| |
04 - 06 - 2008, 01:21 AM
| #1 (permalink) |
| غلاتي جديد  |  تشتري الديك هذي قصة راعي الديك المنسم المهم فيه ورع طفران ما عنده ولا ريال راح لبوه وقاله :عطني 15ريال,, ودي أشتري كوره الأب/أقول أنقلع عني تراها واصله معي الورع: تكفى يبه بس 15 ريال ولا أقولك خلها 10 ريال الأب: ماعندي فلوس إذا تبي فلوس رح بيع الديك حقك المريض اللي في الحوش الورع: بس هذا مريض محد يشتريه الأب : ماعلي منك دبر نفسك والله الورع استسلم للأمر الواقع واخذ الديك أول واحد قابله في وجهه أكيد أبوه قاله الورع تشتري الديك؟ الأب: ابتنقلع عني ولا أقوم اتوطا في بطنك الورع: خلاص خلاص لاتنفخ طلع الورع من البيت ومعاه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل أن يشتري الديك قال الورع:ممممممممم والله مالي إلا فلانه عقلها خفيف وأكيد أقدر ألعب عليها بسهوله فلا نه هذي وحده متزوجه بس للأسف كانت (رايحه فيها) راح لها الورع عشان يبيع عليها الديك الورع: تشترين الديك تكفين؟ هلا والله بحبيبي تعال قرب مني عشان أبوسك بوسه خفيفه الورع: أقول ماني فاضي لك خذي مني الديك وخليني أروح تروح وين يا عمري أنا ماصدقت إني شفت رجال عندي في البيت.. الورع: ومنهو اللي قالك إن أنا رجال خذي مني الديك وخليني أنقلع.. شوي إلا الباب يطق خافت الحرمه وقالت للورع تعال إندس هنا في الدولاب لا يطلع زوجي ثم نروح فيها حطت الورع في الدولاب وراحت فتحت الباب إلا ويطلعلها صديقها اللي مايحتاج,,, الحرمه: هلا والله بعمري وحياتي.. الرجال: ياهلا فيكي ياعمري ما أمدا الرجال يكمل كلمته إال والباب يطق الحرمه: ياويلي ويلاه هذا شكله زوجي تعال وأدخل في الدولاب دخل خوينا في الدولاب وفجأه في عز الظلام سمع صوت واحد يكلمه داخل الدولاب ويقوله تشتري الديك؟ الرجال:اصصصصصــ وطي صوتك الله يرحم والديك لا تفضحنا الورع: أقول تشتري الديك؟ الرجال: ياخوي خلاص بشتري الديك بص قصر على حسك تكفا.. الورع: طيب الرجال: بس بكم تبيعه؟ الورع: ب100 ريال الرجال: ايش!!!!!!!!!!!!هالديك المنتوف المريض ب100 ريال!!!!! الورع:تبي تشتري ولا أرفع صوتي؟ الرجال: لالا خلاص أبشتري وأمري لله جلسوا 5 دقايق الورع : تبيع الديك؟ الرجال: توك بايعه علي يأبن الحلال!! الورع: تبيعه ولا أرفع صوتي؟ الرجال: لا لا خلاص أبيعه وأمري لله بكم تشتريه؟ الورع: بريال. الرجال: أيش!! بريال !!! أنا مشتريه منك بـــ100 ريال ونت تشتريه مني بريال!! الورع: تبيعه ولا أرفع صوتي؟ الرجال: لالا خلاص أبيعه وأمري لله ....... جلسوا 5 دقايق الورع تشتري الديك؟ الرجال: ياخوي توني مشتريه منك!! الورع: تبي تشتري ولا أرفع صوتي؟ الرجال: لا لا خلاص أبشتري وأمري لله بكم تبيعه؟ الورع:بـــ200 ريال. الرجال: الله يمحطبك إنشالله توني مشتريه منك بــ100 ريال!! الورع: تبي تشتري ولا أرفع صوتي؟ الرجال: لا لا خلاص أبشتري وأمري لله...... جلسوا 5 دقايق الورع: تبيع الديك؟ الرجال: إنا لله وإنا إليه راجعون...بكم تبي تشتريه؟ الورع: بريال؟ الرجال: وش تبيني أقول!! تبيني أبكي ولا أشقق هدومي ..... يالله خذ الديك وبلاش بعد ما أخذ الورع الديك.. شوي وإلا الحرمه فاتحه عليهم الدولاب وقالتلهم: يالله بسرعه انحاشوا مادام إن زوجي في الحمام بس واحد ورا الثاني وبشويش عشان لايحس فيكم زوجي ... طلع الرجال وإنحاش ولحقه الورع بعده بــ5 دقايق المهم...... قام الورع يتمشى في الشارع وهو مستانس إن صار معه فلوس.. بعدين راح للبيت شاف أبوه قدامه ..راح قال لأبوه.. تشتري الديك؟ الأب ناظر فيه والشرار طالع من عيونه وقاله: مايكفيك يأبن الكلب الـــ300ريال اللي لطشتها من في الدولاب؟؟؟ ههههههههههههههههههههههههههههههههههههههههه وشكرآآ  |
|  |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| البرازيل تسترد الصدارة و المغرب الأولى عربياً | الفتى السعودي | صدى الملاعب | 7 | 19 - 07 - 2007 02:18 PM |
| لماذا يرى الديك الملائكة؟ والحمار شياطين | عذوبه بس حبوبه | المواضيع المكرره | 3 | 18 - 06 - 2007 08:48 AM |
| الحـــــب << لا تفـــرّط فيمن يشــــتريك .. ولا تشتري من باعك .. | دنــ الولة ــيا | أرشيف | 18 | 02 - 05 - 2007 03:04 AM |
| لماذا يرى الحمار الشياطين ويرى الديك الملائكه؟؟ | نانا | أرشيف | 9 | 20 - 12 - 2006 11:41 PM |
| كيف تشتري عود البخور ؟؟؟؟ | وي وي | أرشيف | 12 | 28 - 11 - 2006 08:43 PM |
خطيررررررررر وأبوه من جد طلع مفهي 
العرض العادي
