 في موضوع محيرني وابغى مساعدتكم ورأيكم..ممكن
أنا صارلي موقف مع اخت زوجي ومن ذاك اليوم تقريبا الحوار منقطع بيننا بس سلام لو اتكلمنا وبس حتى لما اروح بيتهم ما تقعدمعايا تقريبا لوتبغى توجه كلام لزوجي أو أمها.....
المهم في يوم من الايام قالتلي ابغى احضر حفلة تخرج صحباتي تجي معايه قلتلها اوكي وجات ولبسة من عندي ملابسها وطلعنا سونا المهم اننا اتفقنا على موعد محدد في الرجعة فلما جيت اقولها يلا نمشي مارضت وكلمت امها على اساس ترجع مع صاحبتها ومارضيت المهم واحنا جاين نطلع مارضيت وقعدة تدمع عيونا وتقول ابغى اروح بيت ابوي وابوه وامها منفصلين فانا مسكتها من يدها بحسن نية زي لما امسك مثلا صاحبتي واقولها يلا نروح المكان الفلاني وقلتلها ممكن نمشي وتبيتي عندي اليوم وبكرة اوديك بيت امك ............فابغى اعرف هل انا غلطة في هذا التصرف وانا ابغى ان العلاقة ترجع طبيعة لانها اخت زوجي وغير كذا راح تكون عمة اولادي وراح تكون مقابلتنا كثيرة وما ابغى الوضع كذا..........
وسلامتكم
|