بسم الله الرحمن الرحيم
0
0
0
المكان : في مكان ما
الزمان : في زمان ما
المناسبه : لا داعي للمناسبات !! فالعنوان واضح من كتابه
تحديدا ً يوم دخل الشهر السااابع وانا في بطن أمي !! كل الشهور اللي راحت وانا متحمل .. انام على جريش .. واقوم على عسكريم منجا .. واحيانا ً مطازيز ,, وللأمانة ( نادرا ً ) كراث عشان مايزعلون بعض الناس !!!..
آآآآه مأسااااة .. ولكن :
من يوم دخل الشهر السابع .. وانا النظااام متغير علي !!! الله يهديها امي .. ماغير تاكل رز هندي !! قسم بالله احترررقت ما غير اصااايح في بطنها يوم تأزززم الوضع مره .. دقيت على خويي في بطن امه ....
هلا .. هاه ؟؟ بشر وش تاكل امك ؟؟
قال : لا ابشرررك الأوضاااع مايحتااج .. انواع التبولة .. والعصيرات ..
قلت .. ياخي ياحظظظظك !!! تبادل اسبوع بس !!
قال : ليه ؟؟ وش الوضع عندك !!؟
قلت .. خلها على ربك ياشيخ .. والله ماغير ارااافس .. انواع الحرااارة .. احس اني ابحترق ياشيخ
ومرت الأيام .. وانا ماغير ادعي بتالي الليل : اللهم اغثنااا .. اللهم اغثنااااا
وانا ادعي .. كني سمعت امي تقول لأخوي الكبير رح جب ماك سبايسي آآآه ياويل قلبك
بصراحه بيني وبينكم .. شهر سبعه كان أصعب وأقسى شهر عشته في حياااتي يعني اقدر اسميه " شهر الجفاف " حررر ورطوبة .. وعطشششش .. وقلّ نوم ..!!!
يوم دخل شهر ثمانية .. بدت تخف الحراااره .. وتزول الحرااائق !! ويرحل العطش .. ويندثر الجفاف [<< !! اللي يبي مدرس لغة عربية , يدق على ايميلي
المهم شهر ثمانية .. ماااش النفسيه كانت مش ولابد !!! مزززكم وحالتي صعععبه ..!! والانفلونزا لعبت فيني لعب !!
بس الحمد لله الدكتور معطيني اجاازة مرضيه .. يعني اغيب على كيفي !!! .. مريـــض .. عندي عذررر
بس مع هذا وذااااك .. امي ماااسكة معها غلططط !!! ماغير تاكل عسكريم .. المشكله العسكريم اللي تاكله بارد
<< لاياشيخ
عااد ليت العسكريم ,, باسكن !!! كان زييين !!! ما تاكل امي الا عسكريم ابو فيل !!! هذاك اللي بـ نص ّ !!
وانا مزززكم .. ماغير اناااشق .. وكل مايدخل العسكريم عندي , اسكررر خشمي بيدي .. كني أبطب في مسبح
وادق على واحد من الشباب في جيزان ,,
قلت هاه بشر ؟؟ كيف الأجواء عندكـ ؟
قال ... لا ابشرك الحمد لله ,, العظمى خمسن واربعون , والصغرى ثلاااثااا عشرااا !!..
قلت زييين ماشاء الله .. اسمع الله لا يهينك ,,, انا هالشهر مشتهي بيض وميرندا حااار اذا جاااك ,, تكفى ارسلي وساائط <== متطورين هنآك
نرجع للموضوع
أخليكم مع الروآي
مرت الأيام .. ودخل الشهر التاااسع واقترررب الفرج .. وارسلت لأمي مسج , كان مفاااده , ما يلي :
أميمتي الغاليه :
هذا آخر شهر !! الله يرحم والديك .. ودي احس اني انساان .. ابي آكل بعيدا ً عن الحرائق .. وبعيدا ً عن المثلجات !! يعني حاولي تجربين لو لمجرد التجربه .. تبولة .. حمص .. كبة .. بطيخ .. جربي ولن تندمي !!
أمي : هل تلبين رغبتي ؟؟
المخلص :..
دبدوبك
يوم كتبت المسج ,, وضغطت على " ارسال " طلع لي : تأكد من خدمات الشبكة
دريت ان الجوال مفصول
وجاني مسج : (( عزيزي العميل .. والله لو تنااقز منااقززز .. ما فتحنا جوالك ))
باءت محاولاتي بالفشل !!! وجلست انتظر .. وانتظر .. وانتظر .. لين ملّ الإنتظااار << امممممش .. ببطن امه ورومنسي
والحمد لله .. واطلع للدنيا .. وانا عطشااان .. ويحطوني في غرفة الحضانه !! يوووه انواع المبزرة !!!!!
.. !!! قسم بالله انوااااع الإزعااااج
.. والضجيج !!!
وجنبي بالحضانة.. فلبينيه .. ياهي مززعجه .. واناظرها كذا !!!
ياكوافيرة المستقبل .. الحين وش بك ازعجتينا ؟؟؟ اوووص نبي نناام شووي . ناظرتني كذا .. وهي مفهيه ؟؟ قالت الحين انت وراه ما تصيح ؟؟؟
قلت الحمد لله والشكر !! وش يصيحني !!!
عاد قعدت انادي الممرضه .. قلت لها جيبي لي كااس موية الله يرحم والديك ..!! قسم بالله ماعاد اقدر اتنفس .. من ذا الرز الهندي
واسمعي .. اهم شي المويه يصير فيها ثلج !! والله لا يهينك ... ابي الثلج بااااارد
المهم شربت وريحت .. كان ودي آخذ لي غفوه !!! بس اعوذ بالله ماخلوني في حاالي ..
نصيحه : لا أحد يصير حلو !!!!!! ..
والله من وااقع تجربه ..!! صدقوني .. ما خلوني في حالي .. كل شوي زايرني واحد .. وخذ يا حليوه .. !! ملييييييت !!..<== يـآحظــه
بس خلااااص ... هذا درس !! وأخذت العبره منه !!!..
المره الجااية .. اذا جيت انولد .. أبدخل بودي ماستر عشان أقدر ادافع عن نفسي
مرت الأيااام .. وكنت رايح ذاك اليوم لعرعر ويوم ركبت النقل الجماعي
كان جنبي واحد ساااكت طول الطريق ,,, وفجأه سألني :
عفوا ً اخوي ,, انت قد انولدت ؟؟؟
قلت .. ايه ,, ليه ؟؟
قال .. حلووو .. لأني ابنولد تقريبا ً عقب 7 شهور ,, وابيك تقولي وش اسوي .. وش آخذ معي ,, قبل لا أتوهق !!
قلت .. اهم شي ,, سدد جوالك !!! بكره تبلش !!! تبي
مويه والا شي ... وترسل ولا تقدر ..
ينقزون بوجهك ذولاك .. عزيزي وعزيزي والله مآقصر معه سآعده
قال طيب .. اوصف لي الأجواء والمكان والوضع تكـــــفى !!!!
قلت :
المكان : في مكان ما
الزمان : في زمان ما
المناسبه : لا داعي للمناسبات !! فالعنوان واضح من كتابه <== مـآفهمت
بس المعنى ببطن الشآعر
ما يستفاد من الموضوع يعني الزبده :G6:
1- من نسج الخيال وبعيده كل البعد عن الحقيقه
2- في اتصال هاتفي لهيفاء وهبي صرحت لنا هذا التصريح ( لك شو هيده الصبي عم يبكي من الحر عطوه وا وا )
3- احمد جميل بكى بحرقه لان الولد يعود اصله الى فلاته واهل فلاته ساكنين بالرياض وهم واحمد جميل عيال عم :G6:
4- امك ثم امك ثم امك ثم ابوك ( عاد تعرفون وش اقصد )
القصه التي ابكت هيفاء وهبي 
