| |
| |||||||
| قضــايـا وآراء النقاشات تتسع’,,ووحده المنطق يكسب |
 |
| | LinkBack | أدوات الموضوع | انواع عرض الموضوع |
14 - 06 - 2007, 03:30 AM
| #1 (permalink) |
| غلاتي ماسي   |  المنتديات هل وضعت للمغازلة ام للاستفادة م انا هنا لم اشارك بقصيدة من قصائدي او قصائد غيري ولكن احب ان اطرح موضوع مهم بل في غاية الاهمية . وذلك بسبب الفهم القاصر من بعض المشاركين في المنتديات الذين يرون بان المنتديات وضعت للمغازل ومساواتها بالدردشة اقصد الغزل ( بناء علاقة حب كاذبة في مجتمعات لاتؤمن بهذا الحب مثل مجتمعنا المحافظ ( المجتمع الخليجي). لابد ان نقف ولو للحظة عند هذه الظاهرة الخطيرة الكثير من الشباب المنغمس في الرذيلة والفساد من كلا الجنسين يبحر في عالم المنتديات في جميع مواضيعها ... والكل يسعى علي حسب مقصده ونيته فيها .. ولكن تعدى الامر المعقول واصبح الغزل والكلام الذي ليس له معنى كثير ولا فائدة منه ... وهذا اراه في عيني في هذا المنتدي .. من مهاترات .. بين الجنسين واصبح الكل يفاخر بأن لدية صديقه وحبيبه .. ناهيك عن المسميات التي تنزل قدر صحابها عند اهل العقول واهل العلم والصلاح ... ارجو ان يبقى في الوجه شي من الحياء وهذا الكلام موجة للشباب خاصة وبعض الفتيات هداهن الله (برنامج 99اثار غضبي) يعيش المرء ما استحيا بخير *** ويبقى العود ما بقيَ اللُّحاء فلا والله ما في العيش خير *** ولا الدنيا إذا ذهب الحياء *(الموضوع مطروح للنقاش )*  |
|
|
14 - 06 - 2007, 01:36 PM
| #2 (permalink) |
| متميزة جدا جدا جدا   | موضووع هااام فعلا ... وكثير ما يحصل في المنتدياااات الاخرى سوء الفهم من الاعضاااء والخلط بين كلماات التشجيع والاعجاااب .. وذلك يرجع الى سؤ النيه من العضو عند بداااية تسجيله ومدى قصر فهمه من الهدف الذي جعله يشااارك بالمنتديااات .. وهذا اراه في عيني في هذا المنتدي .. من مهاترات .. بين الجنسين واصبح الكل يفاخر بأن لدية صديقه وحبيبه .. ناهيك عن المسميات التي تنزل قدر صحابها عند اهل العقول واهل العلم والصلاح ... فاااايز الهذيلي .. اهنئك اخوووووووي بغيرتك على هذا المنتدى مع اني ارى انه بعيدا عن هذا الاتهاااام منك .. وذلك ما المسه من الاعضاااء من خلال تواااجدي بينهم انهم على قلب واااحد ويحملون الاخوه بين بعضهم وان لم يخلو من بعض المجاااملات ولكنها لا تصل الى حد ما اتهمتهم به .. يعطيك العااافيه يالغلا ارجو نقل موضوووعك الى قسم القضااايا الساااخنه كي يلاقي الردود بما يشفى فضولك وغيرتك ولكي يملك الاعضااء مساااحه بالدفاااع عن انفسهم بما نسبته لهم .. وتصحيح وجهة نظرك .. تحياااتي "" |
|
|
|
14 - 06 - 2007, 03:22 PM
| #3 (permalink) |
| مشرفة سابقة  | اهلا وسهلا فيك موضووع جدا رائع ومثل ما قالت خيتووو وي وي انقله الي القضايا الساخنه عشان تشوف رد كل واحد ونيته في الكتابه ويمكن يكون بدون قصد او على سبيل المزح اما انا وجه نظري انا في هذا المنتدى هبال ودووووب ودووبه بس دووون نقصد على سبيل المزح والضحك  وان هذا المنتدى للراحه وتبادل المواضيع والردوود الحلوه بين الاعضاء فلا يوجد في هذا المنتدى اي غزل اواعجاب ولا تسيئ الظن بالاعضاء وعلى فكره منتدى غلاتي كلهم يد وحده وماراح تلقي مثل هذا المنتدى ومشكوووور مررره ثانيه على الموضوع الرائع وما قصرت ويعطيك الف الف عافيه عسااااك على القووه دووم البـــرنسيسه |
|
|
|
14 - 06 - 2007, 06:52 PM
| #4 (permalink) |
| غلاتي الذهبي    | هلا بك خيوو فايز شرفتنا .. بس الأحظ انك عممت على جميع المنتديات ومنها منتدى غلاتي وانها وضعت للمغازل صدقني اخوي فايز هالصفة او الفهم الخاطىء يرجع للعضو نفسه لانه ماعرف وشلوون تداااار المنتديات وطريقتها .. ومن طريقة كلامك اخووي فايز بااين انك معصب من برنامج 99 وجاااي تحط حرتك في هالمنتدى طييب هدي اعصابك وشووي شووي علينا ياغالي ^_^ واعتقد ان فيييه اشخاااص الحمدلله ماهم موجودين في منتدى غلاتي ماقدروا يفرقوون بييين الشاات وبين المنتديات .. واغلب رواااد المنتديات يبغوون يرفهون عن انفسهم شووي .. ويبغون يستفيدوون والأغلبية ماقدروا يستفيدوون الا لما سجلوا بالمنتديات ..!! وبالنسبة لمنتدى غلاتي انا راااح اتكلم عنه بكل صراااحه وماراااح اجامل على حساااب الأخرين او لأني من الأدارة .. صدقني اخوووي منتدى غلاتي اكبر من الشيء ذا واكبر من سالفة المغازل والمنتدى ماوضع الا للفائدة المرجوة من الأعضاء .. والحمدلله كل أعضاء المنتدى على قلب واااحد .. واذا انت قاعد تشووف الميانة بيين الأعضاء زااايدة فهذا يرجع للأخوة اللي بينهم وكل شخص يعتبر العضو الثااني أخو او اخت له .. وانت لو تلاحظ الموااضيع اللي في المنتدى خلاص صااارت الردود بسيطة وسلسة وقدرنا نكسر حااااجز الرسميااات بين الأعضاء وهذا مايعني أن اللي في المنتدى قاعديين يغازلوون ^_^ والله يعلم مااافي القلوووب يمكن فييه نااس تتصنع حب الأخوة وهو عكس ذلك .. وعلى فكرة اخوي فايز اتهامك خطير بس تشكر على نصايحك وهذا يدل على حرصك .. وكل الشكر لك اخوي فايز الهذلي على مووضوعك واتمنى انك تتقبل وجهة نظري بكل صدر رحب ^_^ ودمت بوود ياغالي .. التعديل الأخير تم بواسطة .:: سبنووخ999 ::. ; 14 - 06 - 2007 الساعة 07:19 PM. |
|
|
|
14 - 06 - 2007, 07:21 PM
| #6 (permalink) |
| قمة المنتدى و روووعته  | ياهلا فيك أخووي يسلمووووووووو ع الموضوع الحلوووو أخووي منتدى غلاتي راااااائع بمعنى الكلمة وجميع أعضاءه أسرة وحدة وكلهم أخوان وأخوات بذا المنتدى وكلهم محترمين وذوووق ولا بينهم المغازل والكلام الفاضي وبصراحه هذا الشي اللي خلاني اشارك بغلاتي والا كان ماشاركت فييييه . الله يعطيك العافييييييييية أخووووي وتقبل ردودنا بسعة صدر |
|
|
|
14 - 06 - 2007, 10:45 PM
| #7 (permalink) |
| غلاتي الذهبي  | هلا اخوووي تركي اتظن ان الاعضاء كفوا ووفو بالرد عليك لاكن انا عندي شي واحد بس ابيك تعطيني شي يدل على ان منتدى غلاتي يوجد بهالمغازل اومثل ماقلت انت وانا مابي امدح المنتدى ولا ابي اسوي ضجه الحمدالله غني عن التعريف بشهادة الاعضاء وجهة نظر اتمنى انك تتقبلها تحياتي اسير الاماكن |
|
|
|
15 - 06 - 2007, 12:29 AM
| #8 (permalink) |
| غلاتي مبدع  | مساااااااااااااء الخيرات للجميييييييع أولا: مشكوووور أخوي فايز فعلا موضوعك رووووعه ويشار له بالبنان من وجهة نظري الشخصيه وأنا شاهدت برنامج (99 ) وبالضبط الأسبوع الماضي أي الحلقه نفسها اللي أثارت غيرتك ,, وأنا معك قلبا وقالبا فعلا أحنا وصلنا وللأسف لحاله نخجل أن أحنا نشوفها في مجتمعنا بصراحه بعد الحلقه اللي شفتها والمقابلات اللي صارت فيها مع مجموعه من الشباب تمنيت أنه كل اللي شفته وسمعته يكون حلم والله العظيم على قد الخراب والفساد اللي أسمع فيه يوميا بالصحف ووسائل الإعلام عمري ماتخيلت موقف مثل المواقف اللي أنعرضت بالبرنامج أنا بس أفكر هذولا الشباب اللي كل واحد فيهم واقف وبكل شموخ وثقه وجالس يعترف بمهزلته وخرابه بالله عليه كيف قدر أصلا يقف أمام الكاميرا ويفضح عمره أحس أنهم جالسين يتكلمون عن ثقه ماحسيت أنهم ندمانين أو خجلانين ع الأقل بالعكس كل واحد فيهم يجاهر بالفساد اللي يرتكبه معقوله للدرجه هذي وصلت الحقاره في شبابنا !!! بصراحه أنا لما شفت الحلقه هذي عرفت أني كنت عايشه بسبات عميييييييق بعيد عن الدنيا .. والله العظيم أول حاجه خطرت ببالي وقتها هي موقف الشعوب الأخرى منا .. إذا شافوا المواقف هذي والشباب الصيع وفعايلهم وش راح يفكرون فيه ؟؟ كيف بينظرون للمجتمع السعودي ؟؟ كيف بينظرون للديانه الاسلاميه ؟؟ صرنا أحنا وللأسف نضاهيهم في وسائل الخراب .. ع الأقل هم عندهم خمر واغتصاب إدمان وقتل .... لكن أحنا ..............!!!! والله ماأقول غير على الدنيا السلام وبصراحه بعد المهزله اللي شفتها والتقارير اللي انعرضت بالبرنامج ماألوووووووووم الأجانب إذا ارتكبوا مايخل بالحياء عندنا بالسعوديه كيف لاااا وهم أصلا يشوفون عيالنا وشبابنا الخراب والفساد راكبهم من راسهم لرجولهم ..... (( أنوووه وأقول مو كل الشباب مو تجوني الحين وتحطونها ساااالفه لأني شلت ع الشباب السعودي وبعد أقول مو العيال وبس لفظ الشباب لفظ عام للعيال والبنات )) طبعا أنا عصبت وثرت وطلعت حرتي بموضوعك أخوووي فايز فلك عذري ... لكن بالنسبه لمنتدى غلاتي بالخصوص وهو رأس الموضوع وأتوقع الأعضاء تكلموا بما فيه الكفايه وكلهم ماشاءلله مؤيدين .. طبعا أنا ماراح أعارضكم لكن بنفس الوقت أقف موقف الأخ فايز وأقول وأأكد أنه غلاتي مثل مافيه أعضاء محترمين وينرفع فيهم الراس ,,, فهم كذلك لايخلو من النقيض .. أنا مابخص أحد بأسمه لكن اللبيب بالاشارة يفهم ...!!! وبعدين إذا أصابع اليد الوحده مو متساويه .. فما بالك بالبشر يعني معقوله كلهم بيتساوون بالأخلاق والآداب ؟؟! أرجع وأكرر أنا ماخصيت حد بعينه ولا ذكرت العيال دون البنات بالعكس يمكن البنات يفوقون العيال بالشي هذا .. لكن للأمانه هذا نااااااااااااااادر جدا مانراه بمنتدى غلاتي يعني بمعنى أنهم ينعدون ع الأصابع .. بعكس المنتديات الأخرى اللي من تدخلها لأول مره وأنت تلاحظ الفضايح والمصايب اللي تطلع لك من كل قسم .. لكن كلام الأعضاء اللي سبقوني بالرد كان مفهومه معنى واحد وهو انه غلاتي يخلو من هذا الجانب وأنا أعارضهم بهذا غلاتي مثل مافيه الخير فيه الشر لكن اللي يفرقه عن غيره أنه الأعضاء مايجاهرون بالأشياء هذي علنا أمام الملأ وهذا أحلللللللى شي إذا هم مو قادرين يصلحون أ نفسهم يعني كلامنا هو اللي بيصلحهم طبعا لااااا .. عشان كذا المهم لنا هو الظاهر وظاهر غلاتي ماشاءلله عليه مافييييييييييه أي كلام حلو وهادي ومحترم أما الأشياء اللي تحدث خلف الكواليس مانقدر نقول عنها غير الله يهدي الجميع ومثل مايقولون "اللي عقله براسه يعرف خلاصه" أعتذر عن الإطاله والهذره الزايده بس من الفظاوه حبيت أطلع حرتي بحلقة برنامج (99) والأخ فايز فتح لي المجال بموضوعه.. بالنهايه هذي تظل وجهة نظر شخصيه تعبر عن رأيي أناااا ولكم رفضها ..... مع احترامي لرد الأخوان والأخوات: وي وي .. البرنسيسه .. سبنوخ ..احساس لؤلؤه .. دلوعه بكيفي .. أسير الأماكن أختكم/ متلثمه بشماغ أبوها |
|
|
|
15 - 06 - 2007, 01:37 AM
| #9 (permalink) | |
| مراقبة سابقة  | هلا فيك اخوي على الموضوع وانا مع اخوي اسير الاماكن اقتباس:
| |
|
|
|
15 - 06 - 2007, 04:17 PM
| #10 (permalink) |
| غلاتي الذهبي | طرح رائع اخ فايز لكن اتهامك خطير نوعا ما وانا والله مالحظت هالشيء بغلاتي علشان كذا أنا مصرة اكون فيه الكل يتعامل مع الآخر بمحبة ومودة انت ماشفت المنتديات الآخرى والفضائح اللي فيها والإنسان هو اللي يفرض احترامه للجميع وهو اللي ينقص من قيمته وإذا كان على برنامج " 99" للأسف نحن مجتمع ينقصنا الوعي والفهم الحقيقي للعلاقات بين الطرفين , نحن كمن خرج عن نطاق السيطرة وأخذ يلهث وراء وهم رضا الطرف الأخر حتى رغم عدم اقتناعنا بما نفعله , فنحن نفتقد القدوة , ونفتقد البديل , والموضوع يطول شرحه . واشكر غيرتك اخ فايز , وجعل كل الشباب في مثل فكرك ونبض قلمك . وتقبل اعجابي بما احتواه فكرك قبل تحياتي اخي الفاضل : فايز |
|
|
|
15 - 06 - 2007, 11:59 PM
| #11 (permalink) |
| مشرف سابق | السلام عليكم جميعاااااااااااااااااااااااااااااا أود أن أحي الأخ كاتب الموضوع(فايز)أحييه وأشجع فيه روح الصراحه والشجاعه وأد أن أكول أن مو كل المنتديات بنفس النفس والفكره المرجوه من المنتدى ,(وان مو كل الأصابع متساويه)كما يقول مثلنا العربي,أي ان أمام هاي الناس الكثير من المنتديات والمواقع والأنسان العاقل يمشي مثل مايكول مثلنا العربي(عقله براسه ويعرف خلاصه)وكمان أكول مثل مايكول مثلنا العربي (كل أناء بالذي فيه ينضح)وبالآخر خلينا كلنا مرتاحين البال ونعمل بما قاله رسولنا الكريم(من رأى منكم منكرآ فليغيره بيده فأن لم يستطع فبلسانه وأن لم يستطع فبقلبه وذلك أضعف الأيمان)و وبالآخر بودي أحي كل أعضاء غلاتي الغاليين دوم أن شاء الله وأن يحفظهم من الأنجرار وراء هذه !.!.!.!.!.!. حفظ الله الجميع وهداهم جل هدايته يله خلينا كلنا نكول آميييييييييييييييييييييييييييييييييييييييييييييييي يييييييييييييين. |
|
|
|
16 - 06 - 2007, 12:09 AM
| #12 (permalink) | |
| مشرف سابق | اقتباس:
| |
|
|
|
16 - 06 - 2007, 12:37 AM
| #13 (permalink) |
| غلاتي ماسي | اشكركم جميعا على الرد الرائع الذي اتصف بالموضوعية ملاحظة : انا لااتهم هذا المنتدى ولكن هناك من الاعضاء من يردون على مشاركات البنات دون العيال وهاذي قلة ادب بصراحة وغباء لانه يبين نيتة الخالية من الصدق ( لكن ابقول لمثل الشكال هاذي انسى الموضوع ياغبي ) والي على راسه بطحاء يحسس عليها ههههههههههههههههههه |
|
|
|
16 - 06 - 2007, 03:37 AM
| #14 (permalink) | ||
| غلاتي الذهبي | هلا بك خيوو فايز الهذلي .. اخووي انت الحين تتهم الأعضاء انهم يعاكسوون عشانهم ردوا على مواضيع البنات دوون العيال طيييب ليه هالأتهام ومن وين انبنت عندك هالفكرة .. يعني انت بنظرك ان هذا مغازل طيب كل عضو وحر بردوده يرد على اللي يبي مداام ردوده مافيها شي من الكلام الغزلي ومن قلة الحياء .. وبعدين اخووي فايز احسن الظن بأخوانك الأعضاء ومهما صاار ذوولي بمكانة اخواانك واخوااتك يعني اتهاماتك خطيرة وتمس سمعة العضو .. وبعدين انت قاعد تقوول انك مااتهمت منتدى غلاتي بالمغازل وقلة الحياء وشلوون تنكر هالشي وانت كاتبه بموضوعك ,, اقتباس:
يعني كلامك متناقض اخووي فايز والظاهر انك تمشي على مبدأ المثل اللي يقوول (كذب كذبة وصدقها ) .. واسمحلي اخووي فايز كلامك متحوول ومتنااقض ومافيه ادنى فكرة عن الكلام اللي قاعد تقووله يعني انت كاتب المووضوع بعصبيه من جرااء شحن نفسي وعصبي من برنامج 99 واتهمت الأعضاء زور وبهتان ومسييت سمعتهم وسمعة المنتدى ,, ومااقول الا الله يسامحك ويهديك ,, وعلى فكرة اخووي في ردك الأخير تحوول كلامك من كلام ناقد مووضوعي وصريح إلى كلام هزلي .. اقتباس:
يعني بالله عليك هذا كلام ناقد وكاتب يدعي المثالية باطروحاته أمرك غريب اخووي فايز يعني أنت كتبت مووضوع رااائع وكلنا شكرنااك عليه وناقشناه ومافي اي رد من ردود الأعضاء مسك أو أساء لك .. وانت تحوولت تحول جذري وتحوول غريب من الكاتب الناقد إلى الكاتب الهزلي بردودك الغريبة .. واتمنى أنك أنك تتقبل وجهة نظري بكل سعة صدر أخووي فايز لأنه مهما كان الدنيا بااقي بخير .. | ||
|
|
|
16 - 06 - 2007, 12:10 PM
| #15 (permalink) |
| غلاتي جديد | [align=center]ما ازيد على الي ذكروه الاخوان والاخوات لأنهم كفو ووفو.. لكنـ... مثل ما قال البعض الي يريد المغازلة يلقها بالف طريق وطريق.. أما المنتدى ما سجل غير إنه يبي يفيد غيره ويستفيد انا معكـ في ان بعض الاخوان والأخوات في بعض المنتديات ماسجلو غير للعب والعبث لكن يضل كل واحد يعمل بدينه واخلاقه في الصد لمثل هذي النماذج...وفي بعض تلقى ردودهم حلوه لكنـ ما فيها غزل بل مثل ما قالو الاخوان والأخوات هذا لانهم اعتادو على بعض انهم مثل الاخوان.. تسلم أخوي موضوعكـ من جد رائع وجاء لتوضيح اشياء كثيرة رغم تعصبكـ الي ضاهر على مثل ذيكـ النماذج لكنـ معكـ حق.. لكن اكيد ان موضوعكـ مو شامل لكل الاعضاء بل القليل منهم.. واعتذر عن الإطالة..[/align] |
|
|
|
25 - 03 - 2008, 03:17 PM
| #17 (permalink) |
| غلاتي ماسي |  رد على سبوووونخ... شكرا لك من القلب يامؤدب اشكرك اخوي عل سبك لي او بالاحرى الدق بالكلام (كذب كذبة وصدقها ) .. واسمحلي اخووي فايز كلامك متحوول ومتنااقض ومافيه ادنى فكرة عن الكلام اللي قاعد تقووله يعني انت كاتب المووضوع بعصبيه من جرااء شحن نفسي وعصبي من برنامج 99 واتهمت الأعضاء زور وبهتان ومسييت سمعتهم وسمعة المنتدى ,, ومااقول الا الله يسامحك ويهديك ,, ــــــــــــــــــــــــــــــــــــــــــــــــــ ــــــــــــــــــــــــــــــــ ارد عليك ياسبووووووونخ من المعصب انا ولاانت هههههههههههههههههههههه عموما شكرا على الشتم يامؤدب وهذا ان دل انما يدل على الادب والاخلاق الي تربيت فيها ... انا مااتهمت عضو بعينة بس بذمتك .. تقدر تنكر انه مافي احد في المنتدى هذا في باله هاذي الفكرة المغازل ( وترى انا مااجيت من المريخ على الارض على طول يعني بالعربي نعرف اللف والدوران ههههههههه  |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
العرض العادي
