|
|  شارك بذكريااتك القديمه
| مرحبا اعضاء رجالا ونساء
كيفكم قبل الاجااازه
انا قريت قصيده عجبتني ولاتقولون حطيها في قسم القوافي لانها مو هي الموضوع الرئيسي
الموضوع انا يوم قريتها على طول جاتني فكره ان كل عضو يدخل يكتب شي من ذكرياته مع الشطانه وهو صغير
المهم ما لكم بالطويله وشوفو القصيده وعلى اساسها اكتبوا شطانتكم """ وان شاء الله الموضوع يعجبكم
نسيتي المزح في الصفه ""نسيتي اللعب والطبه
نسيتي غتره الململ "" تغطيني تقل جبه
نسيتي فضلة القرصان ""سباق يمه نلمه
نسيتي ازعاجنا لامك ""وهي في الحوش منكبه
نسيتي صويلح الماصل ""نسيتي خرطه وسبه
نسيتي سوير الخبله"" تشيل التراب وتكبه
نسيتي نخل جدتنا ""نسيتي الطين نزلق به
نسيتي قولك معصقل ""وانا اعيرك يا الدبه
نسيتي تمرة الجصه"" نشيل الدبس ونكبه
نسيتي معلف ام حسين "" تصفينه وانا اكبه
نسيتي ثوبك التنتر "اغيضك والقط بحبه
نسيتي الفكس والفازلين "" نهج عنه ولا نحبه
تبيه امك لرجليها "" وحنا نهوش ونسبه
نسيتي طيحتك باليل ""وهي ظلما وانا السبه
تجي امك تهاوشنا "" تحط بعيوننا الشبه
نسيتي كحة المذن "" يتنحنح وده اينبه
نسيتي تريكنا المحلي "" اغسله قبل ما اشبه
دعينا الله قبل العصر "" يجيب التيس نلعب به
نلاحقهابوسط الحوش "" مع ركضه تغبر به
نسيتي صبة المرزام"" يصب الماء ونسبح به
نسيتي الفقر اوصف لك"" زمان ربي اعلم به
نسيتي كيف تنسينه "" دخلتي العز من جنبه
لقيتي الدش والتلفااز"" مع المكياااج ما احبه
طلبتي مبيض وبودر ""بدل ديرم بدل كحله
ابي الفردوس في بالي مع المختاار مع صحبه
"""""""""""""""""""""""""""""""""""""""""""""" "
وسلامتكم ان شاء الله اعجبتكم ؟؟ بس لاتنسون ذكرياتكم مع ولد الجيرااان او بنت الجيرااان
او اي شي من ذكرياااتكم الحلوه يا حلوين "" واي كلمه ما فهمتوها استفسرو عنها لا تستحون
تحيااااتي "" | |