد مسوي الحادث اتصل للاسعاف و الشرطة و الدموع فعيوونه عقله مب وزياه وقلبه يدمي من داخل وروحه تعتصر ألم بعد وقت الكل يتريا فمكان الحادث ووصلت الشرطة و الاسعاف ظهروا محمد من السيارة و كندورته خايسة دم حمد ما قدر يتمالك نفسه تم يصيح من خاطره ركب و يا محمد فالاسعاف محمد فوعيه شوي و شوي يغيب عن الوعي يفتح عيونه و بصوت متقطع :- حـ.... مــ....د ..انــ...ا .. هـــ ..ن..د ..آســ...فــ . حمد و الدموع ع خده :- ارتاح محمد لا ترمس لا اتعب روحك ووصلوا محمد المستشفى ودخلوه العنايه حمد ما عنده تلفونه نساه فالسيارة رد البيت ع تكسي و دخل البيت الك زاغ لما شاف ثيابه متخيسه دم ام ناصر :- باسم الله عليك حمد ولدي بلاك هند و شما واقفات عداله :- حمد بلاك حمد يصيح :- محمد ... محمد سوا حادث عود و اللحين فالعنايه شما :- شوه ؟؟؟ ام ناصر :- تعال حمد ايلس استهدي بالله بلاك انت حمد ييلس ع الكرسي و فحالة انكسار تام .. معقوله .. اللي صار بكي حمد شرا الأطفال ما تحمل شكل محمد هو و الدم و حالته هدى شوي و سبح و خلص و راح المستشفى بعد نص ساعة الكل متيمع فالمستشفى ظهر الدكتور سالم :- ها دكتور طمنا شفيه الدكتور اتبعني للمكتب مشى سالم بخطوات سريعة ونظرات خايفة لحد ما وصل لعند الغرفة سالم :- ها دكتور دخيلك خبرني بلاه اخوي الدكتور :- للحين عنده 3 كسور فالحوض و عنده الكبد ينزف بس بدنا نحطه بغرفة العناية المركزة لبكرة و نشوف كيف بيصير سالم :- شو يعني الدكتور :- ان شالله بيكون بخيرر بس بيحتاج للعلاج و على حسب استجابه جسمه للادويه و غيرها و الحالة لهلا مستقرة بس عاوزين نتأكد من استقرارها سالم يصافح الدكتور :- مشكور دكتور ما تقصر وطلع من الغرفة سالم :- خلاص محمد باذن الله ما عليه شر ما شي فايده من يلستنا هنيه باجر بنرد و حالته الحمدلله مستقرة الكل ساكت سالم :- دخيلكم لا تذبحوني بسكوتكم هذا اذا انتوا تحبوه مرة فأنا مليون مره حرام عليكم ارحموا حالنا يالله الكل تحرك و رد للبيت بو سالم وام سالم مثال رائع للوالدين الصابرين و المؤمنين بقضاء الله فما قدروا الا أنهم يدعوا لولدهم سارة و مريم ماقدرن يخفن دموعهم بس بالأخير ما ملكن الا الدعاء الكل راح و بقا سالم خلص الاجراءات و خلصهن وتوه يبا يظهر سمع صوت من وراه هند :- سالم سالم يصد :- هلا هند هند تصيح :- الله يخليك سالم طمني على محمد .. شفيه سالم :- محمد ما عليه شر بس لا اتعبي روحج يا هند لا تعوري قلبي زود هند تصيح من خاطرها :- أنا السبب .. دخبلك سالم ان صار به شي ما بسامح نفسي دخيلك سالم أنا أختك حن ع حالي طمني ع محمد دخبلك و راح صوتها بالصياح سالم :- خلاص يا هند لا تعوري قلبي هدي عمرج يلست هند و شربها سالم ماي سالم :- أول فهمني شله انتي السبب ترددت هند بس بعد عناد سالم خبرته سالم حابس الدموع فعيونه :- كيف قدرتي تقولي لمحمد هالكلام ؟؟ كيف قدرتي تقولي للغالي مثل هالكلام و صرخ عليها :- ما تقولي لي كيف ؟؟ خافت هند وانتفض جسمها ببرود و بدات دموعها تنزل رص سالم ع راسه بايده و يلس ع الأرض يصيح :- ليش يا هند محمد غالي .. ليش ؟؟ ما يستاهل هند :- والله اعرف يا سالم .. بروحي ما أعرف كيف قلت له هالكلام بعد فترة حس سالم على عمره سالم :- يالله هند ردي البيت .. كيف عمي خلاج اروحج هنيه هند :- لا أنا قلت لهم نسيت تليفوني و قلت لهم يسبقوني و برد ويا عمي بس عمي راح سالم يرد راسه ع ورى و ويسنده ع اليدار :- محمد عنده 3 كسورفالحوض و نزيف فالكبد هند شهقت و حطت يدها ع حلجها سالم :- بس باذن الله بيسوله العملية و بيكون أحسن يالله بوصلج بيتكم و بليز بلا هالدموع يكفي اللي صار هند :- سامحني سالم .. عشان خاطري لا تكرهني سالم يوقف و يتنهد :-= اذا عليه ياهند انا مسامحج وانت اختي بس طلبي السماح من ربج و عقب محمد هند و بانكسار وألم:- ان شالله ظهروا سالم و هند ووصلها البيت ورد هو البيت بعد 3 أيام نش محمد و ظهروه من العنايه و باجر عنده عملية شفط الدم الفاسد من الكبد سالم :- يالله شد حيلك و باذن الله مأجور محمد يبتسم :- ان شالله ها شرايكم ؟؟ وشوه توقعاتكم ؟؟ فانتظار آراءكم [/align] |
|
|
|
05 - 04 - 2007, 08:55 PM
| #14 (permalink) |
| غلاتي فعال | [align=center]مرن شهرين وكانت ثقيلة ع الكل و خصوصا عايلة بو سالم .. محمد عانى وايد نفسيا و جسديا دخلوه العمليات 3 مرات اول شي عملية شفط الدم الفاسد لمدة 3 ساعات و بعدها عملية لللكسور فالحوض و بعدها جراحة تجميلية لخشمه بعد ما دخل فيه قطع زجاج و اللحين يمشي بعكاز و بعد يومين بيترخص سالم :- الحمدلله ع سلامتك محمد :- الله يسلمك ابو سالم :- خرعتنا عليك .. ما تشوف شر محمد :- الشر ما اي صوبك الوالد ام سالم تمسح ع راس محمد و تقرى عليه و سارة و مريم يسولفن عنده و يضحكن وياه بعد فتره الظهر يا الكل يسلم عليه حمد :- الحمدلله ع السلامة محمد والله أنك يبت لي حاله نفسية تنهد محمد :- الله لا يحرمني منكم يزاكم الله خير ناصر :- لا ما عليك اهم شي صحتك .. محمد :- تسلم طلع الكل و مابقى حد الا سالم و سمع دق ع الباب فتح سالم الباب :- هلا هند هند منزله راسها من تحت الغشوة :- هلا سالم .. بغيت أكلم محمد سالم :- خلني أتخبره قبل صد سالم لمحمد محمد و بحزم :- لا يا سالم لا تخلها ادش ابد.. سمعت هند كلامه و نزلت دمعة حارة ع خدها حست بروحها انها كارهه هالعالم و كارهة اللي سوته بمحمد سالم يكلم هند :- هند ما عليه انتظري برا و بحاول اقنعه هند :- اوكي بس ما فيه داعي يا سالم .. أنا عارفه كنت بتسبب فموته وسببت له كل هالتعب والألم اللي هو فيه وأذيته مب بس من برا إلا من داخل نفسه سالم :- ما عليه يا هند خلنا نحاول ونحن أهل خلني أحاول فيه هند باستسلام :- خلاص أترياك .. لا تبطي سالم بابتسامة تذوب الصخر :- إن شالله سالم :- محمد لازم تسمع اللي عندها .. حرام عليك معيش البنيه فعذاب .. شوفها و اسمعها و ترى الانسان يغلط بس هب معناته انه ما نسامحه .. بتريح عمرك وبترحها وياك ... اسمع اللي عندها ولا تظلمها محمد و نظرة الحزن فعيونه مع قهر وحسرة :- بس هي جرحتني يا سالم وأذتني ما أقدر أطالع فويهها كلما ما أجوفها أو أذكرها أحس أني أكرهها أحقد عليها .. بسببها كنت بموت وبفقد عمري يعني كلامها كان ثمنه صحتي واهلي وحياتي .. لا يا سالم لا تطلب مني هالشي ما أقدر ع الأقل مب الحين سالم ما قدر يناقش محمد او يكلمه لنه جاف في أخوه شي مكسور ومتألم لأول مرة يجوف أخوه تدمع عيونه وشكله متغير ومبين عليه التعب النفسي أكثر من الجسدي ففضل أنه يسكت وقرب من محمد وربت ع كتفه وبابتسامة كلها حنيه :- خــلاص يا اخوي خــلاص يالغالي ما يصير خاطرك إلا طيب وع راحتك ولا بشد عليك ألزم ما عليك صحتك بس اسمع يا محمد هي صح جرحتك ووايد وتسببت فاللي صار لك بس أولا وأخيرا هو قضاء وقدر ولا تنسة أنه هالشي نبهك على شي كنت ما تعرفه و لا تنسى انك انت بعد سمعتها كلام .. لازم تسمع شعندها و هي تسمع شعندك والتفاهم أحسن من هالكره والجفال اللي امبنكم محمد :- الله يخليك يا ساللم أنا تعبان .. تعـــــــــــــــبـــــــــــــــان ارحمني .. ارحمني ما أريد شي أبغي أرتاح ما أبا حد يكلمي ولا يضايقني أنا مب ناقص مب ناقص .. ودمعت عيون محمد وانسدح ع الشبريه وتنهد بألم .. وســـاد الصمت لفترة امبينهم .. سالم يبتسم ويمسح دموع محمد من على خده خلاص يالغالي ما لك إلا طيب الخاطر والراحة بخليك انا الحين وحاول تغفل وتريح عمرك فهالسساعتين محمد يبتسم ابتسامة ناشفه وباهته :- إن شالله .. جرب سالم من أخوه وطبه بوسه كلها حنان وحب على جبينه يالله ربي يحفظك اكتفى سالم بابتسامه وغمض عيونه فمحاوله أنه يتغلب ع الألم والمرارة اللي يحس فيهم ويرقد طلع سالم لهند هند بسرعه وبلهفه :- هــا سالم شقال لك ؟؟ شو رد عليك سالم :- والله شقولج يا هند ما لج إلا الصبر الحين هو تبعان ورجاء لا تحاولي تكلميه لأنه فعلاً يحتاج يرتاح ويريح باله وروحه هند بأسى وخيبة أمل :- يــــــــــــــــــالله .. يـــــــــــــاربي ساعدني سالم :- سامحيني يا هند بس ما أقدر أضغط عليه أهم شي عندي الحين انه صحته ونفسيته تتحسن هند تمسح دموعها من تحت الغشوة :- ما عليه الله يشفيه ويعافيه ياربي اسمحيلي يا سالم بسير الدريول يترياني من متى اخاف أتأخر سالم :- مسموحة وانتي أختي سلمي على عمي والباقين هند ومبين الحزن فصوتها وكأنه العبرة خانقتها :- إن شالله يوصل وطلعت من طريجها وسالم كمل طريجه .. _________________________________[/align] |
|
|
|
06 - 04 - 2007, 11:20 AM
| #15 (permalink) |
| غلاتي جديد | ][®][^][®][رووووووووووووووووعه القصة وايد وايد حلوة تسلمين اختي عذووووووووووووبه فديتج ما شالله عليج يالله ننتظر البارت الياااااااااااي أما عن توقعاتي ؟؟ اممممممم الله يستر شو بيصير بين محمد وهند ؟؟ بس شسوي بصبر لين ما تنزلين البااااااااارت الياي بسررررررررررررعه الله يخليج تسلميييييييييييين ع هالابداع لا هنتي يالغالية ][®][^][®][ |
|
|
|
19 - 04 - 2007, 02:16 PM
| #17 (permalink) |
| غلاتي فعال | مخاااااااااااااااااويه شموه . سمحيلي اني تأخرت وما نزلت البارت وانت أدرى بالظروف .والسموحة من الكل هذا اللي قدرت أكتبه اليوم محمد ترخص من المستشفى وطمنه الدكتور وأكد عليه يراجع وايي المواعيد ويحافظ و وقت الأدويه ... بالباجر .. بوسالم عزم هلهم كلهم بطلعت محمد بالسلامة .. الرياييل فصوب .. والحريم فالميلس الداخلي .. ام راشد تسلمع بنت اختها وتسولف وياهن واكل فرحان ويتحمد بسلامة محمد ونفس الحاله عند الشباب الكل متيمع عند محمد ويسولفون وياه راشد :- حووووو ما بغيت تظهر .. عافني الله خست فالمستشفى .. محمد يبتسم :- خست فعينك ولد الخالة عن البياخه حمد :- الحمدلله ع سلامتك انت أهم شي عندنا وصحتك أغلى شي عندنا محمد بضيج :- الله يسلمك حمد لاحظ ع محمد تغير فتصرفاته وضيق نفسه .. مر وقت مب طويل ولا هو ببسيط .. حمد يحد محمد حمد :- شفيك يا خويي يا محمد ؟؟ شبلاك ؟؟ شو فخاطرك ؟؟ انت هب محمد الأولي .. محمد يتنهد :- والله يا حمد شرايك فحالي ؟!! تسأل شفيني ؟؟ تسأل شو في خاطري ؟؟ لا تسأل هالسؤال حق واحد عاش شهرين فالمستشفى بين الأجهزة والأصوات وأوقات الزيارة .. لا تسأله واحد مب قادر يمشي إلا بعكاز .. لا تسأل يا حمد ولا تعور لي قلبي .. وتويع روحي .. أنا ما أعرف هل بمشي ثاني مرة وله لا ؟؟ ما أعرف كيف بكمل حياتي ؟ تصدق أحيانا ً أقول ليت الله خذا روحي فهالحادث .. هنيه حمد ما قدر يسمع زود حط يده ع فم محمد والدموع فعيونه حمد :- لا تكمل يا محمد .. لا تكلم .. روحي قبل روحك يا أخوي .. يالغالي .. لا تنطق ولا ايي ع بالك هالشي .. أبدن .. محمد يدفن راسه بين ايدينه ويخلخل صبوعه فشعره محمد :- أنا تعبان يا حمد .. تعبان .. ولا أنا بعارف شو اسوي .. أحس انه حياتي وقفت لحد هنيه وخلاص ما عدت أطيق نفسي .. نفسي ما عادت تتحمل .. حمد :- لا تقولها يا محمد ؟؟ وين قوة الايمان ؟؟ وين اللي رباك عليه عمي ؟؟ وين اللي ربونا عليه ؟؟ وين رضاءك بالايمان والقدر ؟؟؟ وين روحك الواثقة من ربها .. ما أبغي أسمع هالرمسه منك يا محمد باذن الله باجر بتكمل علاجك وبتقوم بالسلامة وبترد نفس قبل واحسن وخل فبالك انه الله كاتب لي عمر يديد تعيش فيه وتفرح .. محمد :- ونعم بالله ما واحا محمد يكمل كلمته إلا بسالم يدخل عليهم سالم :- يالله بو شهاب .. وبو شهاب الثاني .. حمد ومحمد :- ههههههههههههههههههه سالم :- شو أسوي بكم بعد انت حمد وه ومحمد ولازم كل واحد فيكم بو شهاب .. محمد ينش ببطء ويسنده حمد محمد :- فااااااااااااااالك طيب بو غنيم سالم :- يالله الغدا زاهب يالله تسير تاكل لك شي وتريح راسك شوي حمد :- يالله وطلعوا .. اليوم الثاني طلع سالم من الحمام و لقى حمدان حارق تلفونه من الاتصالات رد يتصل عليه سالم :- مرحبا ملايين و له يسدن فذمتيه حمدان معصب :- ملايين فعينك انزين .. سالم ؟:- أفا حمدان زعلت حمدان معصب :- انت عنبوك ما تخيس .. ماتعفن رقاد ما تشبع عفاني الله حشى هب رقاد انسي انت ؟ آدمي؟؟؟ سالم :- ههههههههههه شوي شوي يا ابوك كل هذا فخاطرك كنت آخذ لي شور بماي دافي و طولت حمدان :- عشتوا .. شور بعد .. أقول يالله اقلب ويهك . وتعال اخطف عليه فالبيت سالم :- ليش الحبيب ما عندك سيارة حمدان :- هب وقته السيارة مندعمة امس مطر غربل الله عدوه دعم ابها امس و اللحين مدخلها الوكالة سالم :- هههههه واحليلك حمدان :- يالله عاد لاتتأخر سالم :- (ادريبك الحين اتدعى عليه و تقول حلك حلول من تسلم امنه ) حمدان :- هههههههههه سالم :- اوكيه يالله مسافة الطريق و يايك يالله انتظرك سكر سالم عن حمدان و لبس و تكشخ و خطف عليه و راحوا يتحوطوا في المول سالم :- اقول حمدان شم هالعطر ريحته حلوه وله لاء حمدان :- اف .. اف خوزه عن خشمي ما أداني عطور الحريم عوذ بالله سالم :- أونك عاد عليه هالحركات ..؟!! . حمدان يضرب سالم فظهره :- أقول شقصدك يالحبيب  سالم زاخ ظهره :- حوووه هب ايد عليك أسميك دفاشه .. بعدين هب قصدي شي حمدان :- ع بالي بعد !! سالم :- هيه بس عاد لا تعيدها لأني بفرك فيك الزبالة .. حمدان :- هههه حاضرين .. خلنا نظهر سالم :- لا صبر باشتري عطور حق امي و خواتي و حق محمد عسب نفسيته شوي تصير أحسن .. حمدان :- عيل يالله حتى أنا باخذ لي حق خواتي تنقى سالم العطور و خذ حمدان نفسه و ظهروا و كملوا حواطة و شوي تلفون حمدان يرن حمدان يبعد عن الزحمة :- الو .. هلا مهرة من التوتر :- هلهلين حمدان :- ههههه حلوه هاي هلهلين بلاج مهرة :- لا يعني هلا مرتين أختصرها حمدان :- هههههههههاي .. حلوة ذي .. المهم شعندج ؟؟ مهرة :- أقول حمدان دخيلك فديتك انا .. يعلني فدا خشمك الحلو انا .. حمدان :- يا ســلام ع المغازلة ... شو تبين اختصري .. مهرة :- اباك تشتري لي فلاش ميموري .. حمدان يصارخ :-اشوووووووووه؟؟؟ وينتبه لنفسه انه فمكان عام .. حمدان :- اشووووه ؟؟ انتي تعرفين للحين جم واحد اشتريت لج ؟؟ مهرة شوي وبتصيح :- حمداااااااااااان .. هيه أعرف إلا السابع هذا اللي بتشتريه حمدان :- زين يوم تحسبينهن .. أقولج ما شي دلع بسج ما بشتري لج .. محد يخسرني راتبي إلا انتي .. مهرة :- حمدان حرام عليك أحيدك حنون عليه وما تزعلني شفيك اليوم يعني ؟؟ لو كانت امايه حيه ما كانت بترضى ؟؟ حمدان سكت من سمع طاري امه حمدان :- مهرة حبيبتي تعرفين اني ما أبخل عليج ولا أستغلي عليج شي لو تبين عيوني أعطيها لج بس اللي تسوينه اسراف .. وتجاوز للحد الفلاش ما يكمل عندج شهر إلا وينحرق .. مهرة :- انزين شسوي ؟؟ يعني ؟؟ حمدان :- أمري لله ؟؟ شي تبين بعد ؟؟ مهرة:- واااااااااي فديت أخويه حبيبي والله حمدان :- هيه حق المصلحة حمدان ومطر ما اتين صوبه ؟ مهرة تضحك :- ههههه لا حرام عليك يالله ما بطول عليك وعاد هات لي باونتي وياك حمدان :- إن شالله حقج وحق شويخ أدري مهرة تضحك بروح طيبة ورقيقة :- ههههه حافظ أخويه يالله باي حمدان :- فداعت ربج سكر حمدان ورد حق سالم .. سالم :- حو ما بغيت تخلص حمدان :- والله الرضيعة كانت توصيني ع شي سالم يضحك :- ههههههههههه فــلاش ميمور.. باونتي .. بطاقة تلفون .. كالعاده حمدان نقع ضحك : -خخخخخخخخخخخخخخخخخخ هيه والله تراك انت تعرف سالم :- يالله عيل .. اخطف خلص امورك حمدان :- يالله وكملوا طريجهم.. نهـــــــــــاية الجزء .. شرايكم ؟؟ انتظر مروركم |
|
|
|
19 - 04 - 2007, 08:22 PM
| #20 (permalink) |
| غلاتي جديد | رووووووووووووعه البااااااارت ما علييييييييه رمسه بس واييييد قصير عذووووووووبه والله قصير .. بس م عليه ما بضغط عليج خلج بس تردين نفس قبل وأراويج بكرفج كريف وأخليج تنزلين بارتين دبل تسلميييييييييييييين يالغلا لا عدمت قلمج لا هااااااااااااااااااااانج ربي |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أي الجراح أولى بالمداواة ؟؟ | دلوعه بكيفي | أرشيف | 10 | 15 - 07 - 2007 11:23 AM |
| أولى باكورة موضوعي | حلاتي غلاتي | منتدى اللغات | 0 | 19 - 06 - 2007 01:21 PM |
| مصافحه أولى | نزف المشاعر | قصائد و أشعار | 7 | 18 - 04 - 2007 02:15 AM |
| أنا أولى بلمك | وي وي | قصائد و أشعار | 10 | 25 - 11 - 2006 04:24 PM |
العرض العادي
