| |
| |||||||
| قصائد و أشعار عندما يستحيل الـليل الى نجوم وحلم برفقة الشعر |
    |
 |
| | LinkBack | أدوات الموضوع | انواع عرض الموضوع |
26 - 02 - 2008, 06:28 AM
| #1 (permalink) |
| غلاتي الذهبي    |  يايمه كل مافيني ينادي لك انا ندمان...... السلام عليكم ورحمة الله وبركاته اليوم جبت لكم قصيدة لنصار الظفيري وهي اجمل ما قيل في الام فات الأوان ( يمه ) يا يمه منتهي جيتك وطالب منك الغفران اقبل قاعة اقدامك واغسلها بدمعاتي يا يمه كل ما فيني ينادي لك انا ندمان طلبتك قولي سامحتك .. ردي لوجهي بسماتي انا ادري قلبك الطيب كسرته بصدمة النكران غلطت .. وغلطتي هذي تعيِّر كل غلطاتي تشوفي الشيب يا يمه !! ترى ما جا وانا فرحان وربي اللي رفع ذاتك .. ونزل للردى ذاتي فقدت الراحة من بعدك .. فقدت الطيبة والتحنان بدونك راحتي غاية .. بـ يدينك هذي راحاتي أنا بعدك ولا حاجة .. أنا بعدك ترى عميان أشوف ولا أشوف اللي يوريني مساراتي أنا وسيد الشقى والهم من بعدك غدينا اخوان يجيب هموم هالعالم ويرميها بمساراتي صدقتي يوم قلتي لي: تدين اليوم بس تندان رميتك في بداياتي ورموني في نهاياتي أنا من شالك بـ إيده ورماكِ بـ أسفل البركان نخيتيني وطلبتيني .. ولا حصلتي نخواتي مثل ما هنتي بعيوني عليهم قلبي يمه هان رموني وضعفهم فزعة .. وأنا الدمعات فزعاتي يا يمه لا تظنيني أنا من فعلهم زعلان سواتٍ فيك سويته .. وسووا فيني سواتي يا يمه .. يالله ضميني ودفيني بهالأحضان أنا أدري فيكِ مشتاقة .. وهمك بس ملاقاتي يا يمه حيل ضميني أبي أرتاح أنا تعبان تعبت أهرب من ذنوبي أبيكِ آخر مسافاتي أبـ أسمع منكِ أي كلمة .. لصوتك مسمعي ولهان أبـ أسمع يمه بصوتك أبـ أذكر فيها نشواتي أشوفك ساكتة يمه .. غفيتي !! والا أنا غلطان !! غفيتي يا بعد عمري .. تعبتي من مواساتي !! يا يمه .. يا يمه .. يا يمه .. يا يمه !!! طالبك قومي .. إذا لي بعيونك شان أشوف الموت بعيونك .. عساها تغيب هقواتي تعالوا يا بشر شوفوا .. أنا محتار .. أنا تلفان أنا أمي مدري وش فيه .. أنا مدري .. أنا أحاتي شنو !! شنو !! أمي أنا ماتت !! لا ..لالا أنا غلطان أنا أمي ما تخليني على حزني ووناتي أنا أمي قلبها طيب .. ولا يمكن تبكي انسان أنا أمي ما تبكيني .. ولا تتمنى آهاتي يا يمه صح ما متي ؟؟ وصح الموت تو ما حان ؟؟ إذا متي أنا بعدك أبـ أقضي وين ساعاتي ؟؟ يا يمه قومي يا يمه .. وقولي: الموت لا ما كان أنا جيتك وأنا ناوي أبـ أبدي فيكِ جناتي تركتيني ومتي ليه .. تركتيني وأنا غرقان ؟؟ ولا مسموح يا وليدي .. ولا تلعنت لعناتي أنا الجاني .. وأنا المجني .. وأنا المخطي .. وأنا الندمان وأنا بـ إيدي رميتك إيه وبعثرتها ملفاتي وجيت من الهنا مفلس .. وقلبي من الضنا خسران تركتيني على ناري أعدد فيكِ زلاتي ولاني مرضيٍ ربي .. ولا ني تابع الشيطان أنا بعدك ترى ما بين نهايتي وبداياتي يا يمه .. منتهي جيتك .. وكلي مرتجي غفران وشفت الناس تلعنني .. وتحذرني من الآتي ولو تسمعونها بصوت الشاعر نصار راح تبكون ولكم خالص الحب والتقدير |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تعبت وتعب كل مافينى | فيض المشاعر | افتـــح قلبك | 18 | 15 - 02 - 2008 01:36 AM |
| مصري يطلب خادمه سعوديه | الماسه | قضايا وأراء | 12 | 05 - 08 - 2007 06:25 PM |
| يايمه حقيقه ليه ولدتيني ؟؟؟!! | متلثمه بشماغ أبوها | همس الوجدان وفيض القلم | 10 | 23 - 06 - 2007 05:30 PM |
| فتاه تجمل من خادمه صدق او لاتصدق؟؟؟ | ذارف الدمعه | المواضيع المكرره | 5 | 26 - 11 - 2006 07:21 PM |
الله يعطيك الف عافيه ع القصيدة الرووعه<<<ما في عن الاب 
العرض العادي
