¸•°ألمــآس°•¸

الفصل الثاني ..

بمطار الكويت ..

الاء و جمانه و ياسمين .. كانو متحمسات حيل .. زين ما ينطون ..
كان جمالهم رائع و يلفت النظر .. و طبعا ثلاثتهم من النوع الغير متحجب .. بس كانو ملتزمين بالصلاه و الصدقه .. و
و كل وحده لها شخصيتها .. الحلوه ..

ياسمين .. مزاجيه .. متى مالها نفس تضحك اضحكت .. و متى مالها نفس .. تصير نفسيتك مثلها ..
اما الاء .. فكانت ارق البنات و اكثرهم رومانسيه .. كانت خياليه .. تحب انها تحب الغير .. و مشالله جمالها .. و كان شعرها لي الظهر ..
اما جمانه .. كانت وا
قعيه .. و ما تتحمل .. نقطه ضعفها الحب .. هي تحب ولد عمها .. بندر
لكن هو ما يعطيها وجه ..
ويحب بنت خالته سعاد .. فالحين تحاول تنساه ..
و قبل لا انسى واايد عصبيه .. جمانه ..

اما الشخصيات الباجي ما نسيناهم .. و راح نذكرهم بس صبرو شوي ..

ــــــــــــــــــــــــــــــــــــــــــــــــــ
الاء و جمانه يحاولون يراضون ياسمين ..
و كانو ثلاثتهم .. قاعدين بكرسي مال الانتظار ..
و هم يتكلمون قاطعهم صوت رقيق و لما شافو صوت منو .. منو تتوقعون ؟

هنادي : لو سمحتو..
ياسمين : هلا حبيبتي ؟
الاء : هلا اختي ؟
هنادي : ممكن اقعد شوي يمكم .. ا
جمانه : فيه مكااان هناك .. قعدي هناك احسن لج
ياسمين: انتي جب ... اوه اسفه مو انتي اختي اكيد تفضلي ..
الاء : اسفين والله شوي شجار بسيط بين الهبلتين ..
هنادي :هههه لا عادي .. تسلمون
(هنادي من النوع الرقيق والي بالقصب تسمع صوته.. و ما تقدر تغلط بحق احد كلش ملش .. )
هنادي : انتو بتسافرون وين ؟
جمانه مع لقافتها : لندن .. وانتي ؟
الاء : انتي يا الملقوووفه .. سكتي كانت تكلمني .. مو جذي ؟
هنادي و هي تبتسم : اكلم الكل انا ..
جمانه:عندج اخو نقز فيه ؟
الاء : هي انتي الحين البنت تاخذ فكره عنا
هنادي : لا عادي .. شوفي يا اخت .. اه اوه ما تعارفنا .. انا هنادي ..
الاء : و انا الاء بس الكل يناديني الوووي
جمانه : و انا جماجم.. اي (طقتها الاء شوي شوي على راسها)دلعي هذا انا جمانه ..
و تمت ياسمين ساكته ..
هنادي ..: و منو الحلوه الي هناك ..
الاء : ما عليج منها يعني زعلانه ..
هنادي .. قامت و راحت يمها تقعد :ليش الحلوه زعلانه ..؟
ياسمين : ها .. منو .. نادو الطياره ( كانت البنت سرحانه ..
الاء : شكلج اتفكرين .. بحمد .. مو جذي قلنالج انسيه .. خلاص
ياسمين : اوه اسفه .. انا ياسمين .. و انتي الووي حسابي معاج بعدين ..
الاء : يمه خوفتيني ..
طالعتها ياسمين بنظره خلتها تسكت ..
هنادي بإبتسامه: انا هنادي ..
و لا قاطعهم صوت .. بنت ..
عبير و سندس:لو سمحتو ممكن هنادي شوي ..
جماانه بعصبيه مصظنعه ..: لا مو ممكن .. ( مسكت ايد هنادي .. ) يالله باي
عبير و سندس ..: ناظرو بعض بإستغراب و في نفسهم (شفيها هاذي ..
جماانه : شنو ناطرين مو قلتو تبون هنوود يالله اخذووها .. اتغشمر معكم انا جموم ام الجماجم .. ههههههه
عبير و سندس ناظرو بعض و قالو بنفس الوقت .. و نفس الكلام : وناسه انتي مثل اخبالنا ... هههههه
عبير : انا عبير ..
سندس: و انا سندس لكن الاطفال يسموني ثندث
جمانه : و انا جماااانه هههه نايس تو ميت يو ثندث و عبير ..
عبير و سندس مثل التوائم .. هم روح بالروح .. كل طلعه مع بعض ..
و حتى كلامهم نفس الشي ..
عبير و سندس و جمانه صارو يسولفون جنهم يعرفون بعض من زمان ..

و هنادي و الووي و ياسمين .. يسولفون ..
و بعد شوي نادو اسم الطياره ..
و الكل سلمو على الثاني و تمنو ان يشوفو بعض ..

********
في الطياره
كانو متفرقين ..
كل واحد بصوب قاعد ..

كل واحد و يمها غريب ..
ما تعرفه ..

ياسمين .. و كانت تفكر بالغالي .. حمد حبيبها ولا يقاطع تفكيرها صوت خشن

حسين : لو سمحتي ممكن تبدلين مع الي قاعد هناك .. ؟
ياسمين : لا مو ممكن .. الحين انقلع عن وجههي..ز
حسين انقهر .. و ما رد عليها .. و قعد
ياسمين : نعم قلنا لك لا شتبي .
حسين : مكاني بعد شبي .. لا ابي شبس ... لا حليب السعووديه هههههه
ياسمين حبت شخصيته لكن حسته مليق :اقوول انقلع اذا تبي ترقمني ..ما اقولك الا احلم
حسين : تعجبني الثقه .. انا مو من هاذا النوع.. هذا مكاني ..
ياسمين : اف عيل بتكون اسوأ رحله بحياتي ..
حسين : الله يعينج ..ههههه ههههههه هههههه هههههه
ياسمين : اف والله مشكله
ـــــــــــــــــــــــــــــــــ
اما الاء .. بالطياره اسكتت .. لأن الي يمها مبين مغازلجي ..
الشاب 1: اه بموت من الجمال
الشاب 2:رووعه ..حبي انتي بعد عمري انتي ..
الشاب 1:اموت و اعرف رقمج .. حياتي انتي
الشاب 2:انتي مصريه اكيد
الشاب 1: انطم انت انتي لي و حدي با اامر ..
جان صوت قاطعهم ..
عيسى : مو جنه عيب تغازلون جذي .. احسن لكم تذلفون هناك ..
الشاب1 : و منو انت عشان تقول جذي .. ؟
الشاب 2: لا يكون خطيبها و انا ماادري ؟
و ظلو يضحكووون عليه
عيسى : اي خطيبها عندك ماانع ..
طالعته الاء .. مستغربه منو هذا بعد الثاني ياي يغازل كلش مو وقته ..
الي كان يم الاء .. قام خاف .. و مع شكله جنه رياضي ..
قعد يمها ..و كلمها
عيسى :اسف اختي على الكلام .. بس ما حبيت اخليهم جذي .. لان لو انتي اختي جان ما رضيت يصير جذي لها ..
و لف وجهه ..
الاء : لا عادي اخ .. اه. انا الاء
( هي تسوي روحها مو قصدها .. بس هي متعمده جذي )
عيسى : عيسى انا
الاء : عاشت الاسامي .. المهم مشكور اخوي عيسى .. و جزاك الله الف خير
عيسى : لا عادي ..

عم السكوت بينهم ..

******************
عبير و سندس يم بعض .. و ظلو يهذروون لين ناااموو ..

******************
و اذا تعرفون شكل الطياره ..

الي يم النوافذ .. مقعدين .. و بعدين ثلاث مقاعد .. و بعدين مقعدين ..
كانت جمانه قاعده بين الثلاث مقاعد و هي بالنص ..
جان ايي اثنين ... جمانه قالت اكيد ربع ..
علي : اختي ممكن تقعدين هناك .. ابي خويي يمي..
جمانه حبت تعاند : ..........
علي :هي انتي انا اكلمج ...
جمااانه : ...............
جاسم : اخاف صمخه و احنا مثل الهبلان نصارخ ..
جمانه بصوت واطي ما ينسمع :لأ
جاسم : هااا شنو قالت .
علي : و انا شدراني ..
جمانه : قلت لا مو عادي ..
علي عصب: مالت تعال تعال مالك شغل فيها .. خل تنزعج من سوالفنا احسن
جاسم: ان ما خليت يومج يصير اسود ..
علي : بنأذيج حتن لما بتنامين ..
جمانه تبي تقهرهم : نعم ما سمعت شنو قلتو .. عيدو كلامكم ..!!
علي ويهه صار احمر .. و عصب ..سكت و قعد يم جمانه
و تم جاسم واقف .. : و انا وين اروح ..
علي:اقعد يم هاذي الهبله بعد شنو نسوي ..
جمانه :لو سمحتو عن الغلط ..
علي يتطنز عليها : لو سمحتو عن الغلط مالت ..
جمانه تفشلن و تمت ساكته طول الوقت ..
************
هنادي .. قعدت بمكانها .. و لا تشوف اثنين يمها ..
هنادي : السلام عليكم
احمد و مساعد : و عليكم السلام ..
احمد اعجبه جمالها :انتي يايه تدرسين ..
و هنادي هم اعجبه .. : اي و انت ؟
احمد : اي حتى انا .. عيل بنلتقي هناك .. مادام بنلتقي .. انا احمد
هنادي : اهلا احمد ..
احمد : ممكن اعرف اسمج ..
هنادي :لا للاسف مو ممكن ..
احمد انحرج .. : اوكي اسف على الازعاج
هنادي :ولو .. ماكو ازعاج
مساعد .. ما قدر يكتم ضحكته ..
مساعد :ههههههههههههههههههههههههههههههههههههههههههه
احمد : شفيك ؟
مساعد :واضح عليكم انتو الاثنين
احمد و هنادي : شنو الي واضح .
مساعد : الاعجاب ههههههههههههههههههههه
هنادي صار ويهها احمر مثل الطماط .. و احمد انحرج ..
مساعد : اخلي المعجبين بروحهم ..
احمد : لوين يا اخ ..
مساعد : برووح انتحر .. يعني وين .. دوره المياه .. ااف حتى الحمام الله يعزكم .. لازم استأذان .. والله اخر زمن ...
احمد ناظر مساعد بنظره .. خلته ينحاااش ..

*****************
وصلو بعد تقريبا 4 ساعات ..

البنات .. قررو كلهم بشقه وحده ..
اما الشباب يعرفون بعض لكم .. مو من النوع القريب ..

ـــــــــــــــــــــــــــــــــــ

راح اتبعه .. لكن الحين تعبت .. كونو على انتظار ..


الــــــــــمــــــــاس