احلى مزاج

لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبر خطا.. لو جيت يمـك اصـــــالحـك
اول تحـوّل .. لاتـغـرّك إلحـــــــــــونـك


اللي تقوله صح .. لو كنـت جــــارحـك
( مير ) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنــــــــونـك


ماتستحـق امـد (كفـي)واصافحـك
مثلك غلط عمري وابحيـا بــــدونـك


لعبـت دورك شاهـدتٍ مسـارحـك
خدعتنـي واظهـرت خافـي فنونـك


كنت اعتقد قلبي هو ابرز مطامحك
اللي يبيـع النـاس لجلـه يصــــونـك


تعبت اسوق الشوق يمك واصارحـك
اخلصت لك بالحب شوفت عيـــونـك


لكن خساره صرت غايـة مصالحـك
ياليتنـي ماجيـت لحظـه بكـــونـك


بالامس كنت بنشوة الحب امازحك
اخيـل برقـك واتحـرى امــــــزونـك


واليوم من صفحة حياتي ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك وانسجن لي كفونـك


وان جيت تطلب ترتجيني اسامحك
بهديك طعنه مـن بقايـا طــــعونـك



========================

تحياتي للجميع

احلى مزاج