مشكووووووووورين على المروووووووووووور
وبدال الجزء جزئين
الجزء الثاني
وفي العين المول
مريوم و ام احمد يمشن جدام وراهم الهنوف وفطوم وكانن بسيرن الطابق الثالث
ومريوم وام احمد ركبن الدرج المتحرك ويسمعن مرة وحدة صراخ
ام احمد ومريم التفتن وراهم وانصدمن بالهنوف وفطوم يتهاوشون ويا شلة شباب وراهم وسكن العين المول مرة وحدة وكل الناس يلتفتون على مصدر الصريخ
الهنوف: انته ما تستحي على ويهك غصب الواحد ياخذ رقمك
واحد من الشباب: اصلا انتي تتمنين رقميه
الهنوف: بذمه شفت عمرك بالمنظرة
فطوم : الهنوف خليه يولي ما فينا على الفضايح
نفس الشاب: شفتوا هالهنتين من حديقة الحيوانات (بصوت عالي وياشر عليهن(
الهنوف: وشفتوا هذا قرد شارد من حديقة الحيوانات ( وكل من المول ضحك عليه(
وسارن الهنوف وفطوم فوق عند امهم وخلوه يتحرطم ويا عمره
مريوم : يخربيت عقلج يا الهنوف تريي الهزبة من امي
ام احمد هزبت الهنوف وفطوم وقالت حقهم يلا على البيت
وفي السيارة
فطوم : امايا شو يخصنا عشان تعصبين علينا هو الي بدى
ام احمد : ولو جان سكتن لازم تفضحونه عند العرب
فطوم : انزين ماماتي حبيبي لا تزعلين
ام احمد : انا مش زعلانة بس ما ارضى كلام الناس عليكم
ويرن تلفون ام احمد
ام احمد : الو
ابو احمد : الو السلام عليكم شحالج
ام احمد : الحمد الله يسرك الحال
ابو احمد : تعالو بيت اماية عشان نتناقش عن حجز عرس احمد لا تتاخرون
ام احمد : انشاء الله الحين يايين مع السلامة
وتسكر ام احمد التلفون وتقول حق الدريول يسير بيت ام جمعة
مريوم : ليش امايا
ام احمد : ابوكم هناك يبا يتناقش وياهم عن حجز عرس اخوكم
فطوم : عيل خليني ادق حق ميثانة عشان تي هناك
فطوم ادق من تليفونها حق ميثة ( كل وحدة من البنات عندها مبايل (
فطوم : الو مرحبا
اليازية : مرحبتين شحالج
فطوم : الحمد الله شحالج حرمة اخوي
يزوي : الحمد الله يسرج الحال
فطوم : هني ميثانة
يزوي : هي لحظة
ميثانة : هلا والله شحالج
فطوم : الحمد الله شحالج انتي
ميثانة: يسرج الحال
فطوم : اقول حياتي نحن الحين بني بيت يدوه تعالو هناك
ميثانة : انشاء الله بتلبس و بيي
فطوم : اوكي يلا مع السلامة
ميثانة : مع السلامة
وفي كرفور
حامد ومحمد واحمد ولد عمهم وربيعهم منصور يالسين في ستار بكس ويسولفون ومرة وحدة يلتفتون لبنتين داخلين ارواحهن وبعد مسافة بسيطة وراهم اثنين من الشباب
منصور :قومو نرقمهم قبل هالشباب الي وراهم
حامد : شو تبى فيهم يمكن اخوانهم هذيلا
منصور : بلا غباء اخوانهم بمشون وراهم يلا قومو
محمد واحمد : طبوهم
منصور : عاد انا مزاجي يقولي قوم وراهم يلا قوم حامد وياي مافي فايدة منهم
احمد ومحمد : كيفكم يعلكم تتفشلون
حامد ومنصور قامو ورى البنات وتعرفون حركات الشباب ورقومهم
وبعد فترة قصيرة مايحس منصور الا بدحة قوية على ظهره بغت اطلع روحه وعقته على الارض وطاحت سفرته
منصور : قوم حامد انسير الحمام طاحت السفرة انعدلها
حامد : انته فسالفة سفرة الحين ولا هذا الي شكله جثة قوم بس
منصور : انته شو عندك يالس ادفر خلق الله
الشاب : انته الي مش حاشمنا يالس ترقم اخواتي جدامي
منصور : والله محد قالك تمشي وراهم
وقعدوا يضاربون وعقب كل راح في طريجه وسار حامد ويا منصور عند احمد ومحمد واول ماقعدوا نقعو احمد ومحمد عليهم من الضحك
وفي بيت اليدة الكل متيمع
بيت اليدة الي هي ام جمعة ساكنه وياها بنتها نعيمة ونعيمة عندها ولد من ولد خالتها وبعدين اطلقت
اسم ولدها فهد 22 ومتزوج وحدة من راس الخيمة اسمها عايشة وبعدين اتزوجت نعيمة من اخو ام احمد اسمه خالد يابت منه بنت اسمها فاطمة وهي اول روضة وكان خالد معرس ويايب ولدين وبنت وبعدين اطلق وتزوج نعيمة
وكان عيال ام جمعة كلهم موجودين
بنتها النعيمة وسلمى وعيالها وابومبارك وعياله وابو احمد وعياله واتفقو على ان العرس في شهر واحد لان الحين الصيف وزحمة وايد واتفقو بكرة كلهم يجمعون ويتعشون في العزبة وكلن تعشى وراح بيته
بس الهنوف وفطوم ومريوم بسيرون بيت ابومبارك وعقب بيخطف عليهم احمد اخوهم
وفي بيت ابو مبارك
يالسين مريوم وفطوم وميثانة يسولفون ويا بعض والهنوف واليازية يسولفون بروحهم
فطوم : اقول صليتن
مريوم وميثة : لا
فطوم : يلا عيل انقوم انصلي
وسارن غرفة حامد يصلون لانها اقرب غرفة حقهم وهو عند ربعه الحين
بعد ما خلصن الصلاة
مريوم : اف منج الواحد مايعرف يصلي رحمي تليفونج وشحني تلفونج
ميثة:هاتي فطوم تليفونج بشحنه جرج حامد
فطوم : اوكي
ميثة : تعالو براويكم صور منصور حبيب قلبي (منصور ربيع حامد ومحمد اخوان ميثة ويستوي ولد يرانهم وميثة اتحبه من يوم سوت الحادث ووداها المسشتفى من سنتين تقريبا ومنصور ابيض وملامحه جنان وهويدرس وياهم بكلية الشرطة(
فطوم : حلو ما شاء الله عليه بس مش احلى من حامد
مريوم : يا ويهج اكيد حبيب القلب بدافعين عنه اقول ميثة ما يخصني باخذه حقي
ميثة : الحقوق محفوظة حقي لا تحاولين تتعدين حقوقج خلونا نطلع الصالة قبل ما ايي احد
سلطان : فطوم
فطوم : شو حبيبي
سلطان : محمد يريدج برع
فطوم : محمدشو يباني قومو خلا انسير عنده
مريوم وميثة : يلا انسير
وطلعن برع لقوه يسولف ويا واحد من ربعه في التليفون
محمد : اقول يلا باي بخليك الحين عقب بدقلك هلا والله بشيوخ اشحالكم
فطوم ومريوم : الحمد الله يسرك الحال
مريوم : اقول بسير اشرب ماي وبيي اوكي( وسارت داخل الفلة(
فطوم : امر محمدوه بغيت شيء (فطوم تعز محمدوه شرات احمد اخوها ومستحيل تفكر فيه مثل حبيب ومحمد نفس الشيء(
محمد : لا بس تولهت على سوالفج وينج محد يشوفج
فطوم : والله ادل بيتنا
محمد : اقول قررت ارحمج واحن عليج وقلت بظهرج باجر
فطوم : قول والله ما اصدق
ميثة : يا الهبلة باجر بنسير العزبة
فطوم : هي والله صدق
محمد : خلاص عقب باجر
فطوم : لا ما اصدق انته محمد ولد عمي
محمد : لاوالله
فطوم : انزين وين بتواديني
محمد : بوديج يا طويلة العمر المبزرة وعقب بعشيج في مطعم وافكر اذا ماشيء زحمة بوديج السنيما
فطوم : محمدوه انته متاكد مش شارب شيء
وفي المطبخ
مريم يالسة اتصب ماي ومرة وحدة يدخل بروك من باب المطبخ ياي من الشغل
بروك : السلام عليكم
مريوم من سمعت صوته لا اراديا طاح الكوب من ايدها وانكسر
مريوم : وعليكم السلام والرحمة
بروك: يا الفارطة ما اتعرفين تمسكين الكاس عدل تبيني اعلمج كيف
مريوم: لا مشكور بس كان المكان هادي وانته دخلت مرة وحدة (استحت مريوم وحمرت خدودها وانصدم بروك يوم شافها احمرت (
بروك: شو تفكرين باحلامج الوردية
وفي هذي اللحظة رن تليفون بروك وظهر برع ويوم رد ما حصلها
وفي الميلس
الهنوف: انته ليش حاط دوبك من دوبي سير فطوم برع تراها يالسة ويا محمد
حامد : سيري يالخبلة لا اتشل محمد عنج
احمد: اف منكم انتو ما اتخلون الواحد يعيش بجو رومنسي
يزوي :استحت وحمرت
احمد : يالله حبيبي الحين بخليج وعقب بدقلج
يزوي : مع السلامة الله يحفظك
احمد : ويحفظج حبيبي حقي يلا الهنوف انسير
الهنوف : يلا
وطلعو احمد والهنوف برع عند قوم فطوم
محمد : الساعة سبع بكون عندج وبدقلج بس 3 هرنات اذا ما طلعت والله بسير عنج
فطوم : من الساعة ست ونص عيل بكون جاهزة احسلي
محمد: ترى هاي اول مرة واخر مرة
احمد : يلا بسكم سوالف ورانا دوام باجر الصبح
وسارو قوم احمد بيتهم وعيال ابو مبارك كل راح غرفته
حامد دخل غرفته وغير ثيابه بيرقد وتذكر انه تليفونه ما في بطارية وراح يحطه في الجرج
وشاف تليفون غريب وشاف مسجاته ومن الارقام والمسجات عرف انه تلفون بنت وقبل مايرده مكانه على الكمدينه رن تلفون لان الرسالة وصلت (وياه فضول انه يعرف شو هي الرسالة) وبطلها ولقاها من واحد اسمه عادل واستغرب وقال باجر بسال تليفون منو هذا اسير ارقد الحين ابركلي
في بيت أبو أحمد
الهنوف يالسة في حجرتها تفكر ليش حامد قال سيري لحقي على أختج لا تشل محمد عنج
في حجرة مريوم وفطوم
مريوم: ما أصدق ان باجر بنسير العزبة
فطوم: مادري احس أن مصيبة بتستويلي.. اوه نسيت أدق حق شماني (شمة ربيعت فطوم بالروح وهي كانت معها من أول ثانوي وهي بتدخل هندسة (
راحت فطوم تييب تلفونها من شنطتها بس ما حصلته
فطوم : شفتي وين تلفوني
مريوم : لا
فطوم : وينه ياربي ...يوووه صح نسيته في حجرة حامد يلا مش مشكلة بقول حق ميثانة تييبه وياها باجر
وتموا يسولفون شوي وبعدين قامت مريوم ترقد وفطوم يلست على النت
وفي اليوم الثاني
في شركة العايلة
أبو أحمد: لو سمحت علي خل خليفة اييني المكتب الحين
علي :انشا الله استاذ محمد ( علي يستوي سكرتير أبو أحمد (
دق علي حق استاذ خليفة
علي : السلام عليكم استاذ خليفة
خليفة:وعليكم السلام والرحمه
علي : استاذ خليفة الاستاذ محمد يباك ضروري الحين
خليفة: أوكي الحين ياي
سار خليفة عند أبو أحمد وقبل ما يدخل دق الباب
أبو احمد : تفضل
خليفة :السلام عليكم هلا عمي بغيت شيء
أبوأحمد: وعليكم السلام تفضل ايلس أخبارك واخبار الشغل معاك وينك محد يشوفك
خليفة: موجود عمي بس تعرف الشغل ما يخلص
أبو أحمد : أنا اليوم أفرجت عنكم لأن بنسير العزبة فلا تقولي وراك شغل وماتي
خليفة:أفا عليك عمي بتلقاني اول الواصلين هناك
أبومحمد : انزين بنشوف اليوم .. أقول خليفة شو سويتو بمشروع خالد الفلاحي
في بيت أبو أحمد
غرفة فطوم ومريوم
فطوم : خيبة طالعي عيوني كيف منفخات من كثر الرقاد بسير أجحلهن
مريوم : أقول روحي جحليهن بجحال لا عيوب بعد اليوم
فطوم : هههههههههه سخيفة شو في عيونج قبل ما ترمسين
مريوم : والله يحيهن مش نفسج على الأقل مش سهرانة على النت لين الفير نفسج
فطوم : قومي يلا ننزل تحت أبرك لي من مجابلت ويهج
مريوم : يا هالويه أصلا أنا كنت بنزل عشان ما تلوع جبدي من مجابلتج
فطوم : دخيلج عاد أنا ميته على مجابلت ويهج
مريوم : يلا يلا قومي وبسج من الطنازة
في بيت أم جمعة
أم جمعة ادق تلفون حق بيت أبو أحمد وفي ابو أحمد ام أحمد تزاقر على البشكارات عشان يردن على التلفون بس محد رد عليها
أم أحمد : اوووف وين طسن هذيلا
راحت ترد على التلفون
أم جمعة : مرحبا الغالية
أم أحمد : مرحبتين عمتية شحالج
أم جمعة : بخير يسرج الحال شحالج انتي وشحال ولديه
أم أحمد : الحمد الله يسرج الحال شو اصبحتي عمتية انشاء الله بخير
أم جمعة : الحمد لله يا الغالية يوم بنسير العزبة اليوم عند حلالي بصير احسن عن قبل .. قولي حق محمد ان اليوم بنطلع الساعة خمس صوب العزبة
أم أحمد : انشاء الله من عيوني
أم جمعة : تسلملي عيونج يا الغالية ماتامريني بشيء
أم أحمد : لا عمتيه سلامتج بنتجمع عندج الساعة خمس العصر
أم جمعة: يلا برايج فديتج عشان ادق حق ام مبارك فداعة الله
أم أحمد :فداعة الله
ودقت أم جمعة حق أم مبارك وقالتلها ان الساعة خمس يتجمعون عند ام جمعة
|