كنت عند خالتي في يوم من الأيام ...
وخالاتي كلهم رايحات للسوق
وأنا صيغوووور يعني في ثاني ثالث ابتدائي
وتقول بنت خالتي يالله نروح للبقالة !!
طبعا ماقد طلعت من البيت للحالي
وبعد مناوشات وتخطيط
وافقت وأنا مارتحت
طلعنا من البيت وكانت البقالة على شارع السويدي العام في الرياض
وزحمة مرة وسيارات وحوسة
وقبل نقطع شارع السويدي أقول لها خن نرجع خن نرجع
وهي واثقة
وتوكلنا على الله وقطعنا
ومادري بالضبط وش شرينا
وفي الرجعة كانت الكارثة
قطعت الشارع أنا وإياها وتأخرت عني شوي
ويجي راعي كابرس قديم مسرع ويصدمها
والحمدلله كانت الصدمة بزاوية السيارة
وحصل كسر في رجلها وكدمات بسيطة
وأنا في هالموقف مذهول ودموعي أربع أربع
صغير وماقد شفت شي زي كذا
وجاء الإسعاف وأخذها ودليتهم أنا على البيت وجاء واحد من المتفرجين وعلم أهلي السالفة
وأنا جاني من الهواش والصراخ
طبعا ماكان الخطأ مني
والحمدلله مرت سليمة
وش رايكم مواقف على الثقيل !!!
|