| |
05 - 03 - 2008, 03:50 PM
| #1 (permalink) |
| غلاتي جديد  |  رسالة للوالد القائد لا أحد يتدخل بيني وبينه !!رسالة للوالد القائد لا أحد يتدخل بيني وبينه !! أوجه رسالة للوالد القائد خادم الحرمين الشريفين حفظة الله وأطال في عمره من واجبات الأبووووه أن الأب يستمع لصرخات أبنه وضمه على صدره وإذابة كل آلامه والملك زي ابوي،، لأحد يتدخل بين أب وطفله خلوني أتكلم وافضفص @ @ @ @ @ @ ابشرك يا خادم الحرمين الأسعار مضبوطة والمواد الغذائية متوفرة ما نقصنا بس إلا الخبز يرفعون سعره وخذ عندك بعض الأسعار قشطة المراعي صارت 4 ريال حبة المظبي 22 ريال الكفرات ارتفعت 30 بالميه الأدوية 25 بالمية تخيل يا خادم الحرمين جبن كرافت والمراعي السايل ارتفع طيب وش نسوي لبزارينا المشكلةيقدرون الكرافت السايل مع الصامولي الببسي صار 20.5 والأيجارات أرتفعت وقسايم المرور زادت الحمدلله على النعمه أمن وآمان الله لا يغير علينا حتى رز ابو كاس ارتفع لا وازيدك من الشعر بيت رزمة الكراث والبصل صارت بريالين شفت شلون حنا بنعمه @ @ @ بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه ونعطي لبنان مليار ونص دولار ونرسل لمصر المعونه السنويه تعرف ماشاء الله حنا.. من كثر الفلل التمليك.. الناس صارو يأجرون ببلاش ممكن طلب طال عمرك.. ابي سلف 12000 ريال عندي دين اسدد فيه لي سنه ولا خلص.. كل شهر 500 ريال الله يرحم حالنا والله.. @ @ @ ابشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولار ورصيدي أيضا حطم الرقم القياسي في نفس اليوم وصار فيه 17 ريال الحمد لله شفت كيف أنا بخير @ @ @ أحب اطمنك صرنا نسوي رجيم غصب عنا تعرف اللحم ما عاد نعرفه حتى الدجاج ما عاد نأكله صرنا رشيقين تسمع بالكرش ما عاد نشوفها تسمع بالبطن اللي لاصق في الظهر يوووووه في كل مكان نشوفه نم قرير العين الشعب بخير لاتتعب نفسيا ودور في النت توأم تفصلهم توائمنا ليش ينفصلووو صلة الرحم زينه خلهم يتشابكون طول العمر يمكن لو فصلناهم يتهاوشون ويفترقون خلهم متشابكين في جسد واحد الله لا يغير علينا @ @ @ ابشرك طال عمرك شعبك تطور استبدل البكاء بطعم الملح ببكاء بطعم الدم آآآآآآآآآآآآآآه يا حلو مذاقه ودك تجربه؟؟ انا أقولك وشلون نظف منزلك من حليب الأطفال نظف جيبك من الفلوس نم ومخباك فاضي خل زوجتك تصحيك من النوم قبل الفجر وتقولك أن طفلك ما عنده حليب دق الشماغ ولف على جيرانك دور سلف.. علشان تشتري حليب لطفلك الجميع بيطردك لأنهم طفارى انس انك ملك وأرجع للبيت بتدخل على أنغام بكاء طفلك عندها ستحتقر نفسك وانت عاجز عن اشباع طفلك عندها ستلعن اليوم اللي انولدت فيه عندها ستلعن اليوم اللي انولد طفلك وصرت مسؤول عنه عندها ستضمه وستبكي من القهر ستنزل دموعك وتحس بطعم الدم في حلقك @ @ @ تذكر طال عمرك يوم حنا صغار وش كانو يقولون لنا كانو يقولون الرجال ما يبكي عيب تطلع دموعه صرنا نصيح عادي البكاء صار ملازم لنا والسبب كومة لحم (أطفال ونساء) في رقبة الواحد يبكي لأنه عاجز عن توفير الحياة الكريمة لهم @ @ @ بس ودي أقولك شي قبل ما أروح أصيح تدري وش معنى الرجل يبكي قدام زوجته وأطفاله معناها تساقط كل قيم الرجولة اللي تعلمناها في طفولتنا معناها إحساس المرأة بالانكسار وعدم الأمان معناها خنوووووع ما بعده خنووووع للظروف القاسية اللي وضعنا فيها معناها أمور كثيرة والله الساتر ...................... قصيده من ابن لأبيه خذوا حضارتنـا وسـووا حضـاره وحنـا نـورد كـل خايـن ومحتـال غازي القصيبي .. ما نفعنـا قـراره وهذي المراجـل بيـن هنـدٍ وبنقـال ضاع المواطن وسط وهـم التجـاره الهـم زاد .. وزايـد الـهـم قـتـال في سوق الاسهم من خساره لخساره قرض ٍ خذيته مـا بقـى منّـه ريـال يوم ٍ طموحي اشتـري بـه عمـاره وغيري طموحه جيب لكـزز وجـوال يمكن دخلنـا مـا طلبنـا استشـاره لكـن ربـي حـرّم الــدم والـمـال وبيـن المسمـى بالاجـار وعقـاره فـي كـل يـومٍ بيـن حـلٍ وترحـال كـذا ابتـدت بالوضـع اول شـراره اللي بهـا ضيِّـع طموحـي والامـال قالوا شطـاره .. لعنبوهـا شطـاره الا حـرامـي بالمـزاحـم ونـشّـال وش هي ذنوب الشعب يااهل البطاره لجلٍ يعيش الفقر فـي كـل الاحـوال وش هي ذنوب الشعب يا اهل الحقاره وهـو علـى درب الصحابـه ولا زال زرعٍ زرعه الشعـب خذتـوا ثمـاره طلتوا مراد الشعب والشعب مـا طـال غيـر الهمـوم الكايـده والـمـراره وعوايلٍ ماتت عـوز شيـب واطفـال شوف الارامـل لا وقفْـت الاشـاره يمكن تبوس ايدك ليا عطيتهـا ريـال منهو استفاد مـن البلـد وازدهـاره يا كود ثلـه مـن رجـالات الاعمـال واللي لهـم سلطـه علينـا وامـاره استفـردوا بحقوقنـا جبـال ورمـال وش لون يحيا من سهـر بالخفـاره والبيت مكلف مـع عجوزيـن وعيـال يتعب لجل كومـة حريـم وصغـاره على الاماني .. مرتجي ينْعِـدلْ حـال كنـز القناعـه كـل يـومٍ شعـاره واهل البشوت منعَّمـه تلهـف المـال نـام الوزيـره بمكتبـه والــوزاره مـا كنَّهـا إلا. للـزِّيـارات تمـثـال الاسعار طـارت والمواطـن خيـاره يرضخ لامر السوق واطمـاع الانـذال ما هو بقصدي مـن كلامـي اثـاره لا والـذي ارسـى اراضيـه بجـبـال شعـبٍ تهتـك يـا مليكـي ستـاره شاف العنا والظلـم اشكـال واشكـال شوف القهر ياسيـدي فكـل حـاره يمشي بشوارعنا مثـل بعـض الازوال ياللـي علينـا شامـخ ٍ كالمـنـاره وقلبك علـى هامـة مظاليمنـا ظـلال وكف ٍ مثل غيـم ٍ شديـد انهمـاره مع كـل نجـم بكفـك الوبـل همّـال يـا سيـدي رجّـع لشعبـك وقـاره اللي لقى فـي جالكـم خيـر منـزال اعلـن لـك الطاعـه وهـذا قـراره ولك احترامه يابـو متعـب والاجـلال __________________ كـاتب الموضوع ..: عبداللـه أنـــــــــا أشهـد أنـه صادق بكل حرف وكلمـــــه كاتبـه هذا الشخص.. ( منقوـول من أميـلــي ) .. |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بدوي يتعــلم التفحيــط < لايفــوتكم شبــاب | .:.بَــراءة قَــلبـ.:. | أرشيف | 4 | 30 - 09 - 2007 04:07 AM |
| موضوع خطيييير بيني وبينك !! | وي وي | المواضيع الاسلامية | 8 | 17 - 05 - 2007 11:22 AM |
| رسالة القائد البطل صدام حسين المجيد قبل إعدامه شنقاً حتى الموت | احلى مزاج | قضايا وأراء | 12 | 08 - 01 - 2007 03:31 PM |
| بدوي يستذكي... | ريما العود | أرشيف | 16 | 05 - 10 - 2006 01:33 PM |
العرض العادي
