| |
30 - 09 - 2006, 03:01 PM
| #1 (permalink) |
| غلاتي الذهبي    |  لحظة!!....لحظة.....!! تصرفك غلط!!...تصرفِك غلط!! السلام عليكم ورحمة الله وبركاته تصرفك غلط ... !! و إنت طالع من الصبح للدوام ، و تطير بالسيارة و مايبقا فلان و علان ما ضربت له بوري و تأشر له و تسب و تشتم ، شوي وتضرب الأوادم !! و الأدهى و الأمر إذا كان ( ملتزم ) ! عن أبي هريرة رضي الله عنه قال : قال رسول الله صلى الله عليه و سلـم : (( ليس الشديد بالصرعة ، إنما الشديد اللذي يملك نفسه عند الغضب )) . متفق عليه . تصرفك غلط ... !! و إنت رايح محطة بانزين و ماسك التلفون تسولف و الهندي يترس لك بنزين تصرفك غلط ... !! و إنت تضارب أخوانك بالبيت و تحط حرة خويك فيهم ، و تغث أمك !! عن المغيرة بن شعبة ، قال : قال رسول الله صلى الله عليه و سلم : (( إن الله حرم عليكم عقوق الأمهات ، ووأد البنات ، و منعا و هات ، و كره لكم قيل و قال ، و كثرة السؤال و إضاعة المال )) . تصرفك غلط ... !! و انت بالشارع تفتح الشباك و تتفل .. !!!!!!!!!! تصرفك غلط ... !! و انت تتثاوب و فاك حلقك عالآخر قدام الناس !! عن أبي هريرة رضي الله عنه قال : قال رسول الله صلى الله عليه و سلم : (( التثاؤب من الشيطان فإذا تثاءب أحدكم فليكظم ماستطاع )) . رواه مسلم . تصرفك غلط ... !! و انت ملتزم و قاعد بستاربكس بالشاميه بالليل !! تصرفك غلط ... !! و انت رايح للمسجد بثوب البيت ، و لابغيت تروح لربعك ----> آخر شياكة ! قال تعالى : ( يا بني آدم خذوا زينتكم عند كل مسجد و كلوا و اشربوا ولا تسرفوا إن الله لا يحب المسرفين ) تصرفك غلط ... !! تمر على واحد و تتصدد مالك خلق تسلم ، أو تنتظره يسلم عليك ! عن أبي هريرة رضي الله عنه قال : قال رسول الله صلى الله عليه و سلم : (( ليسلم الصغير على الكبير ، و المار على القاعد ،و القليل على الكثير )) . متفق عليه تصرفك غلط ... !! حاط السجاير بحلقك و تقرف اللي حواليك ! تصرفك غلط .. !! قاعد تطالع الرايح و الراد ! عن أبي سعيد الخدري رضي الله عنه قال : قال رسول الله صلى الله عليه و سلم : (( إياكم و الجلوس على الطرقات )) ، قالوا : يا رسول الله امالنا بد من مجالسنا ، نتحدث فيها ، قال : (( فأما إذا أبيتم فاعطوا الطريق حقة ؟ )) قالوا : و ماحقه ؟ قال: (( غض البصر و كف الأذى ، و رد السلام و الأمر بالمعروف و النهي عن المنكر )) . متفق عليه . تصرفك غلط ... !! و انت ماخذ الحاره اليسار و طاير و تترك من بعيد ! ( اللي يشوف يقول وراه شي !! ) تصرفك غلط ... !! و انت تسب و تشتم أي انسان معصب عليه ! عن ابن مسعود رضي الله عنه قال : قال رسول الله صلى الله عليه و سلم : (( سباب المسلم فسوق و قتاله كفر )) . متفق عليه . تصرفِك غلط ... !! و انتي لابسه عباة مفتوحة و الكشخه تحت العباة تبرق من بعيد ! تصرفِك غلط ... !! و انتي تسولفين بالتلفون و تتضحكين و الرايح و الراد يسمع سوالفك ! تصرفِك غلط ... !! و انتي مشغله المسجل بالسياره و حاطه اناشيد بإيقاع و مطوله عليه و السيارات حواليكِ يسمعون الطقطقه تصرفِك غلط ... !! قاعده بالمحاضره و تمضغي لبان تصرفِك غلط ... !! قاعده بدرس ديني و ماسكه التلفون و شغاله مسجات ! تصرفِك غلط ... !! و انت حاطه صورة منشد بمحفظتك ! تصرفِك غلط ... !! و انت داخلة بحلق اللي يبيع و تكاسرينه غصب ينزل بالسعر ( والله يكسرون خاطري اللي يبيعون ! ) تصرفِك غلط ... !! و انت تسلمين و ماتمدين ايدك ، بالخد بس ! تصرفِك غلط ... !! و أنت قاعدة بالبيت و تنادين الخدامة .. شاندرااااااااااااااا .. يبيلي ماي ! (.. و يقولون ليش احنا متان تلحلحوا ! ) تصرفِك غلط ... !! قاعدة بممر الجامعة و تقشرين لب و تتفلين القشور ! ( يتحدون من اللي يوصل أبعد !!!!!!!!!!! ) فإن لم تستح فاصنع ما شأت ! و الأشكال الغلط كثير نشوفها بكل مكان و اذا بنعدها مانحصيها و لكن ! ليش ماعندنا الجرأه اننا ننصحهم كلهم ، اللهم اهدي الجميع يارب . |
|
|
30 - 09 - 2006, 08:51 PM
| #7 (permalink) |
| مشرفة سابقة  | تصرفك غلط ... !! و إنت طالع من الصبح للدوام ، و تطير بالسيارة و مايبقا فلان و علان ما ضربت له بوري و تأشر له و تسب و تشتم ، شوي وتضرب الأوادم !! و الأدهى و الأمر إذا كان ( ملتزم ) ! <<<< تعااا ل شووف الصبح اشكاااال كأن ماافيه احد عنده دواام الا هو والنااس مااله دخل فييهم مشكوور خيو خوويلد ومااقصرت على المووضووع وعسااك على القووه دووم مويووم |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مجرد صرخـ/ــات قلــم .. في لحظة ألــ/ــم | أسـ ـيـ ـر الأمـ ـاكـ ـن | همس الوجدان وفيض القلم | 20 | 17 - 06 - 2007 07:21 PM |
| شاهد بالصور لحظة الاعتداء على نانسي عجرم وتمزيق ملابسها | الأنيقة | قضايا وأراء | 18 | 27 - 12 - 2006 08:25 PM |
| لحظة من فضلك | nissany | أرشيف | 6 | 02 - 10 - 2006 09:00 PM |
| لحظة يا زمن | مـجــ الـزمـن ــروح | همس الوجدان وفيض القلم | 4 | 21 - 09 - 2006 03:14 AM |
| الحب من أول لدغة: هندية تتزوج ثعبانا | شذى | أهم الاخبار المنقولة عن الصحف | 12 | 10 - 06 - 2006 08:45 PM |
العرض العادي
