هذي قصـة واحد يبي يتعرف على بنات ... خلونا نشوف وش يقول في قصــته ::: brbr:
كنت طالب زاحف بالثانوي ما أعرف إلا أضرب فلان و أتهاوش مع علان حتى اني ضربت الاستاذ الفنان ضربا مبرحا بالنعال.... ومرت السنين وتخرجت من الثانوي بنسبة 80% و قبلني معهد بعد ما جبنا واسطات من خارج السعوديه و لجأنا لمجلس الأمن و الحمدلله تم قبولي ..
و لما دخلت المعهد شفت اخوياي بالمعهد كل واحد يكلم وحده وثنتين و أنا فرحان أركب تماسيح وضبان بسيارتي وجه الواحد منهم يقطع الرزق
إني أضبط السياره و أغسلها و اسرق جهاز اخوي الكبير " الباندا " لأن جهازي العنيد ما ينفع
قديم والارقام ما تطلع < == عنيد كثير عليك ههههه
طبعا رقمي بطاقة سوا و الرقم شوارع " أرقام موبايلي لو تقارنها برقمي تطلع مميزه " المهم و أقرر أفرفر و اتجول في الرياض كلها بحثا عن حبيبة القلب
قلت يالله باروح التحليه ... وبعد ما لقيتها " اسمع فيها وما عمري رحتها " الاقي سيارات اول مره اشوفها في حياتي... بس اشوفها في العاب البلاي ستيشن ... بورش – لمبورغيني – فياغرا – دباب ....
المهم تحملت المنظر ودخلت الشارع و درت ... و أوقف جنب بي ام دبليو 2006 و ما هي مظلله إلا و البنت اللي فيها ... مواصفات عالميه... عيون ورموش يجلس عليها الطير... واااو ... كتبت اسمي في البلوتوث (( انا القمر اللي جنبك ... اقبلي الرساله )) .. صدقت المسكينه واستقبلت قبل انها تناظرني .... لما شافت الصورة " كانت صورة سيكل اخوي اللي مرمي ورى الحوش " والرقم الشوارع!!! ناظرت فيني الا و اشوف البنت تضرب راسها بالدريشه ورمت الجوال بجنبها حتى شفت البطاريه طارت من قوة الرميه.. قلت اكيد هذا الحب < = = تبقى دلخ هههههههه
انتظرتها يومين ما دقت قلت يمكن ماتت من حبي ... اروح ادور غيرها < = ما قلت انك دلخ؟
مشيت ل شرق الرياض و الا كلها فان و جمس مظلل ... شفت فان مو مظلل وفيه بنت لابسه نظاره طبيه كبيره قلت دكتورة وبتقبل فيني تعالج جروح قلبي < = = أي قلب تلاقيه كيس بصل انت وخشمك
لما وقفنا بالاشاره ادور عليها بلوتوث ما لقيت اسم بنت .... نزلت من السياره و ادق عليها الدريشه ... النظاره طاحت وهي تناظرني مستغربه .. قلت ممكن الرقم " بصوت عالي ولا صوت وحش " و اشرت لي باصبعها " مو لازم اذكر كم ترتيب الاصبع " ... انكسر خاطري وشغلت اغنية ليتك تموت ل عزازي و جلست اصيح <== الأخ دخل الحب وهو مو داري
كرهت شرق الرياض و حلفت ما اتعرف على بنت من هناك < = = تكفى تعرف انت وجبهتك تقول ساحة تفحيط
قلت مالي الا الجنوب و اروح للجنوب ... و الحمدلله قابلت كورولا 88 فيها وحده ملثمه < = = تتكلم جد؟
أوقف جنبهم ... طبعا قلت في نفسي طفرانه اكيد ما عندها بلوتوث ... واخذ قرطاسة علك واكتب فيها رقمي و ادخله من فتحة الدريشه ... لما شافت خشتي و رقمي اللي ما يحفظه حتى الجوال ... نزلت الدريشه و فرحت حسبتها بتعطيني بوسه اسلاميه ع الطاير .. واشرت لي انزل الدريشه... نزلتها .. و الا ذاك الكعب الله لا يوريكم.. كسر الخشم والعينين .. والبراطم تهتز تقولو ياسر عرفات ... ههههههههههه
قررت بعدها اني ما ادور بنات .... اللي يبيني يجيني < = = ارحمني يا كازانوفا
و يوم من الأيام دقت شغالة الجيران على بيتنا تسال عن امي وارد عليها و بقدرة قادر جلست اسولف معها...(( الله اكبر .. اخيرا لقى له وحده هههههههه ))
قلت ايش اسم انتي؟؟.... قالت سوكوواوا... قلت انا عبدوناواو (( نسيت اسمي عبدوش من حلاوة صوتها الفلبينيه))
المهم.. و اني قلت لها وش رايك نتعشى مع بعض برا ... قالت طيب بابا و ماما ما فيه الحين < = ياهووه يا مخربها
انا في السياره مسوي اغازلها جلست اقول لها ... انا الحاره وانتي لي اشاره ... انا النار وانتي لحبي سيجاره ... انا المحترف وانتي لموهبتي نظام الاعاره (( اصولها المغازله اللي كذا "dg: ههههههههه))
ضربتني على كتفي وقالت هي هي يه يه ياااه(( ضحكة فلبينيه)) الا و ذبت ودخلنا اقرب مطعم رز بخاري وطلبنا فخذ دجاجه و ملعقتين رز (( على حسابها كنت مطفر))
طبت علينا الهيئه و قلت لها اذا سالوك مين انتي قولي منيره اسعد عمر قلي لما سالوها قالت اسمي ماإيره سااد اامر هذا قال لي و اشرت باصبعها علي.. ويطقوني المطاوعه طق مو صاحي .. و لما رحت المركز حضر ابوي .. و الا اشوف معه العجره .. و يضربني ضرب ويجي اخوي يساعده (( اثنين ضد واحد ما يجوز وين الحكم)) ويقلبونها علي مصارعه
والمطاوعه والعجايز يشجعون ابوي و ابوي ما يصدق خبر يرفعني فووووق حتى افكر متى باوصل المريخ و يضربني بقوه في الارض ويمسكني من رجلي ويسالني المطوع تستسلم اقول لا و اتحمل ويقوم اخوي يخربها ويكسر يدي قلت كملت و استسلمت وفازو علي
بعد كذا تبت من البنات حتى اني شفت بنت غمزت لي شتها بووز من ورى و الا هي في اخر الحاره
مغازل مع مرتبة الشرف هههههههه 
ومشكوووووووووووره قاهرتهم على هالقصه والسالفه الحلووووه عيوووني رااااحت وطي =======>اخذت نظاره الخداامه ولبستها صااارت تقوووول دربيل امريكي خخخخخخخخ
النمط الخطي
