| |
28 - 12 - 2007, 06:45 PM
| #1 (permalink) |
| غلاتي فعال  مزاجي:  |  مسكينه العروسه في ليلة دخلتها شوفوا شصار لها هــــذا واحـــــد تــــــوه مــعرس وخلصت الزفه والامور اللي باالقصر..... اخونا في الله شغلل[اخذ زوجته] وركبوا السياره..ودعس للشرقية يعني اهل العروسه في الرياض وهو ساكن في الشرقية. والبنيه تستحي ومقررررطه طووول الطريق...والرجال ماغير يسولف ويهذر والبنيه ساكته...ماحولك احد الرجال يأس من البنت انها تتكلم ..وقال ياولد ماوراها هذره اشغل المسجل وامسك الخط. في الوقت نفسه البنت كانت حسراانه ومتوهقه انها بس تتكلم عشان تقوله ابي الحماااام الله يكرمكم عاد هي طمررت على المرتبه اللي ورا عشان تنسدح ويخف عليه الوجع الين يوصلون للمحطه المهم الرجال ماوعى الا وهاذيك محطه ويصفط عندها وينزل للبقاله ياخذ له كم كيس فصفص وكم علبة بيبسي للطريق هو كان وده ياخذ له شريط يسليه بالطريق بسس خبركم مايصلح يشغل شريط والافضل يخليها سواليف البنت على نزلت زوجها الا وتقز هاذيك الحمامات حقات الحريم اللي عند المسجد اللي جنب البقاله قالت لنفسها يابنت يمديني اطمر واخلص وارجع قبل لايرجع هو من البقاله المهم المسكينه راحت واخذت وقتها اخينا في هالوقت قد رجع للسياره وعلى باله مرته في المرتبه اللي ورا وخبركم عبايه سودا واخر الليل ماانتبه انه مهيب فيه السياره وهو شغل ودعسسس البنيه المسكينه طلعت وهي مرتااااااحه وتناظر يابنت وين السياره.......وتتلفت ماتشوف غير الهنود حق المحطه وابو يمن حق البقاله عاااااد تخيلوا الصدمه يوم عرفت ان زوجها دق سلف ومشى...جالسه تتأمل المسكينه في نفسها يمكن راح منا ولامنا وبيرجع شوي ماوعت الا ذاك الجمس المقبل يوم وقفوا عندالبقاله اللي جنبها وتقز الحريم اللي في الجمس.....قالت زيييين عائله وتروح وترمي نفسها على الحرمه اللي قدام وهي ام العيله وتقولها خالتي اناداخله على الله ثم عليك..وهذي قصتي والعجوز تمسك راسها وتقولها..يابنيتي انتي تعرفين سيارة زوجك ويعبون بنزين ويدعسون وراااااه نعود الان لصاحب الفصفص اخونا في الله مريح وماشي...بعد مالقوه على بعد نصف ساعه عاد تخيل عزيزي القارئ انك على طريق الشرقية وفجأة وراك جمس يكبس بالنوربشكل مخيف يبيك توقف وش ردة فعلك اكييد الرجال دعس قال ذولا مهابيل بيضروني ومعي عروستي ........ويافشيله اذا انطقينا................ والجمس وراه داعس يحاول انه يوقفه المهم الذهين اللي يسوق الجمس عرف وش يسوي ...فقام يولع نور الجمس اللي داخل عشان يشوف انها عايله واخيرااااااا ..انتبه ووقف يبي يشوف وش عنده ونزل معصصصصصصصصصصب......... عاد من اللي متوهق في هاالموقف....راعي الجمس يقول في نفسه شلون اقوله ان مرته معنا يبي يجيبها باسلووووب تدريجي عشان ماينصدم ..خبركم في مثل هالمواقف شبيقولون اهل العروسه اخذت بنتنا وضيعتها ..والللللله ان تلزق فيك السالفه طول عمرك والعالم يتمشون وماعندهم سالفه غيرك المهم راعي الجمس سلم وقال يااخوي ماكأنك مضيع لك شي .....قاله المعرس لاوالله ماضيعت شي قال متأكد قال المعرس...شلووووون قال راعي الجمس رح طل في سيارتك شف فيه شي ناقص لك العريس قام يوسوس حتى المشكله مرته ماجت على باله المهم راح ودخل سيارته وقال يامره فيه شي طاح مننا وحنا في المحطه محد رد عليه ويوم لون وجهه بدا يميل للكرت الاحمر ....وييييين راحت المره ورجع لراعي الجمس وقال هات السالفه قال ياولد مرتك لقيناها في المحطه انا واهلي وقالت لنا انها نزلت للحمام وانت مشيت ولا دريت عنها عااد العريس كل انواع النفضات نزلت عليه تلعثم ولاقدر يتكلم المهم راعي الجمس راح وقال للعروسه يلاانقلعي عند زوجك وشوفيه متصومع عليك المهم العروسه ركبت مع زوجها السياره وانطلق لسانها اللي كان مربوط وقامت تتعذر له... وتقول لاتزعل مني اناكنت مستحيه اقولك اني ابي الحمام..وانت ماشاء الله عليك ركبت السياره وانطلقت......... ههههههههههههههه<===ياشين التميلح..توها تتميلح..عادانقلب الوضع صار العريس هو اللي مبرطم طول الطريق والعروسه هي اللي تبربر مابقى الاتسووووق عشاااان اخينا في الله مرتاح من اللي حصل |
|  |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مسكينه طفله سعودية والله حزنتي الصورة مؤثرة جدااااااااا | كــبــريــاء وايــلــي | المواضيع المكرره | 6 | 18 - 01 - 2007 12:53 PM |
| ليلة القدر | شريان الخير | أرشيف | 2 | 01 - 01 - 2007 06:39 PM |
| مكالمة هاتفية بين هيفاء وهبي وبدوي*** لايفوتكم تعالو شوفو شصار.. | دلوعتي | أرشيف | 8 | 13 - 09 - 2006 06:22 PM |
| مسكينه ذا السحليه | الأمـبـراطـور | أرشيف | 6 | 30 - 08 - 2006 02:49 AM |
العرض العادي
