| |
| |||||||
| قصص الاعضاء منتدى مخصص للقصص التي يقوم بتأليفها الاعضاء |
    |
 |
| | LinkBack | أدوات الموضوع | انواع عرض الموضوع |
01 - 12 - 2007, 06:19 AM
| #1 (permalink) |
| غلاتي الذهبي   |  ابن المملكه والخمس بنات ياهلا فيكم اخواني وهذي هي القصه الثانيه لي هنا واتمنى ان تعجبكم وتكون افضل واحسن من اللي قبل كان ياما كان في سالف العصر والزمان أم وأب يعيشون بسعاده وهناء ولايكدر صفو عيشهم أي شيء وبعد مرور العام ونصف العام قدر الله وحملت الأم وفرح الأب فرحا شديدا وكذلك الأم وأصبحوا ينتظرون ذلك اليوم بفارغ الصبر وينتظرون المولود القادم وفي اخر الشهر التاسع ووقت وضع المولود اكتشفوا انها حامل بخمسة بنات مره وحده وواجهوا مشكله بالتوليد فخرجت المولوده الاولى بسلام وسموها (وي وي) وبعد شهر خرجت المولوده الثانيه وسموها (فيض المشاعر )وبعد شهر اخر خرجت المولوده الثالثه وسموها (بنت الجواسم )والشهر الذي يليه خرجت مولوده وسموها (قطعة سكر )وبأخر شهر خرجت أخر العنقود وسموها (ملكه بزمانها). وبعد ماخرج جميع الاخوات التوائم أحست أمهم بألم شديد ولم تستطع تحمله وعلى اثر ذلك توفيت وأنتقلت إلى رحمة الله وزوجها لم يحتمل ذلك المنظر المروع فاغمي عليه وبعد ساعتين لحق بزوجته إلى الرفيق الأعلى. واصبحوا هؤلاء الفتيات مصيرهم مجهول فذهبوا بهم لأحد المراكز للرعاية بهم وبعد أن بلغوا سن السادسه جميعهم أنحاشوا من المركز لسوء المعامله ودلوا بيت ابوهم وامهم بالفطره وسكنوا فيه وسجلوا بمدرسه قريبه من عندهم وبعد مرور 56 عاما منذ ولادتهم إلى الأن تغير حالهم فأصبحت حالتهم ميسره والحمد لله وأعمارهم واسمائهم والباقي هي كما يلي: وي ي العمر 56 ربيعا وهي عزباء فيض المشاعر تبلغ من العمر 55 شتاءاو11شهرا والملقبه بــ (فيوضه) وهي عانس بنت الجواسم وتبلغ من العمر 55 ربيعا و10 اشهر واملقبه بــ ( فتاة العشه) وهي عزباء وعانس بنفس الوقت قطعة سكر وتبلغ من العمر 55 ربيعا و9 أشهر والملقبه بــ (فتاة النخل) وهي عزباء ملكه بزمانها وتبلغ من العمر55 ربيعا و8 اشهر والملقبه بـ ( قاتلة الشياب) وهي عانس وفي يوم من ايام الربيع الجميله قرروا أنهم يكشتون للبر وكان الوقت ربيع وهالخضار والجو اللطيف ياسلام على كيف كيفك ويوم خيموا وبسطوا قعدوا يسولفون وكل سواليفهم حش بفلانه وفلانه وطلق ومات وتوفت وتهاوشوا وغيره من هالكلام اللي بلا سنع يعني اغلب كلام الحريم وودك تقول كله بلا فائدة تذكر. المهم وهم في خضم حديثهم قالت لهم اختهم الكبيره اللي هي ( وي وي )الله يرحم أيام الثانوي كانت كلها أيام لعب وفرفشه ومقالب وقالت (ملكه بزمانها )تذكرون يوم فكرنا نسوق وسوينا الهوايل ذيك الأيام وقالت ( فيض المشاعر )أي والله ذيك الأيام شي وش رايك تذكرينها لنا يا (قطعة سكر) وقالت أبشروا بعزكم وبدت تسرد القصه وأنا جبتها لكم من( ابن المملكه ) صديقي وهي كالتالي.  من حوالي ال 35 سنه أيام ماكانت أعمارهم على ال 20 سنه تقريبا وكانوا بثاني ثانوي وكانوا يدرسون بمدرسه أهليه بعد وكان ابن المملكه معه كامري وش حلوها وقصته انه يتيم مثلهم ولما شاف حالتهم كذا رحمهم وصار سواق لهم وبدون راتب مقابل أنهم يوكلونه ويسكنونه معهم ويعدونه فرد من العائله . وفي يوم من ايامهم الجنونيه كالعاده حضر اخوهم ابن المملكه حتى يأخذهم من المدرسه وكالعاده لقى مع البواب شكوى وهالمره من وزارة التربيه والتعليم وبعد ما أرسلوا مشرفين للمدرسه أكتشفوا ان هالأخوات الخمسه ذابحين لههم من الضغط والسكر 31 مدرسه وبالعنايه 21 مدرسه و12 مدرسه فيهم ضغط و6 فيهم سكر و3 مصيرهم مجهول المهم بعد مارجعوا للبيت ولقوا البيت كالعاده محيوس فوق حدر يعني فستان بالصاله وجلابيه بالملحق ومكياجي حايس فرشة المجلس وطرحه مشقوقه وعبايه صغيره من كثر الغسيل والمطبخ عاد الله لايوريك تقول خرابه الفرن اسود من كثر مايحترق الطبخ والملاعق والسكاكين بالارض منثوره والبيالات والفناجيل منكسر ثلاثة أرباعها والقدور نصها ماغسلت وهم عاد مافرغوا تعبانين مره وكل وحده على طول اين سريري وياخذون غطه خمس ساعات وابن المملكه نايم بالصاله من العجز ماقدر يروح لغرفته قاموا وكلهم حيويه ونشاط وتكرمت عليهم السيده الفاضله فيووضه وسوت هاذاك الشاهي اللي لو تذوقه تشرب البياله معه من حلاته ونقدر نقول هي فنانه بالشغلات هاذي طبخ ونفخ ولا الباقين بيض وخبزه فيها جبن وتخب <<< أسألوا مجرب قد ذقته مره من المرات يوم زرت ابن المملكه  وبعد كذا قام ابن المملكه وقال أبروح أتمشى غرض حاجه وتطب عليه قطعة سكر وملوووكه وبنت الجواسم تقول بياكلونه وقال لهم خير ياطير وش فيكم علي شوي شوي تراني بشر ماني صحن كباب وقامت وي وي وتشوت قطعة سكر وتكفخ ملووكه وتشلخ راس بنت الجواسم بالكعب وقالت لهم وش بلاكم على اخوي شوي شوي عليه لاتغثونه وجع يوجعكم فا ابن المملكه تلقائيا فتح فمه 6 بوصات وفرحان بالإشاده لأنه أول مره احد يمدحه. :d وفجاه وبدون سابق أنذار تلقط منه مفاتيح السياره وتقول ودي أجرب السواقه ماعمري سقت والبنات ياحرام مضطهدات ولا عمرهم ساقوا سيارات أبجربها أنا وأحقق حلمي وحلم كل البنات وقال لها ابن المملكه وبكل قوه معصي وماعندنا بنات يسوقون وتناظره بنت الجواسم بعين حاقده وتأشر للبنات ويحوطونه وابن المملكه عرف السالفه وقعد يتشهد ويقعدون يتوطون بطن بطنه شوي ويفارق الحياة ولقطوا منه مفاتيح السياره. وبعد كذا نزلوا تحت والاخت وي وي هي اللي بتجرب أول وحده لأن هي اللي طالبة بذلك وحجزوا بعدها بالدور (تقول داخلين ملاهي ) وتشغل وي وي السياره ومن أشتغلت بالزباله اللي قبالهم وطيرتها وتدعس الطبلون كله وتدخل بشارع سيدين وبالطريق صدمت 6 سيارات وشالت 3 ادميين وهي ماتحملت هالمنظر فحبت ترجع للي توطتهم ورجعت بسرعه وتوطتهم ثاني مره وقالت الظاهر أنكم ولهتوا على كفرات السياره ( بدت نوازع الشر تشتغل بالبنات) ثم أستلمت القياده فيوضه وراحت سيده لشارع التفحيط وصارت تدله خطوه خطووه وتقعد تسوي لها حركات وهي ماتدري سوت لها ثلاث عقد وخمس عكسيات والمشجعين تصفيق ومادروا أنها بنت لانهم كلهم لابسين شمغ ومتلطمين وماخذين كل شمغ ابن المملكه اللي إلى الان دايخ بالبيت  وتنزل فيوضه وتحيي الجماهير وتستغل الفرصه بنت الجواسم وتستلم القياده وتروح للبر ووطيران يمشون فوق الميتين وفجأه وقفت ووقفت عند عشة دجاج وأخذتهم معها بعد الرجعه للبيت وكانت باوقات تنام مع الدجاج بالعشه ولذلك سميت بفتاة العشه ( تحب الحيوانات الاليفه من صغرها ) المهم يوم ركبت بنت الجواسم وترجع للرياض وتنطرب البنت وتدور في أشرطة تتعب وتشغل وتطلع شاكيرا وينطربون البنات ومع الطرب مادروا ألا وهم دايرين على الرياض خمس مرات ويخلص البنزين ويوقفون عند المحطه يبون يعبون بنزين والمشكله مامعهم فلوس وفكرت قطعة سكر بقصه وقالت انا معي فلوس بس أعبي وأسوق أنا وقالوا مافيه مشكله ويوم تعدلت وعبا الهندي فول وتمشي وتخليه سكره ولعبت عليه وعلى البنات ولو تشوفها تسوق ماتدبر شي وسألتها فيوضه تعرفين تسوقين قالت أيه ألعب سيارات بالسوني وقالت همسوه في نفسها علينا السلام  وفي ذروة حماس قطعة سكر وهي ماشيه بكل سرعتها يجيها ملف أجباري وتبتلش وين تروح له ومالقت ألا تروح طوالي وبس وتصدم في نخله وش حلاتها زينه ومن قوة الصدمه يطيح عليهم تمر النخله كله ويقعدون يزرطون وكان نوعه سكري او نبوت سيف او خلاص الله اعلم<<< ماخلى نوع الاخ الا وذكره ارسي على بر وبعد حادثها مع النخله ويوم ذاقة تمر هالنخله صارت تموت بالنخل وسموها بفتاة النخله. ولما كانت قطعة سكر لاهيه في النخل أستغلت الموقف ملوكه وتاخذ موقع سكره وتمشي بهم وتروح للاسواق تفرفر وقالت لها بنت الجواسم خير وش موديك للأسواق قالت خلينا نجرب نرقم مو دايم نترقم :d خلينا نقوم بدور الشباب المهم ترمي ملكه بزمانها رقم جوالها على واحد وشاءت الصدف وطلع شايب  ومعه اخوياه حوالي خمسه وهو استانس وفرحان أن واحده توها شباب وترقمه ويجيك طاير لملكه وملوكه تورطت وتبي حل سريع للموقف فقررت وبكل شجاعه وبكل أقدام انها تتوطى الشايب وأخوياه حتى تنتهي من غثاه وعلى طول دوس بنزين وأخواتها يقولون أستهدي بالله صلي عالنبي قلت ابد أظل عزابيه ولايحبني هالشايب  وتقوم بكل عدوانيه ووحشيه وتتوطا الشايب وأخوياه ولا كفاها هذا الا صارت تروح وتجي عليهم حتى صاروا هم والزفت واحد مافيه فرق وكذا مسحت أثار الجريمه البشعه.  وفي هالاوقات صحصح ابن المملكه وعلى طول لقسم الشرطه وبلغ عنهم وبعد ساعه لقوهم صادمين أسعاف وكان فيها شخصين مصابين وودعوا بعد الحادث ومسكتهم الدوريه وأدينوا بأرتكاب مجازر بحق الأنسانيه ومخالفة النظام والسرقه والهرب وعدم دفع فلوس البنزين وحكم عليهم القاضي ب 569 سنه ولكن أفرج عنهم بعد يومين لحسن السيره والسلوك  وابن المملكه زعل عليهم لمدة سنه ثم ارجعه الحنين لهم  وبكذا تنتهي قصتنا وأتمنى تكون اعجبتكم وأعذروني على الاطاله أو على أي قصور واتمنى ما احد يزعل وكلها قصه ووناسه وسلامتكم مع خالص ودي الهاوي |
|
|
01 - 12 - 2007, 02:36 PM
| #2 (permalink) |
| متميزة جدا جدا جدا  مزاجي:   |  فخرجت المولوده الاولى بسلام وسموها (وي وي) وبعد شهر خرجت المولوده الثانيه وسموها (فيض المشاعر )وبعد شهر اخر خرجت المولوده الثالثه وسموها (بنت الجواسم )والشهر الذي يليه خرجت مولوده وسموها (قطعة سكر )وبأخر شهر خرجت أخر العنقود وسموها (ملكه بزمانها). >>> ههههه مدة الولاه اطول من مده الحمل !!! وزوجها لم يحتمل ذلك المنظر المروع فاغمي عليه وبعد ساعتين لحق بزوجته إلى الرفيق الأعلى.<<< الله يرحم ازواااج اول << هذا الاخلاص والا بلاش أن بلغوا سن السادسه جميعهم أنحاشوا من المركز لسوء المعامله >>> طرار ويتشرطوووووون بعد ودلوا بيت ابوهم وامهم بالفطره وسكنوا فيه >>> سبحان الله << فلم هندي وسجلوا بمدرسه قريبه من عندهم >> شفت حب التعليم بدمنا وقلوبنا << هين وي ي العمر 56 ربيعا وهي عزباء <<< وه بس فديتني وربيعي هذا الاخلاص اللي ذبحني ومعطل مستقبلي ما رضيت اتزوج واترك اخواااتي هااايتين ما لهم وااالي .. وقصته انه يتيم مثلهم ولما شاف حالتهم كذا رحمهم وصار سواق لهم وبدون راتب <<< يا عيني ع الفدااائيه والاخلاق يا ابن المملكه مقابل أنهم يوكلونه ويسكنونه معهم ويعدونه فرد من العائله <<< افهم بس يعني ليه ما رحم هالعزاابيااات قدااامه و فك عقدتهم !! والاخت وي وي هي اللي بتجرب أول وحده >>> طبعآ الاخت الكبيرهمحد يقدر يتكلم صحصح ابن المملكه وعلى طول لقسم الشرطه وبلغ عنهم >>> بدري يا الاخووو !! ولكن أفرج عنهم بعد يومين لحسن السيره والسلوك >>> انواع البراااءه وابن المملكه زعل عليهم لمدة سنه ثم ارجعه الحنين لهم <<< والله ويثمر فيك يا ابن المملكه اكيد اعجبتنا وونستنا بعد .. الف شكر لك يالهاااوي لا خلا ولا عدم دمت بتميز .. |
|
|
|
01 - 12 - 2007, 07:46 PM
| #5 (permalink) |
| مشرفة سابقة  | هـوووووووووب هـووووووووب ,, الحين انا العانس هااا  ,,واقط رقمي بعــد !بس تدري ،، انا حظي ردي [ بدبخت ] يعني جم سنه صابره وصابره بالاخير احصل لي واحد شيبه !! صج المثل اللي يقول [ اصوم واصوم وافطر على بصله ] هاذي انا االلي صمت والبصله هالشيبه اللي قطيت رقمي عليه ,,يعني حتى بالترقيم مو مقزرتها لوول ,, اما امي وابوي ,, اللـه يهداهم يابونا وتوفو ,, واللـه لو عايشين جان وقف قلبهم علينا مغامرات ,, وتقحيصات اللـه وكيلكم بس ,,ولا عاد اخوونا ابن المملكه ,, اللـه يهداه حجر وايد على طول للشرطـه ,, يبا الواحد ما يستانس شوي ,, لازم تسأل عنا ,, الهاوي ,, ابدااع واللـه واحس شي في القصه ,, الطابع الكوميدي اللي طاغي عليها ,, اللـه يعطيك العافيه ,, وااصل ,, ,, ملكه بزمانها ,, |
|
|
|
02 - 12 - 2007, 12:02 AM
| #6 (permalink) |
| غلاتي الذهبي | وي وي .. اجل مدة الولاده اطول من الحمل هههههه احمدي ربك انكم خرجتوا بسلام ومن شدة المعاناة امكم وابوكم توفوا .. اجل تتفدين عمرتس وربيعتس يالعجوز :d ومن ناحية التعليم من جد يسري وبالحيل خخخخ بس كويس من صغركم ومدبرين اعماركم رايحين لبيتكم ومسجلين بمدرسه :d ومن ناحية برائتكم فهي تنقط منكم تنقيط وانا اشهد :d ومايبي لها الكلام الكبير هو اول من يجرب ياعجوزهم :d وابن المملكه حبوب وقلبه طيب ولا كان اول شي ماجا معكم وثاني شي مارجع لكم .. ولا انتم من يصبر على غثاكم :d وي وي.. اسعدني مرورك وتعليقاتك ولا تحرمينا من طلتك .. والحمد لله اللي اعجبتك القصه وانبستطي وهذا هو هدفي من مثل هالقصص اننا ننبسط ونتونس .. مع خالص ودي الهاوي |
|
|
|
02 - 12 - 2007, 12:12 AM
| #8 (permalink) |
| غلاتي الذهبي | ابن المملكه .. لا ابشرك منت ميت ابد مادامك معهم لان انت الوحيد ولو موتوا مو لاقفين احد يطلعهم ابد .. يعني الدعوى مصالح شخصيه ومنفعه متبادله انت تطلعهم مشاوير وتجيب اغراض وغيره وبالمقابل تنوم معهم وتاكل معهم .. يعني احد يقعد مع احلى الكائنات وما ينبسط << امحق بسطه مادام مع ذولي ههههه ومن ناحية انك اذا رجعت يثمر او لا ماظنيته يعني لا تأمل واجد هههه لان الدعوى مثل ماقلت منافع متبادله والسياره عطتك عمرها مابقى فيها شي سليم عطتك عمرها هههه يسلمو على ردك ومرورك اخووي ولا تحرمنا طلتك .. مع خالص ودي الهاوي |
|
|
|
02 - 12 - 2007, 12:21 AM
| #9 (permalink) |
| غلاتي الذهبي | ملكه بزمانها .. حي الله العانس << بدا يحطم :d الظاهر العنوسه ذابحتك وقمتي تغازلين حتى الشياب :d ملوكه افطري على بصل ازين من العنوسه وعلى قولة المثل ظل راجل ولا ظل حيطه :d وبعدين يعني شايب شوي ويودع وتورثينه .. خلي عندك تفكير مستقبلي :d وانتي صادقه رحمه ان امك وابوك توفوا ولا شافوا هوايلكم :d وانتي حاقده على ابن المملكه لانه بلغ عليكم بسرعه ههههه .. خلاص اللي سويتوه بالعالم كافي وزياده وش ناويه عليه بعد هههههه. وبالنسبه للطابع الكوميدي الطاغي عالقصه هذا ما اريده وابحث عنه .. وهدفي ادخال البسمه وتغيير شوي وننبسط... ملووكه اسعدني ردك ومرورك ولا تحرمينا من طلتك دوما .. مع خالص ودي الهاوي |
|
|
|
02 - 12 - 2007, 02:52 AM
| #10 (permalink) |
| قمة المنتدى و روووعته  | يابنااااااات عييب يابناااااات فضحتوونا الله مير مانيب قايله انتوا ماتعقلووون ماغير مشاغبات لا و بهالعمر بعد ههههههههههه اما التفحييط بالشووارع عز الله كل اللي بالشوارع ماتوا ما خليتوا احد خخخخخخخ والا لما اخذوا مفتاح السيااره ماراح فيها غير هالمسكيين ابن المملكة اتخيلهم وهم متجمعين علييه خخخخخخخخخ لا وافرج عنهم لحسن السيره والسلووك هههههههههههههههههههههههه امحق سيره وسلووك ونااااسه عن جد قصه روووووووعه لا تحرمنا من هالقصص الله يعطيك العافييييية |
|
|
02 - 12 - 2007, 03:01 AM
| #11 (permalink) |
| غلاتي الذهبي | دلوعه بكيفي .. لا البنات حلوات وحبوبات وبعدين براسهم شي وسووه مافيها مشاكل ابد هههههه بس موتوا كم واحد وكم اصابه واضارار بسيطه مرره مره هههههههه انتي الخسرانه ماكنتي معهم يوم طلعوا يفرفرون راحوا وتونسوا وانتي لا شغل ولا مشغله ولا ابن الملكه الله يصبره عليهم وماله الا الاجر والعافيه اللي قارد عمره بينهم هههههههههه وزين اللي مامات وربك سلم لان ذولي شريرات بقووه بس ربك سترر بعدين سيرتهم وسلوكهم مافيه احسن منه والدليل افرجوا عنهم بعد يومين خخخخخخخ دلوعه يسلموو عالمرور وان شاء الله تكون اعجبتك القصه وانبسطتي .. مع خالص ودي الهاوي |
|
|
|
02 - 12 - 2007, 09:38 AM
| #12 (permalink) |
| مشرفة قسم القصص و الروايات | الهاوي.... وعلى نفسها جنت مراكش هذا احسن قول انا اقوله اختصر فيه كل الوعيد والحقد والبغض>ربي لا يجيبه ان شاء الله. (بنت الجواسم وتبلغ من العمر 55 ربيعا و10 اشهر ) الحينه انا عمري 55!!! اكيد هذا عمرك وتتنكر يالشايب العايب!! وهي عزباء وعانس بنفس الوقت) ماشاللهء الله جبتها يعني !!! عانس وعزباء...ذكاء غريب !!كل عانس عزباء!!! (وكان ابن المملكه معه كامري وش حلوها وقصته انه يتيم مثلهم ولما شاف حالتهم كذا رحمهم وصار سواق لهم وبدون راتب مقابل أنهم يوكلونه ويسكنونه معهم ويعدونه فرد من العائله ) [color=#993300]دومه شهم صديقي... وهذا مش غريب عليه > طبعا عكسك[/ color] (ويحوطونه وابن المملكه عرف السالفه وقعد يتشهد ويقعدون يتوطون بطن بطنه شوي ويفارق الحياة ولقطوا منه مفاتيح السياره.) هذا بيكون مصيرك ...لما انشوفك قول آمين... (المهم يوم ركبت بنت الجواسم وترجع للرياض وتنطرب البنت وتدور في أشرطة تتعب وتشغل وتطلع شاكيرا وينطربون البنات ومع الطرب مادروا ألا وهم دايرين على الرياض خمس مرات ويخلص البنزين ويوقفون عند المحطه يبون يعبون بنزين والمشكله مامعهم فلوس) شاكيرا عاد!! حتى ذوقك يباله تعديل واعادة ترتييب!! (تشلخ راس بنت الجواسم بالكعب ) يبالي اشلخ راسك بالكعب عشان اعدل مخك واخليه يمدح البنات (وتستغل الفرصه بنت الجواسم وتستلم القياده وتروح للبر ووطيران يمشون فوق الميتين وفجأه وقفت ووقفت عند عشة دجاج وأخذتهم معها بعد الرجعه للبيت وكانت باوقات تنام مع الدجاج بالعشه ولذلك سميت بفتاة العشه ( تحب الحيوانات الاليفه من صغرها ) انا انام بالعشه يا بوكشه؟؟ ومسميني بفتاة العشه! وانت شو سبب تسميتك بفتى الكشه؟ انا وين والحيوانات الاليفه وين!! (وابن المملكه زعل عليهم لمدة سنه ثم ارجعه الحنين لهم) دومه بو قلب طيب هالرجال..طبعا عكس صفاتك الهاوي... ستقع في الهاويه ولن يسمي عليك أحد.. نداء سريع لأخواتي الأربعة يرجى التكاتف والتلاحم أما هذا الشر القادم المسمي نفسه بالهاوي وهو الهاويه ان صدق التعبير الهاوي بعد كل هذا اشكرك على القصه المضحكه التي تنم عن قلبك الشرير وانك لازم توقف عند حدك>بس خلني اتفيج لك لأني مشغوله هاليومين وربي يوفقك واشوفك من إبداع الى إبداع>لاصدق عمرك بنت الجواسم |
|
|
|
02 - 12 - 2007, 10:33 AM
| #13 (permalink) |
| غلاتي الذهبي | بنت الجواسم .. حي الله فتاة العشه ههههههههه اقول مسويه تهددين وتتوعدين وماشفنا شي هههه .. انتي من يوم يومك هذره وبس ومانشوف شي ههههههه اجل على نفسها جنت مراكش هههههههههههههههه اول شي يقولون مراكش بالمغرب ههههه وثاني شي المثل يقول (وعلى نفسها جنت براقش) مو مراكش ههههههههه مسويه فاهمه للامثال وانتي مااش ماحولتس احد هههههه .. وشكلك كذا كلام امثال وخرابيط مثل تهديداتك ووعيدك ههههه .. وبعدين انا عارف ان العانس عزباء بس انا اقولها حتى اذكرك انتي لان عمرك 55 وقلت يمكن خرفت وخل اذكرها ههههههههه اجل بتشلخين راسي بالكعب ههههههه ( بنوته اللي مايطول العنب حامضا عنه يقول ) اجل اسمي الهاويه هههههههه هذا اللي فلحتي فيه يعني انك تسميني بالهاويه ههههههه وبعدين ابن المملكه مقرود ماله الا انتم ومجبور يرجع لكم مو لاقي غيركم ولا مفارقكم من زمااان من يصبر عليكم انتم وهوشاتكم وقرادتكم ههههه. والله لا يشغلنا الا بطاعته بنت الجواسم اسعدني مرورك وردك الجميل وكل املي تكونين انبسطتي وحازت على رضاك القصه .. ولا تحرمينا من تواجدك والله يحفظك اختي .. مع خالص ودي الهاوي |
|
|
|
02 - 12 - 2007, 05:25 PM
| #14 (permalink) | ||||||||
| مشرفة سابقة | . . اقتباس:
^ آموووت ع آلحب ومن آلحب مآقتل.. فديت مآمتنآ وبآبتنآ <== قولي قـآآآآآ اقتباس:
^ هذآ آن دل فإنهـ‘ يدل على مدى حنكتنآ وذكآئنآ ودهآئنآ<<< تكفييين بس  اقتباس:
اقتباس:
اقتباس:
اقتباس:
<== اقتباس:
^ هههههههههههههههه وهـ‘ بص فديييتنآآآآآ يآآآآآنآآآآس اقتباس:
آجل آنآ فتآة آلنخل ,,, هههههههههههههه آللهـ‘ يسعدكـ‘ يآشيخ وربي تووووحفهـ‘ آلقصهـ‘ يعطييكـ‘ آلف عآفيهـ‘ ونبي آلجزء آلثآني <<< عجبتهآ آلسآلفهـ‘ <<< حلى هو وآم سووري ع آلتأخير .. {.. لآ تحرمنـآ من آبدآعـآتكـ‘ ..} // فتـآة آلنخل .. سوووكرهـ‘ <== من آللحين . . | ||||||||
|
|
|
02 - 12 - 2007, 07:15 PM
| #15 (permalink) |
| غلاتي الذهبي | قطعة سكر .. حي الله فتاة النخل هههههه ورحمة الله على بابتك ومامتك هههههه ومن ناحية الذكاء مافيه شك ابد تنقطون ذكاء خخخخخ <<< يرفع من معنوياتهم هههههه وبعدين يوم تطقك وي وي .. خليها مسكينه البنت مو لاقيه احد تحط حرته فيه الا انتي وعطيها فرصتها ولا تحارشينها وتكفخينها ثم تتعقد هههههه عاد اختك الكبيره مشيها لها هالمره هي تحسب ان السيطره بالضرب ههههههه ويقولون من ناحية الذكاء يقولون ان انتي صايره اذكاهم بالمدرسه هم راسبين بكل المواد وانتي نجحتي بمادة القراءه بس لكثرة هذرتس هههههه ايه تفدي بعمرك بس من زين سلوككم ههههههه .. لو دارين ان انتم فيكم كل هالشر ماطلعوكم ابد ههههههه ويسلموو سوووكره ( فتاة النخل ) عالمرور ولا تحرمينا من طلتك دوماا وزين اللي اعجبتك القصه .. وابشرك يا سكره وباقي الاعضاء ان فيه جزء ثاني وهو شبه جاهز بس ابنزله بعد فتره .. وماراح اقول وش راح يصير فيه واحرقها عليكم وخلوها مفاجأه .. مع خالص ودي الهاوي |
|
|
|
03 - 12 - 2007, 07:09 PM
| #16 (permalink) | |||||||||
| مشرفة سابقة  | الله يرحمهم ويغفر لهم من اولها موت واحزان اقتباس:
اقتباس:
اقتباس:
<<<حاطه عينها على الكامري  اقتباس:
اقتباس:
اقتباس:
اقتباس:
<<<داخله على طمع العانس  اقتباس:
هذي اخرت العشره حسافه والله مااثمرت فيك ماصدقت تبي الفكه >>>على باله بيورث معصى البيت كاتبينه لايتام اقتباس:
يعطيك العافيه هاوى ع القصه استمعت بقرائتها اخذتنا لجو ثاني ننتظر ابداعاتك تقبل مروري فيض المشاعر | |||||||||
|
|
|
03 - 12 - 2007, 08:09 PM
| #18 (permalink) |
| غلاتي الذهبي | فيض المشاعر .. مالاحظتي انك انتي الوحيده اللي مولوده شتاء هههههههههههههه لا وش يبون بكم التماسيح وانتم شايبات عايبات هههههههههههههه اقول ابن المملكه الظاهر فيووضه ماكفتها لفه بالكامري وناويه تسرقها هههههه بس وش تسرقينها فيووضه الكامري راحت ملح عطتك عمرها ههههههه فيووضه ابشرك انتي بكل قصه الطبخ بيكون ورااك ورااك مو فاكك ابد هههههه بعدين هذا انتي مسويه واثقه وتقولين انتبهووا لاتبلعون البيالات .. يعني ترا الشاهي حقي زيين .. وعشان كذا ما خلوك البنات تسوين شي عبث ياقلبي فيووضه اجل راحمتك سووكره ههههههههه اقوول ملووكه رقمي شايب غير هاللي ماات وعطيه رقم فيووضه حتى يحبها وتتزوجها وتعرف وقتها هالمثل اللي يقول الرجال مايعيبه الا جيبه هههه بعدين يا ملووكه فرصه تزوجي شايب ويفطس واورثيه هههههههههه اجل يا فيووضه ابن المملكه مخلينه عشان مصلحه .. ايه بانت النيه اجل الدعوى مصالح مو حب لله وبالختام اسعدني مرورك اختي وشي حلو اعجبتك وهذا كل اللي اتمناه مع خالص ودي الهاوي |
|
|
|
03 - 12 - 2007, 08:23 PM
| #19 (permalink) |
| غلاتي الذهبي | ابن المملكه .. شفت البنات يقولون ما حطيناك معنا الا عشان سيارتك يعني مصالح شخصيه مو حب فيك ياخوي هههه بعدين لو انا منك كان شكيتهم وسجنتهم واخذت البيت هههههههههه <<< بيسبب بينهم فتنه هههههههه وماعليك ماني منحاش ولا شي انا وش دخلني هههههه انا زرتك وقلت لي وش صار لهم وانا قلت القصه وبس يعني المفروض انت اللي تنحاش لانك ملقوف وتقول سوالفهم للناس وفاضحهم هههههههه مع خالص ودي الهاوي |
|
|
|
03 - 12 - 2007, 09:32 PM
| #20 (permalink) |
| المراقب العام  | الهاوي الله يهداك وين اللي اتفقنا عليه على طول فتنت وقلت إني انا اللي خبرتك الحين انا كيف أرجع البيت شكلهم ينتظروني على الباب وكل وحدة ماسكة في يدها شي والمشكلة ما عند مكان أروح له يعني مهما لفيت مصيري راجع لهم الله يستر ،،، بس ما أوصيك أخوي الهاوي إذا ما كلمتك الليله بلغ الشرطة . |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| احذروا يا بنات | عـ ـطـ ـر الأمـ ـاكـ ـن | نواعم غلاتي | 31 | 26 - 03 - 2008 02:52 PM |
| نبذه عن مرادونا المملكه الموهوب -اسر جميع القلوب | خذاني الشوق | صدى الملاعب | 5 | 13 - 08 - 2007 02:03 AM |
| ازياء بنات | دلوعه بكيفي | أرشيف | 19 | 21 - 05 - 2007 08:52 PM |
| @@ بنات الماســــــــــنجر @@ | احلى مزاج | أرشيف | 10 | 13 - 12 - 2006 11:44 PM |
| فضاوة بنات | عــ ب ــث طفــ ل ــه | قصص الاعضاء | 34 | 01 - 11 - 2006 05:33 AM |
العرض العادي
