| |
03 - 12 - 2007, 04:40 AM
| #1 (permalink) |
| مليح الطبائع   |  موت العروسين و 6 معاهم في زفة الكرنيش-جده.موت العروسين و 6 معاهم في زفة!!! -------------------------------------------------------------------------------- السلام عليكم...... في يوم الخميس الماضي دعاني صديق عزيز الى حفل زفافة وقدم لي بطاقة الدعوة وتمسك بي جدا لحضور العشاء والزفة , لبيت دعوته ورحت العرس وبعد ما تعشينا وبعد نصف ساعة حضرت الفرقة للغناء وبعد عدة اغاني احرجني امام اصحابه وقال اخونا العزيز اليوم يغني لنا بعد الاحراج قمت وغنيت له اغنيتين وطلبوا موال مدني وغنيت ايضا وبعدها بدأت الزفة . خرجنا بالزفة على طريق الكرنيش - جده متجهين الى الدوار وبعدها الى المنصة او طريق الملك ونعود الى شارع حراء وبعدها نروح بيت العريس . هذا كان مخطط الزفة . كان الجو ممطر والارض مبتلة وبعد ان خرجنا في البداية كنت امشي بالسيارة بجانب سيارة العروس ولكنهم رغم المطر زادو السرعة وبدأت عملية التفاحيط ساعتها انا حسيت احساس غريب ان في شي راح يحصل هديت انا من السرعة ومسكت الجانب الايمن واصبحت اخر الزفة وقبل هذا انا كنت أأشر للناس اقللهم على مهلكم بيدي ولكنهم يحسبوني ارقص معاهم اصيح لهم ولكن ما يسمعوني بسبب صوت السيارات والهرنات وصوت المسجلات انا رجعت خلف الزفة لسببين خوفا على الناس بسبب الطايشين في الزفة وخوفا على السيارة . وانا ماشي صار الحادث والسبب هو صاحب دراجه ناريه نوعيته مقنع ومعاه صاحبه راكب خلفه اتزلحق بالمطر وتقلب اجت بعده سياره هونداي مسرعة صدم فيه ولفت السيارة وانقلب وسيارة العروسين كانت نوع كامري بيضاء اللون كانت مسرعة ايضا وصدمت في الهونداي وفي سيارة ثانية في الزفة وتقلبت لان كانت السرعة فوق الـ 100 كلم/ساعة انا ساعتها فزعت جدا ونزلت مسرع بعد ما وقفت الزفة ونشوف الناس ملقية على الارض 6 منهم انتقلوا الى رحمة الله و 4 متعورين بس من ضمن الموتى العروس والعروسة, المساكين ما لحقوا يتهنوا بدخلتهم ولا بزواجهم الله يرحمهم ويحسن اليهم, تخيل نفسك في هذا الموقف ولو انت مكاني ايش بتعمل . المهم بدأنا بحمل الجثث واسعاف الباقين وكنت راجع للسيارة عشان اروح المستشفى في هذه الاثناء اشوف في لوري قاطرة ايضا جاي مسرع والسيارات واقفة في الشارع انا شفته مسرع ويقترب ومسك البريك لكن ما وقف بسبب المطر واصبح امامي مباشرة ساعة الفزع حسيت رجلي انشلت لا اقدر اروح يمين ولا شمال واقتربت القاطرة مني وهي تدوس بريك وصوت الهرن حقها والبريك صوت مفزع يعني اشوف الموت امام عيني وما اقدر اسوي شي ...... وبعدها صحيت من الحلم........مفزوع جدا وريقي ناشف وعطشان ومخنوق موت وقلت الحمد لله ربي والشكر ان هذا حلم مو حقيقة . اعذروني اذا كنت طولت عليكم لكن هذا المقلب عملته علشان واحد من الاعضاء الذي ايضا عمل لي مقلب لكن احلفه بالله لو دخل وقرأ هذا الموضوع يقول انا اكلت المقلب واسف على الازعاج وشكرا لكم ابو ملاك |
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
العرض العادي
