| |
| |||||||
| قصص الاعضاء منتدى مخصص للقصص التي يقوم بتأليفها الاعضاء |
    |
 |
| | LinkBack | أدوات الموضوع | انواع عرض الموضوع |
15 - 08 - 2008, 02:34 AM
| #1 (permalink) |
| غلاتي مشارك |  محاوله اختطافي في مكه السلام عليكم ورحمه الله وبركاته اعزائي القراء اليكم قصه محاوله اختطافي في مكه المكرمه .... طبعآ احنا كل سنه نروح لمكه علشان نوادي العمره ونجلس فيها سبوع بعدين نطلع نتمشى للمدن اللي حولها...... احنا كنا جالسين بالتوسعه الكبيره اللي بجنب سوق الظلام الساعه11 ليلآ......قامو اهلي بيروحون للسوق قبل لانروح لانه كان اخر يوم لنا في مكه المهم قالو اهلي تروح معنا او تجلس بالتوسعه لين نجي(لاني مااحب السوق)قلت لا ابروح معكم علشان اشتري نعله لان نعلتي منقطعه قالو قم يالله......... رحنا للسوق ودخلت محل النعال وشريت نعله بعدين خذت نعلتي وذبيتها بالزباله وكان عندهل زباله 2 شباب (احتفظ بجنسيتهم)هم ليسو سعوديين,,,,, اشكالهم تروع ويتتنون انا ماانتبهت لهم ذبيت النعله ومشيت قدام انا واختي الكبيره 20سنه والباقين ورانا(الحريم بس ماكان معنا رجاجيل) انا وياها نمشي ونسولف ونضضحك صوتت لنا خالتي ووقفنا..قالت:شفتو هذا الولد..قلنا:ايه وش فيه..قالت:يلاحقك ..انا فجاه طاح قلبي بالارض وصار يطق بقوه..قالت اختي وش يبي يلحقنا ..قالت خالتي ماادري يوم ذب عزيز النعله بالزباله كانو يناظرون فيه مره وقال هذا للولد اللي معه تحداني اجيبه.وقال الولد اتحداك..وصار يلحقكم من ذاك المكان لهل مكان ويناظر فيك...يوم التفتنا للولد وشافنا نناظره التفت وصار يناظر بالنعال كانه موب يلحقنا ويبي يشتري,,قالت خالتي امشو قدام واحنا وراكم بنشوف وش اخرته...قالت اختي خلوني اتهاوش معه اشوف وش يبي بعزيز ابوقفه عند حده,,قالت امي لا ان تهاوشتي من يفكك عاد...(طبعآ اختي لسانها طويل وقويه ووقت الجد ماتمزح تسوط سوط ماشاءالله عليها)المهم صرنا نمشي ويمشي ورانا واذا ناظرناه التفت يمين وشمال كانه موب يلحقنا..انا ماعاد تقواني رجليني كنت خااااااااايف واسال روحي وش يبي هل ولد مالقى الا انا,,قالت لي اختي لاتخاف انا معك ماراح يجيك ولايلمسك... دخلنا محل قلنا بنشوف يدخل ولا لا,,يوم دخلنا دخل ورانا وصار يسولف مع راعي المحل لانه من جنسيته..احنا ع طول من دخل طلعنا وكاننا ماندري عنه,,يوم طلعنا جاءيطلع معنا بس مسكه راعي المحل وهو يهوش يبيه يفكه..وكان راعي المحل واقف يحترينا نمشي علشان نتركه,,احنا ع طول مشينا ودخلنا محل صاد وجلست خالتي عندالباب تشوفه وش يسوي,,كان يتلفت يمين وشمال ويدورنا في المحلات وبين الناس تقولون كان ظايع له شي...احنا ع طول طلعنا من المحل ورجعنا للتوسعه وقعدنا فيها لين الفجر وحرمت اني امشي لحالي,,,,,,,,,,,, واخر يوم كنت ابتمشى واستانس قبل لانروح بس خرب علي فرحتي ذا الملعون جعل ربي يشغله في نفسه..وهذي موب اول مره انلحق فيه كذا مره وخاصه في مكه بس بفضل ربي وحفظه لي مايقدرون يوصلون لي ولامره والحمدلله,,واحب اقول لكل عائله انهم مايتركو اولادهم لحالهم وخاصه في مكه عشان مايوصلون لهم الذياب والله يحفظني ويحفظ اخواني واخواتي من هل وحوش ...وشكرآ ...ملاحظه:هل قصه صايره السنه اللي راحت بالعطله الطويله وفي سوق الظلام...i |
|  |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
العرض العادي
