الولد الأنيق

السلام عليكم ورحمة الله وبركاته
رد السلام:وعليكم السلام ورحمه الله وبركاته..

امابعد:اليكم هذه القصه وهي تتكلم عن احداث الوفيات التي تحدث في عائلتنا ومنها معرفه كيف سمعنا الخبر وماردت فعلنا ووش كنا نفعل ووووووووووووووووللاخر؟
اولآ:وفاة خالي ناصررحمه الله رحمه واسعه عام1423 هجري
في يوم الاربعاء ظهرآ كانت العائله جميعآ(والعائله هما اخوان الاب يعني عماني)
كانو متجمعين في منزل عمي" محمد" للغداء في فصل الشتاء طبعآ الكل اتى وتغدا وراح الرجاجيل فقط اما الحريم جلست(( طبعآ جلست الحريم لاتخلو من الكذب))
بينما كنت انا وبنات عمي واخي وابن عمي وبنت عمتي والأطفال((طبعآ احنا كنا صغار اللي بالابتدائيه واول متوسط بينما كنا نلعب في الشارع مع الكلب حق عمي كنا نروح نصوت له ياتي مسرع لنا والحن نركض ونصارخ طبعآ اللي يطيح واللي تنقطع نعلته واللي يصيح مرتاع لاننا رحنا وخليناه.
خلصنا لعب وجلسنا نخطط اننا نرن جرس جيراننا وننحاش للبيت وكل واحد له دور علشان نوسع صدورنا....
شفنا خالي ناصر جاي من الجبل كان يمشي ويجلس...يمشي ويجلس
واحنا كنا نضحك ونقول اكيد يوزي فلوس في الظهره
قرب من عند بيت عمي وتمسك بالجدار وجلس يتألم ويقول
آه آه آه ركضنا لمه مرتاعين...خالي وش فيك فيك شي وهو يقول لامافي الا العافيه بس برد.
ركض بعضنا لبيت عمي"محمد"وانا من ظمنهم علشان نعلم الحريم وبقى عنده اخي وبنت عمي طلع خالي من مخباته100 ريال واعطى اخوي(طبعآ احنا ايتام وكان كل ماشافنا يعطينا فلوس)
عندما وصلنا لبيت عمي دخلنا على الحريم بينما كانن الحريم شابات ضو و
يتدفن وبصوت واحد وعالي الكل يقول يماااااااااااااااااااااااااااه خالي طاح على الجدار ماندري وش فيه<مبالغين>تقامزن الحريم ولبسن عبايتهن وطلعن بدون نعال للشارع لخالي يوم وصلو لقو خالي داخل البيت(طبعآهو ساكن مع عمي وزوجته)
طقو الباب عليه ودخلو(طبعأ ليس محرم لهم الا لعمتي لانه يكون خالها)
كانو البنات الكبار بالبيت جاالسين بالحوش على اعصابهم يتحرون الحريم يجن ويبشرونهم عن خالي وكانت الدموع والخوف تنزل من عيونهن بينما كان الكل
خائف ويرتجف ونحن كنا نتنافض عند باب الشارع حق عمي وكنت اسالهم هل خالي بيموت كانوا يقولون لا ان شاءالله مايموت..
جو الحريم وقالو انه بخير الا عمتي جلست تدهنه بالزيت وتلحفه عن البرد.
جاء عمي ووداه للمستشفى وامرو الاطباء بأن ينام عندهم الليله...
يوم الخميس الليله كان مافيه الا العافيه
قال لعمي قبل مايطلع من عنده,,,,ابيك تمرني الصبح علشان اطلع اصلي الجمعه بالمسجد قال عمي يصير خير.
يوم الجمعه الساعه10:30 صباحآ قمت من النوم امي توها قايمه قاعده تكد شعرها
عند التسريحه غسلت وفرشة اسناني وطلعت
وانا انزل مع الدرج اشوف بنت عمي تركض للمجلس وهي تصيح نزلت مسرع ورحت لمها لقيتها واقفه على الباب تصيح
قلت لها وش فيك,<ساكته>والدموع تنزل من عينها,قلت لها خالي تعبان<ساكته>,قلت خالي مات هزت براسها<يعني ايه>
وركضت فوق عند امي دخلت عليها وانا مسرع وخائف,قالت لي وجع وش فيك مهبول,قلت لها خالي مااااااااااااااااااااااات.....
في هل حال امي تغيرت ملأمح وجهها صار لونه احمر,قالت احلف قلت والله قالت صدق قلت ايه,راحت ونزلت دخلت الصاله لقت عمتي وزوجه عمي سلمت امي على عمتي وجلست.
دق علينا عمي اللي خالي ساكن عنده قال دقو على زوجتي ونادوها وفهموها انه ماااات لانها ماتدري ومابي اعلمها انا,,,,,
دقو عليها الاهل وقالوا تعالي تقهوي قالت خلاص....
رن التلفون رفعته الا المتصل بنت خالتي,,,,,سالتني عن خالي قلت انه بخير ماعلمتها انه ميت,,قالت عطني امك قلت طيب,وديت التلفون لأمي كانت بالمطبخ تغسل البيالات,كلمت امي بنت خالتي
سالتها بنت خالتي عن خالي قعدت امي تصيح قالت ماااات,سكرت بنت خالتي السماعه في وجه امي من الخوف,,,,
بعدين ماجت زوجه عمي جو اهلها لمها وخبروها,,
راحو الاهل عندها لان كان عزاء الحريم ببيت عمي والرجاجيل في بيت جدي القديم,,رحت لم عزا الرجاجيل مره وحده بعدين دخلني برد ووجعني بطني وتعبت ومارحت جلست بالبيت,,
وكانت امي كل شوي تروح للعزاء وتجي تشوفني ع هل حال لين قضى العزاء...مريوم شهر سنه ونسينا والحمد لله على النعمه ان ربي خلى فيه شي اسمه نسيااان......
ثانيآ:وفاة ابنت خالي"حصه"رحمها الله رحمه واسعه,,
في يوم الاربعاء عام1427 هــــ,,,,كنت غايب من المدرسه كنت مستانس لاني مارحت وصبحت في وجيه نحسه,,,,قمت وصليت الظهر باالمسجد,رجعت وجلست عند التلفزيون رن التلفون رفعته الا المتصل خالي كان صوته متغير قال عطني امك قلت طيب,,عطيت امي السماعه وعلمها خالي ان بنت خالي توفت,كنت اسمع امي تقول صدق متى وراه وش فيها وخالي شخباره ان شاء الله بخير<خالي تعبان عنده القلب دعواتكم>…..
صار قلبي يطق بقوة حسيت ان حصه ماااااااتت,سكرت امي السماعه وكان باين عليه الخوف والحزن والوجه احمر والعينان تتلامع,,,
قلت وشو قالت حصه بنت خالي ماااااتت(طبعآ هو يكون خال امي يعني.. خالي)
قلت وشلون ومتى ووووووللاخخخخخخررر؟
قالت قامو الصبح بيروحون المدرسه لقو دقات قلبها خفيفه بعدين ماتت وامها حاضنتها بيدينها…..
قامت امي راحت للمطبخ! جلست انا جنبي اخوي كنت اتنافض وعيناي تغرق باالدموع وكنت اطرح اسئله لاكن لجواب لها….

ليه ماتت ليه هي تموت بعد مرض دام ثلاث سنوات ونصف تموت قبل ماتنام كان مافيها الا العافيه,,مرض لم يلقو له علاج لاداخل ولاخارج المملكه لادوله عربيه ولا اجنبيه عرفوا مابها,,والاعجب لم يعرف مابها من مرض ولايعرف ماعلتها الكل يقول علاجها ليس عندي لمستشفى ولادكتور ولاشيخ ولامعالجه اجل وين نوديها وين نعالجها….!!!!!!!!!!!!!! كانت الدموع تنزف وحده وراءالثانيه يتسابقن ع النزول رحت في ذكرايات زمان يوم كانت بنت خالي بعافيتها كانت تركض وراي انا واختها تبي تمسكنا كنا ننحاش ونصارخ ونركض وراء العماره,,حصه اللي كانت توديني معها من بين اخوانها واولاد اخواتها للبقاله كانت تعطيني فلوس وحلاو كانت تاتي به من الكليه….ووووواشياء كثيره وش اقول وش اخلي عنها ووللاخر لوراح اتكلم عن طيبتها واخلاقها كان اقعد سنين وانا امدح فيها وماراح اخلص لين ادخل قبري,,,,,
كنت احب اروح لمهم كانو يحطون الضيف في عيونهم..كنت احبهم واعزهم واجد من بدت خيلاني(اللي هم خيلان امي)ماكنت اعرف الاهل خال اما الباقين ماكنت اعرفهم لواشوفهم بالشارع ماعرفهم,تصدقون لو اقول ان واحد من خيلاني جاي يسلم على عماني بالعيد وماعرفته ولاعرفني كنت اسمعهم يقولون هذا……وهل اسم مار علي ييوم من الايام,يوم راح سالت ولدعمي بصوت خفيف علشان مااحج يسمعني ويضحك علي,قلت هذا خالي…..قال ايه هو……..خالك ليه ماعرفته قلت انا ماعمري شفته علشان اعرفه…..
المهم اكمل باقي القصه……
في هل حال قال اخوي هيه وين رحت,قمت من عنده دخلت الحمام وجلست اصيح,بعدين غسلت وجهي وشربت عزيمه وراحت الروعه…. من باكر رحت اناوعمي وامي وعمتي وزوجة عمي نعزي…يوم دخلت سلمت عليهم يوم وصلت لخالي خنقتني العبره بقيت المه واصيح واصيح بقوه بس مسكت نفسي وقلت ماابي ازيد الوجع وجعين..جلست وتاملت كل شي حلو صار بهل بيت شفت اولاد خالي تغيرو لهل درجه كبرو صدق السنين تسرع…بعدين طلعنا بس كانت في قلوبنا الألم والحسره,,مر يوم شهر سنه نسينا والحمدلله على النعه ان ربي خلى فيه شي اسمه نسيان……
*
*

الولد الأنيق

ثالثآ:وفاة ابن خالتي "فهد"16سنه,رحمه الله رحمه واسعه في يوم السبت عام1428 هـــــ..اخر اسبوع من الدراسه في شهر رمضان,,الساعه 4:30عصرآ بينما انا كنت اتابع مسلسل الخراز على قناة دبي,
رن جوال امي كانت بالمطبخ تصلح الفطور,رحت اركض له شفت المتصل ولدخالتي اعطيته امي ورجعت اتابع المسلسل وكنت متحمس معه مرررره,
كنت اسمع امي تقول انا حاطه البطاطس بالزيت مااقدر اخليه,ضحكت قلت اكيديقول تعالوافطرومعناوامي عيت وهوملزم عليها,سكرت امي السماعه وجت لمي وانالاازق وجهي بالتلفزيون قالت فهدولدخالتك صارله حادث وهوبالعنايه المركزه الحين التفت لمها قلت جاه شي حالته خطره قالت مادري هوومعه صديقه قالت عسى مايموت,حسيت ان حالته خطره ولاليه امي لهل حدمرتاعه وضايقه بهاالدنيا..قلت لاان شاءالله مايموت,بعدسماع الخبرسكرت التلفزيون ماكملت المسلسل,صرت اطلع وادخل بدون شعورمادري هوحي ولاميت,رحت لامي قلت دقي على خالتي"ل"واسأليهاعنه يمكنه عندهم قالت لاخاف ادق تكون مادرت بعدين تخاف,قلت دقي على خالتي الثانيه خليها تطمنا,,,,,,دقت على خالتي ردت بنتها سالناها عن امها قالت راحت لخالتي قلنا وش اخبارفهد قالت مادري مر خالي وخالاتي وهم يصيحون وخذوها حتى جوالها ماخذته من الروعه,سكرنا السماعه قعدت على اعصابي قلت ابدق على بيت خالي"حمد"دقيت ردت زوجته قالت انا توي داريه وعلى اعصابي مادري وش فيه,سكرتها منها ودقيت على بيت جدي ردعزيز قلت ماتدري وش اخبار فهد,قال فهد ماااااااااااات وجلس يصيح,قلت احلف قال والله قلت كذاب قال ليه اكذب وقعديصيح,,,,,,سكرت السماعه منه,وقعدت اصوت لامي بصوت عااااااااااالي وانا اصيح,جت تركض قالت ماااااااات,قلت ايييه,قالت من قال لك قلت عزيز قالت لا ان شاءالله مامات عزيزصغير ويمكن يحسبه مات,,على طول سكت قلت اااامين,,,بعدين رحت دقيت على خالتي الثانيه بالبيت ردت بنتها الكبيره سألتها قلت ماتدرين شخبار فهد,قالت ماادري قومتني امي من النوم قالت قومي ناظري الفطور ابروح لخالتك ولدها صار له حادث وشكله مات,وانا احسبك امي قلت اذا رحتي دقي وطمنيني عليه,,قالت اخاف يموت,قلت لاتخافين ان شاءالله مايموت,قالت انه بالعنايه,قلت كل الناس يدخلون العنايه وتكون حالتهم خطره ويطلعون منها بالسلامه,قالت ماادري,قلت ابد ليلعب بك الشيطان وتصيرين ضعيفه اهم شي ادعي له هومحتاج لدعائنا الحين اكثرمن بعدين,,قلت اذا سمعتي خبر شين لاتعلميني واذا كان زين علميني,,قالت حتى انت مثل,قلت خلاص مع السلامه,,سكرتها وعلى طول دقيت على خالتي وردت بنتها,قلت شخباركم قالت طيبين قلت ماتدرون شخبار فهد,قالت من فهد,قلت ولدخالتي....قالت لاوش فيه,قلت صاير له حادث دقينا على بيت جدي رد عزيز يصيح قال انه مات,ولاندري لالحين اسالي امك,قالت طيب,راحت للمطبخ كان فيه امها واختها قالت ان عزيز يقول ماتدرون عن فهدولد خالتي شخباره,قالت خالتي ليه وش فيه,قالت انه يقول صارله حادث وشكله مات,,جت بنت خالتي قالت ان امي ماتدري عن شي,سكرتها ودقيت على خالي وسالته صار مايدري ماعرف الا مني,,قعدت انا وامي نحتري احد يدق ويطمنا عنه,,فجأه رن التلفون ناظرت الكاشف الأه رقم بيت خالي"حمد" رفعته وصارت زوجته قالت الو قلت هلا قالت عزيز فهد...بعدين سكتت....توقعتها تسالني عنه....قالت راح لربه(يعني مااااااااااااااااااااااااات)قلت لالالالالالالالالالالالالالالا,,جلست تهديني تقول هذا يومه ومكتوب له,,قعدت اصيح قالت امي مات قلت ايه,وقعدت اصيح بصوت عالي واشاهق واتنافض,قالت زوجة خالي عطني امك,ذبيت السماعه على امي وقعدت امي تصيح وهي تكلم زوجة خالي وتسكت فيني كانت تصيح وتقول خلاص عزيزلاتصيح ترا الصياح موب زين لك بعدين تجيك جلطه لاتصيح والمشكله انها هي تصيح ويبي من يسكتها,خذت الجوال وانا اتنافض ماعرفت افتحه(تستغربون اذا قلت وانا اكتب القصص قاعد اتنافض واصيح ماادري ليه)اخذت الجوال وحطيت على رقم زوجة عمي ودقيت عليها طولت ماردت بعدين ردت بنتها قالت الو هلاوالله قعدت اكلمها وانا اصيح قالت وش فيك مااسمعك قلت فهدولدخالتي ماااااات,,ماسمعتني لاني كنت اصيح,سكرت امي سماعة التلفون وخذت الجوال مني وسكرته ولمتني وقعدت تصيح معي,,سكرت بنت عمي الجوال خافت وجت تركض شافتها امها قالت اكيد فيهم شي وجت تركض وراها شافتهم بنتها الثانيه وهي باالمطبخ طالعين يركضون ارتاعت وخلت اللي بيدها وطلعت تركض وراهم(طبعآاحنا ساكنين مع عمي وعياله في بيت واحد هم في الدور اللي تحت واحنا فوق)وهم يرقون الدرج يسمعون صياحنا مابعد دخلو البيت يقولون وش فيكم عسى ماشر دخلو الغرفه اللي احنا فيها شافو امي لأمتني وتصيح وانا اصيح بصوت عالي سمو علينا قالوا وش فيكم علمتهم امي ان فهد توفى صاحو شوي بعدين سكتوا وجابو كأس عزيمه وغسلو وجهي وقرو عليه وقالوا اذكرالله قل لأاله الاالله عجزت الكلمه تطلع من لساني الشيطان كان يقول لاتقولها بس قويته وقلتها وحسيت بشي ثقيل راح عني,,,ارتاعت بنت عمي وضاقت بها الدنيا ونزلت, وجلست امها واختها جابو الكمبل ولحفوني عن البرد مع ان ماكان فيه برد كنا نشغل المراوح....جلسو يهدون فينا ويقولون هذايومه ومكتوب له وكل انسان بيموت احنا ماندري نموت الحين باكر مااحد يدري متى يموت لوفهد يدري انه بيموت كان قال منيب رايح للمدرسه اليوم,منيب طالع من البيت,ومن هل كلام..اذن المغرب راحو يفطرون جابت امي الفطور كان فيه بطاطس بس انا يالله بلعت نصف تمره ونصف كأس عزيمه لاني كنت اصيح ومالي نفس اكل شي,وكنت اشوف وجيه اخواني كانوا,مرتاعين مره ووجيهم حمراء اول مره اشوف اخواني بهل حاله,المهم بتلت اصيح وخشمي يصب ماادري امسحه ولاامسح الدموع,الأمام اقام لصلاة المغرب قمت صليت بالبيت لاني ماكنت اقوى اروح للمسجد,جت زوجة عمي وبنتها عندنا وقعدو معنا,,دقت زوجة خالي الثاني ماكانت تدري ان فهد ميت ولاصارله حادث,رديت عليها,قالت الو السلام عليكم,قلت وعليكم السلام,قالت وش فيك صوتك متغير,قلت مافيه شي,قالت وينكم لاحس ولاخبر,قلت وش نسوي ساقطين بها الدنيا,قالت عندك امك,قلت لا امي راحت لخالتي,,,قالت غريبه مارحتا معها,,(قلت ابعلمها هي داريه داريه)قلت ليه مادريتي,قالت لا وشو,قلت فعد ولد خالتي(بعدين سكت)قالت وش فيه قلت ماااااااااااااااااااااااااااات,قالت احلف,قلت والله,قالت متى وشلون,قلت اليوم وهو طالع من المدرسه صار له حادت وتوفى..(بدا صوتها يتغير)قالت عزيز تكذب,قلت لاوالله صدق امي عندهم وكل خالاتي هناك,ليه مادريتي,قالت ومن يقول لي,قلت خالي,قالت اكيد مادراء كان قال لي توه طالع من عندي,,(بعدين سكتت مده طويله وانا ساكت بعد) قلت وش فيك قالت يالله يالله مع السلامه,,
سكرتها ونزلت مع زوجت عمي وبنتها تحت عند عمي,,قال عمي ابروح اصلي عليه بعد صلاة العشاء نروح علشان اذا وصلنا يصيرون طالعين من صلاة التراويح,قلت خلاص ابلحقك,رحنا وصلينا عليه,بعدين رحنا للمقبره معهم شفت ابوه حالته موب زينه كان تعبان ع فراق ولده,,دمعت عيني رحمته كنت اقول خالتي وبناتها الحين وش موقفهم بعد ماسمعوا خبر وفاته الله يصبرهم,,,
عزيناهم ورجعنا قلت لعمي نزلني في بيت جدي عندالعيلان,,,حطني عندهم بعدين قعدت شوي ودقيت ع جوال بنت خالي كانت عندهم وسالتها عنهم قالت لاان شاءالله انهم بخير ويصيحون خفيف,في هل حاله ارتحت قلت الحمدلله انهم بخير,
مريوم شهر شهرين لن لقول سنه لان لم يمضي من وفاته اكثر من شهرين ونسينا(والحمدلله على النعمه ان ربي خلى فيه شي اسمه نسيان)

انتـــــــــــــــــــــــــــــــــــــــــــــــ ـــــــــــــــــــــــهت

ارجو لكل من قرا القصه يرفع ايدينه الى الله يدعو لهم باالرحمه والمغفره وان يكونون من اصحاب الجنه ان شاءالله,
انتهن القصص وارجو لكل من قراها استفاد
وتذكرو(قل لن يصيبنا الاماكتبه الله لنا)
*
الدنيا تأخذ وتعطي تصيب وتشفي تفرق وتجمع كل مخلوق بوجه الارض ميت سوا كان انسان او حيوان ولاتستغربون اذا قلت الجماد مايموت لايموت لوتجيب شي وتحرقه مايصير رماد انت تقدر ترجعه زي قبل لاماتقدر..اثنين قبل ماينامون بصحه وعافيه بس ماقامو الصبح زينا راحو لرحمة ربهم,,والثالث طلع من البيت زيه زي أي طالب يحمل كتبه الى المدرسه لاكنه لم يرجع ولم يدخل بيتهم ولم يشم رائحته ولم يجعل امه تروي عينها بشوفته اخذه ربي الى رحمته الواسعه,,

ارجو من كل شخص يراجع نفسه ويصلي ويصوم ويطيع والديه
وتذكرو قول الرسول صلى الله عليه وسلم(ولاتقل لهم افآ ولاتنهرهما)
(الجنه تحت اقدام الامهات)
وان يحسن اخلاقه مع الناس ولايتبع الشيطان ولارفقاء السوء وان يكون ذو سمعه حسنه عندالناس ترا الدنيا حقيره ماتسوى(هذا الكلام ليس موجه على الاولاد فقط بل وعلى البنات)

وفي الختام اسال الله لكم جميعآ التوفيق في حياتكم....
وتحقيق طموحاتكم وامالكم..
وان يظل الفرح ملحقآ في قلوبكم دومآ باذن الله....اااااااامين
*
طلب اخير:اخوتي الاحبه ادعو لي بالخير والتوفيق في الحياة وادعوا لي ولأنفسكم بأن يبعد الله عنا الهموم والاحزان
*
والشكر الجزيل لمن قرا قصتي من البدايه الى النهايه والله يعافيكم ويطول اعماركم
*
ارجووو كتابه رايكم فان احترم راي الجميع وارجو منكم قول أي جزا اثر فيكم وشـــــكرآ..
**
ترقبو جديدي*الزمان ماله امان* و ؟لماذا نجرح قلب اميره؟ و
:::اطفال العـــــــــــــــــــراق:::
و \دمعــــــــــه ورا دمعــــــــــــــــــــــه\
**
كتابه:في رابع ايام عيد الأضحى المبارك.....
تحيــــــــاتــي*الولـــــــــــــــــــــــد الأنيق*

لووله

الولد الأنيق

مشكوره اختي لوله والله يرحم موتاكم وموتانا وموتى المسلمين والله يلحقنا بهم بالجنه

ابن المملكة

الولد الأنيق

مشكور ياخوي والله اني مستانس ع مرورك لقصصي

أبو عزوز

يعطيك العافيه