سلامووووو عليكوووو ياصعايده <<< قصدي حلووووين
مرة من المراريت <<< ركزوا عليها تراها لغز في القصه ههههههههههههههههههههه
حياااااكم الله ياحلوين << يعني اذا شين اطلع برا خخخخخخخخخخخ
جاااايب لكم قصه من قصص الف قايله وقايله <<< قصدي الف ليله وليله
والجميع معزوم على هالقصه واللي مو بحاضر ياويله ترى ابطخه بالباروده <<< متاثر بكابتن ماجد <<< وش دخله في السالفه هههههههههههههه
* تنويه *
البوفيه المفتوح يحييكم ويدعوكم للتفضل والعرمشه .. يالله روحو ابلعو لو مافي بلع ماجيتو اصلا
والحين ندخل في صلب الموضوع ولب وزبدة الموضوع
وعلى طاري الزبده اقول استمرووو في مقاطعة لورباك الدنمركيه بارك الله فيكم
<<< تربع الولد
بقولكم قصتي يوم كنت مراهق يعني ايام 17 سنه
<<أخس يا الكبير
اول هالعمر كانو يسمونه سن الرجوله .. يعني الي بهالعمر عنده عيال وبيت وزوجة ودها تروح للسوق دايم
<<< كذا فكرته عن الزوجات خخخخخخخخخخخ
مالكم بالطووويله
السالفه اني كنت اسوق السياره رايح اودي الماما مشوار << عشان ماعدد لكم الاسواق والزيارات
المهم واذ بي اقف عند الاشاره والتفت يساار وليتني مالتفت
الا واشـــهق هذيك الشهقه
وامي تقول وجعيييه وش عندك ؟؟
وانا لازلت متنح .. واذ بها تكمخني على دميجتي تقول وش فيك
وانا اقول شووووفي شوووفي هناك !!
وأأشر على ذيك ام العيون الملثمه والله يااااهي عيووون هق هق
فناجيل وكحل وعدسات ورموش تركيب <<< بس مايهم اهم شي اني خقيت خخخخخخخخخخخخخ
الصدمه مو هنا .. الصدمه الي جرحت حساحيسي وشماعيري لما قالت امي
اقطططع واخس هذا الي ناقص بزران ويعلقون على مثل هالاشياء
وانا نزلت راسي وتكسرت الدنيا بوجهي .. بزر!! ايه قالت بزر ..
وولعت الاشاره خضراء وقمت اغني .. ودعتها والشوووق بيني وبينها الشوق
ووداعية ياأأول وأأخر اشارة تجمعناااا
وطول الطريق وانا اردد بصوت عاالي الغزل كني عنترة يوم قضبووه من كشته وحرموه من عبله
وكنت اردد
نــاشني حاشني ابو السواااد الملثم
للحيب نظرة ترسلها العيون .. تكشف البسمه من تحت اللثام
ويرتعش قلب من قد فتووون .. ثورة المحروم من قل المنام
ذيك العيون مرسوول شوقك والغراااام
ياااااي سحر عيونو نظراتووووو << صح ماكانت نازله الاغنيه بس جاني الهام << رقعو عاد انتم لا تدققووون واااجد
وبينما انا على هالحال زادت امي بالتحطيم وقالت كما قال عبد الحليم حافظ
طريقك مسدووود مسدووود ياولدي
وانتبه للحفريات لا اكمخك على دميجتك هاللي كنها كيس جريش منتهي الصلاحيه ههههههههههههههههه
اظلمت الدنيا بوجهي ... بالعربي ( طفت النوور) المهم رجعنا للبيت
دخلت حوشنا الي كنه رقعة شطرنج مربعات الوان بس حلو نلعب فيه طمر طمر ههههههههههههههههه
وكــ العاده اخوي الصغير الله يصلحه يلعب بالكوره طخ طخ
طبعا بانتظار لمبات تنكسررر
قالي هيييه سبنوخ<<< تعال العب معي خلك الحارس ( لاني معوده يدخل فيني كباريات ) قلت له وخررررر بس
انا كبيييرررر مالعب كووووره <<< اثار الصدمه والتحطيم لازالت فيني
وادخل داخل واشوف الدربزين وتحمست ابي اتزحلق عليه زي حركات اول
بس قلت خلااااص بصير كبير بلا لعب بزرااان
والله واقووم وازاعق على صوفيااااا .. صوفياااااا .. صوفيااااا <<< شغالتنا الله يكفلها هي وخشيشتها هاللي كنها حفاظه بزر ههههههههههههههههه
وهي ترد على وتنفخ نعم ايش تبغاااا؟؟؟ << شكلها راعية بيت ونا مادري
قلت سوي لي قهوه تركيه انا مثل بابا كبيررر
والله وتزيد الطين بله وتضحك تقول فيه زبادي بالثلاجه قهوه مو زيييين
الله يلعنتس ياصوفياااا حتى انتي ضدي مع هالزمن القااااسي
خلاااص انا انهبلت انجنيت عقلي يدور .. وجسمي طقطقه قدور خخخخخخخخخخخخخخ
تسكرت الدنيا بوجهي .. وصرت بس اردد انا كبيرررر انا كبيرررررر
ومافيه احد حووولي
جلست اطق راسي بجدار غرفتي واصيييح ابد احد يحس ماطلع الا أخوي!!
قال انت تراك ازعجتناااا عض على شحمه
قلت يااخوي ياقريني اصدقني القووول وش رايك
انا كبير ولا صغير ؟؟
قال انا مالي بهالامووور بس انت بثرررر ماعمرك شغلت لي الا ابو نايف
وانا ابي شي يرقص يخرش ابي اهز كتوووف <<< يلعن ابو السالفه صار هيفاء وهبي على غفله هههههههههههه
خلاااص بهذي الاثناء صار الي يدور ببالي فكرة الانتحاااااار
خلاااص قررت ليس هنااااك حل ااااخر
واروح ارتب شنطتي واغراضي <<< مادري ليه رتبتهم بس فيه دلاخه مستفحله ههههههههههههههه
واطلع فووق خزان البيت بالسطح وارفع يدي واقوووول ياقوووووووم ياقوووووم
انا سبنوووخ المقرود .. الي يدق العود قررت الانتحار .. بحبحووني وحلحلووني
وبعد لحظااات انفتح شباك الجيراااان وطلعت بنتهم .. سوسو ام كشه
قالت سبنوووخ لا لا يابو خشم طاااالع .. ماتعملهااااااش دنااا بحبك << للمهتمين باللهجه المصريه
انا استحيت وبسرعه لا شعوريا قلت لالالا ماصدق من متى ؟؟
قالت من اول ماشفتك تكب زبالاتكم اعجبت فيك .. وانا وجهي احمررر وفوق الخزان << امحق جو
قلت لها طيب وش رايك فيني انا كبيرررر ؟؟
قالت لا والله انك نشبه بس حبيتك ومستعده اضحي بشباصاتي عشااانك <<< امحق تضحيه ههههههههههههههه
وتذكرت بهذي اللحظه كلام الست ام كلسوووم لما قالت .... هل راى الحب سكارا مثلناااااا
جلست اصرخ قلت لهااا
دلاااال يام الهبااااال .. ودي العب معك صلصال
تعالي ننسى ونضحك ... نمزح واضربك بالعقال
وردت علي عبله .. قصدي سوسو ام كشه
سبنوووخ يالمقروووود .. يابو حزام مشدوود
تعال نطير سواااا ... خذني عسى ياكلك الدوود
واجيييك انا متحمسسسس وطمرت ابي ارووح لهاااا
وووووووووووووووز طع طع طع
وطحت على جبهتي
ولا دريت وش صار الدنيا ظلماء وعتماء وماشووووف
( الي كانو موجودين يقولون طلعت عصافير تدور فوق راسي زي افلام الكرتون ) ههههههههههههههههههه <<< حقيقه
بعديييين عاد فتحت عيوني وعدت الى وعييي
لقيت وجه اخوووي بوجهي
يقول يالله يالله كب الزباله قم قم
واثااااري كل الي صار حلم
واثاريني مكثر رز قبل انام
والله وحطيت حرتي بالمسكين واصفقه على جبهته
ورجعت انام <<<< لا تخافووون ماحلمت مره ثانيه تطمنوووووووو هههههههههههههههههه
وقفات مع القصه :-
* كان للبايسون مجهودات كبيره في سرد هذه القصه
*راعية اللثام اكتشفنا بالاخير انها من احد الجاليات السيرلانكيه
* الخزان من شركة الزامل ( للمهتمين فقط ) هههههههههههههههههههههههه
* ساهمت طيحة الجبهه بظهور صعرور مالقو لها علاج لا الحين
وشبهوه بطعس التحدي ههههههههههههههه واللي عنده فكس يعطينا ترانا نبيه لزوم الانتحار القادم هههههههههههههه
مايستفاااد من القصه
* لايأأس مع الحياة ولا حياة مع الياس .. وعليك بكثرة الامل فأنه دواء زين
*لا صرت واقف باشاره لا تلتفت يمين ولايسار عشان ماتورط نفسك ههههههههههههههه
واتمنى يعجبكم مووووضوعنا وقصتنا الماخوذه من النسخه البنقاليه لفيلم (الفلفل الاحمر ) <<<< عالم حيوان مو فيلم ههههههههههههههههههههههههههههه ...
حياتيـــــ قبل تحياتيـــــ / سبنوووووووووخ999
ادخل ياللي تطل من برى ... هههههههههههههه 
