|
|||||||
| قصص و روايات قصص الانبياء, قصص واقعية, حكايات واقعيه, قصص قصيرة, قصص منوعة |
 |
|
|
أدوات الموضوع | انواع عرض الموضوع |
|
|||||||
| قصص و روايات قصص الانبياء, قصص واقعية, حكايات واقعيه, قصص قصيرة, قصص منوعة |
|
|
|
أدوات الموضوع | انواع عرض الموضوع |
30 - 06 - 2009, 05:09 AM
|
#1 |
|
غلاتي ماسي
 تاريخ التسجيل: Jan 2009
المشاركات: 194
التقييم : 50
 |
صديقتي طلعت ولد
السلام عليكم
زميلتي طلعت ولد في قاعه الجامعه الكثير من البنات عددهم بالمئات .... نادر ماتجد روح تجمعهم غلب طبع الشليله يعنى كل شله لوحدها ... هناك من بعيد لمحتها ... بنت أقل من عاديه ... لفت نظرى فيها حاجتين: الاولى : ماتهتم بشكلها ومكياجها وشعرها مثل أغلب البنات ... قلت يمكن هذى ميزه مو مهم المظهر أهم شي الروح والجوهر... الثاني : مالها حس ساكته صامته طول اليووم !!!! مر شهر واثنين وهى ساكته؟؟ معقول ماتتكلم ابدا بين الماحضرات وقف ضجيج الطالبات كانك بحراج ووقفت على السبوره اشخبط بالطابشير القيت نظره على القاعه والفوضى الكل يتكلم الاهى من بعيد ساكته تشعر ان البنت مافيهاروح بس عيون تراقب .... فجاءه وقعت عينى بعينها حاولت لفت نظرها ,,,, الطبشوره بيدى بسرعه كتبت اسمها بخط عريض على السبوره نزلت الطبشوره وركضت بسرعه لمكانى |
|
|
|
30 - 06 - 2009, 05:14 AM
|
#2 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
نزلت الطبشوره
وركضت بسرعه لمكانى حاولت اشوف رده فعلها لمحتها عيونها على السبوره والاسم تمنيت تنطق لو حرف واحد طيب تكتب شي على السبوره نتخاطب بالكتابه مو مشكله أهم شي افهم ليه الهدواء سالت عنها : من عرفنها وهى ساكته احد تكلم معها لا ماتكلم احد لاتعبين نفسك الغريب ان الدكتوره وهي تشرح وتسال البنات بالاسماء العجيب تمر من عند اسمها ولا تسالها تتركها !!! لاتستغربين جت الاجابه من احدهن ,,,, امها جت من فتره ونبهت على كل دكتوره هنا ماتسالها !!! طيب ليه ؟؟؟؟ بينى وبينكم ايها الاحبه ماجانى نوم صرت أفكر بالبنت ليه ساكته وليه امها موصيه ما احد يكلمها ياربي فيه بنت ماتحب الهذره مو معقووووووووله جلست احاول القى لحالتها تفسير قلت يمكن تكون البنت الوحيده بالبيت مع اولاد عشان كذا مالها بالكلام بس بعد مو سبب قلت يمكن نوع من الاكتئاب يكفينا الشر او حاله نفسيه او صدمه حب مع اخر خيوط الليل قررت اتكلم معها ... ماراح ترضى تكلم معك |
|
|
|
|
30 - 06 - 2009, 05:17 AM
|
#3 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
قالها الجميع.....
خلوني احاول مجرد محاوله....... في وقت الفسحه نزل الجميع الى الكافتريا وهى طبعا مثل العاده مكانها من تجى الصبح تجلس جلسه وحده وتقوم اخر النهار لو مره ما شفتها طالعه مع البوابه كان قلت تنام في مكانها القاعه فضت عديد بسيط من الطالبات استجمعت كل شي عندى قوتى ,, وانفاسي وحب الاستطلاع عندى ورحت لها صراحه مدرى ليه كنت خايفه بس قلت ربي معى دام قصدى خير يارب وتقدمت خطوات وانا بنص الطريق التفت للسبوره للحين اسمها موجود ايه تذكرت اسمها من الخووف بديت انسى سحبت كرسي وجلست باالقرب منها ابتسمت لها ابتسامه حسيت انها بتكون اخر ابتسامه لي سلمت مافيه جواب ناديت عليها يافلانه لاحياه لمن تنادى !!! تاملت حالها بنت بالعشرينات متوسطه بكل شي ملابسها مبهذله التنوره من شهور يمكن مانغسلت وانا اتامل حالها طالعت فينى بنظرات قلت يالموت وينك هذا اخر اللقافه التفت حولى لقيت القاعه فيها ناس اشوى مو لحالي استجمعت كل قوتي ونطقت بصراحه ماقدرت انطق قلت يمكن بسم الله الركن الى جالسه فيه يخلى الواحد ساكت لسانى ثقل اعوذ بالله منك يابليس أنت ليه بس ساكته نطقت اخيرا ليه ماتتكلمين مع البنات ليه مالك صديقات ليه بس جالسه لوحدك احد مزعلك فيه شي مضايقك انا اسفه على تدخلى بس حابه اسمع منك تكلمى عبرى فضفضى كلنا هنا خوات طيب عرفينى على نفسك انا ماعرف غير اسمك بس .. وطالعت ناحيه السبوره اذكرها انى كتبت اسمها هناك رجعت عيونى لها طيب مو مشكله انا اعرفك على نفسي خلى البدايه من عندى اسمى سليله وعمرى 21 دخلت القسم مو رغبه اولى رغبه ثانيه كنت حابه ادرس علم نفس وأنت كنتى حابه القسم ؟؟ ..................... والله ياجماعه اذا الجدار نطق هى نطقت صمت قلت يمكن سوالفى مثل وجهى خلينى اغير الموضوع تكلمت عن الجامعه وكيف صارت الجامعه مدرسه كبيره يعنى المدرسه صارت جامعه والابله صارت دكتوره والحصه صارت محاضره والمقصف صار كافتريا والمريول ياوخيتى صار تنوره وبلووزه والكتاب صار ملزمه وللحين ساكته ولاكلمه ولا نفس ولاحرف ولا ابتسامه ولا .............. قلت طيب خلينى اقول كم نكته بديت بالنكته الاولى والثانيه والثالثه يقولك فيه بنت تحرش فيها ولد قالت جعلك ماتربح !!! قال ليه الاخت عليها سحب !! وسمعت صوت ضحكه قويه بس مو من البنت الساكته لا من وحده جالسه اخر القاعه وصاحبتنا للحين ساكته بديت اعصب وش الجمود طيب حرف بس مو معقوله حاله الانطواء والعزله و الصمت عزمتها ننزل الكافتريا تحت قلت يمكن تقوم من الركن وتنحل العقده تعالى ننزل تحت انا عازمتك |
|
|
|
|
30 - 06 - 2009, 05:20 AM
|
#4 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
نطقت
مو صاحبتنا لا الى جالسه اخر القاعه احلا ام الكرم اعزمينى معكم على المفطح ووقفت وطلبت من صاحبتنا ننزل يالله مشينا ومدت لها يدى حسيت انها مثل الاطفال محتاجه طولت بال وسعه صدر وللحين يدى ممدوده يالله امشى شفت بعيونها كلام وكلام الم غصه وجع معاناه وللحين يدى ممدوده.... مافيه فايده نزلت يدى وبقيت ابكى سحبت الكرسي وجلست وقلت لها براحتك واسفه اذا ازعجتك بس انا بحاجه لك طالعت فينى باستغراب صراحه انا فرحت بالنظره حسيتها بدايه خيط قلت لها ايه بحاجه لك انت مشاء الله بنت هادئه ولاعندك اهتمام البنات بالموضه والمكياج واحسك عقليه متقدمه تجمعنا قاعه وحده وقسم واحد وكلنا خوات هنا .... وووووووو صمت هدواء وانتهى وقت الفسحه ورجعت البنات للقاعه طالعت في صاحبتنا وقلت خلاص انا بروح مكانى كنت ابيها تقول لا اجلسي بس ماعندك احد شكلي من جد غثه وقبل ما اقوم تشجعت وحطيت عينى بعينها وقلت لها شوفي وانا اختك ادرى انى ازعجتك بس والله كنت حابه اطلعك من جو الصمت وكنت حابه نتكلم مع بعض وانا والله يابنت الناس ما ابى من الحزمه الا عود بمعنى ما ابى منك شي غير انك تطلعين من السكوت وانا سعيده جدا انى جلست معك وتكلمت صحيح اكلم نفسي بس بعد سعيده واذا حبيتى بيوم تتكلمين تعالى انا انتظرك و مستعده اسمعك بالحظه كانت تسمعنى وعيونها تبتسم رجعت مكانى ولما وصلت للكرسي طالعت فيها من بعيد لقيتها هى بعد تشوفنى من بعيد جلست على الكرسي وانا اقول الله يعين الناس كلن عنده همه جت صديقتى الى جمبى وقالت: سويتى الا براسك كلمتيها بالله وش استفدت هذى هى ماعطتك وجه اشوفك قاعده تلقطين وجهك قايله لك ماتكلم احد خبله انتى ماتفهمين انتى توك جديده لك شهور بالجامعه وهذى اول سنه لك بس انا عايده السنه والحبيبه الساكته بعد عايده السنه معى ولي معها سنه وزود مافيه يوم يوم نطقت بحرف ............ جايه الحين انتى تبينها تحكى طالعت بصديقتى وبينى وبينكم مارديت عليها بكلمه جتنى حاله الصمت الى جت صاحبتنا |
|
|
|
|
30 - 06 - 2009, 05:23 AM
|
#5 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
تصدقون زميلتي طلعت ولد
-------------------------------------------------------------------------------- السلام عليكم زميلتي طلعت ولد في قاعه الجامعه الكثير من البنات عددهم بالمئات .... نادر ماتجد روح تجمعهم غلب طبع الشليله يعنى كل شله لوحدها ... هناك من بعيد لمحتها ... بنت أقل من عاديه ... لفت نظرى فيها حاجتين: الاولى : ماتهتم بشكلها ومكياجها وشعرها مثل أغلب البنات ... قلت يمكن هذى ميزه مو مهم المظهر أهم شي الروح والجوهر... الثاني : مالها حس ساكته صامته طول اليووم !!!! مر شهر واثنين وهى ساكته؟؟ معقول ماتتكلم ابدا بين الماحضرات وقف ضجيج الطالبات كانك بحراج ووقفت على السبوره اشخبط بالطابشير القيت نظره على القاعه والفوضى الكل يتكلم الاهى من بعيد ساكته تشعر ان البنت مافيهاروح بس عيون تراقب .... فجاءه وقعت عينى بعينها حاولت لفت نظرها ,,,, الطبشوره بيدى بسرعه كتبت اسمها بخط عريض على السبوره نزلت الطبشوره وركضت بسرعه لمكانى حاولت اشوف رده فعلها لمحتها عيونها على السبوره والاسم تمنيت تنطق لو حرف واحد طيب تكتب شي على السبوره نتخاطب بالكتابه مو مشكله أهم شي افهم ليه الهدواء سالت عنها : من عرفنها وهى ساكته احد تكلم معها لا ماتكلم احد لاتعبين نفسك الغريب ان الدكتوره وهي تشرح وتسال البنات بالاسماء العجيب تمر من عند اسمها ولا تسالها تتركها !!! لاتستغربين جت الاجابه من احدهن ,,,, امها جت من فتره ونبهت على كل دكتوره هنا ماتسالها !!! طيب ليه ؟؟؟؟ بينى وبينكم ايها الاحبه ماجانى نوم صرت أفكر بالبنت ليه ساكته وليه امها موصيه ما احد يكلمها ياربي فيه بنت ماتحب الهذره مو معقووووووووله جلست احاول القى لحالتها تفسير قلت يمكن تكون البنت الوحيده بالبيت مع اولاد عشان كذا مالها بالكلام بس بعد مو سبب قلت يمكن نوع من الاكتئاب يكفينا الشر او حاله نفسيه او صدمه حب مع اخر خيوط الليل قررت اتكلم معها ... ماراح ترضى تكلم معك قالها الجميع..... خلوني احاول مجرد محاوله....... في وقت الفسحه نزل الجميع الى الكافتريا وهى طبعا مثل العاده مكانها من تجى الصبح تجلس جلسه وحده وتقوم اخر النهار لو مره ما شفتها طالعه مع البوابه كان قلت تنام في مكانها القاعه فضت عديد بسيط من الطالبات استجمعت كل شي عندى قوتى ,, وانفاسي وحب الاستطلاع عندى ورحت لها صراحه مدرى ليه كنت خايفه بس قلت ربي معى دام قصدى خير يارب وتقدمت خطوات وانا بنص الطريق التفت للسبوره للحين اسمها موجود ايه تذكرت اسمها من الخووف بديت انسى سحبت كرسي وجلست باالقرب منها ابتسمت لها ابتسامه حسيت انها بتكون اخر ابتسامه لي سلمت مافيه جواب ناديت عليها يافلانه لاحياه لمن تنادى !!! تاملت حالها بنت بالعشرينات متوسطه بكل شي ملابسها مبهذله التنوره من شهور يمكن مانغسلت وانا اتامل حالها طالعت فينى بنظرات قلت يالموت وينك هذا اخر اللقافه التفت حولى لقيت القاعه فيها ناس اشوى مو لحالي استجمعت كل قوتي ونطقت بصراحه ماقدرت انطق قلت يمكن بسم الله الركن الى جالسه فيه يخلى الواحد ساكت لسانى ثقل اعوذ بالله منك يابليس أنت ليه بس ساكته نطقت اخيرا ليه ماتتكلمين مع البنات ليه مالك صديقات ليه بس جالسه لوحدك احد مزعلك فيه شي مضايقك انا اسفه على تدخلى بس حابه اسمع منك تكلمى عبرى فضفضى كلنا هنا خوات طيب عرفينى على نفسك انا ماعرف غير اسمك بس .. وطالعت ناحيه السبوره اذكرها انى كتبت اسمها هناك رجعت عيونى لها طيب مو مشكله انا اعرفك على نفسي خلى البدايه من عندى اسمى سليله وعمرى 21 دخلت القسم مو رغبه اولى رغبه ثانيه كنت حابه ادرس علم نفس وأنت كنتى حابه القسم ؟؟ ..................... والله ياجماعه اذا الجدار نطق هى نطقت صمت قلت يمكن سوالفى مثل وجهى خلينى اغير الموضوع تكلمت عن الجامعه وكيف صارت الجامعه مدرسه كبيره يعنى المدرسه صارت جامعه والابله صارت دكتوره والحصه صارت محاضره والمقصف صار كافتريا والمريول ياوخيتى صار تنوره وبلووزه والكتاب صار ملزمه وللحين ساكته ولاكلمه ولا نفس ولاحرف ولا ابتسامه ولا .............. قلت طيب خلينى اقول كم نكته بديت بالنكته الاولى والثانيه والثالثه يقولك فيه بنت تحرش فيها ولد قالت جعلك ماتربح !!! قال ليه الاخت عليها سحب !! وسمعت صوت ضحكه قويه بس مو من البنت الساكته لا من وحده جالسه اخر القاعه وصاحبتنا للحين ساكته بديت اعصب وش الجمود طيب حرف بس مو معقوله حاله الانطواء والعزله و الصمت عزمتها ننزل الكافتريا تحت قلت يمكن تقوم من الركن وتنحل العقده تعالى ننزل تحت انا عازمتك نطقت مو صاحبتنا لا الى جالسه اخر القاعه احلا ام الكرم اعزمينى معكم على المفطح ووقفت وطلبت من صاحبتنا ننزل يالله مشينا ومدت لها يدى حسيت انها مثل الاطفال محتاجه طولت بال وسعه صدر وللحين يدى ممدوده يالله امشى شفت بعيونها كلام وكلام الم غصه وجع معاناه وللحين يدى ممدوده.... مافيه فايده نزلت يدى وبقيت ابكى سحبت الكرسي وجلست وقلت لها براحتك واسفه اذا ازعجتك بس انا بحاجه لك طالعت فينى باستغراب صراحه انا فرحت بالنظره حسيتها بدايه خيط قلت لها ايه بحاجه لك انت مشاء الله بنت هادئه ولاعندك اهتمام البنات بالموضه والمكياج واحسك عقليه متقدمه تجمعنا قاعه وحده وقسم واحد وكلنا خوات هنا .... وووووووو صمت هدواء وانتهى وقت الفسحه ورجعت البنات للقاعه طالعت في صاحبتنا وقلت خلاص انا بروح مكانى كنت ابيها تقول لا اجلسي بس ماعندك احد شكلي من جد غثه وقبل ما اقوم تشجعت وحطيت عينى بعينها وقلت لها شوفي وانا اختك ادرى انى ازعجتك بس والله كنت حابه اطلعك من جو الصمت وكنت حابه نتكلم مع بعض وانا والله يابنت الناس ما ابى من الحزمه الا عود بمعنى ما ابى منك شي غير انك تطلعين من السكوت وانا سعيده جدا انى جلست معك وتكلمت صحيح اكلم نفسي بس بعد سعيده واذا حبيتى بيوم تتكلمين تعالى انا انتظرك و مستعده اسمعك بالحظه كانت تسمعنى وعيونها تبتسم رجعت مكانى ولما وصلت للكرسي طالعت فيها من بعيد لقيتها هى بعد تشوفنى من بعيد جلست على الكرسي وانا اقول الله يعين الناس كلن عنده همه جت صديقتى الى جمبى وقالت: سويتى الا براسك كلمتيها بالله وش استفدت هذى هى ماعطتك وجه اشوفك قاعده تلقطين وجهك قايله لك ماتكلم احد خبله انتى ماتفهمين انتى توك جديده لك شهور بالجامعه وهذى اول سنه لك بس انا عايده السنه والحبيبه الساكته بعد عايده السنه معى ولي معها سنه وزود مافيه يوم يوم نطقت بحرف ............ جايه الحين انتى تبينها تحكى طالعت بصديقتى وبينى وبينكم مارديت عليها بكلمه جتنى حاله الصمت الى جت صاحبتنا طلعت الملازمه هيه انتى وش فيك ساكته ليه ماتردين على؟؟؟ وش تبينى ارد عليك ؟؟ ليه تروحين لها وتكلمينها قايله لك ماتكلم احد ادرى ماتكلم احد بس انا حاولت وكانت مجرد محاوله صابت صابت خابت خابت لا بتخيب اكيد انتى تدرين وش اسمها الحبيبه عند البنات قلت وش اسمها ؟ سالت وانا عيونى على السبوره واشوف اسمها مكتوب هناك قالت صديقتى اسمها ابو الهول ماتنطق ابدا ..... طيب احيانا السكوت حكمه واشتغل جهاز التلفاز بالقاعه وطلع الدكتور وبدا يتكلم بالمحاضره مسكت قلم وقعدت اشخبط على اوراق الملزمه سالت نفسي ياترى انا صح لما رحت وكلمتها ابدا مو ندمانه بالعكس بس يمكن البنت عندها مشكله كبيره بحياتها او مالقت احد يسمعها كتبت بالنص الصفحه يارب ............................... انا كتبت لكم قصه فيها من الحقيقه الشي الكثير والخيال الشي الاكثر .... ولكم القرار اذا كنتم حابين تشوفون وش صار مع صاحبتنا ابو الهول نكمل مو حابين شاكره لكم واكتفى بالصمت مثل صاحبتى بالقاعه.......... |
|
|
|
|
30 - 06 - 2009, 05:29 AM
|
#6 |
|
المراقبة العامة
تاريخ التسجيل: Apr 2007
الدولة: k.s.a
المشاركات: 8,794
التقييم : 51
  
|
لاا تكفيين كملي
شدتني مرررررررررهـ جد مشوووووقهـ  ~{ اللهم أجمعنا فالفردوس الأعلى من الجنة }~
|
|
|
|
|
30 - 06 - 2009, 05:31 AM
|
#7 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
المعذرة تكرر الجزاء الاول من الروايه
|
|
|
|
|
30 - 06 - 2009, 05:33 AM
|
#8 |
|
غلاتي الذهبي
تاريخ التسجيل: Jan 2008
الدولة: حيث أكون
العمر: 25
المشاركات: 3,023
التقييم : 51
|
يالله يالله كملي نبي نعرف وش فيها
وليش كل هالصمت ؟؟؟ حمستيني .. |
|
|
|
|
30 - 06 - 2009, 05:41 AM
|
#9 |
|
مشرفة القصيد والخواطر
تاريخ التسجيل: Oct 2008
الدولة: السعودية
المشاركات: 1,542
التقييم : 57
مزاجي:
|
سبحاان الله كلا بهمو في ها الدنيااا
تابعي ونحن بنتظار تفاصيلهااا  |
|
|
|
|
30 - 06 - 2009, 06:21 AM
|
#10 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
مراحب
يوم جديد من ايام الدراسه اليوم جيت بدرى ... ودخلت الحمام امشط شوشتى جايه وهى منفوشه ,,,, دخلت الحمام ولقيت وحده من البنات متسمره قدام المرايه وبيدها قلم كحل سائل وترسم عيونها يالله صباح خير... وش تقولين؟ لا سلامتك اقول يالله تصبحها بالخير... ايه .. احسب وقفت امشط شوشتى قدام المرايه وكانت المرايا مصفوفه جنب بعضها وابواب الحمامات قدامها مصفوفه جنب بعض بعد وقفت قدام المرايه وعيونى للى جمبى وهى ترسم عينها التفت لى وقالت: شوفى الرسمه مظبوطه؟ ايه ... مره مظبوطه وفجاءه ..... انفتح احد ابواب الحمامات وطلع منه.... ؟؟؟؟؟؟؟؟ ربطت شعرى المنفوش بسرعه ووقفت اتامل المنظر واحمدالله سحبتنى من يدى الى كانت ترسم عيونها وطلعنا ... انت وش فيك؟؟ وش عليك منهم .. هذولا مو صاحين كانت اول صدمه اخذها بدخولى الجامعه معقووووووووووووله الى الدرجه وصلنا بنات ويدخنون رجعت صديقتى للمرايا بالحمام تكمل رسم عيونها وقفت معها بالحمام وعيونى على الباب الى طلعو منه الطالبتين أعوذ بالله الله لايبلانا ياربى رحمتك حسيت وانا اشوف باب الحمام الدنيا تدور فينى كنت ودى ارجع طقت على كبدي وش مستوى البنات كملت صديقتى رسم عيونها.. وشالت شنطه يدها.. يالله سليله مشينا !! ووين؟؟ وش وين وش فيك أنتى ماعندك محاضره الحين ... ايه صح عندى يالله مشيت بطريقى للمحاضره حاضنه شنطتى وعقلي مو معى تخليت لو قلت عند ابوي انى شفت الشوفه بحمام الجامعه وش بيسوى ؟؟ بيفصلنى أكيد... دخلت القاعه فوضى مثل العاده ... مريم : تحط روج ( الاسماء بالقصه وهميه أكيد ) حصه : تكلم امها بالجوال عبير : مطلعه منديل وتلمع جزمتها !! نوره جت عندى مسرعه سليله |
|
|
|
|
30 - 06 - 2009, 06:24 AM
|
#11 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
سليله
هلا ماعندك عطر زود؟؟ وش زود بعد اعطيك بس تبخين بخه وترجعينه اكد على عميان انا طيب من زين عطرك كنه ريحه فليت فتحت شنطتى واعطيت نوره العطر... مشكوره سليله؟؟؟ هاه هويتى بقدر وش فيك لا مافيه شي بس شفت شوفه بالحمام و ,,,, دخلت الدكتوره القاعه.. كل وحده مكانها يابنات المحاضره بدت جلست باقرب كرسي عندى مدرى وين مكانى فيه او يمكن حسيت مالى مكان بالجو المخنوق بدت الدكتوره تنادى بالاسماء تسجيل حضور نوره نعم حصه نعم خلود نعم وداد حاضره نوير نعم سليله نعم حمده سكوت حمده !!!!!!!! يوووووه حمده ماجت اليوم حمده هذى هى صاحبتنا ابو الهول الصامته كانت لما تكون موجوده ترفع يدها أشاره انها حاضره اليوم ماجت؟؟ التفت لمكانها فاضى تسجيل غياب لحمده اليوم ياربي وش فيها غايبه اخاف تضايقت من كلامي معها امس اخاف سببت للبنت ازعاج ياربي ليه غايبه انتهت المحاضره وسالت البنات بنات منو تعرف رقم تلفون حمده ؟ يووه قطيعه وش تبين فيه !! لا بس بطمن عليها ماجت اليوم.. هذى بالله شلون تكلمينها؟؟ لاترد ولاتصد الحين ماتكلمت قدامنا تبينها تتكلم بالتلفون طيب مو مشكله اكتشفت ان حمده ما احد يعرف عنها شي حتى رقم تلفون ما احد يعرفه او يمكن مافيه وحده حاولت تاخذ رقمها الكل كان يتحاشى يتكلم معها طالعت بالسبوره يالله الاسم ا اسم اسم حمده كان مكتوب هنا من مسحه؟؟ العجيب ان السبوره مليانه شخابيط بكل ركن فيه كلام العجيب بس اسمها الى انا كتبته ممسوح وش معنى الاسم بس؟؟ طالعت مكانها الفاضى |
|
|
|
|
30 - 06 - 2009, 06:26 AM
|
#12 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
تمنيت يكون غيابها خير...
بدت المحاضره الثانيه دكتور ... كلوووووووش مبروك يابنات الدكتور غايب !! ماجاء وليه غايب سليله وش فيك انتى كل واحد وش فيه وش فيه غايب يمكن زوجته عندها حاله ولاده وش دارنى انا وش فيه؟؟؟ وضحكو كل البنات... يالله يابنات انا بنزل المكتبه العامه دام الدكتور غايب من تجى معي رفعت يدى انا ,, انا بجي معك يالله اخذت شنطتى ونزلت مع نوره المكتبه وحنا نازلين مع الدرج شفت بنت من قسم الجغرافيا لابسه تنوره قصيره !! هذى الحين مو مخالف لبسها رديت على صديقتى وقلت اكيد مخالف بس مين يسمع البنات ماعندهم تقيد بنظام الملابس اتذكر اول ايام من الدارسه وقعنا تعهد نلبس تنوره سوداء وبلوزه بيضاء بس قليل التزم بالملابس وصارت الكليه كلها أسود وابيض يعنى تشوف البنات كانك تشوف فلم عربي قديم اسود وابيض هع وصلنا المكتبه.. زحمه مثل العاده... دخلنا اخذت كتاب عن الشعر في العصر الاموى عن جرير وقعدت اقراء ونوره خذت كتاب عن الصحه العامه وجلست معى وهناك بالطاوله الثانيه لمحت وحده من البنتين الى كانو الصبح مع بعض بنفس الحمام ... بس لوحدها وين الثانيه يمكن تنتظرها بالحمام الله لايبلانا التفت لنوره نوره سمى تعتقدين ليه حمده غايبه؟ وانا وش عرفنى... بس انتى ليه مهتمه بامرها كذا لا ابد بس احس البنت عندها مشكله ما تتكلم ابدا ايه والله شي عجيب ماتنطق ابدا ابدا للدرجه حسيتها طرما لا لا |
|
|
|
|
30 - 06 - 2009, 06:30 AM
|
#13 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
لو كانت طرما ماقبولها هنا
بس شكلها عندها مشكله نفسيه الله اعلم .. تصفحت كتاب الى بيدى جرير شاعر عذب من اجمل شعراء العصر الاموى اكيد كان يغرف من بحر شاعر ولد بجو كان صحو مو من شعراء المجلات الشعبيه تخيلت جرير مو جود اليوم وشاف برنامج شاعر المليون والضحك على الذقون ضحكت ... نوره ,, الله لايسفهنا وش يضحك ابد جرير وهو مشارك بشاعر المليون نوره ,, لا والله جالسه مع خبله انا تصفحت الكتاب قريت ابيات جرير: لا بارك الله في الدنيا اذا انقطعت اسباب دنياك من اسباب دنيانا لقد كتمت الهوى حتى تهيمنى لا استطيع لهذا الحب كتمانا ان العيون التى فى طرفها حور قتلننا ثم لم يحيين قتلنا يصرعن ذا الب حتى لاحراك به وهن اضعف خلق الله انسانا ........... وضحكت من جديد نوره: خير فاز جرير بالمليون لا بس جرير لو شايف عيونى الحولا كان ماقال البيت ابد هههههه وضحكت نوره ايه صادقه ... يالله نرجع القاعه يالله وقفت ورجعنا الكتب مكانها وفجاءه جاء عل بالى سؤال نوره الحين حمده مالها اخت هنا او قريبه بنت خال بنت عم بنت جيران؟؟ الا لها والله من جدك تتكلمين لها احد هنا نوره : ايه لها مين؟؟؟ لها اخت هنا بربك تقولينه صادقه من جد لها اخت هنا معنا بالكليه.. ليه ماقلتى لي!! وش اقولك.. انتى سالتى وانا جاوبت وبعدين وش تبين انتى لا مابى شي بس بسال اختها عنها واعطيها محاضره اليوم توصلها لها طيب مشينا الحين اختها اى قسم قسم الانجليزى سنه ثالثه وش اسمها؟ اظنها فضه فضه طيب طلعت من المكتبه فرحانه ان فيه اخت لحمده ممكن عن طريقها نعرف سر الحمده؟؟ وصلت القاعه وجلست نوره ها الحين فضه اخت حمده تتكلم .. ايه تتكلم اجل وش!! مدرى قلت يمكن زى اختها لا تتكلم وعكس اختها انتى ماقد شفتيها؟؟ لا والله اول مره ادرى ان لها اخت عندنا بروح اتكلم معها بروح بعد المحاضره لقسمها واسالها عنها.. نوره.. وكيفك بس ترى تتكلم معك عنجليزى ههههههه مو مشكله اهم شي افهم لغز الحمده وبدت المحاضره... وتمنيت تخلص بسرعه بروح اشوف اخت حمده... حسيت انى مسكت خيط بيوصلنى لسر الحمده سر السكوت سر الصمت وانتهت المحاضره وبسرعه رحت قسم الانجليزى فوق الطابق الرابع المصعد عطلان مكتوب عليه كذا طيب نطلع الدرج ومع اخر درجه انقطع نفسي وصلت مجموعه بنات جالسين مراحب بنات وين سنه ثالثه هلا هناك القاعه هذيك وصلت القاعه غريبه فاضيه البنات قليل .. دورت احد اسئله عن فضه.... سبحان الله مرت من حمبى البنت الى كانت بالحمام مره ثانيه هذه وش سالفتها كنها متقصده كل ماروح مكان اشوفها !! لو سمحتى !! خير... الخير بوجهك هنا ثالثه انجلش ايه لو سمحتى فضه وينها ؟؟ فضه!! فضه!! ايه عندنا ثنتين فضه اى وحده فيهم.. ياربى وانا وش دارنى اى وحده طيب فيه وحده من الثنتين هنا الحين.. تلفت يمين ويسار ايه تشوفين ذيك الى لابسه بلوزه زرقاء ذيك فضه ... طيب مشكوره شفتها من اخر الممر مشيت لها بخطوات مدرى تذكرت خطواتى لما رحت اكلم حمده بالقاعه اول مره... قربت منها .... غريبه قلتها بينى وبين نفسي فضه عكس اختها انيقه ونعومه وكشخه وتهتم بنفسها مو مثل حمده قربت انتى فضه؟؟ ايه انا وانتى مين ؟؟ انتى فضه اخت حمده ايه انا مين انتى؟؟ انا سليله زميله فضه بالقاعه وكانت حابه اسئل عنها و,,,, ايه ايه سليله عرفتك... ومن وين تعرفينى ؟؟ من حمده والله تكلمت عنى اقصد يعنى مدرى هههه وش فيك ايه طول امس وهى تتكلم عن وحده ملقوفه عندهم اسمها سليله شكلها أنتى طيب ماعليك زود وينها ليه غايبه تعبانه شوى ماتشوف شر سلامى عليها.. الله يسلمك ووقفت مكاني ياربى اسئلها وش فيها اختك ما تتكلم ساكته اخاف مو وقته السؤال وش بتقول عني جايه اطمن على غيابها او اسئل وش فيها |
|
|
|
|
30 - 06 - 2009, 06:32 AM
|
#14 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
كنت متردده
قطعت على فضه ترددى سليله .. ممكن سؤال.. تفضلى ليه انتى مهتمه بحمده رغم ان حمده لها سنه بالقسم عايده السنه وانا هنا لى ثلاث سنوات مافيه وحده من بنات القاعه جت سئلت عنها لا ابد بس انا امس تكلمت معها وخفت تكون زعلت من كلامى و حبيت اعتذر لها بس وبعدين حنا زميلات قاعه وحده وواجب اسئل عنها مشكوره وسئلت عنك العافيه.. بس هى ما احد يسئل عنها وهنا كانت فرصه ليه... اقصد ليه ما احد يسئل عنها مالها علاقه مع احد عارفه والله بس ليه ؟؟ طيب هى بالبيت معكم ساكته بعد او تتكلم عادى هى كانت كذا من زمان او فجاءه ومئه سؤال وسؤال قررت اخيرا اتشجع واعرف من فضه السالفه لازم اعرف وارتاح فضه لو سمحتى انتى عندك محاضرات الحين لا خلصت ليه؟؟ طيب مممكن اتكلم معك اذا ماعندك مانع لا ماعندى بس انتى ماعندك محاضره عندى محاضره وحده الاخيره بس ممكن اطنشها واجلس معك طيب براحتك طلبت من فضه نتقابل بالكافتريا تحت بعد ربع ساعه .......... رجعت القسم فرحانه اخير بعرف سر الحمده وليه ساكته معقوله تكلمت امس عنى عند فضه طيب ليه هنا ساكته وصلت القاعه اخذت شنطتى نوره سليله ر وين.. ها بروح عند وحده بكلمها الى انتى خابره... وطلعت بسرعه ومريت صندوق الى نحط فيه العبايات كنت انا ونوره مشتركين بنفس الصندوق وكل وحده منا معها مفتاح والصندوق من اداره الكليه برسوم ماليه بسيطه كنت دائم احط عباتى فيه واخر النهار اخذها وقفت قدام الصندوق وفتحت شنطتى ادور المفتاح وفتحت الصندوق مالقيت عباتى؟؟؟ ياربى وينها وش قراده الحظ رجعت القاعه بسرعه نوره ماشفتى عباتى لا انا حاطتها بيدى الصبح بالصندوق الحين مالقيتها؟؟ وين بتروح يعنى!! مدرى بس انا متاكده حطيتها بيدى نوره متى حطيتها؟؟ انا جيت الصبح بدرى وحطيتها بالصندوق وبعدين رحت الحمام امشط شعرى وشفت البنات بالحمام وووووووو يووووووه الحين خلينى بعباتى وينها وراحت نوره لصندوق وفتحته فعلا مو موجوده طيب |
|
|
|
|
30 - 06 - 2009, 06:35 AM
|
#15 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
وش اسوى انا الحين
يمكن انسرقت عباتى انسرقت بالله شلون تنسرق عباه من صندوق مقفل وانا وانتى بس معنا مفاتيح يابنتى انتى وش تحسبين المفتاح الى معك كان مع الف قبلى وقبلك وبعدين هنا تصير سرقات بالهبل فعلا سرقه ملازم سرقه جوالات وتكثر السرقه اايام صرف المكافاءه بس عباه سليله وش الفايده يسرقونها وقعدت ادعى على الى سرق عباتى واشتغلت مداعى جدتى جعلك ما تتوفق يالى سرقت عباتى جعلك للمحاق والاسهال المتلاحق جعلك ......... نوره: ههههههه الحين اذا دعيتى بترجع عباتك شوفى لك حل باقى ساعه على نهايه الدوام ياربى وش اسوى؟؟ تصرفى وش تصرفى اخذر عباتك يعنى!! وكانت سرقه عباتى ثانى صدمه اخذها بعد صدمه بنات الحمام ياربى وش تفكير البنات استاذنت نوره بروح المحاضره بدت وجلست حايسه وش اسوى الحين يوووه انا عندى موعد مع فضه الحين تنتظرنى بالكافتريا وش اسوى بعباتى المسروقه؟؟ باقى ساعه وينتهى الدوام وانا بدون عبايه وش القراده .... رحت لرئيسه القسم وطقيت الباب ودخلت ممكن استخدم التلفون لو سمحتى!! تفضلى.. ( مامعى جوال لان مره كتبو تعهد على بالكليه لان جوالى رن بالمحاضره وحلف ابوى ماروح فيه نوبه ثانيه ) دقيت على بيتنا ... طوط طوط طوط طوط الو الو جدتى هلا بنتى سليله وش بلاك وانا امك جدتى عباتى انسرقت وشو شلون انصرعت لا لا ياجدتى مو انصرعت انسرقت وويل حالى هوهو وش السواة انسرقت عباتك و انتى بشارع لا لا ياجدتى انا بالكليه المهم ابى عبايه طيب وانا امك وشلون اجيبها لك ارسلى احد فيها ياجدتى باقى شوى وينتهى الدوام ياويل حالى وتنثبرين بكليتك ماعندك احد ايه ياجدتى الفزعه شوفى واحد من العيال( اخوانى) يجيب لى عبايه اى مرايه وش تقولين انتى لا ياجدتى مو مرايه عبايه عبايه زين زين وانا امك بس ماعندى غير عباتى انا ارسلها لك مو مشكله ياجدتى المهم عبايه طيب وانا امك جدتى حطيها بالسياره الحين خلى احد يوصلها لى اى عياره وش عيارته لا لا ياجدتى سياره سياره طيب طيب وانا امك وقفلت السماعه من جدتى والتفت حولى لقيت رئيسه القسم كحلتها سائله من الضحك تفشلت فشله وانا اكلم جدتى كنت مطوله صوتى الظاهر كل الكليه عرفت بسالفه عباتى وجدتى... سالتنى الدكتوره رئيسه القسم انتى عندى هنا بالقسم ايه اى سنه؟؟ اولى طيب ان شاء الله جدتك تجيب لك عبايه ان شاء الله طلعت من مكتب رئيسه القسم بسرعه وانتهى الدوام وبدت البنات تطلع من القاعات خروج طلعه نزلت تحت وجلست بالساحه ياربى وش الورطه الحين شلون بطلع لا عبايه وجدتى مدرى فهمت على او لا وبعدين مامعى حتى جوال شلون بتصرف وياترى جدتى بتلقى واحد من اخوانى يجيب لى العبايه؟؟ وبديت اوسوس وانا جالسه شفت من بعيد وحده من البنات الى كانت بالحمام الصبح ياربى انا من شفت الشوفه وانا مو بخير وانا اقول اصطبحت بوش مين النهارده ومرت ساعه والبنات قل عددهم عطش فتحت شنطتى ادور ريال اشترى من اله المشروبات من جد قراده مالقيت معى غير عشره ريال كامله وانا ابى ريال لحاله.. مو لازم بموت عطش يعنى هاا هذى نوير جت نوير هلا ممكن اهذر شوى بجوالك ايه ممكن تفضلى اخذت الجوال واحاول اتذكر رقم اخوى والله الجوالات ماخلت احد يحفظ رقم دقيت عليه... الو سليله ولعنه خامس وليه مضيعه عباتك والله لو سالفه ماضيعتيها كان حافظتها زين انثبرى مكانك وحسابك بعدين كل الكلام قاله وانا ساكته طيب انت وينك انا عند الاشاره حولك وطاعون طيب شلون بتوصل العبايه لى ... وانا وش عرفنى ادخل بنفسي اجيبها لك طيب لحظه نوير متى تطلعين بعد شوى ليه تبين اوصلك لا لا مشكوره بس عباتى ضاعت نوير: ههههههه ضاعت ايه واخوى الحين جاء ومعه عباه جدتى نوير: ههههههههه وابى اذا جاء اخذ عباتك اروح اجيب عباتى وارجع ارجع عباتك !!! نوير:سليلهر وش تخربطين انتى المهم انا باخذ عباتك دقيقه اروح السياره اجيب عبايه جدتى وارجع نوير : يحليها بتجيب جدتها لا مو جدتى العبايه بس نوير: طيب مو تبطين ابوى بيجى الحين زين رجعت كلمت اخوى اقولك اذا وصلت دق على الرقم دقه بطلع لك اجيب عباتى طالوع يشق بطنك تطلعين قدام الناس وويلاه بس لا لا بطلع بعباه صديقتى اخذ منك العبايه وارجع فجاءه تغير صوت اخوى وصار لين وهين طيب اقولك سليله ليه ماتخلين صديقتك تجى بنفسها تاخذ عبايتك هههههه طيب بعدين نتفاهم سكرت الجوال وقعدت انتظره يدق وبعد دقيقه دق نوير: ها هذا اخوك ايه وصل عطينى عباتك بروح وارجع دقيفه لبست عبايه نوير وريحتها دخون اوقولك نوير وش الدخون بعباتك ايه هذا دخون ام دحيم تبيعه بالله بكم الله يسلمك العلبه بميه وخمسين غالى بس حلو طيب ابيك تجيبن لى علبه واعطيك ميه وخمسين وهنا دق اخوى وينك فيه وجع لا جايه بس اسعر بكم الدخون اى دخون شبو فيك حريقه هذا وقته.. وطلعت اركض بسرعه عند البوابه وشفت اخوى هناك واقف اخذت العبايه مضيعه عباتك هاه زين اقولك سليله هذى الحين عباه صديقتك ايه يازيناه من عبايه اذا هذى العباه اجل وشلون راعيتها هع هزيت راسي من سوالف اخوى ورجعت وعطيت نوير عبايتها وفتحت الكيس ابى البس عباتى حقت جدتى وكانت المفاجاءه \؟؟؟؟؟؟؟؟؟؟؟؟؟؟؟؟؟؟ حابين نكمل او جاكم الملل ؟؟ |
|
|
|
|
30 - 06 - 2009, 07:13 AM
|
#16 |
|
غلاتي ماسي
تاريخ التسجيل: Jun 2009
المشاركات: 291
التقييم : 52
مزاجي:
|
تسلمين خيتوااا بصراحه
روووعه عندك فن في الكتابه تحمست بصراحه لدرجة اني تخيلت الشخصيات وخاصه اذا كانت مقتبسه من قصة واقعيه وهـ بس حسيت كاني رجعت لااول ايام الجامعه تشوفين اشياء غريبه عجيبه كانك داخله علم جديد وهـ بس ربي يعينى ونفتك منها المهم كملي خيتوا حنا من ورااااك نقرا هوع هوع قداااااااااااااااااام خيتو  >>>اهجدي بس هههههههههههههه
|
|
|
|
|
30 - 06 - 2009, 08:06 AM
|
#17 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
اكمل معكم
فتحت الكيس ابى البس عبايه جدتى وكانت ......... عبايه بس بدون غطاء او حتى طرحه ياربى وش اسوى الله يهديك ياجدتى وش اسوى انا بس بالعبايه لحالها طلبت من نوير تعطينى طرحتها ولبستها لبسه قشرا ولبست عباه جدتى وطلعت ودى الارض تنشق وتبلعنى من الفشله وركبت سياره اخوى بسرعه ومشينا للبيت واخوى بدا الهواش لو انتى حريصه على عباتك ما ضاعت وش اسوى فيك وبعدين شوفى شكلك كيف تفشلين وانا ساكته وانا ساكته طرت على بالى حمده الساكته ادرى مو وقته بس جت على البال وقلت ياربى كيف متحمله تسكت لانى عجزت اسكت وصرت اتهاوش معى اخوى بالسياره وانا وش ذنبي هى انسرقت تبينى من اجى الصبح اظل ماسكه فيها الين الظهر وصار اخوى المسكين يقطع الاشاره مايوقف عندها يقول شكلك فشيله ووصلنا البيت ... ولقيت اخوى مر من عند البيت وتعداه ولف من الشارع الثاني؟؟ ليه انتى ماتشوفين جارنا ابو دحيم واقف عند بابه تبينه يشوفك انتى وعبايتك وصار اخوى يدور بالحاره مو حارتنا حاره ثانيه لين مافضى شارعنا ودخلت البيت بقيت اصلى ركعتين حمد وشكر لله ماصدقت وصلت ............... الساعه سته فى اليل دق التلفون نوير تسال عن طرحتها هع لاتخافين بجيبها لك بكره واذا تبين معها عبايه جدتى ابشرى بعد هع نوير : سليله تعالى معنا نروح السوق سوق .... فيه تخفيضات بلايز وتنناير لا ما اقدر اروح اخوى عقب عباتى اليوم بيحرم على الطلعه شهر من بيروح معك انا وامى ومتواعده مع نجود بالسوق |
|
|
|
|
30 - 06 - 2009, 08:08 AM
|
#18 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
اها
نجود بتروح معكم ايه طيب موفقين خير .... .......... وجاء يوم جديد نفس الروتين قومه من الصبح وريحه قهوه جدتى تصحى الميت وزحمه سيارات وطريق ملل ومحاضرات وصلت الكليه الساعه سبعه ياربى بدرى باقى ساعه كامله على المحاضرات دخلت من البوابه ماكان ودى افصخ عباتى كان ودى اظل فيها طول اليوم اضمن شلت شنطه يدى ومشيت بالساحه مريت من عند النافوره الكبيره بالساحه كانت مفتوحه والمويه شكلها يجنن وقفت اشوفها من بعيد وهناك حول النافوره طالبتين يصورون بعض!!!!!! بالجوال كل وحده تعطى الجوال الثانيه وتصور عند النافوره شكلهم بيقولون هذى صورنا بالصيف لما رحنا باريس وجزر الواق واق اعرف فشخره بنات كذابه .... مريت بطريقى الكافتريا ووقفت عند الشباك وطلبت واحد مويه وفتحت شنطتى ادور ريالين المويه بريالين بالكليه وجت طالبه ووقفت وطلبت بعد مويه وكانت الطالبه حامل وبطنها قدامها وتاخرت العامله ماجت راحت تجيب مويه ولا جت ... طولت وصارت الطالبه الحامل تهاوش وش فيها تاخرت مو قادره اوقف تعبت طيب روحى اجلسي على الكراسي وانا اجيب لك المويه مشكوره وجلست البنت على اقرب كرسي ووصلت العامله معها المويه وحاسبت ووصلت عند البنت واعطيتها علبه المويه يوه يؤ يؤ يؤ لقيت البنت تصرخ وش فيك من عطاك علب المويه العامله ليه |
|
|
|
|
30 - 06 - 2009, 08:10 AM
|
#19 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
ولقيت البنت رجعت للعامله
وتهاوشت معها وقاروره المويه بيدى طالعت بتاريخ الانتاج لسه باقى سنه وش فيها تصرخ رحت عندهم وسالت البنت وش فيك ؟؟؟ قالت ليه تعطينا مويه نساح!!! طيب وش فيها مويه نساح ؟؟ انتى خبله مويه نساح مويه مكرره يعنى مويه بيارات الله يعز السامعين يكررونها وتنشرب ؟؟؟؟؟؟؟ معقوله ايه ورجعت المويه للعامله وطلبنا مويه ثانيه قالت العامله وشو مويه يبى انتى؟؟ قالت الحامل جيبى القصيم هنا حائل عذبه اى شي الا نساح بتذبحينى انتى.. مشكوره اول مره اعرف المعلومه لا الشي معروف ..... وصلت القاعه وانا احرك القاروره بيدى واسئل نفسي كم قاروره مويه نساح شربت من جيت؟؟؟ وصلت القاعه.......... وكان كل همي اليوم اعتذر من فضه اخت حمده لانى ماقدرت اكلمها على الموعد امس من مشكله عباتى جلست بالقاعه ولقيت نوير دخلت هلا نوير هلا مشكوره هذى طرحتك تفضلى العفو اخبار السوق امس اشوفك لابسه بلوزه جديده البارح شاريتها ايه وش رايك زوينه وش زوينه تدرين كم قيمتها كم؟؟ 350 يؤ وع مو حلوه والله لو القها بلاش ما اخذتها وزعلت نوير وحبيت اصلح الموقف ايه بس فيها شي واحد حلو وشو انتى الى لابستها الثوب من راعيته وضحكت وطاح الحطب سليله يووه لو تدرين وش صار امس بالسوق وش صار؟؟؟ نجود ايه وش فيها جت على موعدها امس بالسوق ايه جت وشفت لها موقف الله لايوريك؟؟ خير وش شفتى |
|
|
|
|
30 - 06 - 2009, 08:12 AM
|
#20 |
|
غلاتي ماسي
تاريخ التسجيل: Jan 2009
المشاركات: 194
التقييم : 50
|
اخاف تعلمين احد من البنات
لا لا مو قايله قولى دخلت محل وامى راحت محل ثانى وبالصدفه شفت نجود بمحل رغم انى مواعدتها بس ماكنت احسبها جت لانها مادقت على طيب دخلت المحل ولقيتها ايه كاشفه وجهها لا من جدك انتى ايه وتضحك مع البائع اعوذ بالله معقوله ايه للدرجه وصلت فيها ايه وقبل ماتكمل نوير كلامها دخلت وحده القاعه معها مويه نساح نطيت عندها وتركت نوير.... لاتشربين المويه ليه مويه بيارات وضحكو البنات وقعدت اقص لها القصه ... التفت لقيت نوير مكانها رجعت لها بسرعه اممممممممم والله نجود مجنونه اتوقع منها كل شي يالله من جد ايه يالله ترحمنا برحمته... و بدت المحاضره ودخلت الدكتوره تشرح علم العروض تقطيع الابيات الشعريه وبحور الشعر العربي فعولن فعولن فعولن مفاعيل مفاعيل ويجيك النوم .... وبنص المحاضره دخلت نجود القاعه متاخره طلعت فيها جلست نجود وعينى عليها نجود بنت ما ناقصها شي جمال وبنت حموله وعائله معروفه يا ترى ليه تسوى الفاعيل ليه ممكن قله راقبه من الاهل ..... انتهت المحاضره الاولى لمحت حمده جالسه على نفس الطاوله ابتسمت لها من بعيد ولا ردت على قعدت القط وجهى من الفشله قلت يالله كسبنا صدقه رحت عندها وسلمت عليها الحمدالله على السلامه حمده سكوووووووووووووت ليه غايبه عسى ما شر؟؟ سكوووووووووووت انا امس رحت فوق عند اختك فضه وسالت عنك!! |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| البنت إذا طلعت تكب الزباله | AzoOoz | فكاهة و فرفشة | 19 | 14 - 09 - 2008 03:12 AM |
| صديقتي احبها يس؟ | غلاي له حدود | ملتقانا في المنتدى | 7 | 13 - 02 - 2008 07:30 PM |
| وأنت في المستشفى (الدكتور امريكي)والسستر السودانيه طلعت وش تسوووي ... تفضل | صرخات مجروح | تعليم اللغة الانجليزية | 4 | 02 - 10 - 2006 04:34 PM |
العرض العادي
