| |
30 - 12 - 2007, 02:04 AM
| #1 (permalink) |
| غلاتي الذهبي   |  المرقوق الشيف الهاوي بسم الله الرحمن الرحيم .. قبل نبدا الموضوع طبعا منقول ونقلت المقادير بس والباقي اضافات من عندي احب يكون لي لمسه عالموضوع حتى يطلع مثل ما ابي وما احب يكون فيه رسميه ويكون سرد ممل بسم الله نبدا ليش كله نعتمد على الحريم خل نسوي حنا احسن عشان مايذلوننا بيوم ويقولون اذا ماعطيتنا فلوس مانطبخ ولا يجيك يوم تبلشك الحرمه وتزعل وتروح بيت أهلها ولا تسوي لك غداء او احد مثل حالتي اهله ساحبين عليه ويروحون لعزايم وهو يعاني من المجاعه بالملحق  <<<< الشيف رمزي (احم احم أقصد الشيف الهاوي) الشيف = الشيفه ( الشيفه = الشين << كابر راسه يوم سوا فطيره فرنسيه هالمره مرقوق المقاديــر : كيلو لحم ( طبعا مو لازم كيلو على حسب الاشخاص مو تحط كيلو وانت لوحدك وكيلو بعزيمه يعني على حسب المعزومين ) - كيلو ونصف طحين ( راجع النقطه رقم واحد الخاصه بعدد المعازيم لانه تتعلق فيها هذي بعد - نصف كيلو طماط - ثلاث او اربع باذنجانات ( اللي يحبها شرايح ورايق مو مشكله يتفنن والعجازه منكم تحطها كامله مو مشكله )  - بصل  - لومي اسود << ياحبي له اذا صار فيه مويه وماكانت ناشفه ( ادري بعضكم يحطها كمقبلات حق طعم ومن يوشفها يرميها بالسفره بس عاد الناس اذواق يابنات لاتجون نشبون لي يوم حبيت اللومي ) - ملح ( اذا عندكم احد كبير بالسن الله يعينكم عليه يايقول الغداء مالح او ليش ماحطيتوا ملح يعني ماعنده حل وسط  ) - فلفل اخضر ( هذا الفلفل البارد اللي مايحر وش حليله موب ذاك اللي مدري شسمه يولع نار اذا اكلته ) - بهار - علبه معجون ( يعني صلصله للي مافهم وش يعني معجون .. مو يجي ويسوي فاهم ويحط معجون اسنان ) - ماء للطبخ ( الماء عصب الحياة ) * الطريقــه :- جينا للفلسفه وهنا يبين الطباخ منكم من اللي من جنبها يغسل اللحم ويقطع ويوضع في القدر . يقطع عليه اربع رؤؤس بصل ويترك على النار حتى يتحمـس. يضاف اليه الطماط حتى ينضج ثم يضاف الدهن ويحمى , يقلب بعد اضافه البهار وعلبه المعجون ثم الماء المغلي.يترك على النار حتى ينضج اللحم نصف النضج. يؤتى بالباذنجان المقطع والمقشر والفلفل الاخضر المقطع واللومي المثقوب ويضاف الى المرق, تكون العجينه معده حيث معجونه مع الماء والملح منذ مده. ( هنا الله يسلمكم عجينة المرقوق وياهي معاناة هالعجينه كل ثوبك يروح وطي فنصيحه لا تككشخون وتقلطون تعجنون المرقوق لانه ستحصل كارثه) تقطع قطع صغيرة على شكل كرة وتفتح براحه من اليد اليمنى الى اليسرى حتى تصبح العجينه قرص كبيــر. ( على بالي ابسوي فنان بالقرص وسويت بلاوي وانطقيت من الماما بس ربك ستر ) يرفع غطاء القدر وتلقى على وجه المرق . وتكرر العمليه مرى اخرىبعد تنزيل القرص الاول الى اسفل القدر حتى تنتهي العجينه. وتهدأ النار ويترك للتسكير ثم يحرك بالملاس مرتين ويترك على النار... ملاحظه : اذا كان ماء المرق زائد يغرف منه قبل التحريـك الاخير او يترك كما هو <<<< خبره عالميه بالطبخ حتى الملاحظات مانسيناها واخيرا وليس اخرا بالهناء والعافيه وانتظروني بطبخات ثانيه مع خالص ودي الهاوي |
|
|
30 - 12 - 2007, 04:02 AM
| #3 (permalink) |
| غلاتي الذهبي | دلوعه بكيفي .. اقول الله يخلف على اللي بيتزوجك بيصير هيكل عظمي وبينقهر منك ويتزوج وحده ثانيه ويصير لك ضره << متطمن مو متكفخ لانها ماراح تخش عالموضوع ثاني مره فماخذ راحته بالكلام وبعدين الحمد لله التعبير خصوصا دايم درجه كامله الا مره وحده نقصت 3 درجات يعني ما احتاج تنجحيني يالدوبى مع خالص ودي الهاوي |
|
|
|
30 - 12 - 2007, 08:31 AM
| #5 (permalink) |
| غلاتي الذهبي | نور الزهراء .. ياهلا بك والله ومنوره الموضوع وشاكر لك من كل قلبي على كلماتك بحق شخصي الكريم .. وابشري بالبقلاوه هذي بسيطه ماتبي شي خصوصا اني احبها واعشقها ومعها القهووه .. واي شي تبينه اطلبيه مني ماعليك من ام نوره المنصوري << بيغارون منه البنات تمساح ويجيب طبخات وهم نايمات مع خالص ودي الهاوي |
|
|
|
31 - 12 - 2007, 12:12 AM
| #7 (permalink) |
| مشرفة قسم القصص و الروايات | الهاااوي... كنت طالعه من المنتدى... بس استوقفني عنوان الشيف رمزي... اقصد الشيف الهاوي...>ما شاء الله يا الهاوي صاير مثل البصله في كل جدر... وين ما ادخل احصلك موجود!!! يلا انشوف شو كاتب!!!>بطلع حرتها!!! قبل نبدا الموضوع طبعا منقول ونقلت المقادير بس اكيد طبعا منقول ولا انته شو عرفك بالطبخ والنفخ؟ والباقي اضافات من عندي احب يكون لي لمسه عالموضوع حتى يطلع مثل ما ابي وما احب يكون فيه رسميه ويكون سرد ممل يعني شو ضايف على الطبخه يا خي!! قول ضايف سوالف وكلام !!!!فيه سرد؟ ليش احنا نقول قصص؟ [U]ليش كله نعتمد على الحريم خل نسوي حنا احسن عشان مايذلوننا بيوم ويقولون اذا ماعطيتنا فلوس مانطبخ ولا يجيك يوم تبلشك الحرمه وتزعل وتروح بيت أهلها ولا تسوي لك غداء[/u] يا شينك لين تفلسفت يا الهاويه!!!الأخ صاير ضد النساء... لازم مش متزوج لو متزوج كنت بتحسب الف حساب على هالكلام!!مثل الباجيين مثل حالتي اهله ساحبين عليه ويروحون لعزايم وهو يعاني من المجاعه بالملحق يسوون خير فيك يبون يضعفونك اشوي> قواهم الله تستاهل الشيف رمزي (احم احم أقصد الشيف الهاوي) تراك مصدق عمرك يا شيف!!! للأسف كان خاطري اكمل وياك بس مثل ما انته داري عندي دروم باجر... مو تدعي علي ما اداوم... يعطيك العافيه على الطبخه الحلوه بيني وبينك انا وايد احبها... بس ما اعرف اسويها... بنت الجواسم.. |
|
|
|
31 - 12 - 2007, 01:17 AM
| #8 (permalink) |
| غلاتي الذهبي | ام نوره المنصوري .. هلا بطباخة البنات خخخخخ والله وطاح سوقك خلاص اعلني الانسحاب الشيف الهاوي قادم وبقووه وبعدين وش فيها الطبخه ما اعجبتك ولا انتم يالبنات اعرفكم همكم الخرابيط حلا وما حلا المشكله اخرتها ينحرق هههههههههه ام نوره المنصوري .. منوره اختي واسعدني مرورك .. مع خالص ودي الهاوي |
|
|
|
31 - 12 - 2007, 01:28 AM
| #9 (permalink) |
| غلاتي الذهبي | بنت الجواسم .. << ياخذ نفس عميق ويتعوذ من ابليس قبل يرد ههههههه زين عدنا بعد النفس العميق ههههههه اول شي بسم الله علي من بعض العيون بسم الله بسم الله << بيحصن نفسه بالمعوذات من كلام بعض الناس ههههه وبعدين المقادير منقوله ومو معناه ما اعرف اطبخ وانا اطبخ مرات لاهلي ومو مجبور اقنعك بالشي هذا صدقتي زين مو مصدقه ماني مستغرب لان الحسد مالي قلبك وعيونك لان ولد يطبخ وانتي نايمه ههههههه واعرف للطبخه هذي ودايم نسويها بالبيت وماني محتاج انقلها مقاديرها واقدر اذكرها انا لان دايم نسويها ولكن نقلتها وللامانه ذكرت اني نقلت المقادير بس ومن ناحية الزواج انا شايل هالفكره من راسي نهائيا لعدة اسباب واحب الاحتفاظ بها لنفسي .. وبعدين احب اعتمد على اهلي واسوي شي بنفسي وصح اهلي مرات مايطبخون ولكن هالشي ماخلاني اجلس وعطاني دافع انتج واسوي شي لي .. مو مثل ناس اذا ماحصلت شي جلست تصيح ونامت على جوعها او اذا تشطروا قاموا طلبوا من برا << يقصد بالكلام معظم الناس ومو موجه لاحد وبعدين واثق الخطوه يمشي ملكاه يا بنت الجواسم وانا ماقلت عن نفسي شيف من هنا والطريق .. وبعدين النوم ابرك لك ريحي عمرك شوي هههههههههه ولا تتركين الدوام مثل امس <<< عنده احساس انه بنت الجواسم اذا ماراحت بكره للدوام اول شي بيطري ببالها ان الهاوي داعي عليها هههههههههههه وبعدين حيااك اختي باي وقت ثاني مره وعلقي مثل ماتحبين .. بنت الجواسم .. مشكوره كثير اختي على ردك الجميل وعلى خفة دمك وبساطتك وتلقائيتك واتمنى ماتزعلين مني .. مع خالص ودي الهاوي |
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صديق ما زارني والدار مخيفة ! لا مرحبا به وال&# | بـــ e ـنـa ـــ u ــت | افتـــح قلبك | 18 | 13 - 01 - 2008 01:00 PM |
| ما الفرق بين الثقه بالنفس والغرور تعال وا | دلــع الــروح | أرشيف | 15 | 08 - 12 - 2007 01:21 PM |
| الحقوا واحد مقابل خويته في محل ((ابو ريالين)) | قمر14 | قصص متنوعة | 13 | 25 - 11 - 2007 04:47 AM |
| قصة تخون زوجها مع شقيقه وتقتل والديه | عذوبه بس حبوبه | منتدى القصص الواقعية | 2 | 09 - 10 - 2007 08:18 AM |
| كيفيه اقفال جميع الطرق والسبل امام المختر | ¸¸خــويــلـــد¸¸ | تقنية المعلومات | 4 | 14 - 10 - 2006 03:22 PM |
العرض العادي
